BAKI, 9 dekabr — Sputnik. Ümumdünya Antidopinq Agentliyinin (WADA) İcraiyyə Komitəsi Rusiyanı dörd il müddətinə irimiqyaslı yarışlardan, o cümlədən olimpiada və dünya çempionatlarında çıxış etmək hüququndan məhrum edib.
Sputnik Azərbaycan "RİA Novosti"-yə istinadən xəbər verir ki, qərar İcraiyyə Komitəsi tərəfindən yekdilliklə qəbul edilib.
"Dopinq Qərbdə icad olunub, amma nədənsə, onların idmançılarında dopinq tapılmır"
Bundan əlavə, Rusiyaya dörd il müddətində beynəlxalq yarışları keçirmək qadağan olunub. Qərar əsasən Rusiyadan olan rəsmi şəxslərin də 4 il müddətinə Olimpiya Oyunlarını ziyarət etmək qadağan olunur.
Rusiyadan olan "təmiz" idmançılar 4 il müddətində neytral statusda (himn və bayraq olmadan) beynəlxalq yarışlara qatıla bilər.
