Rusiya-Azərbaycan sərhədinə

Mənzil, ərzaq siqaret hakimiyyət fəallar sərhəddə azərbaycanlılara kömək ediblər

99
Azərbaycan vətəndaşlarını Məhərrəmkənd rayonundakı baş məsciddə, Dərbənddəki xüsusi mehmanxana və pansionatda yerləşdiriblər. Onlara yerli hakimiyyət, kommersiya strukturları,

BAKI, 14 aprel – Sputnik, Lev Rıjkov. Aprelin 5-də gecə yarısından etibarən Azərbaycan hakimiyyəti koronavirusun yayılmasına görə sərhədləri bağlayıb. Bu zaman respublikanın 200-ə yaxın vətəndaşı Rusiya-Azərbaycan sərhədinə gedən yolda olub və Dağıstanda qalaraq evə getməyə macal tapmayıblar. Yerli hakimiyyət və Azərbaycan icması bu insanların köməyinə gəlib.

Dərbənd şəhərində Azərbaycanlıların Milli-Mədəni Muxtariyyətinin rəhbəri Telman Hacəliyevin Sputnik-in əməkdaşına dediyinə görə, sərhəddə sadə insanlar toplaşıb, çoxları uzaqdan gəliblər. Məsələn, Surqutdan gələn var.

"Onların bir çoxu işindən məhrum olub, çünki işlədikləri şəhərlərdə hansısa obyektlər bağlanıb. İşəgötürənlər deyiblər ki, "vəssalam, iş yoxdur". İnsanlara isə orada oturmaq və kirayəhaqqı ödəmək sərfəli deyil. Onlar fikirləşiblər ki, “yaxşısı budur, hara isə gedək”” – deyə Telman Hacəliyev bildirib.

Hacəliyevin sözlərinə görə, Azərbaycan vətəndaşlarının kifayət qədər məlumatlı olmaması faktoru da bu məsələdə rol oynayıb. Azərbaycanlılar arasında təsdiq edilməmiş belə bir məlumat yayılıb ki, şənbə günləri Azərbaycana buraxırlar. Sərhəddə buraxılışın olmaması ilə bağlı rəsmi məlumatlara çoxları diqqət yetirməyib.

"Kimisi uzaqdan gəlib. Kimisi də yəqin ki, yolda olub. Bu məlumatı onlar ya oxumayıblar, ya da eşitməyiblər. Keçidin olmayacağını elə burada, sərhəddə öyrəniblər. İnsanlar şənbə günü sərhəddən keçid olacağını düşünüblər", - deyə Telman Hacəliyev bildirib.

Ancaq növbəti şənbə, aprelin 11-də də sərhəd açmayıb.

Ehtiraslar sakitləşdi

"Bəzi KİV-lərdə belə bir məlumat yayılıb ki, biz Azərbaycan vətəndaşlarını sərhədimizdən buraxmırıq, lakin bu, həqiqətə uyğun deyil. Biz də qonşularımızın öz evlərinə çatmasında maraqlıyıq. Çünki, açığı, vəziyyətlə bağlı meəyyən çətinliklərimiz var və vətəndaşlara görə məsuliyyət daşıyırıq”, - Dağıstan Respublikasının (RF subyekti) rəhbəri Vladimir Vasilyevin rəsmi bəyanatında deyilir.

Sərhədə gələn Azərbaycan vətəndaşları Dağıstanın Məhərrəmkənd rayonunun Cümə məscidində sığınacaq tapıblar. Yerli administrasiya onları müntəzəm qida ilə təmin edib. 21 nəfər özəl mehmanxanada yerləşdirilib. Bununla belə, Azərbaycan vətəndaşları sərhədi qanunsuz keçməyə chd ediblər.

© Photo : Telman Gadzhaliev
Rusiya-Azərbaycan sərhədinə

"Nəticədə keçiddə özbaşınalıq edərək vəziyyəti gərginləşdirən beş nəfər saxlanılıb, onlarla bağlı protokol tərtib edilib. Radikallar bu vəziyyətdən istifadə edərək onu gərginləşdirəmə çalışırlar. Bu isə həm bizim üçün, həm də Azərbaycan tərəfi üçün çox pisdir", - Dağıstan rəhbərinin bəyanatında deyilir.

Ehtiraslar sakitləşdikdən sonra yerli hakimiyyət orqanları və Azərbaycan icmasının nümayəndələri problemin həllinə qoşulublar.

“Şənbə günü Azərbaycan Respublikasının səfirliyinin dəstəyi ilə 130 nəfər Dərbənd şəhəri ətrafında, dənizin sahilindəki "Çayka" Sağlamlıq Kompleksində yerləşdirilib. Kommersiya strukturlarının nümayəndələri, fərdi şəxslər onları isti yeməklə təchiz edirlər. Bizdə, Dərbənddə Qəni Pənahov kimi elə ictimaiyyətçi adamlar var ki, bir neçə gün həmyerlilərimizə yemək verib, avtobus tutaraq onların sağlamlıq kompleksinə yerləşdirilməsinə kömək edib.”, - Dərbənd şəhərində Azərbaycanlıların Milli-Mədəni Muxtariyyətinin rəhbəri Telman Hacəliyev bildirib.

Məhərrəmkənd rayonunda Cümə məscidinin ərazisində qalmış yetmişdən çox insan həkimlərin və polislərin nəzarəti altındadır.

Siqaretə görə

Azərbaycan vətəndaşlarına yerli hakimiyyət nümayəndələri də baş çəkirlər. Dərbənd icra hakiminin müavini Vidadi Zeynalovun dediyinə görə, vətəndaşların turizm obyektinə köçürülməsindən sonra hərarət biraz azalıb.

"Mən bu adamlarla iki saat vaxt keçirmişəm. Biz demək olar ki, hamı ilə ünsiyyətdə olmuşuq. Bildiyimə görə, asayiş orqanları deyirlər ki, Azərbaycan vətəndaşları onları siqaret üçün buraxmağı xahiş edirlər. Aydındır ki, siqaret ilkin zəruri mallarının siyahısına daxil edilmir. Biz sorğu göndərdik və səyyar avtolavka təşkil etdik ki, onları ilkin zəruri sayılmayan müvafiq mallarla təchiz edək. Onlar ilkin zəruri tələbat malları ilə təchiz olunublar. Onların qalmağa yeri, sığınacağı, yeməyi və yataq dəstləri var”, - deyə Vidadi Zeynalov bildirib.

© Photo : Telman Gadzhaliev
Rusiya-Azərbaycan sərhədinə

Koronavirusla bağlı yaranmış gərgin vəziyyətə görə Azərbaycan aprelin 20-dək sərhədlərini bağlamaq məcburiyyətində qalıb. Aprelin 12-də Azərbaycan Respublikasının Rusiya Federasiyasındakı səfiri Polad Bülbüloğlu vətəndaşlara müraciətində onları sərhədə gəlməməyə və səbirli olmağa çağırıb.

Azərbaycan səfirliyi həmçinin həmvətənlərdən Rusiyadakı karantin rejiminə riayət etməyi və aprelin 20-dək səfirlik və konsulluqlarda qeydiyyatdan keçməyi xahiş edib.

“Vətəndaşların ölkə daxilindəki karantin nöqtələrində qəbul edilmə imkanını, həmçinin COVID-19 xəstəliyinin yayılma dinamikasını nəzərə alaraq səfirlik və konsulluqlarda qeydiyyata alınmış insanların müəyyən bir cədvələ uyğun olaraq qayıdışının təmin edilməsi məsələsinə baxılacaq”, - səfirlik Azərbaycanın Nazirlər Kabinetinin nəzdindəki Operativ Qərargahın məlumatını sitat gətirərək deyib.

99
Rusiya Prezidenti Vladimir Putin, arxiv şəkli

Putin Navalnının filminə münasibət bildirdi - VİDEO

31
(Yenilənib 17:52 25.01.2021)
Dərhal sualınıza cavab vermək istəyirəm. Orada mənim əmlakım kimi göstərilənlərdən heç biri nə mənə, nə də mənim qohumlarıma məxsus deyil və heç vaxt da olmayıb.

BAKI, 25 yanvar — Sputnik. Rusiya Prezidenti Vladimir Putin rusiyalı tələbələrlə onlayn görüşdə bildirib ki, Aleksey Navalnının Qelencikdəki "Saray" haqqında filmini izləməyib, çünki onu izləməyə vaxtı yoxdur. Lakin köməkçilərinin hazırladığı seçmə videolara göz gözdərib. Bu barədə Sputnik Azərbaycan "RİA Novosti"-yə istinadən xəbər verir.

"Dərhal sualınıza cavab vermək istəyirəm. Orada mənim əmlakım kimi göstərilənlərdən heç biri nə mənə, nə də mənim qohumlarıma məxsus deyil və heç vaxt da olmayıb. Heç vaxt", - deyə Putin qeyd edib.

O qeyd edib ki, filmdə onun tanışları, sabiq həmkarları, "hansısa uzaq qohumları"nın adları çəkilir: "Lakin mənim heç vaxt görmədiyim adamların da adı çəkilir. Bu informasiya 10 ildən çox müddətdir ki, yayılır, indi isə bu məlumatları birləşdiriblər və bunlarla bizim vətəndaşlarımızın beynini yumaq istəyiblər".

 

31
Vitali Milonov

Rəsmi Bakı rusiyalı deputatın adını "qara siyahı"ya salıb

26
(Yenilənib 16:13 25.01.2021)
"Dövlət Dumasının üzvünün belə bir məsuliyyətsiz və Rusiya Federasiyasının rəsmi mövqeyinə uyğun gəlməyən davranışı ölkələrimiz arasında münasibətlərə kölgə salmaq cəhdidir"

BAKI, 25 yanvar — Sputnik. "Rusiya Dövlət Dumasının hakim "Vahid Rusiya" Partiyasından olan üzvü, qatı ermənipərəst mövqeyi ilə tanınan Vitali Milonovun erməni KİV-ə müsahibəsi zamanı Azərbaycan dövlətinə və xalqına qarşı qəbuledilməz ifadələr işlətməsini qəti şəkildə pisləyirik".

Bu barədə Sputnik Azərbaycan-a Azərbaycan Xarici İşlər Nazirliyindən bildirilib.

"Məlum olduğu kimi, Dövlət Dumasının üzvü Vitali Milonov Azərbaycan Respublikasının müvafiq qanunvericiliyini pozaraq, ölkəmizin işğaldan azad olunmuş ərazisinə qeyri-qanuni səfər etdiyi üçün onun adı Azərbaycana girişi qadağan olunan xarici vətəndaşlar siyahısına əlavə edilib. Rusiya Dövlət Dumasının üzvü Vitali Milonovun Azərbaycan əleyhinə atdığı növbəti təxribatçı addımı Azərbaycan və Rusiya arasında mövcud olan yüksək səviyyəli münasibətlərə tamamilə ziddir.

Dövlət Dumasının üzvünün belə bir məsuliyyətsiz və Rusiya Federasiyasının rəsmi mövqeyinə uyğun gəlməyən davranışı ölkələrimiz arasında münasibətlərə kölgə salmaq cəhdidir. Onun bu çıxışı, həmçinin Rusiya da daxil olmaqla bölgə ölkələrinin uzun illərdir davam edən düşmənçiliyə son qoyulması və xalqlar arasında sülh, əmin-amanlıq və əməkdaşlığın təmin olunması istiqamətində atdığı addımlara xələl gətirir.

Azərbaycan və Rusiya arasında strateji xarakterli tərəfdaşlıq münasibətləri hər iki ölkə prezidentlərinin sıx təmasları ilə intensiv şəkildə inkişaf etməkdədir. Dövlət Dumasının üzvü statusundan istifadə edərək bu münasibətlərə xələl gətirmək cəhdləri qəbuledilməzdir və uğursuzluğa düçardır", - nazirlikdən bildirilib.

26
Teqlər:
"qara siyahı", deputat, Duma, Azərbaycan XİN

Xırdalanda partlamış evin dağıntıları altından qadın meyiti çıxarılıb

0
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

0