Admiral Qriqoroviç freqatı

Rusiya gəmiləri üçün unikal müdafiə: 500 milyon dollar azadlığın yanında heç nədir

7348
(Yenilənib 02:11 17.06.2020)
Qayıqəleyhinə müdafiəni gücləndirən unikal kompleks gəminin döyüş dayanıqlılığını xeyli artırır. Və silahlanmanın bu prinsipcə yeni növü 22350 layihəsinin “Admiral Kasatonov” freqatının “portretini tasmamlayan” cizgilərdən ancaq biridir

BAKI, 17 iyun — Sputnik, Aleksandr Xrolenko, hərbi şərhçi. Rusiyada gəmi tikintisi yeni vüsət alır. Buna NATO blokunun aktivləşməsinin təsiri də az deyil. Ölkənin Dünya okenındakı maraqlarının qorunması üçün geniş spektrli məsələlərin öhdəsindən gələcək və məhdudiyyətsiz məsafə qət edərək uğurlu döyüş apara biləcək 22350 layihəli uzaq dəniz mənzilli raket gəmiləri tikilir. 

22350 layihəsinin ilk seriya “Donanma Admiralı Kasatonov” freqatı Şimal və Baltika donanmalarında sınaqları ləyaqətlə keçdi. 2020-ci ilin iyul ayının əvvəlində artıq Rusiya HDQ-nin sərəncamına veriləcək. Elə bu layihəyə daxil gözəgörünməz raket gəmiləri seriyasının peyda olması donanmanın imkanlarını keyfiyyətcə irəli aparacaq.

Freqat 16 ədəd qanadlı, düşmənin gəmilərini və sahil zolağını viran qoymağa qadir “Oniks” və ya “Kalibr-NK” raketləri ilə təchiz olunub. Göyərtədə həmçinin “Redut” zenit-raket kompleksi, A-192 artilleriya qurğusu, “Paket-NK” qayıqəleyhinə zərbə kompleksi və qayıqəleyhinə Ka-27 vertolyotu da yerləşdirilib. Korpusu görünmə dərəcəsinin azaldılması texnologiyasının tətbiqi ilə işlənib və potensial rəqibə onu RLS vasitəsilə aşkarlamaq çox çətin olacaq.

Güclü, uzaq dəniz mənzilli “Admiral Kasatonov” freqatı suüstü gəmi və sualtı qayıqların axtarılması və məhv edilməsi, gəmi və qayıqların hava, raket, qayıq hücumundan müdafiəsi, dəniz desantları ilə qarşılıqlı fəaliyyət, mülki gəmilərin və istehsal obyektlərinin qorunması üçün nəzərdə tutulub. Gəminin subasımı 5 min ton, uzunluğu 135, eni 16 metrdir. 65 min at gücünə sahib əsas enerji qurğusu 30 dəniz mili qədər sürət yığmağa kömək edir. Üzmə məsafəsi 4500 mil, avtonomluğu 30 sutka, heyəti 170 nəfərdir. 

Bu layihənin baş freqatı “Sovet İttifaqı Donanması Admiralı Qorşkov” Şimal donnmasının 43-cü raket gəmi diviziyasının tərkibinə 2018-ci ildə daxil olub və okean səfərlərində özünü yaxşı cəhətdən göstərə bilib. Süveyş və Panama kanalları da daxil olmaqla 35 min dəniz mili uzunluqdakı marşrutu keçərək dünya ətrafında dövr edib (2019-cu il fevralın 26-dan avqustun 19-dək).

22350 layihəsinin daha iki freqatının tikintisinə iyunun sonunda “Şimal gəmiqayırma zavodu”nda başlanması planlaşdırılır. Seriya freqatlarından ikincisi “Admiral Qolovko”nun tikintisi davam edir (mayda suya buraxılıb). 

Layihəni “Sovet İttifaqı Donanması Admiralı İsakov”, “Admiral Amelko” və “Admiral Çiçaqov” gəmiləri davam etdirəcək. 

Unikal silahlanma

Dövlət səviyyəsində sınaqlar zamanı “Admiral Kasatonov”un bütün layihə xarakteristikaları: gəmi mexanizmlərinin, RLS və REM sistemlərinin, göyərtə silahlarının bütün kompleksinin, atoməleyhinə müdafiə avadanlığının işi, eləcə də sualtı qayıqlar və aviasiya ilə texnoloji zəncirlər və qarşılıqlı fəaliyyət alqoritmləri yoxlanılıb. Mərhələlərin birində, iyunun 3-də freqata doğru təlim torpedası buraxılıb, bu zaman “Admiral Kasatonov”un heyəti müdafiə olunmaq üçün “Paket-NK” kompleksinin antitorpedasından uğurla istifadə edib.

Gəmilərin HHM atmosfer sistemini xatırladan sualtı müdafiə sisteminin dünyada analoqu yoxdur. “Paket-NK” kompleksinin tərkibindəki antitorpeda suyun altında təxminən 50 km/saat sürətlə hərəkət edir. Antitorpedanın hədəfi vurma dəqiqliyi ətalət sistemi və akustik aktiv-passiv tuşlama sistemi sayəsində əldə olunur. 

80 kq trotil ekvivalentli partladıcı-fuqas döyüş başlığı kontaktsız partladıcı ilə təchiz olunub və potensial rəqibin torpedalarını bütün işçi dərinliklərdə uğurla vurmaq gücünə malikdir.

“Paket-Nk” qayıqəleyhinə kompleksi sualtı qayıqların və gəmiyə (və ya submarinaya) yaxın zonalarda torpedaların məhv edilməsi üçün nəzərdə tutulub. O, idarəetmə sistemi, xüsusiləşdirilmiş hidroakustik hədəftəyinetmə stansiyası, atəş qurğusu və kiçik qabaritli, iki variantda - qayıqəleyhinə istilik torpedaları və antitorpedalardan ibarətdir.  “Paket” müstəqil olaraq, yaxud da qayıqəleyhinə və torpedadan müdafiə sisteminin tərkibində, avtomatik rejimdə gəminin hidroakustik kompleks və stansiyalarının məlumatları əsasında hədəf təyin etməyə qadirdir.

Gəmiyə doğru buraxılmış torpedaların avtonom surətdə aşkarlanması, onların hərəkət parametrlərinin və təsnifatının təyin olunması ikiqat müdafiəni təmin edir. Modul tipli atəş qurğusu qarşıya qoyulan məqsəddən asılı olaraq  kiçik qabaritli istilik torpedaları və antitorpedaları müxtəlif kombinasiyalarda tətbiq etməyə imkan verir. “Paket-NK” kompleksinin konstruksiyasında silahın aqressiv mühitdə uzunmüddətli istifadəsi və gözlənilməz hidroloji şəraitdə tətbiqi xüsusiyyətləri nəzərə alınıb.

Qayıqəleyhinə müdafiəni gücləndirən unikal kompleks gəminin döyüş dayanıqlılığını xeyli artırır. Və silahlanmanın bu prinsipcə yeni növü 22350 layihəsinin “Admiral Kasatonov” freqatının “portretini tasmamlayan” cizgilərdən ancaq biridir.

Böyük işlərin astanasında

Donanma bayrağının qaldırılacağı tarixə sayılı günlər qalıb, sonra isə möhtəşəm və gözəl gəmini onillər boyu gərgin xidmət dövrü gözləyir. “Admiral Kasatonov”un taleyi uğurlu görünür. Freqatı kifayət qədər tez tikdilər, özünü də rus “ürəyi” - Rıbinskdəki “Saturn” EİB-in hazırladığı M-55P dizel-qaz-turbin aqreqatı ilə təchiz elədilər (bu isə Rusiya hərbi sənaye kompleksinin ukraynalı istehsalçılarla münasibətlərinin kəsilməsindən sonra böyük əhəmiyyət kəsb edir).

Onun təntənəli suya salınma mərasimi 2014-cü il dekabrın 12-də baş tutub. Özü də orada Vladimir Afanasyeviç Kasatonovun oğlu, admiral İqor Kasatonov da iştirak edib, bu cür uğur hər gəmiyə nəsib olmur. 

Müqayisə üçün deyim ki, 22350 layihəsinin uzaq dəniz zonası gəmilərinin baş freqatının tikintisi SSRİ dağılandan sonra “texnoloji pauza” səbəbindən çətinləşmişdi. 2010-cu ildə suya buraxılmış “Sovet İttifaqı Donanması Admiralı Qorşkov” freqatı Rusiyanın gəmiqayırma zavodlarında 21-ci əsrdə tikilmiş ilk iri suüstü hərbi gəmi (faktiki olaraq birinci ranq gəmisi) oldu.

Əvvəlcə Rusiya MN 20 bu cür gəmi (hər donanmaya beş ədəd) tikməyi planlaşdırırdı. Mütəxəssislərin rəyincə, 22350 layihəsinin freqatı təxminən 400 milyon dollardır. İndi hazırlanmaqda olan ən yeni silahları da nəzərə alsaq, qiymət 500 milyon dollaradək arta bilər. Bahadır, amma təhlükəsizliyin və suverenliyin qiyməti də ucuz olmur.

7348
Əlaqədar
Rusiya Qara dənizə tam nəzarət edir
Rusiyanın beşinci nəsil qırıcıları sınaqlardan üzüağ çıxıb
“Sarmat” uçmağa hazırlaşır: yeni “Şeytan” Rusiyanın nəyinə lazımdır?
Türkiyə ikinci S-400 alayını alacaq. "Patriot" və "Eurosam" sual altındadır
Niyə T-15 "Armata" dünyanın ən yaxşısıdır?
Tibb işçidi dərman göstərir, arxiv şəkli

Vəssalam! Koronavirusun dərmanına patent aldılar

310
(Yenilənib 23:40 06.08.2020)
Dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər

BAKI, 6 avqust — Sputnik. Rusiya Federal Tibbi-Bioloji Agentliyi (FTBA) koronavirusu dəf etməyə və ya fəsadlarını aradan qaldırmağa kömək edən dərmana patent alıb.

Sputnik Azərbaycan RİA Novosti-yə istinadən bildirir ki, dərmanın adı “Leytragin”dir (Лейтрагин).

"Rusiya FTBA COVID-19-a qarşı preparatı patentləşdirdi. Bu praktik tibbə daxil olan, delta-opioid reseptorlarının dünyada ilk və hələlik yeganə aqonistidir", - agentliyin məlumatında deyilir. 

FTBA-nın biotibbi texnologiyalar elmi mərkəzinin alimləri müəyyən ediblər ki, ilkin adı "dalargin" olan dərman toxumaların sağalması və regenerasiyası proseslərində aktiv iştirak edir. Bundan başqa, bu sinfə daxil olan maddə immun cavabının təşkilində də aktiv rol oynayaraq koronavirus infeksiyası olan xəstədə ağır respirator və ümumi sistem pozulmalarına gətirib çıxaran "sitokin hücumunun" - iltihab yaradan maddələrin təsiri azalda, yaxud da onu dəf edə bilir. 

Qeyd edək ki, dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər. Məsələn, avqustun 2-də Rusiyanın “Vektor” dövlət elmi mərkəzi koronavirus əleyhinə peyvəndin noyabrda istehsalını planlaşdırdığını bəyan edib. Mərkəzin rəhbəri Rinat Maksyutov “Rossiya-1” telekanalına müsahibəsində deyib ki, ilin sonuna, gələn ilin əvvəlinə, ən azı, risk qrupundan olunanların vaksinasiya olunmasından, sonra isə kütləvi peyvənddən danışmaq olar.
Avqustun 1-də Rusiyanın Səhiyyə naziri Mixail Muraşko bildirib ki, rusiyalılar üçün koronavirus əleyhinə vaksin pulsuz olacaq.

310
Teqlər:
Rusiya, dərman, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Cihazlar, geyim, dərman, qida... - Hər şey onların təminatından başlayır
Dövlət hesabına dərman alan xəstələr saatlarla xəstəxana qarşısında gözləyirlər - Deputat
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Koronavirusla mübarizədə yeni preparat tapıldı – 90 faiz effektivlik göstərib
Ev şəraitində müalicə alanlar, tövsiyəyə əməl edin
Ekronaplan Lun, arxiv şəkli

"Xəzər canavarı"nın dirçəlişi: olmaq, ya da olmamaq

30
(Yenilənib 19:57 06.08.2020)
Ekranoplanlar SSRİ donanması üçün düşmən gəmilərini məhv etməyin vasitəsi kimi yaradılıb. "Lun" ekranoplanının ilk uçuşu 1985-ci ildə baş tutub.

BAKI, 6 avqust — Sputnik, Aleksandr Xrolenko, hərbi şərhçi. Ağır döyüş ekranoplanları yaxın zamanlarda Rusiyanın Hərbi Dəniz Qüvvələrinə qayıdacaq – ən yeni variantda, qanadlı raketlərlə. Onlar həm doğma sahillər yaxınlığında, həm də planetin ən ucqar regionlarında, istənilən iqlim şəraitində, baza infrastrukturu olmadan fəaliyyət göstərə biləcəklər.

Dünyada yeganə Rusiya istehsalı olan "Lun" raketli ekranoplanı iyulun 31-də Kaspiysk şəhərindən Dərbəndə yola düşüb.

34 il bundan əvvəl Nijni Novqorodda tikilmiş "Lun" ekranoplanı uzun müddət sınaqdan keçirildikdən sonra 1991-ci ildə sınaq istismarı üçün Xəzər Donanmasına təhvil verilib. "Lun" ekranoplanı 903 layihəsi çərçivəsində qalan yeganə ekranoplandır. Amma ekranoplanlar tarixə qovuşmadılar.

Yüksək sürəti (500 km/saat) və aşağı uçuş hündürlüyü (7-10 metr) sayəsində, raket daşıyıcı ekranoplanlar minlərlə kilometr məsafəni radara görünmədən qət edərək gözlənilməz istiqamətlərdən düşmənin hərbi-dəniz bazalarına və ya təyyarə hücum qruplarına yaxınlaşa və zərbə vura bilər.

Yeni ekranoplanlar hərbi dəniz donanmasının döyüş imkanlarını genişləndirməyə imkan verəcək. Bir müddət əvvəl Rusiya Hərbi Dəniz Donanmasının Gəmiqayırma İdarəsinin rəisi, 1-ci ranq kapitanı Vladimir Tryapiçnikov bəyan edib ki, ekranoplanların inkişafı 2050-ci ilədək gəmi tikintisi proqramına daxil ediləcək. Rusiya Müdafiə Nazirliyi yeni ekranoplanların yaradılması üçün taktiki-texniki tapşırıq formalaşdırıb, təcrübə-konstruktor işləri aparılır. İlkin məlumatlara görə, yeni ekranoplan 2022-ci ildə havaya qalxacaq.

Mediada "Xəzər canavarı"nın (Qərbdə bu ekranoplanı böyük ölçülərinə və fantastik zahiri görünüşə görə belə adlandırıblar) dirçəlişi fəal şəkildə müzakirə olunur. Nə ABŞ-ın "National Interest", nə də Çinin "Sohu" nəşri mövzudan yan keçib.

Elmi-texnoloji və istehsalat bazası mövcuddur – Rusiya çoxməqsədli ekronoplanların inkişafında Qərb ölkələrini xeyli qabaqlayıb. Belə ki, "Lun" hələ 29 il əvvəl yaxşı uçurdu və raket atışlarını həyata keçirirdi. 1990-cı illərin sonlarından ABŞ-da layihələndirilən və yükgötürmə qabiliyyəti 1200 ton olan "Boeing Pelican" yük ekranoplanı isə (17 ədəd "Abrams" tankını daşımaq üçün nəzərdə tutulub) hətta prototip şəklində istehsal edilməyib.

Bəs bu gün Rusiya Hərbi Dəniz Donanmasının döyüş ekranoplanlarının dirçəldilməsi perspektivləri necədir?

Xüsusiyyətləri

Çoxməqsədli ekranoplanlar yaxın gələcəkdə yeni yüksək dəqiqlikli qanadlı və hipersəs raketlərin, pilotsuz zərbə təyyarələrinin, elektromaqnit topların, ağır torpedaların yaradılması və tətbiqi üçün əsas ola bilər.

Zərbə ekranoplanları çevik reaksiya vasitəsi kimi Rusiyanın qütbarxası zonasını səmərəli şəkildə patrul edə bilər.

Desant (yük) modifikasiyasında bu aparatlar hərbi qulluqçuları silah və zirehli texnika ilə birlikdə əhəmiyyətli məsafəyə operativ şəkildə çatdırmağa imkan verəcək. Yeni ekranoplanlar düşmən radarları üçün demək olar ki, görünməzdir, səmərəliyi və yükgötürmə qabiliyyətinə görə təyyarə və helikopterlərdən, sürət baxımından isə hava yastıqlı gəmilərdən üstündür. Ekranoplanlar gücünü münaqişə zonasından uzaq məsafədə ("Çayka-2" – 5000 km-ə qədər) göstərə bilir və döyüşdə Rusiyanın imkanlarını artırmağa kömək olur.

"National Interest" nəşrinin məlumatına görə, yeni A-050 "Çayka-2" ekranoplanı "Xəzər canavarı"nın reinkarnasiyasıdır və Arktika da daxil olmaqla, sahilyanı ərazilərdə sərnişinlərin (100 nəfərə qədər) və yüklərin daşınması üçün (Alekseyev adına Nijni Novqorod Mərkəzi Konstruktor Bürosunda) yaradılır. Müxtəlif yükgötürmə qabiliyyətinə malik "qanadlı gəmilərin" bütöv bir seriyası yaradılır. Onlar 2022-ci ildən gec olmayaraq səmaya qalxacaqlar.

Bir müddət əvvəl isə Çin öz ordusu üçün bir neçə "Çayka" ekranoplanının alınması ilə bağlı danışıqlara başlayıb.

Aerodroma ehtiyacı olmayan aviasiya kimi ekranoplanlar dinc dövrdə də faydalıdır. Belə ki, Rusiyanın "Ekolen" təşkilatı "Xəzər canavarı"nın mülki analoqunu yaradır. Bu ekranoplan təyyarə sürəti ilə uça bilir və 750 tona qədər yükgötürmə qabiliyyətinə malikdir. Ekranoplan dəniz və çaylarda, tundrada və səhrada istismar üçün uyğundur. Ekranoplanın qalxması və oturması üçün yalnız kifayət qədər ölçüləri olan su akvatoriyası və ya düz səthli torpaq sahəsi lazımdır.

İşləmə prinsipi

Ekranoplan işləmə prinsipi belədir: çox aşağı hündürlükdə uçuş zamanı hava axını qanadın altında sıx "hava yastığı" yaradır. Aparat dəniz, buz və qarla örtülmüş ərazi və ya çöl üzərində qalxaraq 500 km/saata qədər sürətlə uçur. "Çayka-2" 10 tona qədər ağırlığı qaldırır.

Alekseyev adına Nijni Novqorod Konstruktor Bürosu həmçinin ekranoplanın ağır versiyasının – 100 tonluq uçuş kütləsi olan A-080 "Çayka-3" üzərində işləyir. Perspektivli maşın Rusiya istehsalı olan müasir avionika və naviqasiya-pilotaj kompleksinə malik olacaq. O, beş dərəcə maili olan sahilə çıxa, suda və aerodromda otura biləcək.

Hətta köhnə "Lun" ekranoplanı texnoloji cəhətdən böyük təəssürat yaradır. O, 450 km/s sürətlə 3 metrdən 500 metrə qədər yüksəklikdə 2000 km-dən çox məsafəni qət edə bilir. Ölçülərinə baxmayaraq bu ekranoplan nəqliyyat təyyarəsindən beş dəfə az yanacaq sərf edir.

"Lun" yalnız görünüşü ilə özünə hörmət yaradır. Onun korpusunun ön hissəsində, pilonda 8 mühərrik yerləşir. Onların ucluqları ekran effektini artırmaq üçün bucaq altında suya istiqamətlənib. Ekranoplanın füzelyajında üç cüt gəmi əleyhinə ZM-80 "Moskit" raketi quraşdırılıb. "Lun"un uzunluğu təxminən 74 metrdir. 44 metr uzunluğu və 550 kvadrat metr sahəsi olan qanadları 380 ton maksimum uçuş kütləsi olan cihazın kosmik görünüşünü tamamlayır.

Döyüş təyinatına gəlincə, onun üç ədəd "Moskit" raketi (yaylım atəşi ilə maksimal sürəti 2,8 Maxdır) bir aviadaşıyıcını məhv etmək üçün kifayətdir.

Ekranoplanlar SSRİ donanması üçün düşmən gəmilərini məhv etməyin vasitəsi kimi yaradılıb. "Lun"un ilk uçuşu 1985-ci ildə baş tutub. Böyük yükgötürmə, quru və buz üzərində uçmaq (həmçinin böyük yüksəkliklərdə uçmaq) qabiliyyəti ilə birlikdə yüksək sürəti və çevikliyi onun inanılmaz imkanlarını təmin edir.

"Lun" və "Orlenok" ekranoplanları raketlərin və desant qüvvələrinin çatdırılması üçün uyğunlaşdırılıb. "Orlenok" desant ekranoplanı kiçik ölçülü olub qoşunların və texnikanın sürətli daşınması üçün nəzərdə tutulub. SSRİ-nin dağılmasından sonra bu aparatların istehsalı dayandırılıb (həmin vaxta qədər 903 layihəsinin ikinci "Lun"u 95 faiz hazır idi) və döyüş qabiliyyətli "aviadaşıyıcı qatili" Xəzər sahilində yan aldı.

30
Zeytun yağı

Qızartmalar üçün hansı yağları seçməli: rus alim xəstəlik mənbəyi olan qidaları açıqladı

0
70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır

BAKI, 6 avqust — Sputnik. Qızartmalar üçün kərə yağından istifadə etmək təhlükəli ola bilər. Bu barədə Sputnik radiosuna müsahibəsində qastroenteroloq, dietoloq, tibb elmləri namizədi İrina Berejnaya bildirib.

Onun fikrincə, ən yaxşısı ərzaqları quru tavada, ya da qril şəklində qızartmaqdır. Amma çoxları bunu kərə yağında etməyə üstünlük verirlər. Əgər kərə yağını təzə-təzə yemək təhlükəsizdirsə, ondan məhsulların qızardılması üçün istifadə etməmək daha yaxşıdır.

"Təzə kərə yağı müəyyən miqdarda tamamilə təhlükəsizdir. O, həmçinin xolesterin mübadiləsinə təsir baxımından özünü doğruldur. Qızardılmış məhsullara gəldikdə, burada kərə yağını istifadə etməmək daha yaxşıdır. 70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır", – deyə İrina Berejnaya xəbərdarlıq edib.

Dietoloq deyib ki, yeməkləri hazırlamaq üçün quyruq yağından istifadə edə bilərsiniz, amma bu da ən yaxşı seçim deyil.

"Quyruq yağı öz strukturuna görə çox maraqlı məhsuldur. Həmçinin xolesterin mübadiləsinə mənfi təsir göstərmir. Bundan yeməklərin hazırlanmasında istifadə edilə bilər. Lakin uzun müddət istifadə edildikdə və yüksək temperaturda çox yüksək kalorili olacaq. Buna görə də eyni sərbəst radikalların meydana gəlməsi mümkündür. Ola bilsin, sərbəst radikallar kərə yağına nisbətdə daha az əmələ gələcək. Məhsulları zeytun yağında qızartmaq daha yaxşıdır, çünki bu, yüksək temperaturda sərbəst radikalların meydana gəlməsini təmin etməyən yeganə yağdır", – deyə dietoloq əlavə edib.

Xatırladaq ki, bu günlərdə həkim-dietoloq Andrey Bobrovski qafqazlıların uzunömürlülüyünün sirrinin manqalda bişmiş ətdə olduğunu demişdi. "Ətin qrildə və ya manqalda bişirilməsi ən dietik üsuldur. Digər üsullardan fərqli olaraq açıq manqalda bişirmə artıq yağları aradan götürür. Yağ bişdikdə əriyib axır. Tavada bişirilən zaman isə əksinə yağ yığılır və ətə hopur", - deyə Bobrovski bildirmişdi.

 

0
Əlaqədar
Yumurta yeyin, arıqlayın...
Adi göbələkdir, amma qanda şəkəri azaldar, mədə florasını bərpa edər
Gül plantasiyalarından kiçik şüşəyə: Qızılgüldən yağ necə alınır
Qafqaz uzunömürlülüyünün sirri - Hər şey kababla bağlı imiş
Buna da növbə çatdı - Şokolad ziyanlı imiş