Şimal axını - 2 qaz xəttinin tikintisi, arxiv şəkli

Rusiya ABŞ-ı qıcıqlandıran layihəni işə salacağı vaxtı açıqladı

30
(Yenilənib 18:02 21.11.2019)
"Qaz kəmərinin əleyhinə çıxış etməklə Vaşinqton Avropa ilə üst-üstə düşməyən öz iqtisadi maraqlarını güdür" - Dmitri Novikov

BAKI, 21 noyabr — Sputnik. "Şimal axını-2" qaz kəməri 2020-ci ilin ortalarında fəaliyyətə başlayacaq. Sputnik Azərbaycan RİA Novosti-yə istinadən xəbər verir ki, bunu jurnalistlərə açıqlamasında Rusiya Baş nazirinin müavini Dmitri Kozak bildirib.

O, bunun hansı ayda baş verəcəyini açıqlamayıb.

Qeyd edək ki, ötən gün Rusiya Energetika naziri Aleksandr Novak kəmər vasitəsilə qaz tədarükünün hələ Yeni ilə qədər başladıla biləcəyini istisna etməyib. Onun sözlərinə görə, bu, texniki məsələdir və yalnız borunun tikintisi ilə yox, həm də işə salınması ilə bağlıdır.

Rusiya Dövlət Dumasının beynəlxalq məsələlər üzrə komitəsinin sədr müavini Dmitri Novikov isə "RT" kanalına müsahibə zamanı bildirib ki, Avropa ölkələrinin "Şimal axını – 2" layihəsinin reallaşdırılmasına maraq göstərməsi ABŞ tərəfindən yaradılan siyasi maneələri aşmağa imkan verəcək.

"Söhbət ondan gedir ki, Avropanı enerji ilə təmin etmək məqsədilə Rusiya Avropadan olan tərəfdaşlar üçün olduqca maraqlı olan təkliflər edib və nə formal, nə də praktiki olaraq razılaşmaların əldə olunmasını yavaşlatmaq üçün əsas yoxdur", - deyə Dmitri Novikov bildirib.

Onun sözlərinə görə, qaz kəmərinin əleyhinə çıxış etməklə Vaşinqton Avropa ilə üst-üstə düşməyən öz iqtisadi maraqlarını güdür.

Deputat vurğulayıb ki, Moskva sabit enerji tədarükünü təmin edə bilər.

Qeyd edək ki, daha əvvəl Respublika partiyasının senatoru Ted Kruz xəbərdarlıq edib ki, ABŞ-ın sanksiyaları "Şimal axını-2" layihəsinin işə salınmasını bir ilə qədər təxirə sala bilər.

O, eyni zamanda əlavə edib ki, qaz kəməri "Rusiya təcavüzünün qidalanması" üçün milyardlarla dollar gətirə və Avropa ölkələrinə zərər vura bilər.

Xatırladaq ki, 1220 kilometr uzunluğundakı "Şimal axını-2" qaz boru kəməri Baltik dənizindən keçməklə Rusiyadan Almaniyaya ildə 55 milyard kubmetr qaz nəql etmək gücünə malik olacaq. Rusiyanın enerji nəhəngi "Qazprom" bəyan edib ki, "Şimal axını-2" layihəsi 2019-cu ilin sonunadək başa çatdırılacaq.

Oktyabrın sonlarında Danimarka Baltik dənizində Bornholmdan cənub-şərqdə özünə məxsus olan qitə şelfində qaz kəmərinin çəkilişinə icazə verib. Buna qədər isə layihə Almaniya, İsveç və Finlandiya ilə razılaşdırılıb.

"Şimal axını -2" layihəsinin tikintisinə qarşı Rusiya qazının tranzitinə görə gəlirlərini itirməkdən qorxan Ukrayna, Avropa İttifaqı ölkələrinə öz sıxılmış qazını təklif edən Birləşmiş Ştatlar, bir neçə ölkə - Polşa, Litva və Latviya çıxır.

30

Sülhməramlı kontingent üçün növbəti maddi-texniki təminat vasitələri gətirilib - VİDEO

16
(Yenilənib 21:01 30.11.2020)
Azərbaycan Müdafiə Nazirliyindən bildirilib ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

Azərbaycanın Dağlıq Qarabağ bölgəsində yerləşdirilən Rusiya sülhməramlı kontingenti üçün noyabrın 30-da növbəti maddi-texniki təminat vasitələri ölkəmizə gətirilib.
Sputnik Azərbaycan Müdafiə Nazirliyinə istinadən bildirir ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

16
Teqlər:
dəmiryolu, Rusiya, Azərbaycan, sülhməramlılar
Rusiya hökumətinin rəhbəri Mixail Mişustin, arxiv şəkli

Paşinyan indi Rusiyanın Baş nazirinə zəng etdi

16
(Yenilənib 18:28 30.11.2020)
Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

BAKI, 30 noyabr — Sputnik. Ermənistanın və Rusiyanın baş nazirləri – Nikol Paşinyan və Mixail Mişustin arasında telefon danışığı baş tutub. Sputnik Ermənistan xəbər verir ki, telefon danışığı Ermənistan tərəfinin təşəbbüsü ilə baş tutub.

Telefon danışığı zamanı tərəflər Ermənistan-Rusiya münasibətlərinə dair bir sıra məsələləri müzakirə ediblər.

Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

16
Teqlər:
telefon danışığı, Mixail Mişustin, Nikol Paşinyan, Rusiya, Ermənistan
Türkiyədə epidemioloji vəziyyət

Türkiyə qaydaları sərtləşdirir: artıq günlərində də...

0
(Yenilənib 22:19 30.11.2020)
"Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq" - Ərdoğan

BAKI, 30 noyabr – Sputnik. Koronavirusa yoluxmanın artması səbəbindən  çərşənbə axşamından etibarən Türkiyədə hamam, hovuz və idman zallarının fəaliyyəti dayandırılacaq.

Sputnik Azərbaycan bildirir ki, bu barədə Türkiyə Prezidenti Rəcəb Tayyib Ərdoğan deyib.

“Hamamlar, saunalar, hovuzlar, idman zalları çərşənbə axşamından etibarən işini dayandırır. Ticarət mərkəzlərinə məhdud sayda insanları rəqəmsal şifrə ilə buraxacaqlar. Küçələrdə insanların toplaşması da məhdudlaşdırılacaq. İş günlərində 21.00-dan 05.00-dək, eləcə də cümə axşamı 21.00-dan bazar ertəsi 05.00-dək komendant saatı tətbiq olunacaq. Dövlət müəssisələri 10-dan 16-dək işləyəcək”, - deyə Ərdoğan televiziya ilə müraciətində deyib.

“Son sınama mərhələsini keçmiş bütün vaksinləri tədqiq edirik. Bütün vətəndaşlarımızın pulsuz peyvəndlənmə imkanı olacaq. Vaksinasiya gələn aydan başlanacaq. Artıq 50 milyon doza vaksin sifariş etmişik”, - Türkiyə lideri əlavə edib.

Ölkənin Səhiyyə naziri Fahrettin Koca bildirib ki, koronavirus pandemiyası Türkiyənin bir sıra bölgələrində, eləcə də İstanbulda üçüncü pik həddinə çatıb. Son həftə ərzində koronavirusa yoluxma və COVID-19-dan ölüm faktları üzrə rekord göstəricilər bir-birini əvəzləyib.

Bu gün qardaş ölkə yenə antirekordu təzələyib - COVID-19-dan 188 xəstə ölüb. Bir gün ərzində 31219 yeni yoluxma faktı aşkarlanıb. İndiyədək Türkiyədə 13746 nəfər COVID-dən dünyasını dəyişib. 5190 xəstənin vəziyyəti ağırdır.

0
Teqlər:
komendant saatı, sərt karantin rejimi, yoluxma, Koronavirus, epidemiya, COVID-19, Türkiyə
Mövzu:
Dünyanı cənginə almış bəla