Su-35 qırıcısı, arxiv şəkli

Rusiya qırıcısı Suriya səmasında ABŞ təyyarəsinin qarşısını kəsib: günahkar kimdir?

223
(Yenilənib 19:28 22.04.2020)
Bir həftə ərzində Rusiyanın Su-35 qırıcıları bir neçə dəfə Amerikaya məxsus P-8A "Poseidon" kəşfiyyat təyyarələrinin qarşısını kəsib.

BAKI, 22 aprel —Sputnik, Aleksandr Xrolenko, hərbi şərhçi. ABŞ hərbi kəşfiyyat təyyarələrinin Suriya sərhədləri yaxınlığında uçuşları və Rusiyanın Su-35 qırıcıları tərəfindən onların qarşısının alınması faktları getdikcə artır. Bu, ABŞ-ın Yaxın Şərq regionunda hərbi-siyasi təsirini saxlamaq niyyətini əks etdirə bilər.

Xatırladaq ki, bir həftə ərzində Rusiyanın Su-35 qırıcıları bir neçə dəfə Amerikaya məxsus P-8A "Poseidon" kəşfiyyat təyyarələrinin qarşısını kəsib. 2015-ci ildən regionda əməliyyat şəraiti çox dəyişib və bu, Pentaqonun xeyrinə deyil. Ola bilsin ki, obyektiv reallıq və Rusiyanın strateji uzunmüddətli hərbi iştirakı Qərbdə narahatlıq yaradır.

ABŞ Hərbi Dəniz Qüvvələrinin 6-cı donanmasının mətbuat xidmətinin məlumatına görə, aprelin 19-da Rusiyanın Su-35 təyyarəsi Aralıq dənizi üzərində 25 fut (7,62 metr) məsafədə Amerikaya məxsus P-8A "Poseidon" kəşfiyyat təyyarəsinin qarşısına keçib. "Poseidon"un ekipajı bu siqnala dərhal reaksiya vermədiyi üçün təyyarə 100 dəqiqə ərzində iki dəfə sıxışdırılıb və turbulentliyə düşüb. Oxşar vəziyyət dörd gün ərzində iki dəfə müşahidə olunub.

ABŞ bundan əvvəl də, aprelin 15-də Su-35 qırıcısının Aralıq dənizi üzərində beynəlxalq hava məkanında Amerikanın kəşfiyyat təyyarəsindən 15 metr aralıda uçması ilə əlaqədar Rusiyaya narazılığını bildirib. Amerika tərəfinin sözlərinə görə, "Poseidon" sərt reaksiyaya, rusiyalı təyyarəçinin "məsuliyyətsiz" hərəkətlərinə və turbulentliyə səbəb olacaq heç bir şey etməyib.

"Qaynar" regionda bu cür toqquşmalar nəzərəçarpacaq dərəcədə artıb. Səbəb nədir? Günahkar kimdir?

Pentaqon rusiyalı pilotları 1972-ci ilin "Açıq dənizdə və onun üzərində insidentlərin qarşısının alınması haqqında" Sazişə riayət etməyə çağırıb. Rusiya Müdafiə Nazirliyi isə cavabında bildirib ki, Su-35 qırıcısı ABŞ təyyarəsinin Suriyanın Tartus şəhərindəki Rusiya hərbi-dəniz obyektinə yaxınlaşması səbəbindən Xmeymim aviabazasından havaya qalxıb. Müdafiə Nazirliyi dəfələrlə qeyd edib ki, Rusiya aviasiyasının uçuşları hava məkanından istifadənin beynəlxalq qaydalarına uyğun şəkildə həyata keçirilir.

Rusiyalı pilotlar səmada "xuliqanlıq" etmirlər, Su-35 qırıcısının manevrləri isə ABŞ kəşfiyyatçısına hara uçmaq lazım olmadığını göstərir. Bu adi müşayiət təcrübəsidir.

Amerikalı pilotlar isə Aralıq dənizi üzərində "təhlükəli manevrlərin" səbəbini çox yaxşı bilirlər. Martın əvvəlində ABŞ qırıcıları Rusiyanın "Tu-142" uzaqmənzilli sualtı qayıq əleyhinə təyyarəsini Alyaska yaxınlığındakı neytral sular üzərində müşayiət ediblər.

Məqsəd və vasitələr

Hərbi-siyasi reallıq belədir ki, bu gün Amerika kəşfiyyat təyyarəsinin uçduğu regionu sabah "Tomahawk" qanadlı raketləri vura bilər (Pentaqonun arsenalında təxminən 5 min "Tomahawk" var). Suriyada artıq belə bir şey baş verib (2017-ci ilin aprelində). Rusiyanın qırıcı aviasiyasının növbətçi pilotları isə qaydalara uyğun hərəkət ediblər.

"Boeing P-8A Poseidon" patrul və sualtı qayıq əleyhinə təyyarədir. Lakin onun imkanları daha genişdir. Təyyarə Aralıq dənizi üzərində uçarkən quruda olan hərbi obyektlərin radiotexniki kəşfiyyatını uğurla apara bilər (Raytheon AN/APY-10 radiotexniki kəşfiyyat sistemi vasitəsilə). Bu yaxınlarda "Poseidon" təyyarəsinə "Advanced Airborne Sensor"(ikitərəfli aktiv fazalı qəfəs) axtarış radarı quraşdırılıb. Bu radar yerdə hədəflərin axtarışını aparmağa imkan verir. "Raytheon AN/APS-137D" çox məqsədli radar isə ərazilərin detallı xəritələrini "çəkir", hava və su hədəflərini aşkar edir. Təyyarə "Smiths Aerospace" müasir nişan-naviqasiya kompleksi sayəsində döyüş vəzifələrinin geniş çeşidini həll edə bilər. Hərbi əməliyyatlar zamanı "Poseidon" yalnız Mk.54 dərinlik bombaları və ya torpedalar ilə deyil, həm də "SLAM-ER" aviabombaları, idarə olunan "AGM-84K Harpoon" gəmi əleyhinə raketləri, "AGM-65 Maverick" "hava-yer" raketləri və hətta qırıcılarla döyüşə girməyə imkan verən ortamənzilli "AIM-120 AMRAAM" "hava-hava" raketləri ilə təchiz olunur. Amerikanın nüfuzlu "The National Interest" nəşri qeyd edir: "Münaqişə yaranarsa, bu təyyarələr quldurluq edən sualtı qayıqların axtarışı və məhv edilməsi, həmçinin düşmənin suüstü gəmilərinin yerdəyişməsinin izlənilməsi üzrə vacib vəzifələri yerinə yetirəcək".

Bu fonda Amerikanın şikayətləri və etirazları açıq şəkildə yersizdir.

Rusiya etibarlı müdafiəçidir

Rusiyanın Xmeymim və Latakiya hərbi bazaları legitim şəkildə Suriya torpağında yerləşdirilib. Burada Rusiya Müdafiə Nazirliyinin strateji əhəmiyyətli obyektləri, ən yeni silah və hərbi texnika nümunələri – Su-35S təyyarələri, "Kalibr" və "X-101" qanadlı raketləri, "Terminator" döyüş maşınları cəmləşib, eləcə də T-14 "Armata" tankları sınaqdan keçirilib. Suriyada mütəmadi olaraq NATO radarları üçün görünməz olan Su-57 aviasiya kompleksləri də fəaliyyət göstərir.

Bütün bunlar Qərb strateqlərinin marağına səbəb olur. Özü də qərbli strateqləri bu obyektlərin texniki xarakteristikalarından çox, onların yeri və koordinatları maraqlandırır.

Rusiya qüvvələrinin və yüksək texnologiyaların konsentrasiyası sahələri göydə, dənizdə və quruda etibarlı bir şəkildə qorunmalıdır. Buna görə də Suriya torpağında daim S-400 "Triumf" və S-300 "Favorit" zenit raket sistemləri, "Pantsir-S1" zenit raket-top kompleksləri və qırıcı aviasiya döyüş xidməti keçir.

Rusiya Aralıq dənizi regionunda hərbi təhlükələrə və açıq şəkildə güc nümayişinə yalnız eyni şəkildə cavab verə bilər. Bir daha xatırladım ki, Rusiya qoşunları Suriyanın rəsmi hökumətinin xahişi ilə ölkə ərazisindədir. ABŞ-ın 6-cı donanmasının gəmiləri və aviasiyası isə öz təşəbbüsü ilə Aralıq dənizi regionuna gəlib, onları Suriyaya heç kim dəvət etməyib.

223
Əlaqədar
Bu "Sirkon" Rusiyanın rəqiblərinə baha oturacaq: onu uçuş zamanı heç nə vura bilməz
Azərbaycanda "İsrail bazaları" haqqında dezinformasiyanı kim uydurur?
Stabillik silahı: Rusiya “Ağ qu quşu” ilə çox uzaqlara uçacaq
Müttəfiqliyin sınağı: ABŞ sanksiya hazırlayır, Türkiyə aviabazanı bağlamağa hazırlaşır
Rusiya Xarici İşlər Nazirliyinin rəsmi nümayəndəsi Mariya Zaxarova, arxiv şəkli

Şenker ABŞ-ın Yaxın Şərqdə son iki onillikdəki hansı layihəsini uğurlu hesab edir?

11
Rusiya XİN-in rəsmi nümayəndəsi Mariya Zaxarova Dövlət Departamentinin Rusiyanın Yaxın Şərqdəki rolu haqqında bəyanatına cavab verib

BAKI, 5 iyun – Sputnik. Rusiya XİN-in rəsmi nümayəndəsi Mariya Zaxarova ABŞ dövlət katibinin köməkçisi Devid Şenkerin “Rusiya Yaxın Şərqdən çıxmalı"dır fikrini şərh edərkən Vaşinqtonun regiondakı siyasətinin nəticələrini xatırlamağa çağırıb.

"Dəqiqləşdirmək istərdim ki, Şenker Amerikanın Yaxın Şərqdə son iki onillikdəki hansı layihəsini uğurlu hesab edir? <...> Xatırlaya bilmirik. Yalnız ölüm və məhv", - deyə Zaxarova RİA Novosti-yə bildirib.

Diplomat əlavə edib ki, ola bilsin, Şenker "uğurlu layihə" nin yekununu məhz belə görür.

Rusiya 2015-ci ildən rəsmi Suriya hökumətinin xahişi ilə ərəb respublikasına terrorizmlə mübarizə və ölkənin bərpası üçün hərbi və digər yardımları göstərir. Birləşmiş Ştatlar isə Suriyanın rəsmi hakimiyyətinin icazəsi olmadan bu ölkədə yerləşir.

11
T-15 Armata ağır PDM-i , arxiv şəkli

Niyə T-15 "Armata" dünyanın ən yaxşısıdır?

18
(Yenilənib 22:38 05.06.2020)
Rusiya və xarici hərbi ekspertlərin fikrincə, T-15 hələ uzun illər xarici konstruktor büroları üçün nümunə olacaq.

BAKI, 5 iyun — Sputnik, Aleksandr Xrolenko, hərbi şərhçi. Rusiya silah yaradılması və istehsalı sahəsində qabaqcıl mövqe tutur. "Armata" platforması əsasında yaradılmış piyadanın döyüş maşını (PDM) keyfiyyətli texnoloji sıçrayışdır. Yeni PDM dünya silah bazarında tələb olunacaq.

İyunun 24-də Moskvada keçiriləcək Qələbə paradında döyüş texnikasının əsas nümunələri sırasında ən yeni məsafədən idarə olunan "Kinjal" universal döyüş modulu ilə təchiz olunmuş T-15 "Armata" ağır PDM-i də iştirak edəcək. Onun 57 millimetrlik "Kinjal" topu düşməni 14 km-dən çox məsafədə vura və dəqiqədə 80 güllə ata bilir. Bu gün T-15 "Armata" dünyanın ən güclü və ən yaxşı müdafiəsi olan PDM-dir.

Bu PDM piyadaların çatdırılması və qoşunlara atəş dəstəyi üçün nəzərdə tutulub. Silahlanma, manevr imkanları və müdafiə sistemləri T-15-ə tanklarla eyni sırada durmağa imkan verir. Bununla belə, piyadanın ağır döyüş maşınının tərtibatı onun "yaxın qohumu" olan T-14 tankından fərqlənir. Mühərrik burun hissəsində, idarəetmə bölməsi mərkəzdə, desant bölməsi arxada yerləşir. Silah və döyüş sursatı isə uzaqdan idarə olunan qüllədə yerləşib. T-15 PDM-in daxili məkan və həyat təminatı sistemlərinin təşkili ekipaja və desantçılara üç sutka ərzində döyüş maşınını tərk etmədən döyüş tapşırıqlarını yerinə yetirməyə imkan verir.

Döyüş maşını üç ekipaj üzvü tərəfindən idarə olunur, desant şöbəsi tam təchiz olunmuş 9 motoatıcını daşıya bilir (BMP-2 və BMP-3 yalnız 7 desantçı daşıya bilir). Qatlanan apparel yüklənməni və desant çıxarmanı daha rahat edir. T-15 PDM-in ölçüləri və kütləsi (uzunluğu 9,5 metr, eni 4,8 metr, hündürlüyü 3,5 metr, kütləsi 55 ton) onun təhlükəsizliyini və 12 hərbi qulluqçu üçün kifayət qədər rahatlığı, əhəmiyyətli miqdarda silah və sursatlarla təchizatı təmin edib. Çoxqatlı zirehlə təchiz edilmiş bu "canavar" 1500 at gücündə olan 2V-12-3A dizel mühərriki ilə təchiz olunub, dərinliyi 5 metrə qədər olan su maneələrini keçə bilər (dib ilə), dərə-təpəli ərazidə təxminən 50 km/saata, şosedə isə 75 km/saata qədər sürət yığa bilər. Gediş ehtiyatı 500 kilometrdir.

Rusiya ordusunun T-15 "Armata" PDM-inə ehtiyacı böyükdür. Yeni döyüş maşını motoatıcı bölmələrin texniki təchizatının keyfiyyətcə yaxşılaşmasına və döyüş meydanında zirehli texnikanın yeni istifadə konsepsiyalarının tətbiqinə zəmanət verir. Vahid "Armata" platformasında T-14 PDM və T-15 tanklarının qoşunlara çatdırılması sinxron şəkildə həyata keçiriləcək, çünki hər iki maşın inteqrasiya şəklində döyüş əməliyyatları aparmaq üçün işlənib hazırlanıb.

Unikal müdafiə

Dünyada mövcud olan piyada döyüş maşınlarının hamısı düşmənin tank əleyhinə vasitələri üçün həssasdır. Lakin bu, T-15 PDM-inə aid deyil. Müdafiə "Armata" ailəsinin əsas xüsusiyyətidir. T-15-in konstruksiyasının mühüm xüsusiyyəti döyüş komplektindən və mühərrik-transmissiya bölməsindən təcrid olunmuş zirehli kapsuldur (içərisində komandir, mexanik-sürücü və operator oturur). Onun korpusu ekipajı və desantçıları fuqaslardan qoruyur. T-15-in tank əleyhinə vasitələrindən eşelonlanmış, çoxsəviyyəli müdafiə sistemi ayrıca diqqətə layiqdir.

Optik-elektron kompleksi və şüalanmanın aşkar edilməsi üçün sensorlar sistemi sıx aerozol pərdəsinin yaradılması üçün tüstü qumbarasının avtomatik atılmasına imkan verir. Əsas işi "Afqanit" ümumrakurslu aktiv müdafiə kompleksi həyata keçirir. Bu avtomatlaşdırılmış sistem düşmənin tank əleyhinə raketlərini PDM-ə yaxınlaşdıqda aşkar edir və onları vurur (döyüş maşının gövdəsi ilə təmas olmadan). "Afqanit" cavab zərbəsi endirmək üçün düşmən raketinin buraxılması ərazisini müəyyən edə bilir. Fazalı anten qəfəsləri PDM-in yaxınlığında istənilən fəaliyyəti izləyir. Yaxın məsafədən tam dairəvi izləmə görüntünü ekipajın ekranlarına ötürən videokameralar vasitəsilə həyata keçirilir.

Əgər düşmənin mərmiləri "Afqanit"in müdafiə sərhədlərini dəf etsə, "Malaxit" dinamik müdafiə kompleksi işə düşür. Hər iki sistem T-15-in etibarlı müdafiəsini təmin edir, lakin kompozitlərdən və poladdan hazırlanmış əsas zirehli korpus da zərbəyə tab gətirə bilər. Bu materialların birləşməsi 1200 mm qalınlığında olan adi zirehli plitənin möhkəmliyinin ekvivalentinə nail olmağa imkan verir. Bundan başqa, döyüş maşını peyk naviqasiyasını və radiosiqnalları susduran, rəqibin mərmi və raketlərinin istiqamətini dəyişdirən radioelektron mübarizə vasitələrinə malikdir. Döyüş maşınının altında quraşdırılmış mina əleyhinə müdafiə sipəri hətta güclü fuqasın zərbə dalğasının qarşısını almağa qadirdir. PDM-in güc qurğusunun öndə yerləşməsi ekipaj və desant üçün əlavə müdafiə yaradır.

Təhlükəsizlik dərəcəsinə görə dünyada onun bərabər analoqu yoxdur. T-15 piyadanın döyüş maşını Almaniya ordusunun ən yeni "Puma" (Schützenpanzer Puma) PDM-i də daxil da olmaqla, bütün yaxın rəqiblərdən üstündür. Yalnız bəzi parametrlərə görə, İsrailin "Namer" zirehli transportyoru onunla rəqabət apara bilər. Qeyd edim ki, T-15 PDM-inin bütün xüsusiyyətləri geniş ictimaiyyətə məlum deyil. "Armata" Rusiya Müdafiə Nazirliyinin ən gizli layihələrindən biridir.

Sarsıdıcı güc

Yerli münaqişələrdə (və şəhər döyüşlərində) yeni taktika piyadaların döyüş maşınlarını daha da canlı etməyi tələb edir. Rusiyanın ən yeni PDM-i tank zirehinə malikdir, piyadaların etibarlı müdafiəsini təmin etməyə və demək olar ki, istənilən rəqiblə döyüşə girməyə qadirdir. T-15 PDM-i səhra və şəhər şəraitində eyni dərəcədə uğurla fəaliyyət göstərəcək.

Onun əsas silahı "Kinjal" adlı 57 mm-lik yivli avtomatik topu və tank əleyhinə "Ataka T" raket kompleksidir. İnsansız döyüş modulu məsafədən idarə olunan döyüş sistemi şəklində layihələndirilib. 57 mm-lik güclü sürətli atəş aça bilən top yerüstü və hava hədəflərinin zirehdələn və qəlpəli-fuqaslı mərmilərinin köməyi ilə 14500 metrə qədər məsafədə məhv edilməsi üçün nəzərdə tutulmuşdur. Tank əleyhinə idarə olunan 9M120 "Ataka" raketləri zirehli (aktiv müdafiə kompleksli) hədəflərə qarşı 10 km-ə qədər məsafədə effektivdir. Düşmənin canlı qüvvəsi ilə mübarizə üçün əlavə olaraq 7,62 mm-lik PKTM pulemyotu quraşdırılıb. Avtomatlaşdırılmış sistem optik lokatorun vasitəsilə aktiv və passiv rejimlərdə hədəflərin axtarışını və müşayiət olunmasını həyata keçirə bilər. Məsələn, gizlənmiş snayperlərin aşkarlanması, izləmə aparılması və iki hədəfin eyni vaxtda atəşə tutulması.

Vurğulayım ki, NATO ölkələrinin PDM-dən fərqli olaraq, T-15 döyüş modulları televizion və infraqırmızı optik qurğular vasitəsi ilə uçuş aparatlarını passiv şəkildə aşkar edərək yaxın döyüşdə hava hücumundan müdafiə rejimini dəstəkləyir. T-15 PDM-nin topu demək olar ki, bütün yerüstü hədəfləri (tanklar daxil olmaqla) vurmağa və hücum təyyarələrini, "Apache" tipli tank əleyhinə helikopterləri, MQ-1 "Predator" tipli dronları vurmağa qadirdir. Onun radiolokasiya stansiyası, sensorlar sistemi və ikimüstəvili silah stabilizatoru mövcuddur. Etibarlılıq üçün kompüterləşdirilmiş nəzarət sisteminin tərkibinə iki çoxfunksiyalı nişangah daxildir: biri nişançı, digəri isə maşın komandiri üçün.

Silahların düzülüşünün modul prinsipi taktiki fondan asılı olaraq döyüş komplektasiyasının variantlarını dəyişməyə imkan verir. Bugünkü T-15 PDM-nin konfiqurasiyalarının bir neçəsi yəqin ki, yeni modullarla tamamlanacaq.

Döyüş inteqrasiyası

T-15 PDM-i taktiki halqanın vahid idarəetmə sistemində aşkar edilmiş hədəflərə dair məlumatları digər döyüş maşınlarına inteqrasiya olunmuş şəkildə ötürmək və hədəfi məhv etmək üzrə tapşırıqları almağa qadirdir. Bu, qoşunların döyüş təşkilatının keyfiyyətcə yeni səviyyəsidir. Beləliklə T-15 əsas çoxməqsədli döyüş vasitəsi kimi tank və motoatıcı bölmələrin tərkibində – hətta nüvə silahının və ya kütləvi qırğın silahının digər növlərinin tətbiqi şəraitində istənilən düşmənə qarşı manevrli döyüş əməliyyatları aparmaq üçün nəzərdə tutulub.

T-15 PDM-inin məlumatları idarə sistemi əvvəlki nəsillərin PDM-ləri ilə müqayisədə komanda idarəetməsini daha yüksək səviyyədə təmin edir. Bu sistem PDM-in ekipajına maşının texniki vəziyyətinə dair tam məlumat verərək diqqəti birbaşa döyüş tapşırıqlarının yerinə yetirilməsinə yönəltməyə imkan verir. T-15 PDM-in yaradıcıları kəşfiyyat və əməliyyat mühitinin qiymətləndirilməsi üçün onun hətta dronla təchiz olunacağına söz veriblər.

Köhnə BMP-1 və BMP-2 PDM-ləri tank bölmələrinə dəstək vasitəsi kimi yaradılıb. Yüksək sürət və az kütlə bu döyüş maşınlarının yaxşı manevrini təmin edir. Lakin onların zirehi zəifdir. T-15 PDM öz taktiki-texniki xarakteristikalarına görə bütün mövcud analoqlarını qabaqlayır. Bundan əlavə, T-14 əsas döyüş tankı və T-15 PDM-i eyni güc blokuna və hidromexanik transmissiyaya malikdir. Belə unifikasiya Rusiyada ilk dəfə tətbiq edilib və döyüş maşınlarının texniki xidmətini çox asanlaşdırır.

Təsadüfi deyil ki, T-15 PDM hindistanlı hərbçilərin ürəyincə olub. İraq, Küveyt, Tailand və Pakistan ordularında da bu ən yeni piyadanın döyüş maşınlarının əldə olunması barədə düşünürlər. Rusiya silah bazarının PDM seqmentində yer tutmaq üçün hələ də "M2 Bradley" PDM-lərini onlarla ölkəyə göndərməkdə davam edən amerikalılarla uğurla rəqabət apara bilər. Rusiya və xarici hərbi ekspertlərin fikrincə, T-15 hələ uzun illər xarici konstruktor büroları üçün nümunə olacaq.

18
Bakıda tibbi maskada olan insanlar

ÜST maska ilə bağlı fikrini dəyişdi

0
(Yenilənib 16:28 06.06.2020)
ÜST hökumətlərə yeni növ koronavirusun yayılmasının qarşısını almaq üçün ilk dəfə ictimai yerlərdə üz maskaları taxmağı tövsiyə edib.

BAKI, 6 iyun — Sputnik. Ümumdünya Səhiyyə Təşkilatı (ÜST) COVID-19 virusuna nəzarət üçün maskaların istifadəsinə dair təlimatını yeniləyib. Sputnik Azərbaycan-ın məlumatına görə, Ümumdünya Səhiyyə Təşkilatının Baş direktoru Tedros Adhanom Qebreyesus maska taxmaq üçün verilən tövsiyələrin dəyişdirildiyini bildirib. Onun sözlərinə görə, bu təlimat yeni əldə olunmuş sübutlara əsaslanır:

"Aşkar edilmiş dəlillərə görə, ÜST hökumətlərə virusun geniş yayıldığı və fiziki məsafə saxlanılmasının çətin olduğu yerlərdə maskalardan istifadə etmələrini tövsiyə edir. Belə yerlərə ictimai nəqliyyat, supermarket və digər qapalı məkanlar daxildir".

Bununla da ÜST hökumətlərə yeni növ koronavirusun yayılmasının qarşısını almaq üçün ilk dəfə ictimai yerlərdə üz maskaları taxmağı tövsiyə edib. Qeyd edək ki, indiyə qədər ÜST tibbi maskanı yalnız koronaviruslu xəstə insanların taxmasını tövsiyyə edirdi.

0
Əlaqədar
Azərbaycanlı ixtiraçının yeni kəşfi kliniki sınaq üçün ABŞ-a göndərilir
Koronavirus əleyhinə daha bir mübarizə metodu - deyin, "pendir..."
Əzrayılın köməkçiləri: ehsan boşqabını sayanlar, ürəyiyuxa polis və öldürücü mehribanlıq
“İnanırsan, ya inanmırsan”: günümüzün ən mühüm sualı
“Maska rejimi? Xəbərimiz yoxdur”: Bakıda karantinə necə riayət edirlər