ABŞ bayrağı

ABŞ Rusiyanı nüvə texnologiyaları bazarından sıxışdıra biləcəkmi? Ekspert cavab verir

284
(Yenilənib 15:41 24.04.2020)
ABŞ Rusiya və Çini nüvə texnologiyaları bazarlarından sıxışdırmağa və bu sahədə dünya lideri olmağa hazırlaşır. Hərbi politoloq Andrey Koşkin Sputnik radiosunun efirində Vaşinqtonun bu planlarını şərh edir

BAKI, 24 aprel — Sputnik. Bir qədər öncə xəbər verdiyimiz kimi, ABŞ-ın Energetika Nazirliyi Rusiya və Çinin nüvə texnologiyaları bazarlarından çıxarılması məqsədi daşıyan yeni strategiyanı dərc edib. Qurumun saytında qeyd edilir ki, Birləşmiş Ştatlar bu sahədə dünya lideri olmalıdır.

"Son nəticədə, ABŞ hökuməti hazırda Rusiya və Çinin dövlət şirkətlərinin üstünlük təşkil etdiyi bazarlara çıxacaq, nüvə energetikası sahəsində ən yaxşı texnologiyaların ixracında və eyni zamanda nüvə silahlarının yayılmamasının sərt standartları sahəsində dünya lideri kimi mövqeyimizi bərpa edəcək", – Prezident Donald Trampa təqdim edilmiş sənəddə bildirilir.

Energetika Nazirliyi həmçinin Moskva və Pekinə "bir sıra Şərqi Avropa və Afrika dövlətləri" ilə möhkəm münasibətlər yaratmağa mane olmağı təklif edir. Bundan başqa, strategiyanın müəllifləri ABŞ-ın Nüvə Tənzimlənməsi üzrə Komissiyasına "milli təhlükəsizliyin təmin edilməsi məqsədilə Rusiya və Çində istehsal edilən nüvə yanacağının idxalından imtina etmək" səlahiyyətini də vermək istəyirlər.

RİA Novosti qeyd edir ki, bu, "Rosatom" dövlət korporasiyasının "TVEL" yanacaq şirkətinə təsir edə bilər. Belə ki, "TVEL" özünün "TVS-Kvadrat" nüvə yanacağının təcrübi-sənaye istismarı üçün 2016-cı ildə Amerikanın atom elektrik stansiyası operatorlarından biri ilə ilk müqaviləsini imzalayıb.

Hərbi politoloq, G.V.Plexanov adına Rusiya İqtisad Universitetinin politologiya və sosiologiya kafedrasının müdiri Andrey Koşkin Sputnik radiosunun efirində ABŞ Energetika Nazirliyinin mövqeyini şərh edib.

"ABŞ bu gün planetin lideri olmaq ideyası üçün hər şeyi edir. O, nüvə texnologiyaları sahəsində Rusiya və Çini sıxışdırmağa çalışır. Amma başa düşmək lazımdır ki, bu gün bu cür bəyanatlar həqiqəti əks etdirmir", - Koşkin bildirib.

"ABŞ imkanları əldən verir və hər yerdə birinci ola bilmir. Bunu hətta koronavirus ilə mübarizənin nəticələrində də görürük – ABŞ başqa dövlətlər üçün nümunə deyil. Başqa sahələrdə də o, təşəbbüsü əldən verir. Lakin onun özünü dünyanın jandarmı kimi təsdiq etməyə hazır olduğunu göstərən sənədlər qalır. Rusiya da, Çin də yüksək texnologiya sahələrini kifayət qədər uğurla mənimsəyirlər, ABŞ onlara çata bilmir. Bu cür strategiyaları yazanlar təbliğat məqsədilə ABŞ-ın vaxtilə təkqütblü dünya rejimində olduğunu xatırlatmağa səy göstərirlər. Amma bu gün bu model dağılır", - Koşkin deyib.

284
Neft tankeri

"Palmali"yə məxsus tankerdə partlayışın səbəbi bilinmir

23
(Yenilənib 08:53 25.10.2020)
Tankerin sahibi Türkiyənin Palmali Shipping Agency şirkətidir, gəmi 2005-ci ildə Türkiyədə tikilib, lakin Rusiya bayrağı altında üzürmüş.

BAKI, 25 oktyabr - Sputnik. Azov dənizində Rusiya bayrağı altında üzən və qəzaya uğrayan “General Həzi Aslanov” neft tankeri batırılmayacaq.

Sputnik Azərbaycan RİA Novosti-yə istinadən xəbər verir ki, bu barədə Rusiya Fövqəladə Hallar Nazirliyi (FHN) məlumat yayıb.

Məlumata əsasən, artıq tankerə su dolmur və onun batması gözlənilmir. "Merkuri" gəmisi tankeri Kerç limanına doğru çəkir.

Xatırladaq ki, qəza dünən axşam saatlarında baş verib. Belə ki, gəmidə partlayış olub. Hadisə zamanı gəmidə 13 heyət üzvü var imiş. Onlardan 10 nəfəri xilas edilib. Üç nəfər isə partlayış dalğasından dənizə düşüb. Onların axtarışına ətrafdakı gəmilər və helikopter cəlb olunub.

Hadisə vaxtı tankerdə yük olmayıb.

Qeyd edək ki, tanker Kerçdəki "Qafqaz" limanından Rostov-Don marşrutu üzrə hərəkət edirmiş.

Tankerin sahibi Türkiyənin Palmali Shipping Agency şirkətidir, gəmi 2005-ci ildə Türkiyədə tikilib, lakin Rusiya bayrağı altında üzürmüş. Qeydiyyat limanı Taqanroqdur.

23
Vladislav Lisovets, arxiv şəkli

Rusiyalı stilistdən Azərbaycana dəstək

102
(Yenilənib 21:28 23.10.2020)
Vladislav Lisovets: "Otuz il ərzində heç nə dəyişməyib: elə eyni problemdir. Azərbaycan xalqı ermənilərin qanunsuz olaraq işğal etdikləri torpaqları geri qaytarmaq istəyir".

BAKI, 23 oktyabr — Sputnik. "Azərbaycanın torpaqlarını tam azad etməsini çox istərdim". Sputnik Azərbaycan News.ru-ya istinadən bildirib ki, bunu Bakıda doğulub böyüyən və hazırda Moskvada yaşayan stilist Vladislav Lisovets deyib. 

Dağlıq Qarabağ münaqişəsi zonasındakı döyüş əməliyyatlarını şərh edən V.Lisovets Azərbaycanın torpaqlarını qaytarmasını, tam azad etməsini çox istədiyini söyləyib:

"İndi çox istərdim ki, torpaq məsələsi həll olunsun və insanlar özlərinə aid olanları qaytarsınlar. Bunun minimum insan itkisi ilə baş verməsini arzulayıram. Təəssüf ki, siyasətçilər insanların yer üzündə yaşadığını unudurlar. Əvvəlcə sərhədləri düşünürlər, insanları yox. Heç kimi millətə bölmək istəmirəm. İnsanlar öldükdə bu, faciədir", - Lisovets bildirib.

"Otuz il ərzində heç nə dəyişməyib: elə eyni problemdir. Azərbaycan xalqı ermənilərin qanunsuz olaraq işğal etdikləri torpaqları geri qaytarmaq istəyir. İndi bu, münaqişənin kəskinləşməsinə çevrilib, amma mən bütün bunların bitməsini çox istərdim", - deyə stilist əlavə edib.

102
Samsung şirkəti

Dünya nəhənginin rəhbəri vəfat etdi

0
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

0