Anna Popova, arxiv şəkli

Rospotrebnadzor-un rəhbəri: "Yeni pandemiya qaçılmazdır"

20
(Yenilənib 23:49 04.06.2020)
Popova əlavə edib ki, hələlik pandemiyanın kimə toxunacağı bəlli deyil, lakin ona reaksiya planı hazır olmalıdır.

BAKI, 4 iyun — Sputnik. Rusiyanın İstehlakçı Hüquqlarının Müdafiəsi və İnsan Rifahına Nəzarət üzrə Federal Xidmətinin rəhbəri (Rospotrebnadzor) Anna Popova yeni pandemiya qaçılmaz hesab edir. Bu barədə Sputnik Azərbaycan RBK-ya istinadən xəbər verir.

Popovanın sözlərinə görə, koronavirusla mübarizə təcrübəsi gələcək addımların alqoritmini araşdırmağa imkan verir.

O bildirib ki, yeni növ pandemiyanın meydana çıxması "bu və ya digər formada tamamilə aydındır". Popova əlavə edib ki, hələlik pandemiyanın kimə toxunacağı bəlli deyil, lakin ona reaksiya planı hazır olmalıdır.

Bir sutka ərzində Rusiyanın 84 regionunda 8536 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 178 nəfər ölüb.

Ümumilikdə, Rusiyada bu xəstəliyə yoluxanların sayı 432277-yə çatıb. Rusiyada pandemiya yayılandan 5215 nəfər COVID-19-dan vəfat edib. Bir sutka ərzində virusdan sağalanların sayı isə 8972 nəfər olub. Bununla da bu ölkədə virusdan sağalanların sayı 195957-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 6,3 milyonu keçib, 380 mindən çox adam isə virus səbəbilə ölüb.

20
Mövzu:
Dünyanı cənginə almış bəla (490)
Əlaqədar
Koronavirusa qarşı "milli" mübarizə: kişi arvadını yaba ilə "sağaltmaq" istədi
Koronavirus əleyhinə daha bir mübarizə metodu - deyin, "pendir..."
Bu rəqəmlər heyrət doğurur: koronavirusa görə də uşağa bu qədər pul verərlər?
Azərbaycanda koronavirus: sərt karantinə səbəb olan rəqəmlər açıqlandı
Hava və koronavirus arasında əlaqə varmı? Akademik izah edir
Soyuz MS-16 idarəolunan kosmik gəmisinin eniş aparatı

Xilasedicilər yerə enən Soyuz MS-16-nın heyətini enmə aparatından çıxarıblar

37
(Yenilənib 16:53 22.10.2020)
Hazırda Beynəlxalq Kosmik Stansiyada rus kosmonavtlardan Sergey Rıjikov, Sergey Kud-Sverçkov və amerikalı Ketlin Rubins qalıb. K.Kessidi yerə enməmişdən bir müddət əvvəl stansiyanın komandanlığını rus kosmonavtı S.Rıjikova verib.

BAKI, 22 oktyabr — Sputnik. Rusiyaya məxsus Soyuz MS-16 idarəolunan kosmik gəmisi yerə enmədən əvvəl Beynəlxalq Kosmik Stansiyadan (BKS) kənarlaşdırılıb.

Xilasedicilər BKS-dən qayıdan rus kosmonavtları Anatoli İvanişin, İvan Vaqner və NASA kosmonavtı amerikalı Kriss Kessidi hava gəmisinin xüsusi enmə aparatından çıxarıblar. Yayımı "Roskosmos" həyata keçirib.

Sputnik Azərbaycan-ın "RİA Novosti"yə istinadən verdiyi xəbərə görə, hava gəmisi Moskva vaxtı ilə gecə saat 02:32-də stansiyadan ayrılıb. Gəminin hərəkət sistemi 05:01-də yavaşlamağa başlayıb və bundan sonra enmə aparatı orbitdən çıxıb. Qısa müddətdən sonra hava gəmisi bölmələrə ayrılıb və ekipaj təxminən 4 g səviyyəsində artıq yüklənmə yaşayıb.

Hazırda BKS-də rus kosmonavtlardan Sergey Rıjikov, Sergey Kud-Sverçkov və amerikalı Ketlin Rubins qalıb. K.Kessidi yerə enməmişdən bir müddət əvvəl stansiyanın komandanlığını rus kosmonavtı S.Rıjikova verib.

Qeyd edək ki, ekipaj BKS-də 196 günlük ekspedisiya zamanı Rusiyaya məxsus iki "Proqres" yük hava gəmisi, Yaponiyanın HTV-9 və Amerikanın "Cygnus" kosmik gəmilərini qəbul edib.

2011-ci ildən bəri ilk dəfə İlon Maskın "SpaceX" şirkətinə məxsus "Crew Dragon" adlı Amerika gəmisinin heyəti stansiyada olub. Amerikalılar tərəfindən dörd dəfə açıq fəzaya uçuş həyata keçirilib və BKS iki dəfə kosmik tullantı ilə toqquşma təhlükəsindən yayınıb.

Uçuş zamanı BKS atmosferində benzol konsentrasiyasının artımı və stansiyanın Amerika seqmenti xaricində ammonyak sızması qeydə alınıb. Rusiyanın "Zvezda" modulunun gövdəsində isə kiçik çat aşkar edilib ki, bu da hava sızıntısına səbəb olub.

37
Moskvada insanlar, arxiv şəkli

Ruslar üçün milli prioritet nədir - SORĞU

21
Tədqiqatın nəticələrinə görə, əhalinin 81 faizi "istedadlı insanların özünüdərk və inkişafına imkan yaradılması", 60 faizi "rəqəmsal transformasiya", 59 faizi isə "uğurlu sahibkarlığı" ən vacib milli prioritet hesab edir.

BAKI, 22 oktyabr — Sputnik. Ümumrusiya İctimai Rəyin Öyrənilməsi Mərkəzinin keçirdiyi sorğunun nəticələrinə görə, rusların əskəriyyəti (92 faizi) əhalinin, ailələrin sağlamlığının və rifahının qorunmasını ölkə üçün ən vacib milli məsələ hesab edir. Sputnik Azərbaycan-ın "RİA Novosti"yə istinadən verdiyi xəbərə görə, ruslar üçün ikinci yerdə (87 faiz) - layiqli və səmərəli iş, üçüncü sırada isə (86 faiz) – yaşayış üçün rahat və təhlükəsiz mühit məsələsi dayanır.

Tədqiqatın nəticələrinə görə, əhalinin 81 faizi "istedadlı insanların özünüdərk və inkişafına imkan yaradılması", 60 faizi "rəqəmsal transformasiya", 59 faizi isə "uğurlu sahibkarlığı" ən vacib milli prioritet hesab edir.

Həmçinin, qeyd olunur ki, rusların "Səhiyyə"(85 faiz), "Təhsil" (80 faiz), "Demoqrafiya" (74 faiz) kimi milli layihələrlə bağlı məlumatlandırılması daha yüksək səviyyədədir. Bu siyahını 66 faizlə "Rəqəmsal iqtisadiyyat", 63 faizlə "Təhlükəsiz və keyfiyyətli yol infrastrukturu", 56 faizlə isə "Beynəlxalq əməkdaşlıq və ixrac" tamamlayır.

Qeyd edək ki, Ümumrusiya İctimai Rəyin Öyrənilməsi Mərkəzi sentyabrın 12-dən 18-ə kimi 1,6 min insan arasında (18 yaşdan yuxarı) "Milli prioritetlər" mövzusunda telefon vasitəsi ilə sorğu keçirib. Sorğu nəticələrində yanılma payı 2,5 faizdən çox deyil.

21
Milli Məclis

Milli Məclisin növbəti plenar iclasının vaxtı gündəliyi məlum olub

0
(Yenilənib 19:26 22.10.2020)
"Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" qanun layihəsinə, "Hərbi vəzifə və hərbi xidmət haqqında" və digər qanunlarda dəyişikliklərə baxılacaq

Xalid Məmmədov, Sputnik Azərbaycan

BAKI, 22 oktyabr — Sputnik. Milli Məclisin növbəti plenar iclasının vaxtı məlum olub.

Sputnik Azərbaycan-ın məlumatına görə, parlamentin iclası 27 oktyabrda keçiriləcək. İclasın gündəliyinə 8 məsələ daxil edilib.

Bunlar aşağıdakılardır:

1. "Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" Azərbaycan Respublikası qanununun layihəsi barədə.

2. "Hərbi vəzifə və hərbi xidmət haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş).

3. "Təhsil haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

4. "Peşə təhsili haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

5. Azərbaycan Respublikasının Meşə Məcəlləsində, Azərbaycan Respublikasının Torpaq Məcəlləsində, Azərbaycan Respublikasının Mülki Məcəlləsində, "Torpaq islahatı haqqında", "Torpaq bazarı haqqında", "Bələdiyyə torpaqlarının idarə edilməsi haqqında", "Dövlət rüsumu haqqında", "Daşınmaz əmlakın dövlət reyestri haqqında" və "Torpaqların dövlət ehtiyacları üçün alınması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının Əmək Məcəlləsində və Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

7. "Hərbi qulluqçuların statusu haqqında", "Əhalinin sağlamlığının qorunması haqqında", "Yol hərəkəti haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında", "Avtomobil yolları haqqında", "Özəl tibb fəaliyyəti haqqında", "Dövlət qulluğu haqqında", "Psixiatriya yardımı haqqında", "Onkoloji yardım haqqında" və "Tütün məmulatlarının istifadəsinin məhdudlaşdırılması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

8. "Tibbi sığorta haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

0