Rusiya və İtaliya həkimlərinin Berqamo hospitalında birgə işi, arxiv şəkli

Əl əli yuyar: Rusiya köməyinin qarşısında ciddi partnyor qazana bilər

146
(Yenilənib 13:28 15.05.2020)
Ola bilər ki, iki ölkənin hərbi-tibbi əməkdaşlığı pandemiyadan kənarda da konstruktiv şəkildə davam etsin. Axı kim bilir, bizi hansı yeni viruslar gözləyir?

BAKI, 15 may — Sputnik, Aleksandr Xrolenko, hərbi icmalçı. Rusiyanın Radiasiya, Kimyəvi və Bioloji Müdafiə (RKBM) mütəxəssislərindən və hərbi həkimlərdən ibarət dəstəsi Avropanın COVID-19 episentrindəki missiyasını ləyaqətlə başa vurub və dünya miqyaslı problemlərin həllində peşəkarlıq, operativlik və effektivlik nümunəsi göstərib. Rusiyaya qayıtdıqdan sonra koronavirus infeksiyası ilə mübarizədə “İtaliya təcrübəsi”ndən, yəqin ki, istifadə ediləcək.

Dünən Moskva ətrafındakı Çkalov aerodromuna içərisində rusiyalı “tibbi xüsusi təyinatlılar” – heyət və texnika olan “İl-76” hərbi-nəqliyyat təyyarələri enib. Bu “xüsusi təyinatlılar” İtaliyaya COVID-19-la mübarizəyə kömək ediblər, qarşıya qoyulmuş vəzifələri yerinə yetiriblər.

İtaliya xalqına kömək üçün Rusiya səkkiz mobil briqadanı (təxminən 100 nəfər aparıcı hərbi mütəxəssis, virusoloq və həkim), diaqnostika aparatlarını, nəqliyyatın və ərazinin aerozol dezinfeksiyası üçün avtomobil komplekslərini, RKBM qoşunlarının 15 laboratoriyasından birini və digər tibbi avadanlığı bu ölkəyə göndərib. Rusiya Müdafiə Nazirliyinin təyyarələri operativ şəkildə Romadan 30 km məsafədə yerləşən “Pratica di Mare” aviabazasına hərbçiləri və iş üçün lazım olan hər şeyi çatdırıblar.

Rusiyadan İtaliyaya COVID-19 virusu ilə mübarizə üçün göndərilən tibbi ləvazimatlarla dolu avtomobil
© Photo : Ministry of Defence of the Russian Federation

Rusiyalı mütəxəssislər İtaliyaya martın 23-nə keçən gecə çatıblar və mayın 7-dək bir sıra mürəkkəb və məsuliyyətli əməliyyatları həyata keçiriblər – Lombardiya vilayətində və Breşiya əyalətində 100 yaşayış məntəqəsində yaşlı adamlar üçün bir neçə pansionatı və digər epidemioloji cəhətdən mürəkkəb obyektləri tam olaraq dezinfeksiya ediblər. Ümumilikdə ezamiyyət dövründə 120 bina və qurğu, 1 milyon 200 min kvadrat metr daxili məkan, 500 min kvadrat metrdən artıq yol dezinfeksiya olunub.

Bundan əlavə, Berqamo şəhərində səhra hospitalının aprelin 6-dan işə başlaması ilə rusiyalı hərbi həkimlər koronavirusa yoluxmuş şəxsləri müalicəyə götürüblər və qısa müddətdə onlardan 76-sı sağalıb. Hospitalda Rusiya Müdafiə Nazirliyinin səkkiz həkim-tibb bacısı briqadası, 32-dən artıq tibbi mütəxəssisi gün ərzində, üç növbədə intensiv terapiya və orta-ağır dərəcəli xəstələrin müalicəsi şöbələrində xəstələrin qəbulunu və müalicəsini həyata keçiriblər. Rusiyaya qayıtdıqdan sonra “tibbi xüsusi təyinatlılar” dəstəsi sanitar-epidemioloji tədbirlərdən keçəcəklər. Sonra isə yenidən döyüşə qayıtmalıdırlar, çünki pandemiya hələ məğlub edilməyib.

Yeddi həftəlik döyüş

Bu, İtaliya və bütün Avropa üçün koronavirus pandemiyasına qarşı mübarizədə beynəlxalq qarşılıqlı fəaliyyətin nümunəvi, məzmunlu və çox faydalı bir təcrübəsi olub. Rusiya Prezidenti Vladimir Putin martın 21-də İtaliyanın Baş Naziri Cüzeppe Konte ilə telefon danışığında Rusiyanın koronavirusa qarşı mübarizədə kömək göstərməyə hazır olduğunu təsdiqləyib. Bundan dərhal sonra Rusiya öz təhlükəsizliyinə xələl gətirmədən iki sutka ərzində İtaliyaya ən müasir texnika ilə təchiz edilmiş yüksək peşəkarlığa malik, son dərəcə effektiv tibbi kollektivi "İl-76" təyyarəsi ilə İtaliyaya göndərib. Bioloji xarakterli fövqəladə hallarda patogen bioloji materialların təhlili üçün yaradılmış "Xarabaçıl" modul kompleksi nəyə desən, dəyər. Təsadüfi deyil ki, Rusiyadan gələn xilaskar "desantı" İtaliyanın Xarici İşlər naziri Luici di Mayo və İtaliya Silahlı Qüvvələrinin Baş Qərargah rəisi Enzo Viçerelli şəxsən qarşılayıblar. Bu vaxt həyəcanlanmış Di Mayo rusiyalı mütəxəssislər qrupuna İtaliyanın Müdafiə Nazirliyinin onların tam sərəncamında olduğunu bildirib.

 Buğda yığımı, arxiv şəkli
© Sputnik / Vitaliy Timkiv

Yüksək texnologiyaların köməyi ilə koronavirus infeksiyasının məhvinin və ən ağır xəstələrin müalicəsinin başlamasından lap əvvəl də Moskva xilas olma ümidini bəxş edirdi. Rusiyalı hərbçilər isə bir çox avropalıların şüurunda çevriliş etdilər. Bu, "ruslar müharibə istəyirmi?" sualına çox yaxşı cavab verdi və Rusiyanın real prinsiplərindən, imkanlarından, vasitələrindən və məqsədlərindən xəbər verdi (təbii ki, onun məqsədləri Qərb mediasının yazdığı kimi, NATO və Avropa İttifaqını parçalamaq deyil).

Xatırladım ki, İtaliyada koronavirusdan 31 mindən çox insan həlak olub. Martın ortalarına qədər Berqamo şəhəri "koronavirus cəhənnəmi"nə çevrilmişdi, yerli krematoriyalar yükün öhdəsindən gələ bilmirdilər. Respublikada 4800-dən çox səhiyyə işçisi (Çində olduğundan iki dəfə çox) yoluxmuşdu. Belə bir şəraitdə Rusiya Müdafiə Nazirliyinin mütəxəssisləri Roma yaxınlığından Berqamoya 600 kilometrlik yürüş etdilər və dərhal işə başladılar. Bu yardımın əsl dəyərini şişirtmək çətindir.

Mayın 14-nə İtaliyada COVID-19-dan 115288 nəfər müalicə olunub, xəstəliyin aktiv fazasında 74194 nəfər qalır (bu çoxdur, lakin bir neçə dəfə çox ola bilərdi). Epidemiyanın bu ümidverici mənzərəsində Rusiya Müdafiə Nazirliyinin də layiqli töhfəsi var. Rusiyalı mütəxəssislərin COVID-19-la yeddigünlük fədakar mübarizəsi İtaliya xalqının minnətdarlığı və Müdafiə naziri Lorenso Querininin (mayın 7-də rusiyalı həmkarı Sergey Şoyqu ilə telefon danışığında) səmimi təşəkkürü və İtaliyanın cavab tədbirlərinə hazır olduğuna dair mühüm bəyanatı ilə nəticələnib. Ola bilər ki, iki ölkənin hərbi-tibbi əməkdaşlığı pandemiyadan kənarda da konstruktiv şəkildə davam etsin.

Rusiyada vəziyyət

Bəli, İtaliyada “döyüş şəraitində kəşfiyyat” baş tutdu. Rusiyanın RKBM qoşunları Apennin yarımadasına 15 laboratoriyasından yalnız birini, 2065 ədəd xüsusi avtomobilindən 20-ni və yüzdən az hərbi qulluqçusunu göndərdi. İndi isə RKBM qoşunlarının hərbi həkimləri və mütəxəssisləri görünməz rəqiblə necə mübarizə aparmağı, profilaktik tədbirləri və xəstələrin müalicəsini necə təşkil etməyi yaxşı bilirlər.

Rusiyada epidemioloji vəziyyət mürəkkəb olaraq qalır. Bu gün 10 mindən çox yeni COVID-19 xəstəsi aşkar edilib. Ümumi xəstə sayı isə (262 mindən çox) Rusiya Federasiyasını ABŞ və İspaniyadan sonra dünyada üçüncü yerə qaldırıb. Qarşıda görüləsi işlər çoxdur.

Hərbi-tibbi strukturlardan başqa, Rusiya Federasiyasının ərazisindəki hər bir hərbi dairədə ayrıca RKBM briqadası yerləşdirilib, ümumqoşun ordunun tərkibində isə RKBM alayı var. Bu əsasda aprel ayından etibarən sənaye müəssisələrinin, tibbi və digər həyati əhəmiyyətli obyektlərin zəruri hallarda təmizlənməsini operativ şəkildə həyata keçirmək üçün mobil dəstələr formalaşdırılır. RKBM mütəxəssisləri ölkənin səfərbərlik mexanizmlərini saxlamaqla yaz çağırışı kampaniyasının da təhlükəsizliyini təmin edirlər. Hər bir bölgədə və çağırışın bütün mərhələlərində profilaktik tədbirlər həyata keçirilir.

Bundan başqa, Rusiya Müdafiə Nazirliyinin mütəxəssisləri mayın 15-nə kimi səkkiz əlavə çoxfunksiyalı tibb mərkəzinin istismara veriləcəyini bildiriblər. Bununla da qurum ölkənin 15 regionunda 16 çoxfunksiyalı tibb mərkəzlərinin tikintisi üzrə dövlət tapşırığını yerinə yetirəcək. Ola bilər ki, bu qədər çoxfunksiyalı tibb mərkəzinə heç ehtiyac da olmasın və onlar ehtiyatda saxlanılsın, amma bu operativ iş təcrübəsi pandemiyaya qarşı mübarizədə çox vacibdir. Axı kim bilir, bizi hansı yeni viruslar gözləyir?

146
Əlaqədar
"Xırda problemlər". Niyə hər kəs pandemiyaya qarşı birləşmək istəmir
Bu da "virus süni deyil" deyən çinli alimə rus həmkarından cavab
On mindən çox yoluxma, 100-dən çox ölü – Koronavirus bu ölkədə tüğyan edir
Vərəm əleyhinə peyvənd koronavirusa qarşı immuniteti artırır – İDDİA
Aleksandr Qudkov, arxiv şəkli

Rusiyanın ulduz aktyoru azərbaycanlı həkimin hekayəsini anladıb

9
(Yenilənib 21:09 27.05.2020)
Aleksandr Qudkov Rusiyanın "Qoqol" Teatr Mərkəzinin təşkil etdiyi "Həkimlərin hekayələri" layihəsi çərçivəsində azərbaycanlı həkim Ülvi Əhmədovun məktubunu oxuyub.

BAKI, 27 may — Sputnik, Kəmalə Əliyeva. Məşhur rusiyalı şoumen və aparıcı Aleksandr Qudkov hazırda koronavirusa qarşı mübarizənin önündə olan, Moskvada fəaliyyət göstərən azərbaycanlı cərrah Ülvi Əhmədovun real monoloqunu oxuyub.

Sputnik Azərbaycan-ın məlumatına görə, Qudkov bu monoloqla Rusiyanın "Qoqol" Teatr Mərkəzinin təşkil etdiyi "Həkimlərin hekayələri" layihəsinin iştirakçısı olub. Bu layihə çərçivəsində Rusiyanın tanınmış artistləri və musiqiçiləri COVİD-19-la mübarizə aparan həkimlərin real monoloqlarını oxuyurlar. Layihənin məqsədi həkimləri dəstəkləmək və onlar üçün fərdi qorunma vasitələri əldə etməkdir.

"Hər şey bitdikdə, həyatı əvvəlki və sonrakı dövrlərə bölüşəcəyik. Mən bunu istisnasız olaraq hamıya deyirəm, xüsusilə də doğmalarını və yaxınlarını itirmiş, özü ağır xəstə olanlar barədə. Düşünürəm ki, yalnız sadəcə təcrid vəziyyətində oturanlar da yaddaşa hopacaqlar. Bu, təbii fəlakətlər və ya terror aktlarından sonrakı xatirələr kimi olacaq. Həkimlərdə də belədir, amma bir az fərqlidir. Biz də həyatımızı virusdan əvvəlki və sonrakı dövrlərə böləcəyik. Bu, bizim üçün işdir. Biz onu çağırış və ya sınaq kimi qəbul edirik", - Ülvi Əhmədovun Qudkov tərəfindən səsləndirilən monoloqunda belə deyilir.

Həkim həmçinin qeyd edib ki, təxminən bir aya yaxın öz ailəsini görməyib, çünki onları yoluxdurmaq istəmir. Həmin yazıda Əhmədov istəyib ki, insanlar koronavirusla mübarizə aparan həkimlərin nə keçirdiyini bilsinlər.

9
Məşhur rusiyalı aparıcı Mixail Şirvindt, arxiv şəkli

Rusiyalı aparıcı Azərbaycanda yediyi qutablar kabablar üçün darıxıb

31
(Yenilənib 20:25 27.05.2020)
Rusiyanın məşhur teleaparıcısı, aktyor və prodüser Mixail Şirvindt öz sosial şəbəkə hesabında ötən qışda Azərbaycanın şimalında çəkilmiş növbəti videonu yerləşdirib.

BAKI, 27 may — Sputnik, Kəmalə Əliyeva. Məşhur rusiyalı aparıcı Mixail Şirvindt Azərbaycanda ona təklif edilən yeməklərin dadını indiyə qədər unuda bilmir.

Sputnik Azərbaycan-ın məlumatına görə, Şirvindt bu səbəbdən də "YouTube"-dakı səhifəsinə 2020-ci ilin qışında Azərbaycanda çəkilmiş növbəti videoçarxı yerləşdirib. Onda aparıcı özünün "Syedobnoye-nesyedobnoye" ("Yeyilən-yeyilməyən") layihəsi çərçivəsində ikinci dəfə Azərbaycana gəlmişdi. Onun məqsədi rusiyalı tamaşaçıları və özünün sosial şəbəkədəki izləyicilərini Azərbaycanın müxtəlif yeməkləri ilə tanış etmək olub.

O, bu çarxda Qəbələ rayonunda gəzdiyi yerlər, yediyi yeməklərdən bəhs edib. Yol kənarında bişirilən qutabın, Qəbələnin məşhur daş-arası kababının dadına baxıb, Nic kəndinin bazarını gəzib, buradakı restoran-muzeylə tanış olub.

"Azərbaycanın şimalı mənim çox xoşuma gəldi. Yol kənarında bişirilən qutabları və qeyri-adi dadı olan kababları unutmaq mümkün deyil", - deyə Şirvindt bildirib.

Aparıcı Azərbaycana yenidən qayıtmağa, respublika ilə bağlı digər faktları öyrənməyə və onları izləyiciləri ilə bölüşməyə söz verib.

Qeyd edək ki, Şirvindt "Syedobnoye-nesyedobnoye" layihəsi çərçivəsində müxtəlif ölkələrə səyahət edir və tamaşaçılara onlar haqqında maraqlı faktlardan danışır.

Mixail Şirvindt məşhur aktyor və prodüserdir. Müxtəlif illərdə "Doq-şou", "Ya i moya sobaka", "Xoçu znat" verilişlərinin müəllifi olub.

31

Paytaxtda karantin rejimini pozan kafelər aşkarlandı

0
Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

BAKI, 28 may - Sputnik. Bakıda xüsusi karantin qaydalarını pozan bir neçə kafe aşkarlanıb.

"Report"un xəbərinə görə, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub.

Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

Onların hər biri barəsində İnzibati Xətalar Məcəlləsinin (İXM) 211-ci maddəsi ilə protokollar tərtib olunub.

Qeyd edək ki, Nazirlər Kabineti yanında Operativ Qərargah tərəfindən qəbul edilən qaydalara əsasən, bütün ictimai iaşə obyektlərində müştərilərə saat 08:00-dan 18:00-dək yerində xidmət göstərmək olar.

0