Rusiya hökumətinin rəhbəri Mixail Mişustin, arxiv şəkli

COVID-19, milli layihələr, hökumətin işi - Mişustin əsas suallara cavab verdi

1637
(Yenilənib 18:17 23.07.2020)
Rusiyanın Baş naziri Mixail Mişustin "Rossiya 24" telekanalına müsahibəsində uşaqlıqda kim olmağı arzuladığından və necə Rusiya hökumətinin başçısı təyin olunduğundan danışıb.

BAKI, 23 iyul — Sputnik. Rusiyanın Baş naziri Mixail Mişustin "Rossiya 24"telekanalına müsahibəsində bildirib ki, alimlər COVID-19-un ikinci dalğasının ilkin işartılarını hələ müşahidə etməyiblər.

Hökumət başçısı hesab edir ki, həkimlərin və "Rospotrebnadzor"un tövsiyələrinə əməl etməklə yanaşı, ümid etmək olar ki, bu, baş verməyəcək.

"Hazırda ölkə üzrə koronavirus xəstəliyinin azalması qeydə alınır. Özü də virusun yayılması ilə yanaşı, onun virulentliyi də azalır", - deyə o vurğulayıb.

COVID-19-a necə yoluxduğu barədə suala cavab verən Baş nazir qeyd edib ki, "virus vəzifəni seçmir", çox təhlükəlidir və hələ də infeksiyaya necə yoluxduğu bilmir. "Mən koronavirusa necə yoluxduğumu bilmirəm, bunu tam səmimiyyətlə deyirəm", - deyə o əlavə edib.

Rusiyada epdimioloji vəziyyət
© AP Photo / Alexander Zemlianichenko

Mişustin özünün sağalma prosesinin asan getmədiyini deyib: xəstəlik yüksək hərarətlə müşayiət olunurdi. Bununla yanaşı, o qeyd edib ki, həkimlər onun sağalmasında böyük rol oynayıblar və tibb işçilərinə gördükləri işlərə görə minnətdardır.

Baş nazir həmçinin bildirib ki, uşaqlıqdan tibb işçilərinə çox həssaslıqla yanaşıb və hətta tibb institutuna daxil olmaq istəyib.

"Mənim anam uzun illər təcrübəsi olan tibb bacısıdır. Və həkimlərə uşaqlıqdan çox həssas yanaşıram, çünki məni həmişə ağ xalatlı insanlar - onun (anasının-red.) dostları, tanışlarıdır əhatə edib. Bundan başqa, mən hətta sizə deyim ki, vergi xidmətində işləməzdən əvvəl tibb institutuna daxil olmağa hazırlaşırdım. Hətta belə bir fikir ağlıma gəlmişdi", - deyə o, keçmiş arzularını jurnalistlərə bölüşüb.

Baş nazir postuna necə gəldiyindən danışankən Mişustin bildirib ki, bu vəzifəni tutmaq təklifini ona prezident özü edib.

"Hökumətdə işləmək təklifini mənə Rusiya prezidenti Vladimir Vladimiroviç Putin edib və bu mənada, əlbəttə ki, əsas diqqət onun yanvar müraciətində səsləndirdiyi tədbirlərin icrasına yönəldilib", - deyən baş nazir pandemiyanını bu tədbirlərə öz düzəlişini etdiyini qeyd edib.

Mişustin həmçinin deyib ki, burada vacib məqam Rusiyanın bu çətin mərhələni dünya üzrə nəticələrə görə ən yaxşı keçən ölkələrdən biri olmasıdır.

Onun fikrincə, pandemiyadan əvvəl büdcəyə daxil olan vəsaitlər Rusiyada sabitliyə zəmanət verir. Koronavirus iqtisadi artımı yavaşladıb, bütün səviyyələrdə gəlirləri azaldıb, çox sayda insan və şirkətə əhəmiyyətli ziyan vurub, amma "təhlükəsizlik yastığı" mövcuddur.

"Hamını əmin etmək istəyirəm ki, makroiqtisadi sabitlik, indiyədək bütün səviyyələrdə Rusiya büdcəsinə toplanmış gəlirlər bizə özümüzü çox rahat hiss etməyə imkan verir", — deyə hökumət başçısı vurğulayıb. Əlavə edib ki, epidemiya dövründə hakimiyyət bir çox müəssisələrin işini məhdudlaşdırsa da, daha çox zərər çəkmiş sahələrə dəstək tədbirləri həyata keçirilib.

Qızıl-valyuta ehtiyatlarına toxunarkən baş nazir deyib ki, onlar Rusiyada sabitdir: indi bu, təxminən 570 milyard dollardan çoxdur.

Mişustin, həmçinin daxili turizmin inkişafı üzrə Milli layihənin payızda təqdim olunacağını da diqqətə çatdırıb. Onun sözlərinə görə, turizm çox vacib istiqamətdir, "Turizm" milli layihəsi isə bu gün pandemiyanın da qarşıya qoyduğu çağırışlara cavabdır.

Hökumət başçısı strateji milli məqsədləri və milli layihələri təmin etmək üçün Rusiyada kifayət qədər vəsaitin olduğunu da söyləyib.

Rusiya Prezidenti Vladimir Putin və Türkiyə Prezidenti Rəcəb Tayyib Ərdoöan, arxiv şəkli
© Sputnik / Aleksey Nikolskiy

"Burada narahat olmaq lazım deyil, müvafiq olaraq, prezidentin bu yaxınlarda imzaladığı 2030-cu ilə qədər bütün strateji milli hədəfləri və bizim məşğul olduğumuz milli layihələri təmin etmək üçün kifayət qədər vəsait var", - deyən baş nazir əlavə edib ki, görülən bütün tədbirlər çox dəqiq olub və öz nəticələrini verib.

Hökumətin işindən danışan Mişustin qeyd edib ki, hökumət üzvləri, Baş nazirin müavini bəzən ölkədə vəziyyətdən asılı olaraq gecə-gündüz işləyirlər.

"Bu gün bizim hökumət komandamız ölkədə daha asan olsun deyə, ilk növbədə özünün əsas funksiyası olan insanlara xidməti həyata keçirməyə və dövlətin bütün xidmətlərini insan amili ətrafında qurmağa çalışır", - deyə o əlavə edib.

Bununla yanaşı, Baş nazir ümid edir ki, onun gələcəkdə hətta idmanla da məşğul olmağa çoxlu boş vaxtı olacaq.

"Hər şeyin öz vaxtı var...Ümid edirəm ki, vaxtımız daha çox olacaq və biz, əlbəttə, idmanla məşğul olmaq imkanlarından da istifadə edəcəyik", - deyə Mişustin bildirib.

1637
Sputnik V peyvəndi, arxiv şəkli

"Rusiya pul dalınca qaçmır": Avropada "Sputnik-V" peyvəndinin müdafiəsinə qalxdılar

18
(Yenilənib 17:59 18.01.2021)
Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

BAKI, 18 yanvar — Radio Sputnik. Rusiya koronavirus pandemiyasının qarşısını almağa qadir dərman hazırlayıb; "Monde diplomatique" fransız qəzetinin ispan nəşrinin yazdığına görə, Qərbdə rus elmi ilə bağlı cəhalət hökm sürür.

"Qərbin "Sputnik-V" peyvəndinin yaradılmasına laqeyd və şübhəli yanaşması Rusiyanın elmi ənənələri haqqında məlumatsızlıqdan irəli gəlir. "Dil, mədəni və siyasi fərqliliklərdən qaynaqlanan bu cəhalət Rusiyadakı təşəbbüslərə şübhə ilə yanaşır", – deyə jurnalist vurğulayır.

O qeyd edib ki, preparatın işlənib-hazırlanması Rusiyadakı elmi axtarışların bütöv bir tarixi elmi inkişaf zəncirinin nəticəsidir. Jurnalistin sözlərinə görə, Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

"ABŞ və Avropa Şurası kimi əczaçılıq laboratoriyalarının öz dərmanlarına astronomik qiymətlər qoyduğu ölkələrdən fərqli olaraq, Rusiya pul dalınca qaçmır", – deyə Federiko Kusko qeyd edir.

Onun sözlərinə görə, hazırda müxtəlif ölkələrdə "Sputnik-V" ilə bağlı geniş yayılmış bu cür şübhələr 50 ildən sonra heç kimin yadına düşməyəcək.

18
Xankəndi şəhərinə mənzərə, arxiv şəkli

Ermənistan rəsmilərinin Qarabağda siyasiləşmiş bəyanatları gərginlik yaradır

17
(Yenilənib 16:29 18.01.2021)
"Ona görə də biz indi Azərbaycan və Ermənistan rəhbərliyi arasında əlaqənin yaranmasına, inam atmosferinin yaranmasına xüsusi önəm veririk".

BAKI, 18 yanvar — Sputnik. "Ermənistan rəsmilərinin Qarabağda siyasiləşmiş bəyanatları gərginlik yaradır. Məncə, bundan qaçmaq daha yaxşı olardı". Sputnik Azərbaycan xəbər verir ki, bunu Rusiyanın Xarici İşlər naziri Sergey Lavrov 2020-ci ilin yekunlarına dair keçirdiyi mətbuat konfransında bildirib.

"Biz artıq 44 günlük müharibədən öncə Qarabağdan və ya Qarabağla bağlı verilən emosional bəyanatlara şahid olmuşuq: "Yeni müharibə - yeni ərazilər". Bilirsiniz necə? Söz material gücə çevrilir. Bu halda müxtəlif tərəflərdən sözlər neqativ material gücə çevrildilər. Ona görə də biz indi Azərbaycan və Ermənistan rəhbərliyi arasında əlaqənin yaranmasına, inam atmosferinin yaranmasına xüsusi önəm veririk. Mən ümid edirəm ki, emosiyalar ikinci plana keçiriləcək", - deyə Lavov qeyd edib.

17
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0