Mariya Zaxarova

"Ölümcül səhv": Rusiya XİN ABŞ-ın iğtişaşlarla bağlı ittihamlarına cavab verdi

13
(Yenilənib 21:51 01.06.2020)
Mariya Zaxarova: "Rusların guya Amerika şəhərlərindəki etiraz nümayişlərini qızışdırmaq üçün istifadə etdikləri "sosial şəbəkələr", ABŞ-da qeydə alınıb, amerikalılara aiddir və oradan qanuni şəkildə tənzimlənir".

BAKI, 1 iyun – Sputnik. "Rusiyanın guya ABŞ-dakı iğtişaşlarda əlinin olması ilə bağlı ittihamları çirkin informasiya manipulyasiyasıdır". Sputnik radiosu-nun məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib.

ABŞ prezidentinin milli təhlükəsizlik üzrə sabiq müşaviri Syuzan Rays bəyan etmişdi ki, ABŞ-da baş verən etiraz aksiyalarının və zorakılığın arxasında Rusiya dayana bilər. O, qeyd edib ki, hər hansı sübuta ehtiyac duymur və öz təcrübəsinə əsaslanır.

"Xanım Rays! Bir vaxtlar partiyadakı yoldaşlarınız Rusiyanı xoşunuza gəlməyən hər şeydə ittiham etmək kimi axmaq bir konsepsiya uyduraraq ölümcül səhvə yol verdilər. ABŞ-ın sabiq dövlət katibi Hillari Klinton və Obamanın (ABŞ-ın sabiq prezidenti Barak Obama) bütün komandası özlərini və bütün dünyanı inandırmağa çalışırdılar ki, ABŞ-ın daxili problemləri "kənardan", daha doğrusu Rusiya tərəfindən yaradılır və mürəkkəbləşdirilir. Siz bu gün həmin səhvi təkrarlamağa çalışırsınız, CNN jurnalisti ilə birlikdə çirkli məlumat manipulyasiyası metodlarına müraciət edirsiniz: onları dəstəkləmək üçün saxta ifadələr və sıfır faktlar. Sizin CNN-ə müsahibəniz də təbliğatdır", - deyə Zaxarova öz Facebook səhifəsində yazıb.

O xatırladıb ki, ABŞ-ın qənaətinə görə, rusların Amerika şəhərlərindəki etiraz nümayişlərini qızışdırmaq üçün istifadə etdikləri "sosial şəbəkələr", ABŞ-da qeydə alınıb, amerikalılara aiddir və oradan qanuni şəkildə tənzimlənir. "

"Siz yenidən "Rusiya kartı"nı oynamağa çalışırsınız? Çox oynadınız, reallığa qayıdın. İnsanlarınızın qarşısına çıxın və onların gözlərinə baxaraq deyin ki, sizi Youtube və Facebook vasitəsilə ruslar idarə edir. Və mən Amerikanın fəaliyyətindəki "müstəsna"lığa baxacağam", - deyə Zaxarova əlavə edib.

ABŞ-ı sarsıdan iğtişaşlar dalğası, Minneapolisdə afroamerikalı Corc Floydun polisin əli ilə öldürülməsindən sonra başlayıb.

Ümumilikdə, Los-Anceles, San-Fransisko, Beverli-Hills, Çikaqo, Orlando, Atlanta, Denver, Qərbi Hollivud və başqaları da daxil olmaqla Amerikanın 40-dan çox şəhəri öz ərazisində komendant saatı tətbiq edib.

Sputnik radiosu əvvəllər də bildirmişdi ki, Amerika Birləşmiş Ştatlarının prezidenti Donald Tramp, Demokrat Partiyasından olan qubernatorları və merləri vəziyyətin nizamlanmasına Milli Qvardiyanı cəlb etməyə çağırıb.

13
Ermənistanda Rusiya hərbi bazası, arxiv şəkli

Ermənistan Rusiya ilə hərbi əməkdaşlığı davam etdirəcək

0
(Yenilənib 22:24 10.07.2020)
Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

 

BAKI, 10 iyul — Sputnik. Ermənistan yeni milli təhlükəsizlik strategiyası çərçivəsində Rusiya ilə hərbi əməkdaşlığını davam etdirəcək. Sputnik Azərbaycan xəbər verir ki, bu barədə Ermənistan hökumətinin saytında yerləşdirilən strategiyanın mətnində bildirilir.

Qeyd olunur ki, Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

Sənəddə, həmçinin vurğulanır ki, Yerevan üzv-ölkələrin maraqlarının effektiv şəkildə qorunması və strukturun institusional imkanlarının genişləndirilməsi naminə Kollektiv Təhlükəsizlik Müqaviləsi Təşkilatı (KTMT) çərçivəsində birgə təşəbbüslərdə aktiv şəkildə iştirak edir: "Ermənistan təşkilatın effektivliyinin artırılması və üzv ölkələrinin biri-birinə münasibətdə müttəfiqlik öhdəliklərinin yerinə yetirilməsi istiqamətində işlərini davam etdirəcək".

Sənəddə ABŞ-la əməkdaşlıq kontekstində hərbi-siyasi məsləhətləşmələrin və institutların islahatlarına yönələn qarşılıqlı əlaqələrin vacibliyi vurğulanır.

Sənəddə, həmçinin siyasi, ticari-iqtisadi, müdafiə və mədəni-humanitar sahələrdə Rusiya ilə strateji və müttəfiqlik əlaqələrinin inkişafı Yerevanın xarici siyasətində əsas prioritetlərindən biridir.

0
Rusiyada epdimioloji vəziyyət, arxiv şəkli

ÜST: Rusiyada koronavirus məhdudiyyətləri qayıda bilər

3
(Yenilənib 21:56 10.07.2020)
"Buna hazır olmaq lazımdır. Daha yaxşı olar ki, bu, tez olsun, virusun daha da yayılmasını gözləmək lazım deyil. Yanğın kiçik olanda söndürülməlidir", - Vuynoviç qeyd edib.

 

BAKI, 10 iyul — Sputnik. Ümumdünya Səhiyyə Təşkilatının Rusiyadakı nümayəndəsi Melita Vuynoviç ölkənin koronavirusa görə yenidən məhdudlaşdırıcı tədbirlər görmək məcburiyyətində qalacağını istisna etməyib.

Sputnik Azərbaycan xəbər verir ki, Vuynoviç bu barədə RİA Novosti-yə verdiyi müsahibəsində danışıb.

"Fiziki məsafə salxanılmasa, yoluxma halları artmağa başlasa sadəcə başqa bir yol qalmayacaq", - Vuynoviç bir sıra ölkələrdə olduğu kimi Rusiyada da bəzi qadağaların geri qaytarılacağı riskinin olub-olmadığı sualına cavabında bildirib.

Onun sözlərinə görə, qadağaların qaytarılması ehtimalı dünyada koronavirusa qarşı peyvənd və ya dərman olmadığı müddətcə mövcud olacaq.

"Buna hazır olmaq lazımdır. Daha yaxşı olar ki, bu, tez olsun, virusun daha da yayılmasını gözləmək lazım deyil. Yanğın kiçik olanda söndürülməlidir", - Vuynoviç qeyd edib.

Son məlumatlara görə, Rusiyada COVID-19 xəstələrinin sayı sutka ərzində 6509 artaraq 707301 təşkil edib.

3
Mövzu:
Dünyanı cənginə almış bəla
Əlaqədar
Rusiyada koronavirusdan ölənlərin sayı 11 mini keçdi
Avstraliya və Honkonqda koronavirus məhdudiyyətləri bərpa olunur
Koronavirusa yoluxub sağalmış şəxslərlə bağlı vacib məqam
Azərbaycanın xaricdəki bəzi diplomatları koronavirusa yoluxub
Həyatınızla eksperiment aparmayın - Koronavirusu müalicə "edən" dərman təhlükəli çıxdı