Rusiya Prezidenti Vladimir Putin, arxiv şəkli

Putin: "Bir borudan qazın yarısı bir istiqamətə, yarısı digər tərəfə axa bilməz

5218
(Yenilənib 18:04 15.11.2019)
Rusiya Prezidenti Vladimir Putin deyib ki, əgər Tramp istəsə, Böyük Vətən Müharibəsindəki Qələbənin ildönümündə, hətta seçki kampaniyası çərçivəsində Moskvaya gələ bilər

BAKI, 15 noyabr — Sputnik. ABŞ Prezidenti Donald Trampla görüşümüz hələlik planlaşdırılmayıb. Sputnik Azərbaycan RİA Novosti-yə istinadla xəbər verir ki, bunu Rusiya Prezidenti Vladimir Putin Braziliyada BRİKS (Braziliya-Rusiya-Hindistan-Çin-Cənubi Afrika) sammitinin yekunlarına həsr olunan mətbuat konfransında jurnalistlərin suallarını cavablandırarkən deyib.

Putin qeyd edib ki, Amerika liderinin Böyük Vətən Müharibəsindəki Qələbənin ildönümündə, hətta seçki kampaniyası çərçivəsində Moskvaya gəlməsi doğru olardı.

Rusiya prezidenti həmçinin Trampın Suriyada terrorçuluqla mübarizəyə verdiyi töhfələri etiraf edib. Bununla yanaşı, deyib ki, Rusiya Suriyaya gələnə qədər beynəlxalq koalisiya illərlə "yerində sayır"dı.

Putin qeyd edib ki, Rusiya bütövlükdə Suriyada qarşısına qoyduğu bütün vəzifələri yerinə yetirib.

Onun sözlərinə görə, maraqlar Suriya Ərəb Respublikasından çox sayda təlim keçmiş və hazırlıqlı terrorçuların Rusiyaya nüfuz etməsinin qarşısını almaq idi. Prezident bunun təkcə Rusiyaya deyil, Avropa ölkələrinə, eləcə də ABŞ-a təhlükə yaratdığını vurğulayıb.

"Hər kəs təhlükə altındadır, ona görə də qüvvələri birləşdirmək lazımdır", - deyə o əlavə edib.

Putin Rusiya Suriyada terrorçuluqla mübarizəyə başlayandan sonra bu ölkənin ərazilərinin 90 faizinin terrorçulardan təmizləndiyini xatırladıb. O əlavə edib ki, sözügedən ərazilər Suriyanın qanuni hökumətinin nəzarəti altına qaytarılıb.

Dövlət başçısı onu da qeyd edib ki, onun ukraynalı həmkarı Vladimir Zelenski ilə "tam əlaqələri" var. Bununla belə, Donbass ətrafındakı vəziyyətlə bağlı danışıqlarda hansısa həllə nail olmaq lazımdır.

Mətbuat konfransında Putinə Qazaxıstanın keçmiş prezidenti Nursultan Nazarbayevin təklif etdiyi "Normand" formatında görüşdən əvvəl Rusiya və Ukrayna liderləri arasında hansısa fərdi danışıqların aparıla bilib-bilməyəcəyi barədə sual ünvanlanıb.

"Nazarbayevin təşəbbüslərinə gəlincə <...> . O, uzun illər Ukraynada yaşayıb, oraya böyük simpatiya ilə yanaşır. Həmişə mənə öz münasibətini bildirir. Lakin həmişə Ukraynanın dənizlərdən kənarda xoşbəxtlik axtarmamasından danışır, <...>, ancaq qonşularla danışıqlar aparmaq lazım olduğunu deyir", - deyə Putin suala cavabında bildirib.

Putin Zelenski ilə görüş barədə deyib ki, "Normand" formatına qədər bundan söhbət getmir.

"Əgər "Normand" formatı çərçivəsində görüşəcəyiksə, onda niyə boş-boşuna əlləşib hazırlıqsız görüşlərə qaçmalıyıq?" - deyən Putin əmindir ki, həm özünü, həm də Zelenskini nəticələr maraqlandırır.

Prezident həmçinin bəyan edib ki, Rusiya həm Ukrayna ərazisindən qaz nəql etməyə, həm də "revers" üzərində işləməyə hazırdır.

Beləliklə, Rusiya birbaşa tədarükün qiymətini 25 faiz azalda bilər. Bununla yanaşı, Putin Avropadan Ukraynaya reversin mümkün olmadığını söyləyib: "Bir borudan qazın yarısı bir istiqamətə, yarısı digər tərəfə axa bilməz. Bu, cəfəngiyyatdır, başa düşürsünüz? Bu tamamilə qeyri-realdır".

5218
Əlaqədar
Lavrov: ABŞ Suriyanın bir hissəsini qoparmaq istəyir
Vaşinqtona zəng vurmaq təhlükəlidir - Zaxarova
“Cənub Qaz Dəhlizi” Azərbaycana hansı dividentlər vəd edir – ekspert şərh edir
Tramp tarixi görüşə maraqlı mesajla başladı: "Bir-birimizi çox yaxşı anlayırıq"
"Qüds, Fələstin, Suriyada problemlər qaldıqca səyləri birləşdirməliyik" - dini liderlər
Xarici İşlər naziri Ceyhun Bayramov, arxiv şəkli

Ceyhun Bayramov Moskvaya səfər edib

0
Xatırladaq ki, Ermənistan xarici işlər naziri Zöhrab Mnatsakanyan da Rusiyaya qısamüddətli işgüzar səfərə gedib.

BAKI, 21 oktyabr — Sputnik. Azərbaycan Respublikasının Xarici İşlər naziri Ceyhun Bayramov Rusiya tərəfi ilə məsləhətləşmələrin həyata keçirilməsi məqsədilə Moskva şəhərinə işçi səfər edib. Bu barədə Sputnik Azərbaycan-a Xarici İşlər Nazirliyinin mətbuat xidmətindən məlumat verilib.

Xatırladaq ki, Ermənistan xarici işlər naziri Zöhrab Mnatsakanyan da Rusiyaya qısamüddətli işgüzar səfərə gedib.

0
Şimali Dakotada qitələrarası ballistik raketlərin idarəetmə obyekti, arxiv şəkli

Co Bayden gəlsə, Strateji Hücum Silahları Haqqında Müqaviləni uzadacaqlar

77
(Yenilənib 23:19 20.10.2020)
Kremldən ABŞ-ın SHS-3 müqaviləsi ilə əlaqədar bəyanatını şərh edərkən bildiriblər ki, Moskva Vaşinqtonla strateji sabitliklə bağlı təmaslarını davam etdirir. Amerikaşünas Konstantin Bloxin Sputnik radiosunun efirindən bu məsələ barədə öz fikirlərini səsləndirib.

BAKI, 20 oktyabr — Sputnik. Rusiya Prezidentinin mətbuat katibi Dmitri Peskov bəyan edib ki, Vaşinqton Vladimir Putinin SHS-3-ün (Strateji Hücum Silahları Haqqında Müqavilənin) daha bir il uzadılması təklifindən imtina etsə də, Moskva hər bir halda Amerika tərəfi ilə təmasların davam edəcəyinə ümid bağlayır.

Qeyd edək ki, bir qədər bundan əvvəl Ağ Ev Putinin mövcud müqavilənin yeni şərt irəli sürülmədən daha bir il uzadılması təklifini rədd edib.

"Biz ümid edirik ki, istənilən halda Amerika tərəfi ilə təmaslar davam edəcək. Ümumilikdə, əlbəttə ki, Prezidentin də qeyd etdiyi kimi, müqavilənin uzadılması bizə vaxt qazandıra bilərdi. Qazanacağımız bu əlavə 12 ay ərzində silahlanmaya nəzarət məsələsi ilə bağlı substantiv və ciddi danışıqlar aparmaq mümkün idi", – deyə Peskov bildirib.

O, bütün dünyanı qlobal sabitlik və təhlükəsizliyin bu "məhək daşı"ndan məhrum etməyin çox fəlakətli nəticələrə gətirib çıxaracağını da vurğulayıb.

"Buna görə də biz hər bir halda Amerika tərəfinin bu sənədin müddətini uzatmağa hazır olduğunu eşitmək istərdik ", – deyə Prezidentin mətbuat katibi qeyd edib.

Onun sözlərinə görə, hələlik bu sahədə gözlənilən inkişaf müşahidə olunmur, ancaq bu heç də o demək deyil ki, "təmasları tamamilə dayandırmaq lazımdır".

Rusiya Elmlər Akademiyası Təhlükəsizlik Araşdırmaları Mərkəzinin aparıcı tədqiqatçısı, amerikaşünas, politoloq Konstantin Bloxin Sputnik radiosu-nun efirində bildirib ki, müqavilənin taleyi daha çox ABŞ-da bu yaxınlarda keçiriləcək prezident seçkisində kimin qalib gələcəyindən asılıdır.

"Əvvəla, Respublikaçılar Partiyasının namizədi Donald Tramp Çinə nifrət edir və SHS-3-ü birbaşa Çinlə əlaqələndirir. İkincisi, ənənəvi olaraq Respublikaçılar Partiyası silahlanma üzərində nəzarəti dağıtmaq istəyir. Xatırladıram ki, Corc Buş (oğul) administrasiyası dövründə amerikalılar Anti-Ballistik Raket Sistemi (ABM) Müqaviləsindən, Tramp özü isə Orta və Qısa Mənzilli Raketlər və Açıq Səma müqavilələrindən imtina edib. Odur ki, Tramp seçkilərdə qalib gəlsə, ABŞ-ın SHS-3-dən çəkilmə ehtimalı olduqca yüksəkdir", – deyə Konstantin Bloxin bildirib.

Əgər Demokrat Partiyasının namizədi Cozef Bayden qalib gələrsə, o halda ekspertin fikrincə, müqavilənin uzadılması ehtimalı var.

"Ənənəvi olaraq, Demokrat Partiyası ruslarla strateji sabitlik mövzusunda danışıqlar aparmağın tərəfdarıdır. Xatırladım ki, mövcud müqavilənin müddətini Medvedev administrasiyası ilə Obama administrasiyası uzatmışdı. Ancaq kim qalib gəlirsə-gəlsin, bir neçə ayda yeni bir müqavilə bağlamaq, demək olar ki, mümkün deyil. Buna görə də mövcud müqavilənin müddətini ən azı bir il uzatmaq lazımdır ki, həmin dövrdə yenisi qəbul olunsun", – deyə ekspert bildirib.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq.

77