Armat T-14 tankı, arxiv şəkli

Rusiya yeni silahını sınaqdan keçirdi: insana çox az ehtiyacı var

173
(Yenilənib 12:22 21.04.2020)
Suriyada davam edən vətəndaş müharibəsi Rusiyaya özünün yeni silahını birbaşa döyüş şəraitində sınaqdan keçirməyə imkan yaradıb.

BAKI, 21 aprel — Sputnik, Aleksandr Xrolenko, hərbi icmalçı. Suriya Ərəb Respublikasının ərazisində döyüş şəraitində T-14 "Armata" tankının yoxlanılması qurğunun gələcək təkmilləşməsindən, Moskvanın beynəlxalq bazarda Rusiya silah texnologiyalarının üstünlüyünü möhkəmlətmək istəyindən xəbər verir.

T-14 "Armata" yeni tankının uzunmüddətli sınaqları real döyüş şəraitində başa çatdırılır. Bu, özündə ən qabaqcıl texnologiyanı, unikal rəqəmsal və proqram həllərini birləşdirən, RF Müdafiə Nazirliyinin xüsusi tələblərini ehtiva edən əsas döyüş tankının formalaşmasının optimal yoludur. Rusiyanın "Armata" tankının Suriyada döyüş sınağından çıxması və 2021-ci ildə maşının qoşuna tədarükünün başlanacağı barədə aprelin 19-da Rusiyanın Sənaye və ticarət naziri Denis Manturov məlumat verib.

Sensasion məlumat xarici kütləvi informasiya vasitələrində çox böyük rezonansa səbəb olub.

"Armata"ya xüsusi diqqət ayırmaq lazımdır. Bu, kimsəsiz qülləsi və heyət üçün zirehli kapsulu olan dünyada yeganə üçüncü nəsil tankdır. O, ABŞ-ın "Abrams", Fransanın "Leclerc" və almanların "Leopard 2"si daxil olmaqla dünyadakı bütün ən yaxşı zirehli texnika nümunələrini keçir. Rusiya tankı 2019-cu ildə ən inkişaf etmiş ölkələrin 12 maşını arasında ən yaxşı seçilib.

Əslində, "Armata"nın dünyada birbaşa rəqibi və ya analoqu yoxdur. Tank modul prinsipi üzrə istehsal edilib, heyət, silah komplekti və yanacaq ayrıca yerləşdirilib, silahları məsafədən idarə olunur. Modernləşmə və robotlaşma üçün qeyri-məhdud imkanlara malikdir.

Döyüş xüsusiyyətləri

Mütəxəssislər "Armata"nı mümkün rəqibin tanklarından 25-30% effektiv maşın hesab edirlər. Heyət (üç nəfər) tankın korpusundakı zirehli kapsulun daxilindən, məsafədən 15 millimetrlik 2A82 topunu idarə edir. Bu heyətə qülləyə müasir və perspektivə də olacaq tank əleyhinə raketlərin və mərmilərin dəyməsindən və döyüş komplektinin (müxtəlif təyinatlı 40 mərmi ayrıca yerləşdirilib) yanmasından sonra sağ qalmağa imkan verir. Dünya tank sənayesində tamamilə yeni həll.

125 millimetrlik top atəş gücünə görə bütün mövcud tank silahlarından üstündür ("Leopard-2A6"nın 120 millmetrlik sistemi də daxil olmaqla) və dəqiqədə 12 dəfə atəş bilir. "Armata"nın optikası gündüz 5 km, gecə isə 3,5 km məsafədəki hədəfi aşkar etməyə imkan verir. Silah və tank pulemyotları hərəkətdə olarkən atəş açmağa imkan verir. 48 ton çəkisi olan maşın saatda 90 km sürətlə irəliləyir. Güc qurğusu – 2000 saatdan artıq mühərrik resursuna malik 1500 güclük dizel mühərriki. Perspektivdə "Armata" məsafədən idarə olunacaq, yəni, tank kimsəsiz olacaq (heyət üçün ən yaxşı müdafiə onun tankda olmamasıdır). Yeni, daha möhkəm, yüngül, 900 mm-lik zirehi Moskvanın Elmi-Tədqiqat Polad İnstitutu hazırlayıb (tankın çəkisinin 55 tonadək endirilməsi manevr qabiliyyətini artırır). "Armata"nın tırtıllı platforması universaldır və yeni ağır PDM-lər, kəşfiyyat, idarəetmə maşınları, mühədis texnikasının yaradılması üçün əsas rolunu oynayacaq.

"Armata" tankı "eşelonlaşdırılmış müdafiə"yə malikdir. Ənənəvi passiv "Malaxit" müdafiəsinə avtomatik rejimdə, heyətin bilavasitə iştirakı olmadan yaxınlaşan tank əleyhinə mərmiləri, bombaları və raketləri məhv edən aktiv "Afqanit" müdafiə kompleksi əlavə olunub. "Afqanit"in radiooptik radarı (dörd fazalı anten barmaqlıqlar) "tankın intellektini" təhlükələr barədə xəbərdar edir, sonra düşmənin raketlərini radioelektron təsir sistemi sıradan çıxarır. "Afqanit" hədəfləri fiziki cəhətdən də məhv edə bilər, ehtiyatda isə tendem tipli raketləri məhv edə biləcək modul "Relikt" kompleksinə malik dinamik "Malaxit" müdafiəsi qalır. Xüsusi örtükdən istifadə olunmaqla yaranan tankın qeyri-adi silueti istilik və radiolokasiya spektrlərində obyektin görünməsini xeyli azaldır.

Yenidən silahlanma və ixrac

Rusiya ordusunun ümumi tələbatı 2300 "Armata" tankı olaraq müəyyən edilib. RF Müdafiə Nazirliyi ildə təxminən 200 tank almaq niyyətindədir. İlkin mərhələdə, 2016-cı ilin sentyabrında "Uralvaqonzavod"la müqavilədə təcrübə partiyası – təxminən 100 maşın qeyd olunurdu. "Armiya-2019" forumunda Rusiya Müdafiə Nazirliyi "Armata" platformasında yaradılmış 132 T-14 (tank) və T-15 (ağır PDM) alınması barədə müqavilə (yerinə yetirilmə müddəti 2021-ci ilin sonunadək) imzalayıb.

"Armata" platformasındakı tankın dövlət sınağı 2020-ci ildə başa çatmalıdır. Yeni maşının ordu həyatı yenicə başlayır və artıq Arktika, Suriya və planetin bir çox digər sərt yerlərində (temperatur diapazonu Selsi ilə -50-dən +50-dək) uğurlu sınaqlar keçirilib. Bu yeni, inqilabi silah sisteminin yüksək effektivliyi sübut olunub. Potensial əcnəbi alıcıların marağı təbii olaraq artmaqdadır.

Qeyd edək ki, "Armata" bahalı tankdır – birinin 7 milyon dollaradək qiyməti var. Bu yüksək texnologiyalı konstruksiya, çoxmərhələli sınaqlar və modernləşmə ilə bağlıdır (yəqin ki, istehsal həcmi artdıqca qiymət düşəcək). Lakin müasir dünyada mükəmməl silah bir çox dövlətlər üçün suverenitetin əvəzolunmaz aləti rolunu oynayır və Moskva artıq T-14-ün alınmasına dair ilkin sifarişləri alıb (danışıqlar Misir, Hindistan, Çin və başqa ölkələrlə aparılıb). Xaricə tadarük "Armata" Rusiya ordusunda peyda olduqdan və maşının ixrac şəklinin pasportu alındıqdan (bu asabn iş deyil) sonra başlayacaq.

İstənilən halda, T-14 tankı planetin bir çox qaynar nöqtəsində rus silahının şanını artıra bilər. "Armata"dakı qabaqcıl texnoloji həllər aktuallıqlarını bütün XXI əsr boyu saxlayacaqlar. Təsadüfi deyil ki, əcnəbi ekspertlər reytinqdə bu tankı Rusiyanın mümkün rəqibi üçün quru silahlarının arasında ən qorxuluların sırasında birinci yerə çıxarıblar. Almaniya və Fransanın hərbi nazirlikləri isə "Armata"y layiq rəqib hazırlamağa cəhd edirlər.

173
Laboratoriya işçiləri, arxiv şəkli

Rus alimlərindən koronavirus peyvəndi istehsal edən "AstraZeneca"ya qəribə təklif

21
(Yenilənib 22:21 27.11.2020)
Bu həftənin əvvəlində "Sputnik-V" koronavirus peyvəndinin üçüncü mərhələ klinik sınaqlarının nəticələri açıqlanıb

BAKI, 27 noyabr — Sputnik. Dünyada koronavirus xəstələrinin sayı artdıqca bu azara yoluxmanın qarşısını almağa kömək edən peyvənd istehsalı sahəsində rəqabət də qızışır. Bu günlərdə Böyük Britaniyanın "AstraZeneca" ("Oxford") peyvəndinin təhlükəsizliyi ilə bağlı problem olduğu üzə çıxdı. Şirkətin rəhbərliyi peyvəndin dozası ilə bağlı yanlışlığa yol verildiyini etiraf edərək bu səhvin aradan qaldırılması üçün kliniki tədqiqatları davam etdirəcəklərini bildirdi.

Koronavirusа qarşı peyvənd, arxiv şəkli
© Handout / Russian Direct Investment Fund / AFP

Sputnik Azərbaycan-ın Türkiyənin NTV kanalına istinadən yaydığı məlumata görə, koronavirus üzərində 95 faiz təsirli olan "Sputnik-V" peyvəndinin sahibi Rusiya "AstraZeneca"ya vaksinləri qarışdırmağı təklif edib. "Sputnik-V" peyvəndinin yaradıcıları sosial media vasitəsilə "AstraZeneca" alimlərinə müraciət edərək "Yeni kliniki tədqiqatlar zamanı peyvəndinizin təsirini artırmaq istəyirsinizsə, onu rus vaksini ilə qarışdırın. Hər iki ölkədə adenoviral vektor peyvəndi hazırlanır, bu vaksinlərin qarışdırılması daha güclü nəticə əldə etməyə imkan verər", - deyə bildiriblər.

Qeyd edək ki, bu həftənin əvvəlində "Sputnik-V" koronavirus peyvəndinin üçüncü mərhələ klinik sınaqlarının nəticələri açıqlanıb. Həmin nəticələrə görə, nəzərdə tutulduğu kimi, peyvəndin ayrı-ayrılıqda iki dozasının tətbiq olunduğu 18 min 794 pasiyentdə 28-ci gün 91,4, 42-ci gün isə 95 faiz təsirli olduğu üzə çıxıb.

"AstraZeneca" ("Oxford") şirkəti isə istehsal etdiyi peyvəndin sadəcə 70 faiz təsirli olduğunu etiraf edib. Əslində isə klinik tədqiqatlarına yarısı İngiltərədən, yarısı isə Braziliyadan olmaqla 20 mindən çox könüllünün qatıldığı "Oxford" peyvəndinin ən yüksək dozada belə cəmi 62 faiz təsirli olduğu üzə çıxıb. Bundan başqa, "AstraZeneca" İngiltərədəki 3 minə yaxın könüllüyə səhvən yarım doza peyvəndin tətbiq olunduğunu etiraf edib.

Daha bir koronavirus peyvəndi olan BioNTech şirkətinin "Pfizer" peyvəndini isə mənfi 70 dərəcə temperaturda saxlamaq tələb olunduğundan bu vaksin bir o qədər də əlverişli hesab edilmir.

 

21
Teqlər:
alimlər, təklif, AstraZeneca, Sputnik-V peyvəndi, peyvənd, Koronavirus, epidemiya, COVID-19
Mövzu:
Dünyanı cənginə almış bəla
Rusiya İstintaq Komitəsinin avtomobili, arxiv şəkli

Rusiyada köşklərdə Hitlerin şəkli olan poçt markaları satılıb

8
(Yenilənib 19:38 27.11.2020)
KİV-in yazdığına görə, Hitlerin şəkli olan markalar "Orelsoyuzpeçat" köşklərində 290 rubla satılıb. Markaların üzərində Hitlerin yeni çap olunmuş fotosu deyil, o dövrə aid orijinal portret olub.

BAKI, 27 noyabr — Sputnik. Rusiyanın Oryol şəhərində köşklərdə üzərində Adolf Hitlerin fotosu olan poçt markaları satılır.

Sputnik Azərbaycan RİA Novosti-yə istinadla xəbər verir ki, artıq Rusiya istintaq orqanları Oryol şəhərində köşklərdə Adolf Hitlerin şəkli olan poçt markalarının satılması faktı ilə bağlı araşdırma aparmağa başlayıb.

"Mətbuatda yer alan məlumatlara görə, Oryol şəhərindəki qəzet köşklərində nasist Almaniyası liderinin şəkli olan poçt markalarının satışına dair istintaq öncəsi yoxlama başladılıb. Hal-hazırda bu məhsulların satışı dayandırılıb", - deyə bildirilir.

Qeyd edilib ki, istintaq öncəsi yoxlamanın nəticələrinə əsasən prosessual qərar veriləcək.

KİV-in yazdığına görə, Hitlerin şəkli olan markalar "Orelsoyuzpeçat" köşklərində 290 rubla satılıb.

Markaların üzərində Hitlerin yeni çap olunmuş fotosu deyil, o dövrə aid orijinal portret olub.

 

8
Teqlər:
Rusiya, satış, poçt markası, Adolf Hitler
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar