ABŞ-ın Minuteman qitələrarası ballistik raketi, arxiv şəkli

Qlobal tərksilah haqqında müqavilə bazasının məhvi kimə nəyə lazımdır?

824
(Yenilənib 12:27 14.11.2019)
Xarici siyasət üzrə magistr, hüquqşünas Olqa Suxarevskaya tərksilah sahəsində müqavilələrin ləğvi prosesində Vaşinqtonun rolu barədə yazır.

"Nüvə əsri"nin strateji silahlarının məhdudlaşdırılmasına dair beynəlxalq razılaşmaların birincisi Nüvə silahının atmosferdə, kosmik fəzada və suyun altında sınağının qadağan olunması barədə 1963-cü ildə Böyük Britaniya, ABŞ və SSRİ arasında bağlanmış müqavilə oldu. Sonra çoxlu sayda başqa, ikitərəfli və çoxtərəfli razılaşmalar olub. Onlardan bəzilərinə tərəflər riayət edirlər, bəziləri köhnəlib və yeni redaksiya ilə əvəz olunub, bəziləri isə ləğv edilib.

Daha çox səs-küyə hələ 1987-ci ildə Mixail Qorbaçov və Ronald Reqyqan tərəfindən imzalanmış "Orta və kiçik mənzilli raketlər barədə" müqavilənin qüvvədən düşməsi səbəb oldu. Onun bağlanması ABŞ-ın Avropada SSRİ-nin daha çox əhali yaşayan Avropa hissəsini hədəf alan raketlərini yerləşdirməsi, həmçinin SSRİ-nin müvafiq ərazidə Avropaya istiqamətlənmiş raketlərinin yerləşdirilməsi ilə diktə olunurdu.

OKMR-in şərtləri 500-dən 5000 kilometrədək fəaliyyət məsafəsi olan yeni raketlərin hazırlanmasını qadağan edirdi. Lakin Müqavilə qanadlılar daxil olmaqla dənizdən buraxıla bilən raketlərə şamil edilmirdi. Məsələn, ABŞ-ın "Tomahavk"ları Aralıq, Baltik və Norveç dənizləri akvatoriyalarından atılaraq "qurudakı həmkalarını" əvəz edə bilərdilər.

ABŞ-ın OKMR-dən çıxmaq üçün bəhanəsi "İsgəndər" kompleksinin tərkibinə 9M729 qanadlı raketinin daxil edildiyi üçün Müqavilə şərtlərinin pozulması ilə bağlı Rusiyaya qarşı əsassız olaraq sürülmüş iddialar oldu. Bu barədə onlar 2019-cu il fevralın 1-də bəyan etdilər. İş ondadır ki, ABŞ özü iki il ondan əvvəl rəsmi olaraq 1000 km uça bilən orta mənzilli qanadlı raketlərin hazırlanması üçün rəsmi olaraq büdcədən pul ayırmışdılar.

ABŞ-ın bu addımına cavab olaraq Rusiya da OKMR-də iştirakını dayandırdı və bu il avqustun 2-də Müqavilə qüvvədən düşdü.

Bundan əlavə, Rusiya XİN başçısı Sergey Lavrovun bildirdiyinə görə, ABŞ-ın hərəkətinə simmetrik cavab kimi RF orta və kiçik mənzilli raketlərin hazırlanmasına başlayır. Lakin raket sahəsində qlobal miqyasda proqnozlaşdırılan vəziyyətin saxlanması üçün Rusiya yerüstü raketləri heç yerdə yerləşdirməyəcək – bu və ya digər bölgədə ABŞ və yaxud Avropanın analoji raketləri peyda olanadək.

"Açıq səma"

Açıq səmaya dair müqaviləni (ASM) də oxşar tale gözləyir – yenə də amerikalılar təşəbbüsü ilə. Bu razılaşma xüsusi avadanlıqlarla təchiz olunmuş təyyarələrin hərbi fəaliyyətə nəzarət etmək üçün digər ölkənin səmasında təftiş uçuşlarını nəzərdə tutur.

ABŞ üzərində uçuşların qadağan olunması üçün bəhanə Rusiyanın "Açıq səma" seriyasından iki yeni təyyarənin avadanlığına sertifikat vermək xahişi oldu. Amerikalı konqresmenlər öz ərazilərinin üzərindən uçuşları "casus və milli maraqlara zərərli" kimi qiymətləndiriblər. Həm də ASM-dən çıxmaq məhz ABŞ-a sərf edir: bu razılaşmadan çıxmamış NATO üzrə tərəfdaşlarından məlumat almaq imkanlarını saxlayaraq, ABŞ öz ərazisinə Rusiyanın nəzarət etmə imkanını aradan qaldırır. Düzdür, peyklərin köməyilə uçuş zamanı alınan məlumatın bir hissəsini əldə etmək mümkündür, lakin tam nəzarət mümkün deyil.

Uda bilmirik – qaydaları dəyişirik?

Nə vaxt hansı müqavilələrin bağlanıb pozulduğuna nəzər yetirdikdə qanunauyğunluğu görməmək olmur: müqavilələr yalnız o zaman bağlanıb ki, ABŞ və müttəfiqləri SSRİ və Rusiyanı texniki üstünlükdən məhrum etməkdən başqa yol tapmayıblar. Lakin amerikalılar irəli çıxan kimi müqavilələr ləğv olunur. OKMR-də də belə oldu.

İndi BMT vasitəsilə hipersəs silahının ləğv olunmasına cəhdlər edilir. Rusiya artıq belə silaha malikdir və bu sahədə ABŞ-ı qabaqlayır. Heç şübhə olmasın ki, Ştatlar özləri bu cür silah istehsal edən kimi qadağana ehtiyac qalmayacaq. Bütün bunlar uda bilmədikdə qaydaları dəyişən centlmen barədə lətifəni xatırladır.

SHS-3 və ya beynəlxalq təhlükəsizliyin qalıqları

Bu gün Rusiya və ABŞ arasında yeganə qüvvədə olan silahların məhdudlaşdırılması razılaşması Strateji hücum silahlarının ixtisar edilməsi barədə müqavilədir (SHS). Yalnız onun uzadılması raket-nüvə sahəsində nəzarət mexanizmlərinin birdəfəlik məhv olmasından qaçmağa imkan verəcək.

ABŞ ardıcıl olaraq həm adi, həm də nüvə silahının məhdudlaşdırılmasına yönəlik mövcud müqavilələr sisteminin ləğvinə hesablanmış xətt yürüdür. Hərbi ekspert Boris Rojin bu fikirdədir. "OKMR-dən çıxandan sonra indi fəal surətdə 2021-ci ildən sonra SHS-3 müqaviləsinin qüvvədən salınması müzakirə olunur. Artıq ABŞ-da müxtəlif səviyyələrdə bəyan edirlər ki, ya Amerikaya sərf etmədiyi üçün Müqavilə ləğv olunacaq, ya da Ağ Ev Birləşmiş Ştatlara sərfəli olan şərtlərlə Rusiya və Çinə yeni müqavilə bağlamağı təklif edəcək" – Rojin deyib.

Onun fikrincə, ABŞ-ın belə hərəkətləri ucbatından beynəlxalq təhlükəsizlik sisteminin qalıqları da məhv ola bilər.

Öz növbəsində Rusiya XİN başçısının müavini Sergey Ryabkov noyabrın əvvəllərində Moskvada keçirilmiş yayılmama üzrə konfransda bəyan edib ki, Rusiya 2021-ci il fevralında fəaliyyət müddəti bitəcək SHS müqaviləsi ilə bağlı çox narahatdır. O qeyd edib: "Hazırkı şəraitdə SHSM-nin müddətinin artırılması strateji sabitlik sahəsində tamamilə deqradasiyanın qarşısına alacaq və raket-nüvə sferasında nəzarət mexanizmlərini qoruyacaq və bu məsələdə yeni metodları fikirləşənədək vaxt qazandıracaq yeganə addım kimi görünür".

824
Özüyeriyən artilleriya qurğusu (ÖAQ) Коалиция-СВnin, arxiv şəkli

"KamAZ" təkəri üstündə yeriyən “müharibə tanrısı”

123
(Yenilənib 10:14 30.05.2020)
«Коалиция-СВ» artilleriya sistemi uzun mənzili və yüksək atəş dəqiqliyi ilə seçilən qabaqcıl xarici analoqlara cavab olaraq yaradılıb

BAKI, 30 may — Sputnik, Aleksandr Xrolenko, hərbi şərhçi. Artilleriya – müharibənin allahıdır, ona görə də Rusiyada tək məbədlər tikmir, eləcə də dünyanın ən yaxşı haubitsalarını düzəldirlər. Nijeqorod vilayətindəki poliqonda 152 mm kalibrli özüyeriyən artilleriya qurğusu (ÖAQ) «Коалиция-СВ»nin “KamAZ-6550” avtomobili bazasında təkərli modifikasiyasının sınaqları keçib.

Təptəzə «Коалиция-СВ» haubitsalarının sınaq partiyası mayın sonunda Rusiya ordusunun sərəncamına verilib. Qurğu T-90 tankının platformasına bərkidilib və 70 km uzaqlıqdakı yerüstü hədəflərin – komanda məntəqələrinin, rabitə qovşaqlarının, artilleriya və minaatan batareyaların, zirehli texnikanın, HHM-RƏM vasitələrinin,  düşmənin canlı qüvvəsinin - vurulması üçün nəzərdə tutulub. Hazırda dünyada bu haubitsanın analoqu yoxdur. Demək olar ki, eyni zamanda “Uralvaqonzavod” ÖAQ-ın “KamAZ-6550” avtomobilinin bazasında hərəkət və atəş sınaqlarını keçirməyə başladı. Sınaqların cari ildə başa çatdırılması nəzərdə tutulur, bundan sonra isə haubitsanın təkərli modifikasiyasının seriya istehsalına başlanması haqda qərar veriləcək.

Orduda təkərli «Коалиция-СВ» ÖAQ-ın peyda olması presedent yaradacaq (hazırda Rusiyada bu tipli haubitsa yoxdur) və topçuların hərbi məsələləri həll etmək üçün konkret şəraitdən asılı olaraq “Коалиция”nın təkərli və ya tırtıllı variantını seçmək imkanı olacaq. Tırtıllı analoqları ilə müqayisədə dördoxlu “KamAZ” şassi sisteminin öz üstünlükləri var – mobillik, yol örtüyünü dağıtmadan ümumi istifadədə olan avtonəqliyyat magistrallarından istifadə etmək imkanı, kifayət qədər böyük gediş ehtiyatı (tırtıllı platformanın 5000 km-lik resursu təkərli texnika üçün sadəcə sınaq reysidir).

İstehsalçı müəssisənin baş direktoru Dmitri Semizorov bu barədə demişdi: “”Коалиция” – gələcəyin maşınıdır. O, hətta günü bu gün də zamanı qabaqlayır”. Ola bilsin ki, təkərli yeni ÖAQ daha da irəli gedəcək. Və çox güman ki, hətta xarici alıcıları da cəlb edəcək. Məsələn, 155 mm kalibrli, «Краснополь-М» mərmiləri və onların eyni kalibrli xarici analoqları ilə atəş açan əvvəlki özüyeriyən «Мста-С» nəsil haubitsasının ixrac modifikasiyasının qiyməti 1.6 milyon dollardır. Əbu-Dabidəki IDEX-93 sərgisində «Мста-С» əzici üstünlük nümayiş elətdirdi: 15 km uzaqlığa atılan 40 «Краснополь» mərmisindən 38-i hədəfi vurdu. «Коалиция-СВ» daha mükəmməl olduğundan onun Rusiya ordusunda və beynəlxalq silah bazarında gözəl gələcəyinə təminat vermək olar.

Yeni nəsil

«Коалиция-СВ» artilleriya sistemi «Мста-С» ÖAQ-nin (tırtıllı şassi) xələfidir və nəhəng atış gücünü də ondan alıb. «Коалиции-СВ»nin 152 mm kalibrli topu dəqiqədə 10-dan çox atış edə bilir, bu isə ən yaxşı xarici qurğular da daxil olmaqla analoji artilleriya sistemlərinin atış sayından çoxdur.

Məsələn, Amerikanın daha çox insanı əhatə edən heyətinə malik М109А6 Paladin ÖAQ dəqiqədə cəmi 6 atış edə bilir. «Коалиции-СВ»nin yüksək atış tempini isə onun doldurulma mexanizminin tam müstəqil avtomat rejimli olması təmin edir. Bütün barıtın eyni zamanda “alışdırılmasının” mikrodalğalı sistemi də vacib rol oynayır. 

Yeni haubitsaya üç mütəxəssis xidmət edir: sürücü-mexanik, komandir və tuşlayıcı operator («Мста-С» ÖAQ-nin heyətində isə beş nəfər var). Üstəlik onun artilleriya qülləsində adam olmur, heyət zirehli kapsulda yerləşir. Konstruktiv həll “Armata”nı xatırladır və 48 ton döyüş kütləsinə malik ÖAQ tankın hərəkiliyini özündə saxlayır.

Ən yeni artilleriya sisteminin tırtıllı və təkərli variantı unifikasiya olunmuş döyüş bölməsinə - tam dönən qülləyə və 152 mm-lik kəsik 2A88 haubitsasına – malikdir. ÖAQ cəbbəxanasının tərkibinə eləcə də uzaqdan idarə oluna bilən, 12.7 mm kalibrli pulemyotu olan qüllə qurğusu da daxildir. Komandirlə tuşlayıcının iş yerləri rəqəmsal displeylə təchiz olunub, taktiki həlqənin vahid avtomatlaşdırılmış idarəetmə sisteminə inteqrasiya olunub. Bu, heyətə mövcud idarə konturunda səmərəli davranmağa, müxtəlif mənbələrdən rəqəmsal rabitə kanalları ilə göstərişlər almağa, ərazini daimi müşahidə altında saxlamağa, istənilən hava şəraitində atəş açmaq və onu korrektə etmək üçün avtonom hesablamalar aparmağa imlan verir. Xarici məlumatlar göyərtədəki məlumat-komanda sistemi tərəfindən emal olunur və sistem atəş və döyüş sursatlarının idarə olunması barədə məlumatları əks etdirir.

Atəş xarakteristikalarına görə  «Коалиция-СВ» bütün yerli və xarici istehsal olan seriya ÖAQ-lərdən üstündür. Bu potensialla ən yeni haubitsa perspektivdə Rusiya Quru Qoşunlarındakı  bütün 152 mm-lik «Мста-С» və yedəyə alınan «Мста-Б» qurğularını əvəz edəcək.

«Коалиция-СВ» artilleriya sistemi Nijeqorod “Uralvaqonzavod” konserninə daxil Nijeqorod “Burevestnik” Mərkəzi Elmi-Texniki İnstitutu tərəfindən işlənib hazırlanıb. İlk dəfə geniş kütləyə 2015-ci il mayın 9-da Moskvada Qələbə paradında nümayiş olunub. 2017-ci ilin sentyabrında isə Rusiya Müdafiə Nazirliyi ən yeni «Коалиция-СВ» ÖAQ-nin sınaq partiyasının, 2020-ci ildə isə seriya nümunələrinin tədarükü üçün müqavilə imzalayıb. Ən yeni «Коалиция-СВ» haubitsasının iki modifikasiyası gələcəyin silahıdır və onun əvvəlcədən, yəni elə bu gün əldə edilməsi daha məqsədəuyğundur. Ola bilsin ki, yaxın gələcəkdə onun üçüncü – gəmi versiyası da peyda olsun və o zaman piyada sistemi dəniz platformasına ayaq basacaq.

Yüksək dəqiqlikli döyüş sursatı

«Коалиция-СВ» atış mənzilinin uzaqlığına görə (70 km-dək) analoqlarını iki dəfə üstələyir. Məsələn, 2012-ci ildə ordunun sərəncamına verilmiş Rusiyanın «Мста-С» - 2С19М2 ÖAQ hədəfi aktiv reaktiv qəlpəli fuqas mərmisi ilə maksimum 30 km aralıdan vura bilir. Almanların möhtəşəm PZH 2000 haubitsası bir dəfə Cənubi Afrikada xüsusi reaktiv V-LAP mərmisini 56 km uzaqlığa göndərə bilmişdi, amma adi rejimdə onun da atış mənzili 30 km-i aşmır.

Mənzil uzaq olarkən yüksək dəqiqlik də vaciblik qazanır. «Краснополь-М» - ən uğurlu korrektə oluna bilən artilleriya döyüş sursatlarından biridir, amma o, imkanların son həddi deyil. Yeni idarəolunan mərmilərin istifadəsi sayəsində  «Коалиция» Rusiya ordusunda ilk yüksək dəqiqlikli artilleriya sistemi olacaq. Standart xətt hərbi sursatlarının dövlət sınaqları 2021-ci ildə başa çatacaq. Yeni texnoloji üfüqlər adamı heyran edir. 

Tulanın Cihazqayırma konstruktor bürosu “bir atışlıq” çox dəqiq və güclü qəlpəli fuqas döyüş sursatı işləyib hazırlayıb. Hər bir belə 152 mm-lik mərmi təxminən 50 min dollardır, ancaq düşmənin uzunmüddətli müdafiə nöqtəsinə, bunkerinə və ya digər möhkəmləndirilmiş obyektinə dəyərkən ikinci atəşə ehtiyac qalmır. Yarımaktiv başlıq lazer şüası ilə operator və ya pilotsuz aparat vasitəsilə yönləndirilir.

Daha bir “ağıllı” sursat Moskvanın “Kompas” konstruktor bürosunda yaradılıb. 152 mm-lik mərmi başlığı və atış zamanı qatlanaraq uçuşun istiqamətini korrektə edən aerodinamik sükanlar sisteminə malik ГЛОНАСС naviqasiya modulu əvvəlcədən məlum koordinatdakı hədəfi yüksək dəqiqliklə vurur. Dairəvi mümkün sapma 10 m-i keçmir (adətən 152 mm-lik mərmi uzun mənzilli atış zamanı 100 m kənara sapa bilər). “Kompas” KB-nin layihəsi artıq cəbbəxanada mövcud olan mərmiləri modernləşdirməyə imkan verir. Baza artilleriya mərmisinin idarəolunan mərmiyə çevrilməsinin qiyməti təxminən 1000 dollardır. Müqayisə üçün, Amerikanın bir ədəd 155 mm-lik idarəolunan Excalibur mərmisi 80 min dollara başa gəlir.

Yeni silahların işlənib hazırlanmasında RF üçün prioritet milli təhlükəsizliyin etibarlı təminatı, tərəfdaşlara və adekvat partnyorlara hərbi-texniki yardımdır. «Коалиция-СВ» artilleriya sistemi uzun mənzili və yüksək atəş dəqiqliyi ilə seçilən qabaqcıl xarici analoqlara cavab olaraq yaradılıb. Rusiya layihəsi ən müasir həlləri, texnologiya və komponentləri inteqrasiya edib ki, bu da döyüş və istismar xarakteristikalarının əla ahəngini əldə etməyə imkan verib. Ancaq və ancaq sülhün və beynəlxalq sabitliyin bərqərar olması üçün.

123
Əlaqədar
Rusiyanın Hərbi-Dəniz Donanması necə dəyişəcək - "Borey-A" və "Yasen-M" gəlir
Bu "Sirkon" Rusiyanın rəqiblərinə baha oturacaq: onu uçuş zamanı heç nə vura bilməz
100 milyon dollarlıq paradoks və ya F-35-in quyruğu niyə qopur
Rusiya Qara dənizə tam nəzarət edir
Rusiyanın beşinci nəsil qırıcıları sınaqlardan üzüağ çıxıb
RF-nin Baş naziri Mixail Mişustin, arxiv şəkli

Rusiya Baş nazirindən MDB ölkələrinə mesaj

78
(Yenilənib 20:12 29.05.2020)
"Şübhəsiz ki, biz birlikdə koronavirusun neqativ nəticələrinin öhdəsindən daha sürətlə gələ bilərik"

BAKI, 29 may — Sputnik. MDB ölkələri enerji bazalarında konyunkturadan asılılığı azaltmalıdır. Sputnik Azərbaycan "RİA Novosti"yə istinadən xəbər verir ki, bunu Rusiyanın Baş naziri Mixail Mişustin MDB hökumət başçılarının Şurasının iclasında bildirib.

"Əminəm ki, MDB-yə üzv bütün ölkələr qlobal enerji bazarlarında konyunkturadan asılılığı azaltmalıdır. Neft qiymətlərinin kəskin şəkildə aşağı düşməsi bizim iqtisadiyyatlarımızın əksər sahələrinə təsir edib", - deyə Mişustin vurğulayıb.

O qeyd edib ki, bu şəraitdə ölkələr arasında ticari-iqtisadi sahədə qarşılıqlı əlaqələrin möhkəmləndirilməsi olduqca önəmlidir:

"Bu hədəflər MDB-nin 2030-cu ilə qədər iqtisadi inkişaf strategiyaları layihəsində yer alıb. Bu layihə bizim ölkələrin iqtisadi mövqelərinin möhkəmləndirilməsinə, mal-məhsulların rəqabətədavamlılığının artırılmasına, sənaye sektorları və xidmət sektorlarının inkişafına, ən əsası isə birlik ölkələrinin sakinlərinin rifahının yaxşılaşmasına yönəlib".

Mişustin, həmçinin vurğulayıb ki, heç də asan olmayan iqtisadi şəraitdə strategiyaların qəbulu bütün ölkələrin ümumi maraqlarındadır: "Şübhəsiz ki, biz birlikdə koronavirusun neqativ nəticələrinin öhdəsindən daha sürətlə gələ bilərik".

78
Əlaqədar
Azərbaycanın koronavirusla bağlı yardım etdiyi ölkələrin adı açıqlandı
"Azərbaycan dünyada koronavirusla mübarizədə fəal rol oynayır" – Məmmədyarov
Prezident İlham Əliyev: "Müasir, qabaqlayıcı vasitələrə ehtiyacımız var"
Elmar Məmmədyarovla Sergey Lavrov telefonla danışdılar

Bu gündən xüsusi karantin rejiminə dair məhdudiyyətlərin bir qismi aradan qaldırılıb

0
(Yenilənib 07:10 31.05.2020)
Bu gündən restoran, kafe, çay evi və bütün ictimai iaşə məkanları müştərilərə saat 22:00-dək xidmət göstərəcək.

BAKI, 31 may - Sputnik. Nazirlər Kabineti yanında Operativ Qərargahın qərarı ilə ölkə ərazisində xüsusi karantin rejiminin müddəti iyunun 15-i saat 00.00-dək uzadılıb.

Operativ Qərargahdan Sputnik Azərbaycan-a verilən xəbərə görə, eyni zamanda 31 may saat 00:00-dan xüsusi karantin rejimi çərçivəsindəki məhdudiyyətlərin bir qisminin aradan qaldırılmasına qərar verilib:

● Bakı, Sumqayıt, Gəncə, Lənkəran şəhərləri və Abşeron rayonunda dövlət qurumlarında işçilərin say həddinin məhdudlaşdırılması ləğv olunur;

● ölkə ərazisində iri ticarət mərkəzlərinin və “Mall”arın fəaliyyəti bərpa olunur (nəzdindəki uşaq və digər əyləncə mərkəzləri, kinoteatrlar, ictimai iaşə məkanlarının fəaliyyəti istisna olmaqla);

● açıq havada keçirilən idman yarışlarının tamaşaçıların iştirakı olmadan təşkilinə icazə verilir;

● Bakı, Sumqayıt, Gəncə, Lənkəran şəhərləri və Abşeron rayonu üzrə restoran, kafe, çay evlərində, eləcə də bütün ictimai iaşə məkanlarında müştərilərə yerində xidmət saat 08:00-dan 22:00-dək həyata keçirilir (ölkə üzrə bütün ictimai iaşə obyektlərində qəlyan avadanlıqlarından istifadə və 10 nəfərdən artıq toplaşmaqla kütləvi şənliklər, məclislərin təşkili istisna olmaqla);

Xatırladaq ki, fəaliyyətinə icazə verilən sahələr üzrə iş rejimi pandemiya dövründə Azərbaycan Respublikası Nazirlər Kabineti yanında Operativ Qərargah tərəfindən təqdim olunan müvafiq sanitar-epidemioloji qaydalara və metodiki göstərişlərə uyğun həyata keçirilməlidir. Qaydaların pozulması qanunvericiliklə nəzərdə tutulmuş inzibati və cinayət məsuliyyəti yaradır. 

Qərargah hamını şəxsi gigiyena, eləcə də tibbi-profilaktik qaydalara əməl etməyə, ictimai yerlərdə kənar şəxslərlə minimum kontaktda olmağa, mövcud preventiv tədbirlərin şərtlərinə riayət etməyə çağırıb. Sanitar-epidemioloji vəziyyətə uyğun olaraq müəyyən edilmiş yerlərdə qoruyucu vasitələrdən istifadə və sosial məsafənin gözlənilməsi mütləqdir.

0