Pasiyentə iynə vurulması, arxiv şəkli

Dünyada ilk koronavirus vaksininin sınağı bitdi

546
Rusiya ilk koronavirus vaksininin sınağının bitdiyini elan edib. Tədqiqatı aparan universitet və institutun rəhbərləri könüllülərin durumunu izah ediblər

BAKI, 12 iyul — Sputnik. Seçenov Universitetində koronavirus əleyhinə dünyada ilk vaksinin sınaqları uğurla başa çatıb, könüllülərin ilk qrupu artıq çərşənbə günü evə yazılacaq.

Sputnik Azərbaycan RİA Novosti-yə istinadən bildirir ki, bu barədə Seçenov Universitetinin Tibbi Translyasiya və Biotexnologiyalar İnstitutunun direktoru Vadim Tarasov deyib. 

Rusiya Müdafiə Nazirliyi iyunun 18-də Seçenov Universitetində Qamalei adına Milli Epidemiologiya və Mikrobiologiya Mərkəzinin hazırladığı koronavirus əleyhinə peyvəndin sınaqlarının keçiriləcəyini bildirmişdi.

“Seçenov Universiteti könüllülər üzərində dünyada ilk koronavirus vaksininin sınağını uğurla tamamlayıb”, - Tarasov deyib.

Tibbi Parazitologiya, tropik və transmissiv xəstəliklər İnstitutunun direktoru Aleksandr Lukaşev RİA Novosti-yə bildirib ki, tədqiqatın bu mərhələsinin vəzifəsi vaksinin insan sağlamlığına təhlükəsizliyini göstərmək idi və buna da nail olundu.

Könüllülər iki qrupa bölünüblər – birincilərə bir, ikincilərə iki doza vaksin vurulub. Lukaşevin sözlərinə görə, peyvənddən sonrakı ilk günlərdə hərarətin qalxmasından başqa onlarda heç bir neqativ reaksiya müşahidə olunmayıb, hamısı özünü əla hiss edir.

Öz növbəsində Tarasov qeyd edib ki, könüllülər uzun müddət təcriddə saxlanılıb, xarici mühitlə əlaqələri hələ sınaqlardan əvvəl dayandırılıb ki, koronavirusa yoluxma halları istisna edilsin.

Tarasovun sözlərinə görə, uzunmüddətli təcrid könüllülərin psixoloji durumuna təsir edib. Tədqiqat zamanı münaqişəli situasiyalar yaranıb, emosinal gərginlik artdığından işə psixoloqlar cəlb edilib ki, çətin şəraitdə yaranan gərginliyi azaltsınlar.

Ancaq o deyir ki, yaxın günlərdə könüllülər adi həyatlarına dönə, idmanla məşğul ola, təhsil ala, işə gedə  bilərlər. İyulun 15 və 20-də evə yazıldıqdan sonra onların səhhəti tibb işçilərinin nəzarətində olacaq, həkimlər onların immunitetinin “özünü necə apardığını” öyrənəcəklər. 

Vaksinin sonrakı hazırlanma planı artıq onu düzəldənlərin strategiyası, eləcə də virusla bağlı epidemioloji situasiya və istehsalın mümkün miqyası ilə təyin olunacaq, Lukaşev deyib.

“Seçenov Universiteti pandemiya şəraitində təkcə maarifləndirici müəssisə deyil, həm də dərman preparatları kimi vacib və mürəkkəb məhsulların yaradılmasında iştirak edən elmi-texnoloji mərkəz kimi özünü göstərdi. Biz bu vaksinlə hələ kliniki tədqiqatlardan və protokolun hazırlanmasından öncə də işləyirdik, indi isə kliniki tədqiqatları aparırıq”, - Tarasov deyib.

Lukaşev isə əlavə edib ki, koronavirus infeksiyası əleyhinə vaksinin təhlükəsizliyi kliniki sınaqlar vasitəsilə təsdiq olunub.

“Bu mərhələdə vaksinin təhlükəsizliyi sübut olundu. O, hazırda bazarda mövcud olan vaksinlərin təhlükəsizlik səviyyəsinə uyğun gəlir”, - Lukaşev bildirib.

O qeyd edib ki, kliniki sınaqlardan öncə könüllülər hərtərəfli yoxlanılıblar, hətta onlarda koronavirusa qarşı anticisimlərin olmadığı da müəyyən edilib. Sonra onları iki həftəlik təcrid ediblər ki, yoluxmaasınlar. Bundan sonra isə immunizasiya aparılıb və tədqiqat başlanıb.

 

546
Mövzu:
Dünyanı cənginə almış bəla (417)
Əlaqədar
ÜST Rusiyadan cavab gözləyir: üç vaksinə görə əməkdaşlıq istəyirlər
Sonun başlanğıcı – Koronavirus vaksininin vurulduğu könüllülər ilk dəfə danışdılar
Vaksin yarışı: Çin ikinci koronavirus peyvəndini hazır etməyə tələsir
ÜST Rusiyanın COVID-19 vaksini ilə maraqlanıb
Rusiya koronavirus vaksininin sınaqlarının yekun mərhələsinə başlayıb
Tavada yemək, arxiv şəkli

Mif dağıdıldı, yeyin-için, kef edin...

171
(Yenilənib 08:24 14.08.2020)
Dietoloqun fikrincə, az yağlı qidalar istehsalçılara fayda versə də, nişasta və şəkərin çox olması səbəbindən arıqlamaq istəyənlərə zərər verə bilər.

BAKI, 14 avqust — Sputnik. Rusiyalı dietoloq Anastasiya Çernıx bu vaxta qədər arıqlama haqqında olan mifləri dağıdacaq açıqlama verib.

Sputnik Azərbaycan Rusiya mətbuatına istinadla xəbər verir ki, onun sözlərinə görə, ən böyük səhv ac qalmaqla arıqlamağın mümkün olacağını düşünməkdir.

"Biz acdığımız zaman maddələr mübadiləsi daha yavaşlayır, orqanzim stress vəziyyətində ehtiyat enerjiyə keçir. Bu zaman çəkinin düşməsi isə, əzələ kütləsi və suyun itirilməsi ilə bağlı olur. Yağ kütləsi dəyişilməz olaraq qalır" - o qeyd edib.

İkinci dağıdılmış mif isə axşam saat 6-dan sonra qidalanmamaqla bağlıdır.

Həkim bildirib ki, belə qidalanma rejimi hər kəsin orqanizminə uyğun olmaya və artıq qadağa orqanizmə zərər vura bilər: "Ən əsası axşamlar asanlıqla həzm oluna bilən protein tərkibli qidaların qəbul edilməsidir. Məsələn, balıq və nişastalı olmayan tərəvəzlər: pomidor, xiyar, bibər yemək olar".

Dietoloqun fikrincə, az yağlı qidalar istehsalçılara fayda versə də, nişasta və şəkərin çox olması səbəbindən arıqlamaq istəyənlərə zərər verə bilər.

Mütəxəssis qeyd edib ki, sağlamlığına zərər vermədən arıqlamaq istəyən şəxslər dietoloqa müraciət etməli, müayinədən keçməli və tələb edilən analizləri verməlidir.

171
Teqlər:
dietoloq, dieta
Orion-E pilotsuz uçuş aparatı, arxiv şəkli

Rusiya 2021-ci ildə uzaqmənzilli zərbə dronları alacaq - General Dronov

15
(Yenilənib 23:01 13.08.2020)
Yaxın gələcəkdə müharibələrinin gedişi və nəticəsi bu gün intensiv şəkildə formalaşan və təkmilləşən süni intellektli döyüş robotlarının effektivliyindən asılı olacaq.

BAKI, 13 avqust — Sputnik, Aleksandr Xrolenko, hərbi şərhçi. Rusiyanın Aerokosmik Qüvvələri (AKQ) 2021-ci ildən çox məqsədli zərbə dronlarını almağa başlayacaq. Bu barədə "Krasnaya Zvezda" qəzetinə müsahibəsində AKQ baş komandanının müavini Sergey Dronov bildirib. 

O qeyd edib ki, "pilotsuz aviasiyanın tətbiqinin effektivliyi Suriya Ərəb Respublikasında xüsusi əməliyyat zamanı təsdiqlənib. Pilotsuz uçan aparatlardan istifadə qanunsuz silahlı birləşmələrin obyektlərinə yüksək dəqiqliklə zərbə vurmağı təmin edib".

Rusiyanın yaxınmənzilli və ortamənzilli pilotsuz uçan aparatları pilotlu aviasiyanın imkanlarını genişləndirilmək və problemləri həll etmək üçün hələ ki "ikinci rollarda" xidmət göstərir. Pilotsuz təyyarələrin vahid informasiya məkanında hərbi pilotlarla inteqrasiyası artır və perspektivdə "ağıllı" dronlar daha çox inkişaf edəcək.

Rusiyanın çoxməqsədli pilotsuz uçan aparatları 2021-ci ildən etibarən hava kəşfiyyatını müstəqil şəkildə apara və "düşmən obyektlərini strateji dərinlikdə yüksək dəqiqliyə malik döyüş sursatları ilə vura biləcək".

General Dronov tezliklə AKQ-nin döyüş heyətinə daxil olacaq dronların "adlarını" açıqlamayıb. Lakin məlumdur ki, ağır "Oxotnik" dronu əməliyyat hazırlığına 2024-cü ilə çatacaq. Rusiyanın digər iki pilotsuz təyyarəsi isə "Altius" və "Orion" dronlarıdır.

"Orion"

Pilotsuz "Orion" 8000 metrə qədər hündürlüklərdə fəaliyyət göstərir, ən azı 24 saat yanacaq doldurmadan 250 kiloqrama qədər faydalı yüklə (aparatın çəkisi 1100 kiloqramdır) havada qala bilir. Uzunluğu 8 metr, qanadlarının uzunluğu 16 metrdir. Dron APD-110/120 porşenli mühərrik və diametri 1,9 metr olan ikiqat AV-115 pəri ilə təchiz olunub.

Döyüş tətbiqi radiusu idarəetmə prinsipindən asılıdır (yerdəki operator və ya öz proqram təminatı olmaqla). Aparat yüksək dəqiqlikli raketləri daşıya və düşmən ərazisinin dərinliklərində hədəfləri vura bilir. Dron Suriyada öz zərbə potensialını inamla reallaşdırıb. Çinin "Huanqiu Shibao" nəşrinə görə, Suriyada Rusiyanın 80-ə yaxın müxtəlif modifikasiyalı dronu yerləşdirilib.

Yayılmış videogörüntülərdən birində "Orion" Hama əyalətinin şimalındakı Zaka şəhərində yaraqlıların dayaq məntəqəsini vurur.

"Orion" zərbə dronunun (eləcə də Rusiyanın digər ağır dronlarının) raket-bomba silahları haqqında açıq mənbələrdə minimal informasiya var. Lakin fevralda "Taktiki Raket Silahları" Korporasiyasının Baş direktoru Boris Obnosov jurnalistlərə pilotsuz təyyarələr üçün yüngülləşdirilmiş arsenalın – yəni çəkisi 50 kiloqramdan 100 kiloqrama qədər olan xüsusi kiçik həcmli döyüş sursatlarının hazırlanması barədə danışıb.

"Orion" əhəmiyyətli tədqiqat və inkişaf yolunu qət edib və uğurla istismar olunur. "Orion" layihəsi 2011-ci ildə Rusiya Müdafiə Nazirliyinin sifarişi ilə başlayıb, uçuş sınaqları 2016-cı ildə, bomba silahları ilə uçuş sınaqları isə 2018-ci ildə başlayıb.

"Orion" pilotsuz uçuş aparatlarının kütləvi istehsalına 2019-cu ilin avqustunda start verilib. İstehsalçı şirkət ("Kronştadt" qrupu) bir qədər əvvəl bildirib ki, "Orion"un ixrac variantı zərbə dronu olacaq. Bu məlumat artıq Rusiyanın hərbi-texniki əməkdaşlıq sahəsində tərəfdaşlarını maraqlandırıb. Əlbəttə ki, "Orion"un uğurlu startını Rusiyanın rəqibləri də hiss ediblər.

"Altius"

Uzaqmənzilli "Altius" ağır turbovint pilotsuz uçuş aparatı avtomatik rejimdə ilk uçuşunu 2019-cu ilin avqustunda həyata keçirib. 28,5 metr qanad uzunluğu və 11,6 metr korpus uzunluğu olan bu maşın iki sutka 250 km/saat sürətlə 12 min metrə qədər hündürlüklərdə 2 tona qədər döyüş yükünü daşıya və 10 min kilometrədək məsafəni qət edə bilər. Kompozit materiallarından istifadə etməklə yaradılmış dronun öz çəkisi müxtəlif məlumatlara görə beş tondan altı tona qədərdir.

Süni intellektə malik pilotsuz "Altius" operatorun iştirakı olmadan pilotlu təyyarələrlə qarşılıqlı fəaliyyət göstərə bilər: məsələn, Su-57 qırıcısının daha güclü radarından hədəfləri almaqla.

Rusiya hərbi hava və hərbi dəniz qüvvələrini "ağıllı" və ağır "Altius" dronu ilə silahlandırmağı planlaşdırılır. Mənbələr bildirib ki, kəşfiyyat modifikasiyasında "Altius" uzaqmənzilli radiolokator və ən yeni optik-elektron avadanlıqla təchiz olunacaq. Zərbə modifikasiyası isə gəmi əleyhinə raketləri daşıya biləcək. Ən yeni pilotsuz təyyarə Ural Mülki Aviasiya Zavodunda istehsal edilir.

Böyük uçuş məsafəsi və müddəti olan dronların havada hökmranlığının artması, zərbə-kəşfiyyat dronlarının fəal tətbiqi və "intellektuallaşdırılması", hərbi mütəxəssislərin və döyüş robotlarının birgə əməliyyatlarını qaçılmaz bir tendensiyaya çevirir. Rusiya Silahlı Qüvvələrinin pilotsuz uçan aparatlarla kütləvi şəkildə təchiz edilməsi onların döyüş tətbiqi səmərəliliyini nəzərəçarpacaq dərəcədə artırmağa, potensial təcavüzkarın havada, quruda və dənizdə qarşısında maneələr yaratmağa imkan verəcək.

Bununla yanaşı Rusiya 2022-ci ildə daha bir ağır pilotsuz təyyarəni təqdim etməyi planlaşdırır. Bu, 40 saata qədər havada qalmağı bacaran "Sirius" dronudur.

"Sirius" saatda 295 km sürətlə 10 min kilometrədək məsafəni 12 min metrədək yüksəklikdə qət edə və bir ton faydalı yük daşıya bilər.

Rusiya Federasiyasının Aerokosmik Qüvvələrinin "ağıllı" kəşfiyyat-zərbə aviasiyasının inkişafı mövcud və perspektivli aviasiya vasitələrinin effektivliyini əhəmiyyətli dərəcədə artırmağa və şəxsi heyət itkisini azaltmağa imkan verəcək.

Qorxmaz və "məğlubedilməz" robotlaşdırılmış dronlar getdikcə daha çox pilotlu aviasiyanın funksiyalarını öz üzərinə götürür. Yaxın gələcəkdə müharibələrinin gedişi və nəticəsi bu gün intensiv şəkildə formalaşan və təkmilləşən süni intellektli döyüş robotlarının effektivliyindən asılı olacaq.

15
Miraj restoranı

Bu dəfə restoranın adı da kömək eləmədi, tapdılar, cərimələdilər

0
Obyektin icarədarı Yaşar Mövsümov barəsində Mingəçevir Şəhər Polis Şöbəsində toplanmış material hüquqi qiymət verilməsi üçün məhkəməyə göndərilib

BAKI, 14 avqust — Sputnik. Mingəçevir Şəhər Polis Şöbəsinin əməkdaşları tərəfindən keçirilən tədbirlərlə şəhər ərazisində xüsusi karantin rejimi qaydalarına zidd olaraq gizli fəaliyyət göstərən restoran aşkar edilib.

© AR Ministry of Internal Affairs
Yaşar Mövsümov

DİN-in Mətbuat Xidmətinin Şəki regional qrupundan Sputnik Azərbaycan-a verilən məlumata görə, şəhərin Heydər Hüseynov küçəsində yerləşən “Miraj” restoranının qaydaları pozaraq, müştəri qəbul etdiyi məlum olub. Obyektin icarədarı Yaşar Mövsümov barəsində Mingəçevir Şəhər Polis Şöbəsində toplanmış material hüquqi qiymət verilməsi üçün məhkəməyə göndərilib. Məhkəmənin qərarı ilə o, 3100 manat cərimə edilib.

 

0
Əlaqədar
Əvvəllər yeyib-içənləri tuturdular, indi onun şəklini paylaşanları
Dağ kəndində karantin rejimini pozan kafe aşkarlanıb
İcazəsiz Qusara istirahətə gələn 18 nəfər cərimələnib
Üç yüz manat xeyir götürəcəkdi, 15 günlük həbsə düşdü - FOTO
Baba nəvəsinə ad günü təşkil etdi, qonaqlar hədiyyə əvəzinə cərimə ödədilər