Rusiya ordusunun mühəndis-istehkam qoşunlarının təlimi, arxiv şəkli

Qərb nəhayət ki, Rusiyanın "bütün cinayətlərini" ifşa etdi

108
(Yenilənib 19:02 06.05.2020)
"Rossiya Seqodnya" BİA-nın mütəxəssisləri 1945-ci ilin mayında Qərbin əhəmiyyətli nəşrlərində dərc olunmuş materialları, sonra isə SSRİ-nin müharibədəki roluna dair son 20 ildə eyni nəşrlərdə çap edilmiş məqalələri araşdırıblar. Fərq çox böyük olub.

BAKI, 6 may — Sputnik. Viktor Maraxovski. "Rossiya Seqodnya" Beynəlxalq İnformasiya Agentliyi (BİA) Rusiyanın Avropa xalqlarına qarşı "əsas müharibə cinayətlərini" nə zaman törətdiyinə dair suala cavab verib.

İlk baxışdan sual özü qəribədir. Hər şey məlumdur: Avropada son böyük müharibə 1939-1945-ci illərdə baş verib və yəqin ki, SSRİ "bütün pis işləri" elə o vaxt törədib.

Amma yox.

1945-ci ilin mayında aparıcı Qərb mediasında Rusiyanın adının çəkildiyi məqalələri yenidən nəzərdən keçirsək, Sovet İttifaqının sivilizasiya qarşısında heç bir günahının olmadığını, əksinə, Qırmızı Orduya və rus əsgərinə ümumdünya hörmət, minnətdarlıq və heyranlığın şahidi olarıq.

"Rossiya Seqodnya" BİA-nın mütəxəssisləri 1945-ci ilin mayında Qərbin əhəmiyyətli nəşrlərində – "The Times" (Böyük Britaniya), "Le Monde" (Fransa) və "The New York Times" (ABŞ) – dərc olunmuş materialları, sonra isə SSRİ-nin müharibədəki roluna dair son 20 ildə eyni nəşrlərdə çap edilmiş məqalələri araşdırıblar.

Fərq çox böyük olub.

1945-ci ilin qəzetlərinə baxdıqda görəcəyik:

"Le Monde": "Böyük rusiyalı müttəfiqin töhfəsi əvəzsizdir: üç il ərzində Vermaxtın demək olar ki, bütün təzyiqlərinə dözən məhz Rusiya tərəfi olub."

9 may, "The Times", Uinston Çörçill: "Sabah döyüş meydanında bacarığı ilə ümumi qələbəyə əsas töhfələrdən birini vermiş rus yoldaşlarımıza xüsusi hörmət göstərəcəyik. ... həmin gün Qərb xalqları can itkisi və maddi dağıntı bahasına bütün Birləşmiş Millətlər Təşkilatının ən ağır yükünü öz üzərinə götürmüş məğlubedilməz müttəfiqə, Rusiyaya qürurla hörmətini ifadə edəcək".

10 may, "The New York Times": "Reyxdəki sovet siyasəti (yəni Almaniyanın işğal edilmiş ərazilərində mülki əhaliyə münasibətdə – red.) liberal olaraq qəbul edilir".

Paradoksal görünsə də, sanki Rusiya "müharibə cinayətlərini" son illərdə törədib.

Xeyr, əlbəttə ki, hər şey on illərlə tədricən baş verib. Böyük rusiyalı müttəfiqi Avropaya tərəf hərəkət edən qara bir buluda çevirmiş Çörçillin Fulton çıxışından sonra Qərb üçün Sovet İttifaqı faşizmə qarşı vuruşan "müqəddəs" qüvvələr koalisiyasının tam üzvü olaraq qala bilməzdi.

Ancaq həmin vaxt Qırmızı Ordunu birdən-birə nasizmin belini qırmış qəhrəmanlar ordusundan təcavüzkarlar ordusuna çevirmək sadə bir səbəbdən mümkün deyildi: hamı – müharibənin iştirakçıları və zərər çəkmişlər müharibəni yaxşı xatırlayırdılar.

1940, 1960 və hətta 1980-ci illərin fransızları Almaniyanın işğalını xatırlayırdılar. 1970-1980-ci illərin ingilisləri isə həmin o ingilislər idi ki, illərlə gərgin sükutda radioya qulaq asır və Almaniyanın bombardmanlarından və raket hücumlarından gizlənirdilər. Hətta nasizmdən qaçaraq anti-kommunizmin qalası ABŞ-a gəlmiş və orada yaşayan yüz minlərlə yəhudi üçün Auşvitzi azad etmiş sovet əsgərinin iblisləşdirilməsi küfrə bərabər idi.

Buna görə də, dünya salnamələrində "münasib olmayan qəhrəmanın", yəni rus əsgərinin varlığına on illər boyu dözmək və aksentləri yavaş-yavaş dəyişmək lazım olub.

Belə ki:

1980-ci illərdə sosialist Polşanın sistemlərin döyüş meydanına çevrildiyi bir vaxtda (polyaklar demokratiya tələb edir, polyaklar repressiyaya etiraz edir, qdansklı elektrik Lex Valensa Nobel Sülh Mükafatını alır) ön plana Molotov-Ribbentrop paktı çəkilir.

1990-cı illərin əvvəllərində Almaniyanın birləşdiyi və sovet qoşunlarının onun ərazisindən çıxarılması ilə bağlı təkidin ortaya çıxdığı zaman "təcavüz olunmuş iki milyon alman qadını" barədə iddia ortaya atılır.

1990-cı illərin sonu – 2000-ci illərin əvvəllərində Baltikyanı post-sovet ölkələrinin NATO və Avropa İttifaqı tərəfindən udulduğu və yerli rus dilli əhalinin əzildiyi bir vaxtda Qərb mediasında "qula çevrilmiş Baltikyanı ölkələr" ritorikası üzə çıxır.

2010-cu illərin ikinci yarısında isə qəhrəman rus əsgərinin döyüş tarixindən tamamilə silinməsi üçün ideal bir məlumat bazası yaranır. Bu kampaniyanın əsasını 2014-cü ildə ABŞ-ın Serbiyadakı səfiri Maykl Kirbinin və 2015-ci ildə Polşanın Xarici İşlər naziri Qjeqoj Sxetinanın "Auşvitzi ruslar yox, Birinci Ukrayna Cəbhəsi azad edib" ifadələri ilə qoyulub. Bu mövzuya "Le Monde" nəşrində dərhal yeddi məqalə həsr olunub. Bu kampaniyanın pik həddinə bu qış şahid olduq – Auşvitzin azad edilməsinin 75-ci ildönümündə ABŞ vitse-prezidenti Maykl Pens nitqində (orada heç olmamış) Amerika əsgərlərindən danışıb və (həbs düşərgəsini canı bahasına azad etmiş) sovet əsgərlərinin adını çəkməyib.

Sadəcə olaraq illər keçir və müharibə tarixi yenidən yazılır. Şahidlər demək olar ki, qalmayıb – 1945-ci ildə uşaq bağçasında olanların bu gün 80 yaşı var. "The New York Times"da isə heç kəs xatırlamır ki, məhz bu qəzet nə vaxtsa Almaniyadakı sovet əsgərlərini yerlilərə liberal münasibətə görə tərifləyib.

Və 75 ildən sonra Qərb salnamələrində İkinci Dünya müharibəsi əsasən aşağıdakı hadisələrdən ibarətdir:

1) Molotov-Ribbentrop paktı;

2) Fransanın işğalı və Britaniya uğrunda müharibə;

3) Holokost və Perl Harbor;

4) Normandiyaya desant çıxarılması, Afrika kampaniyası və İvo Cima;

5) Qərbi Avropanın qəddar nasistlərdən azad edilməsi və Şərqi Avropanın qəddar ruslar tərəfindən ələ keçirilməsi.

Əgər 1945-ci ildə Qərbin aparıcı kütləvi informasiya vasitələrində SSRİ ilə bağlı mənfi rəylər az həcmdə olurdusa, hazırda məhz həmin rəylər müasir diskursu müəyyən edir və keçmişin portretini formalaşdırır – lap Vallerstaynın "keçmiş həmişə bu gündən asılıdır" konsepsiyasına uyğun olaraq.

Keçmişin idarə pultunu əlində tutan Qərb böyük müharibənin portretindən xoşuna gəlməyən hər şeyi silib və oraya istədiyini əlavə edib. Lakin onların yaratdıqları sadəcə tarixi faktlardan tam fərqli olan ayrı bir hekayədir.

108
Moskva meri Sergey Sobyanin, arxiv şəkli

Moskva meri distant rejiminə keçməyə çağırıb: Soyuqlar yaxınlaşır, xəstəlik artacaq

551
(Yenilənib 11:53 25.09.2020)
Sobyanin iş yerlərində sanitar-epidemioloji təhlükəsizlik tədbirlərinin ciddi şəkildə yerinə yetirilməsini təmin etməyi tapşırıb.

BAKI, 25 sentyabr — Sputnik. Moskva meri Sergey Sobyanin koronavirusun yayılması təhlükəsi fonunda işəgötürənlərə mümkün qədər çox əməkdaşı distant iş rejimə keçirməyi tövsiyə edib.

Sputnik Azərbaycan xəbər verir ki, Sobyaninin çağırışı onun şəxsi saytında dərc olunub.

Sobyanin həmçinin dezinfeksiya, fərdi mühafizə vasitələrinin istifadəsi, sosial məsafə, temperaturun ölçülməsi və COVID-19 testləri də daxil olmaqla, iş yerlərində sanitar-epidemioloji təhlükəsizlik tədbirlərinin ciddi şəkildə yerinə yetirilməsini təmin etməyi tapşırıb.

Bundan əlavə, mer sentyabrın 28-dən etibarən yaşlı və xroniki xəstəlikləri olan insanlardan distant iş formatına keçməyi və ya tətil götürməyi xahiş edib.

Sobyanin bildirib ki, Moskvada "koronavirus hallarının sayı əhəmiyyətli dərəcədə artıb" və soyuqların yaxınlaşması ilə soyuqdəymə xəstəliklərinin artması müşahidə olunacaq. O, bütün moskvalıları nəqliyyatda, mağazalarda və digər ictimai yerlərdə maska və əlcək rejimlərinə riayət etməyə çağırıb.

551
Teqlər:
epidemiya, Koronavirus, COVID-19, moskva meri, Moskva, Sergey Sobyanin
İskəndər M raket kompleksi

Moskva ABŞ-ı böyük səhvdən çəkindirir

63
(Yenilənib 20:09 24.09.2020)
Vaşinqton dialoqa razılaşsa, perspektivdə Çin, Fransa, Böyük Britaniya, Hindistan və Pakistan — yəni nüvə silahına malik dövlətlər də müzakirəyə qoşula bilər.

BAKI, 24 sentyabr — Sputnik, Qaliyə İbrahimova, Sofiya Melniçuk. Rusiya Strateji Hücum Silahları Haqqında Müqavilənin (SHS-3) qorunub saxlanmasının tərəfdarıdır və ABŞ-ı onu uzatmağa çağırır. Danışıqlar yaydan bəri uzanır. Vaşinqton sənədin yenidən nəzərdən keçirilməsini tələb edir, Moskva isə nəyisə dəyişməkdən imtina edir. Problemin mahiyyəti nədədir? Ətraflı RİA Novosti-nin materialında.

"Reaksiya eşitmirik"

"Operativ şəkildə həll oluna bilən və həll edilməli olan prioritet məsələ, əlbəttə ki, 2021-ci ilin fevralında başa çatacaq Rusiya ilə ABŞ arasında Strateji Hücum Silahları Haqqında Müqavilənin uzadılmasıdır. Biz amerikalı tərəfdaşlarımızla belə danışıqlar aparırıq", – Vladimir Putin BMT Baş Assambleyasının 75-ci sessiyasının açılışında bildirib.

Rusiya prezidenti ölkələri yeni raket sistemlərinin yerləşdirilməsində də təmkinli olmağa çağırıb. Ötən il Birləşmiş Ştatlar Kiçikmənzilli və Ortamənzilli Raketlərin Ləğvi Barədə Müqavilədən çıxıb. Bundan sonra Moskva raketlərin Avropada yerləşdirilməsinə moratorium elan edib.

Putin vurğulayıb: "Təəssüf ki, biz hələ ki nə amerikalı tərəfdaşlarımızdan, nə də onların müttəfiqlərindən təklifimizə reaksiya eşitmirik".

SHS-3-ü uzatmağı BMT Baş katibi Antoniu Quterreş dəfələrlə tövsiyə edib. Amma o, ABŞ-ın Çini də müqaviləyə qatmaq tələbinə mənfi reaksiya verib. Amerikalıları "böyük səhv" etməkdən Rusiyanın daimi nümayəndəsi Vasili Nebenzya da çəkindirib.

Strateji təhlükəsizliyin sütunları

SHS-3 nüvə texnologiyalarına nəzarət sahəsində əsas sənəddir. 2010-cu ildə onu imzalamaqla Moskva və Vaşinqton strateji arsenalları ixtisar etməyi öhdələrinə götürüblər. Bu proses hələ 70-ci illərin əvvəllərində soyuq müharibə tərəflərinin Strateji Silahların Məhdudlaşdırılması (SSM-1) haqqında ilk müqaviləni bağlaması ilə başlayıb. O vaxtdan bəri bu sahədə yeddi ikitərəfli saziş qəbul olunub.

ABŞ onları heç vaxt şübhə altına almayıb. Lakin Donald Trampın prezidentliyi hər şeyi dəyişib. Ağ Ev rəhbəri razılaşmaları müasir reallıqlara uyğunlaşdırmağa çalışır və yeni silahlanma yarışının başlaması perspektivi onu qorxutmur.

ABŞ 2019-cu ilin avqustunda Kiçikmənzilli və Ortamənzilli Raketlərin Ləğvi Barədə Müqavilədən çıxmaq barədə qərarını Rusiyaya olan iddiaları ilə izah edib. İddia olunurdu ki, Moskva sənədlə qadağan olunmuş SSC-8 (Rusiya təsnifatında 9M729) raketlərini sınaqdan keçirib. Amerikalılar aydın sübutlar təqdim etməyiblər.

Amma qeyri-formal söhbətlərdə onlar etiraf ediblər ki, problem Moskvanın hərəkətlərində deyil. Pentaqon Çini kiçikmənzilli və ortamənzilli raketləri yaratmaqda şübhəli bilib və Çin hökumətinin strateji silahlarla bağlı danışıqlara qoşulmasını tələb edib. Pekin isə bu arzulara məhəl qoymayıb.

2020-ci ilin mayında ABŞ Açıq Səma Müqaviləsindən (ASM) çıxıb və yenə Moskvanı günahlandırıb – guya ruslar təftiş uçuşlarına mane olur. Rusiya Müdafiə Nazirliyi bunu təkzib edib. Qurumda hesab edirlər ki, amerikalılar kosmosa daha fəal şəkildə yiyələnmək niyyətindədirlər. ASM isə onların əl-qolunu bağlayırdı.

Nüvə pariteti

"ABŞ və NATO Çinin nüvə proqramının sürətlə inkişaf etməsindən narahatdırlar. Görünür, çinlilər bu məsələdə Vaşinqton və Moskva ilə paritet əldə etmək niyyətindədirlər", – ABŞ-ın silahlara nəzarət üzrə xüsusi nümayəndəsi Marşall Billinqsli yayda bildirirdi.

Vaşinqtonun narazılığına səbəb olan daha bir faktor odur ki, SHS-3 Rusiyanın taktiki nüvə potensialını artırmasını məhdudlaşdırmır. Billinqsli strateji silahların hazırkı yoxlanılması mexanizmini də tənqid edib.

Diskussiyalara hər halda start verilib, amma amerikalılar növbəti şərtləri irəli sürüblər.

"ABŞ Rusiyanın ən yeni silahlarını da müzakirəyə daxil etməyi tələb edir ki, bu da açıq qapını döymək (yəni aşkar olanı, heç kəsin qarşı çıxmadığını sübut etmək – red.) deməkdir", — Nebenzya bildirib.

"Yaxşı təklif"

Görüşlərin ikinci mərhələsi sentyabrda heç bir irəliləyiş olmadan başa çatıb. ABŞ-ın yeni tələbi var – əlavə çərçivə sazişlərini qəbul etmək.

Amerikalılar oraya yalnız strateji deyil, həm də taktiki nüvə arsenallarını da əlavə etməyi təklif edirlər. Yeganə güzəşt – Vaşinqton Çinin danışıqlar prosesinə qoşulmasını təxirə salmağa razılıq verib.

"Biz Rusiyaya yaxşı təklif verdik", — Billinqsli bildirib.

Rusiya Xarici İşlər Nazirliyindən (XİN) bildiriblər ki, Moskva müqaviləni yalnız hazırkı formada uzadacaq. Onun qüvvədə olma müddəti bir neçə aydan sonra başa çatır və nəyisə dəyişməyə vaxt yoxdur. Qurumdan bildiriblər ki, razılaşmanı amerikalılar özləri uzadırlar.

"Əgər ABŞ maraq balansı əsasında yeni bir şey hazırlamağa hazırdırsa, saziş mümkün olacaq. Amma vaxt lazım olacaq", - Rusiya Xarici İşlər nazirinin müavini Sergey Ryabkov bildirib.

"ABŞ preferensiyalar istəyir"

"Alternativlər azdır: ya SHS-3 dəyişilmədən uzadılır, ya da ondan tamamilə imtina edilir", - silahlara nəzarət problemləri üzrə mütəxəssis Yevgeni Myasnikov bildirir.

O, müqavilənin əsas dəyərini strateji silahların yoxlanılması sistemində görür: "Əvvəlki dövrlərdə bir-birinin fəaliyyətinə nəzarət etmək çətin idi. Tərəflər ən pis ssenaridən çıxış edirdilər ki, bu da gərginliyi artırırdı. Sistem dağılsa, keçmişin təkrarlanması riski artacaq".

PİR Mərkəzinin yeni texnologiyalar və beynəlxalq təhlükəsizlik proqramının direktoru Vadim Kozulin şübhə etmir: müqavilə uzadılacaq. O, ABŞ-ın tələblərini üstünlükləri artırmağa yönəlmiş oyun kimi qiymətləndirir.

"Tramp öz ampluasındadır: sazişin imzalanmasından əvvəl daha çox üstünlük əldə etmək istəyir. Lakin demək olar ki, vaxt qalmayıb və amerikalılar (sazişi - red.) uzatmağa razılaşacaqlar. Yeni şərtlər gələcək müzakirələrin mövzusudur. Üstəlik, Rusiyanın da taktiki nüvə arsenalı və Amerikanın Avropadakı silahlarına dair təklifləri var", – ekspert vurğulayır.

O qeyd edir ki, SHS-3-ə pilotsuz sistemlər daxil deyil, baxmayaraq ki, onlar da nüvə silahı daşıyıcıları hesab edilə bilər.

"Pilotsuz uçan aparatlar Rusiyada çox sayda suallar yaradır. Əslində onlar da elə qanadlı raketlərdir — çoxdəfəlik istifadə nəticəsində onlar ciddi təhlükə törədir. Lakin SHS-3 üzrə görüşlər çərçivəsində Moskva bu mövzuya hələ ki toxunmur", - Kozulin qeyd edir.

Onun sözlərinə görə, nəzarət sisteminin saxlanması indi əsasən ABŞ-dan asılıdır. Əgər Vaşinqton dialoqa razılaşsa, perspektivdə Çin, Fransa, Böyük Britaniya, Hindistan və Pakistan — yəni nüvə silahına malik dövlətlər də müzakirəyə qoşula bilər.

63
Əlaqədar
Medvedev: "Məgər nüvə silahlarının uçuş hədəflərini kimsə dəyişib?"
Çənədəki maska, Beyrut, nüvə silahı və millətin imicini "yuyan" dovşan qanı
Politoloq: “İran nüvə anlaşması ilə bağlı taktiki gedişlər etməyə çalışır”
Trampın elçisi: "Nüvə silahlarını Avropadan çıxarmayacağıq!"
ABŞ Rusiyaya bütün nüvə gücünü göstərəcək
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

0
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

0
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır