Moskvada Yeni il şənliyi, arxiv şəkli

Turistlər üçün yaxşı şəhər: əcnəbilər Moskvada nəyi bəyənir nəyi söyürlər

41
(Yenilənib 20:28 06.02.2020)
Əcnəbilər Moskvada qarşılaşdıqları ümumi fırıldaqçılıq barədə xəbərdarlıq edirlər: Yolda düşmüş pul kisəsini yerdən götürməyə çalışarkən öz pulunuzu itirə bilərsiz. Sahibi dərhal ona məxsus həmin pul kisəsində "çatışmazlıq" olduğunu iddia edəcək

Svetlana Bayeva, RİA Novosti

BAKI, 6 fevral — Sputnik. İngiliscə danışmaq - problemsizdir, dadlı yemək - nə qədər desən, metro - təəccübləndirəcək hər şey var (əsas odur, pik saatlarda orada olmayasan). Moskva World Travel Awards mükafatının laureatıdır, xaricilərin xoşuna gəlir, amma bəzi nüanslar var. İtalyanları sirkə gedərkən taksiyə və mənasız "rəngli bər-bəzəy"ə ödədikləri vəsait təəccübləndirir. Bu barədə materialı RİA Novosti təqdim edir.

Kimi ingiliscə, kimi də yunanca

"Mən dəfələrlə moskvalılardan ingilis dilində danışıb-danışmadıqlarını soruşduqda "yox" cavabı verdiklərinin şahidi olmuşam. Lakin sonra çox yaxşı səviyyədə danışıblar!" - deyə Avstraliyadan olan Tanya Simpson bildirib. O qeyd edib ki, ancaq özü nəzakət xatirinə ruslarla danışarkən yalnız "salam", "xahiş edirəm", "təşəkkür edirəm", "yox" və "bəli" ifadələrini rusca işlədib.

Almaniyadan olan Pol qeyd edir ki, ingilis dilində lövhələr hər yerdə var, yolu tapmaq asandır. "Bəs London, Paris və ya Almaniyaya səyahət edən rusiyalı turistlər kirill əlifbası ilə yazılan lövhələrə rast gələ bilərlər?" - deyə Pol soruşur.

Düzdür, bələdçi-tərcüməçi Yelena Breusun sözlərinə görə, bəzən turistlər mərkəzdən kənardakı rayonlarda naviqasiyanın olmamasından şikayətlənirlər.

Moskvada ingilis dilini bilməyənlər üçün də çətinlik yoxdur. Yelena Savina deyir ki, məsələn, məktəbdə yunan dilini öyrənən italyanlar tez lövhələri oxumaya bilirlər.

Yeraltı hərəkət

Qonaqlar üçün səfər proqramının məcburi məntəqəsi paytaxt metrosudur: tarixi stansiyalar, mozaik pannolar, dəbdəbəli çilçıraqlar.

"Səyyahlara xatırladıram ki, Moskva metrosunun tunelinin diametri Spasskaya Qülləsindəki saatın ölçüsünə uyğundur. Belə məqamlar həmişə əcnəbilər üçün maraqlıdır, onlar Moskva Kremli ilə mütənasibliyi təsəvvür etməyə imkan verir", - deyə bələdçi-tərcüməçi Mariya Sorokina bildirir.

Lakin ABŞ-dan olan Quora Peter MacDonaldın Turizm Bilik Mübadiləsi Xidmətinə yazdığı kimi, metro və elektrik qatarları "pik saatda cəhənnəmdir". "Bir dəfə təxminən 20 dəqiqə getməli oldum, qatlanmış vəziyyətdə bir ayağımın üstündə dayandım", - deyə amerikalı səyyah Moskva təəssüratlarını bölüşüb.

Lakin daha sakit vaxtlarda xarici vətəndaşlar sərnişinlərin bir-birlərinə yer vermələrinə heyran olurlar. "Moskvada yaşlı insanlara oturmaq üçün yerlərin sözün həqiqi mənasında güzəştə gedilməsi, onların xoşuna gəlir. Məsələn, İtaliyada bu, nadir haldır", - deyir bələdçilər.

Yerin üstündə

Romadan olan Antonio Tomasininin Moskvanın geniş prospektləri və yaxşı təşkil olunmuş yol hərəkəti xoşuna gəlir. Düzdür o, heç yerə tərpənməyin mümkün olmadığı tıxacları da xatırlayır.

© Sputnik / Aleksey Kudenko
Moskvada nəqliyyat qovşağı

MacDonald kirayə etdikləri mənzilin yanında yerləşən keçiddən danışır: "Los-Ancelesin hər bir yol layihəçisi belə bir tikili ilə fəxr edə bilər. Lakin ondan dərhal aşağıda bir neçə kilometrlik tıxacın olduğunu unutmaq olmaz".

"Mən Moskvanı Çikaqo ilə müqayisə edərdim: ictimai nəqliyyatın effektiv sistemi və çox pis sürücülərlə", - amerikalı Qreq Stivens yazıb.

Tayvandan gələn bir turist isə taksidən şikayətçidir: şəhər mərkəzindəki bir oteldən Vernadski prospektindəki sirkə gediş üçün altı min rubl ödəyib. Bundan əvvəl isə moskvalılar mobil tətbiq vasitəsilə maşın çağıraraq Taqankadan Teatr keçidinə 500 rubla getməyə kömək ediblər.

Turist qrupları üçün bir nömrəli problem avtobusun səyyahları düşürə biləcəyi yerlərin olmamasıdır. "Bəzən bir kilometr məsafəni piyada qət etməlisən. Məsələn, Vasilyevski enişindən Kremlin girişinə qədər. Sonra ekskursiyalar var, ardıcıl bir neçə saat ayaqla getməlisən", - Yelena Breus deyir. Onun fikrincə, bu məsafəni piyada qət edə biləcək yaşlı turistlərin sayı olduqca azdır. Olsa-olsa Çin vətəndaşları istisnadır.

Həm bələdçilər, həm də paytaxtın qonaqları tez-tez bütün proqramı poza biləcək yoldakı tıxaclardan şikayətlənirlər.

Təhlükəsizlik: hər şey sakitdir, amma diqqətli olun

Avstraliyalı Tanya Simpson küçələrdə və ictimai yerlərdə təhlükəsizlik hiss etdiyini qeyd edib: "Yaxşı atmosferdir. Hər yerdə polis və təhlükəsizlik işçiləri var, buna görə də özünüzü tamamilə təhlükəsiz hiss edirsiniz".

© Sputnik / Maksim Blinov
Moskvanın mərkəzində piyada hərəkatı

Lakin bu, Honkonqdan gələn turistə kömək etməyib. O, telefonsuz və sığortasız qalıb. Yelena Breus deyir: "Şəhərin mərkəzində onun mobil telefonunu oğurlayıblar. Sığortaya müraciət etmək üçünsə polisdən arayış lazımdır. Ən yaxın bölməyə getdik. Ancaq onlar imtina etdilər, çünki oğurluq onların ərazisində baş verməyib".

Bir çox turist günün istənilən vaxtında, xüsusən mərkəzdə sakitlik olduğunu söyləyir və Moskva artıq çoxdandır heç vaxt yatmayan şəhərə çevrilib.

Eyni zamanda, sosial şəbəkələrdəki əcnəbilər ümumi fırıldaqçılıq üsulları barədə xəbərdarlıq edirlər. Məsələn, yolda düşmüş pul kisəsi haqqında. O pul kisəsini yerdən götürməyə çalışarkən öz pulunuzu itirə bilərsiz. Sahibi dərhal ona məxsus həmin pul kisəsində "çatışmazlıq" olduğunu iddia edəcək.

İstirahət də var: borş, suşi və qastromarket

Turistlər adətən Moskvanın qastronomik imkanlarını müsbət qiymətləndirirlər. "Yeməklər gözəldir, demək olar ki, ev yeməkləridir. ABŞ-da çoxlu fast-food və zərərli əlavələr var. Rus mətbəxi isə sağlam, təmiz və bir qədər də ətirlidir", - deyə amerikalı turist Rene bildirir. Lakin turistləri hər yerdə mayonezdən istifadə edilməsi bezdirir.

Xaricilər baqqal dükanlarına çevrilən Moskva bazarlarını sevirlər

"Çoxlu yemək, hər cür qızardılmış tərəvəzlər, ət (mən yeyən deyiləm, sadəcə fərqinə vardım) və balıq. Hamısı dadlıdır və istənilən qiymətə yemək almaq mümkündür. Mətbəxinizin daha yumşaq olacağını düşünürdüm. Ancaq çox zəngin dada və çox miqdarda inqrediyentlərə malikdir", - deyə Tanya Simpson bildirir.

© Sputnik / Ramil Sitdikov
Moskvada bazar

Qız qeyd edib ki, Moskvada italyan və yapon yeməkləri tapmaq asandır: "Pizza həqiqətən yaxşıdır, suşi orta səviyyədədir, o qədər də pis deyil, amma bundan artığını gözləməyin".

Bələdçi-tərcüməçi Vyaçeslav Telminov öz mətbəxləri üçün darıxan səyyahlardan da danışıb. Ondan xahiş ediblər ki, İtaliyadakı sayaq sous və əsl xəmirdən hazırlanan pizzaları yeyə biləcəkləri restoranları onlara göstərsin.

Baxmalı: Kremldən zooparka və Xalq Təsərrüfatı Nailiyyətləri Sərgisinə qədər

"Həyat yoldaşım və mən təəccüblə öyrəndik ki, Moskvanın italyan kökləri var! Bir çox binalar soydaşlarımızın əsərləridir: Kreml, Bolşoy Teatr. Doğma soyadları eşidəndə qürur duyuruq: Foravanti, Solari, Gilardi", - Antonio Tomasiya deyib.

Onun həyat yoldaşı İllariya Kapponi Moskvanın məbədlərinin Bizans memarlığına təəccüblənib: "O tamamilə fərqlidir. Sadəcə, heyrətləndirir".

Əsas görməli yerləri ziyarət edərkən turistlər qaçılmaz növbələrdən əsəbləşirlər. Məsələn, Avstraliyadan gələn bir qonaq şikayət edir ki, niyə bir nəfər üçünün əvəzinə növbədə dayanır: Silah palatası, Almaz Fondu və Kreml. Tanya Simpson öz təcrübəsinə əsaslanaraq tövsiyə verir: "Kremlə biletləri onlayn və əvvəlcədən alın. Mən bunu edəndə növbəti üç günə bilet yox idi".

Красная площадь в Москве. Слева - Государственный Исторический музей. Справа - ГУМ-каток, ГУМ и Казанский собор. На дальнем плане - здание гостиницы Москва (в настоящее время Four Seasons Hotel Moscow)
© Sputnik / Grigory Sysoyev
Moskvada Kremlə mənzərə

Arbatın söyülməsi isə gözlənilməzdir. Bələdçilərin sözlərinə görə, xaricilər hesab edirlər ki, burada görməli bir şey yoxdur, sadəcə "rəngli bər-bəzək"dən başqa. Nikolskaya küçəsi onlar üçün daha maraqlıdır. Birləşmiş Ştatlardan gələn bir turist Moskva Zooparkını "dünya səviyyəli bir təsisat" adlandırır. Qələbə muzeyini ziyarət etməyi, Arbatı isə "boş burax"mağı tövsiyə edir.

Bələdçi-tərcüməçi Oksana Muştanova deyir ki, turistlər tez-tez Moskvaya xüsusi gözləntiləri olmadan səyahət edirlər. Düşünürlər ki, burada nə isə qaranlıq, boz, tozlu bir şey görəcəklər. Bunun əvəzində isə işıq, ritm, göydələnlər və gözəl insanları görürlər.

41
Koronavirus testi, arxiv şəkli

Rusiyada koronavirusa yoluxanların sayı 430 mini keçdi

3
(Yenilənib 13:34 03.06.2020)
Rusiyada bu xəstəliyə yoluxanların sayı 432277-yə çatıb. Rusiyada pandemiya yayılandan 5215 nəfər COVID-19-dan vəfat edib.

BAKI, 3 iyun — Sputnik. Bir sutka ərzində Rusiyanın 84 regionunda 8536 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 178 nəfər ölüb.

Ümumilikdə, Rusiyada bu xəstəliyə yoluxanların sayı 432277-yə çatıb. Rusiyada pandemiya yayılandan 5215 nəfər COVID-19-dan vəfat edib. Bir sutka ərzində virusdan sağalanların sayı isə 8972 nəfər olub. Bununla da bu ölkədə virusdan sağalanların sayı 195957-yə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 6,3 milyonu keçib, 380 mindən çox adam isə virus səbəbilə ölüb.

3
Rusiyada COVID-19 qarşı qrafiti, arxiv şəkli

“Sovet möcüzəsi” işə düşüb: Məşhur həkim COVID-lə bağlı gizlinləri açıqlayır

528
(Yenilənib 10:34 03.06.2020)
"Hər il dalğalar olacaq. İnsan koronaviruslarının sayı beş idi. İndi altı oldu. Hələ başqa infeksiyalar, viruslar, qriplər də olacaq – onları heç kim ləğv etməyib. Bugünkü koronavirus – bizə yanvarda gələn virus deyil" - Aleksandr Myasnikov

BAKI, 3 iyun — Sputnik, Dinara Kurmanova. Məşhur rusiyalı teleaparıcı, Jadkeviç adına Moskva şəhər kliniki xəstəxanasının baş həkimi, koronavirus situasiyasının monitorinqi üzrə informasiya mərkəzinin nümayəndəsi Aleksandr Myasnikov xüsusi onlayn videokörpü zamanı Sputnik-ə koronavirusun əslində necə inkişaf etməsi və postsovet ölkələrinin İtaliya, İspaniya və ABŞ-ın yaşadığı faciələri təkrarlamamasının səbəbləri haqda danışıb.

BSG koronavirusdan qoruyurmu?

Bir çox alim və həkimləri bir fakt təəccübləndirir: keçmiş SSRİ-yə daxil olan ölkələrin əksəriyyətində bütün dünya ilə müqayisə etdikdə ölənlərin sayı xeyli azdır. Coronavirus-monitior.ru servisinin iyunun 1-nə olan məlumatına görə, bunlarda ölüm göstəricisi, məsələn, Özbəkistanda 0.4%-dən Litvadakı 4.23%-dək dəyişir. Ancaq eyni zamanda İtaliya və Böyük Britaniyada ölüm göstəricisi 14%, Fransada – 15%, Belçikada 16%-dir. Aleksandr Myasnikov yaranan situasiyanı “sovet möcüzəsi” adlandırır.

“Siyasətçilər, adlı-sanlı həkimlər hazırda bundan baş çıxarmağa çalışır, keçmiş SSRİ ölkələrinə baxırlar, - Myasnikov deyib. – Bu, məhz sovet möcüzəsidir. Ağır xəstə və ölənlərin sayı epidemiyanın gerçək durumunu sərgiləyir. Keçmiş SSRİ-yə daxil olan bütün ölkələrdə isə ölüm sayı qat-qat azdır. Bunun niyə belə olduğunu anlamaq lazımdır. Ola bilsin, bu, BSG peyvəndidir (SSRİ-də kütləvi olaraq tətbiq edilən vərəm əleyhinə peyvənd – red.), yeri gəlmişkən, artıq tədqiqatlar da var – amerikalılar kiçik qrup insanlara BSG vurmağa başlayıblar. Ümumdünya Səhiyyə Təşkilatı da deyir: “Ola bilər ki, bu, BSG üzərində möhkəmlənmiş immun sisteminə görə belədir, amma hələlik tövsiyə etməyə tələsmirik”.

Myasnikov eləcə də ehtimal edib ki, postsovet ölkələrin əhalisinin koronavirusa dayanıqlılığı keçmişdə vərəmə yüksək yoluxma səviyyəsi ilə izah oluna bilər.

“Bəzi alimlər ehtiyatla güman edirlər ki, latent vərəmin belə geniş yayılması immun sisteminin bu cür dəyişməsinə gətirib çıxarıb, indi də koronavirus böyük müqavimətlə rastlaşıb, – deyə mütəxəssis dəqiqləşdirir. – Amma biz rusların, belarusların, ukraynalıların, qazaxların amerikalılar, fransızlar və ya italyanlardan 10 dəfə az ölməsi faktına sadəcə göz yuma bilmərik. Bunu araşdırmaq gərəkdir”.

Karantin nəyə lazımdır?

Belə bir səhv fikir var: karantin koronavirus və ya hər-hansı digər xəstəliyi birdəfəlik məhv edə bilər.

“Biz niyə karantin elan edirik? Ona görə ki, insanların hamısı birdən xəstələnib səhiyyə sistemini bir anda çökdürməsin, - deyə Myasnikov izah edir. –  O zaman xəstəxanalar, təcili yardım boğulacaqlar, insanlar nəinki COVID-19-dan, həmçinin infarkt, insult, tibbi yardım göstərilməməsi səbəbindən ölməyə başlayarlar. Ona görə hər bir dövlət özünün səhiyyə sisteminin öhdəsindən gələ biləcəyi model qurur. Karantin sağalda bilməz, ancaq o, artım əyrisini yavaşıda bilər, yəni insanlar tədricən xəstələndiklərindən kömək almağa imkanları olar. Karantin – hesablamalar və davranış modelidir.

Belarus təcrübəsi

Məlumdur ki, Belarusla İsveç yeganə ölkələrdir ki, karantin təcrübəsindən imtina etdi. Ancaq Aleksandr Myasnikovun sözlərinə görə, Belarusda qeyri-adi heç nə baş vermir.

“Hər bir ölkə riyazi hesablamalardan çıxış edirdi. Uğurlu və uğursuz ssenariləri hesabladılar, mümkün iqitsadi itkiləri və sairəni nəzərdən keçirdilər. Belarusda səhiyyə sistemi əvvəlki, sovet vaxtındakı kimidir, orada infeksion xəstəxanalar, infeksionist həkimlər var. Bu, Aleksandr Lukaşenkonun: “Bilirsiniz, nə var? Mən risk edəcəyəm” qərarı deyil, hesablamaların nəticəsidir. O səviyyə deyil. Burada hər şey hesablanıb. Belarusun təxminləri özünü doğrultdu. Sovet möcüzəsi bizim hamımızda effektli oldu”.

Koronavirus əslində necə yayılır?

Myasnikov hər xəstənin daha üç nəfəri, onların da daha üçünü  yoluxdurması nəzəriyyəsini inkar edir. Həkimin sözlərinə görə, istənilən virus infeksiyası aktiv yayılmağa başladıqdan 1,5-2 ay sonra yoxa çıxır.

Mütəxəssis 1918-ci ildə yayılmış və ilk aylarda 30 milyon insanın həyatına son qoymuş “ispan” qripini misal çəkir.

“Yeni virus heyvandan insana keçən zaman aqressiv olur. O, “acıqlı”, yad olduğundan insanları öldürür, ancaq hər dəfə insanlar sağaldıqca virus da zəifləyir. Siz bir virusu nəfəsinizə çəkirsiniz, sizin kötükçəniz isə artıq bir başqa virusu nəfəsi ilə bayıra itələyir, yəni sonuncu xeyli zəif olur. O, başqa insana keçib, həmin adam da onu zəiflədib. Bilirsiniz, bu, dalğaya oxşayır: sahilə vurur, mehmanxananı dağıdır, ağacları kökündən çıxarır, sonra isə zəifləyir və gölməçəyə çevrilir. İnfeksiya da onun kimidir: əvvəl şahə qalxır, sonra da sönür”, - həkim deyir.

Tanınmış mütəxəssis əmindir: nə qəsər çox insan koronavirusa yoluxsa, bu virus bir o qədər yoluxdurma qabiliyyətini itirəcək. Özü də onun ikinci dalğası birinci kimi güclü olmayacaq.

“Hər il dalğalar olacaq, - Myasnikov deyir. – İnsan koronaviruslarının sayı beş idi. İndi altı oldu. Nə olsun bəs? Hələ başqa infeksiyalar, viruslar, qriplər də olacaq – onları heç kim ləğv etməyib. Bugünkü koronavirus – bizə yanvarda gələn virus deyil artıq. O, milyonlarla insanın ələyindən keçib və hər yeni insanla onun təhlükə dərəcəsi azalır”.

Xəstələnənləri saymaq niyə mənasızdır?

Yoluxanların qorxuducu dərəcədə böyük sayına Myasnikov xüsusi diqqət çəkib. Onun fikrincə, əslində yalnız yoluxanların sayına görə nəticə çıxarmaq elə də düzgün addım deyil.

“Biz bu rəqəmləri, beş-altı milyonu səsləndiririk, vurğulayırıq. Bunlar sadəcə testləri müsbət çıxmış insanlardır. Əslində isə onların sayı onlarla dəfə çoxdur. Gəlin onda adi sətəlcəmi də sayaq: o, hər il dünyada 3 milyondan çox adamı öldürür. Biz yanvardan bəri nə sayırıq? Real olaraq xəstə adamlar – iki həftə bundan əvvəl xəstələnənlərdir. Qalanları çoxdan sağalıblar, işlərinə, öfislərinə qayıdıblar. Ölüm sayına istiqamətlənmək lazımdır, amma burada da düzən yoxdur”.

Myasnikovun sözlərinə görə, yalnız Rusiyada koronavirusdan ölənlərin hamısının (100%) meyitləri yarılır, ona görə də dünya üzrə rəqəmlər istənilən halda qeyri-dəqiq olur. Bu il məhz koronavirusun neçə adam öldürdüyünü dəqiq demək mümkün deyil.

“Qərbdə aprelin 21-dək heç kim koronavirusdan ölənlərin meyitini yarmırdı ki, həkimlər yoluxmasınlar, - mütəxəssis izah edir. – 17 min insan müqabilində Almaniyada cəmi 60, İtaliyada 50 yarılma olub. Amerikada isə meyitləri ümumiyyətlə yarmır, kompüter tomoqrafiyası edirdilər”.

528
Mövzu:
Dünyanı cənginə almış bəla
Əlaqədar
"Yarasa qadın"dan bədbin proqnoz: Koronavirusdan da betəri olacaq
Dünyada ilk dəfə Türkiyədə suda koronavirus olması araşdırılır
Bu rəqəmlər heyrət doğurur: koronavirusa görə də uşağa bu qədər pul verərlər?
Koronavirus əleyhinə dərman təsdiq edilmədi – Sübut yoxdur
Şimal qonşumuzda bir gündə yüzdən çox şəxs koronavirusdan öldü
“Keşikçidağ”da Keşikçi qala” sərhəd zastavası kompleksi istifa­dəyə verilib

Bu gün "Keşikçidağ" istiqamətində təxribat törədiləcək?

0
DSX: “Keşik­çidağ” ərazisində bir qrup Gürcüstan vətəndaşının dövlət sərhədini pozmaqla təxribat törədəcəyi barədə məlumat­lar əldə olunub

BAKI, 4 iyun - Sputnik. İyun ayının 4-də Azərbaycan-Gürcüstan dövlət sərhədində “Keşik­çidağ” Dövlət Tarix-Mədəniyyət Qoruğunun ərazisində bir qrup Gürcüstan vətəndaşı  tərəfindən dövlət sərhədini pozmaqla təxribat xarakterli hərəkətlərin törədiləcəyi barədə məlumat­lar əldə olunub. Əldə olunmuş məlumatlar barədə Gürcüstanın Sərhəd Mühafizəsi rəsmi qaydada məlumatlandırılıb.

Sputnik Azərbaycan xəbər verir ki, bu barədə Dövlət Sərhəd Xidmətinin Mətbuat Mərkəzinin yaydığı məlumatda qeyd edilir.

Məlumata görə, Dövlət Sərhəd Xidməti bununla əlaqədar rəsmi olaraq bildirir ki, dövlət sərhədində istənilən təxribatın qarşısı qətiyyətlə alınacaq və bu zaman baş verə biləcək fəsadlara görə təxribatın təşkilatçıları məsuliyyət daşıyacaqlar.

0