Ayı, arxiv şəkli

Ayı keçmiş deputata hücum edərək onu öldürüb

417
(Yenilənib 15:00 05.10.2019)
Rusiyanın Yakutiya əyalətinin keçmiş deputatı ova gedərkən ayı hücumuna məruz qalıb və həyatını itirib

BAKI, 5 oktyabr — Sputnik. Yakutiya əyalət məclisinin keçmiş deputatı Aleksandr Krılov respublikanın Oymyakon rayonunda ayı hücumu nəticəsində ölüb. Sputnik Azərbaycan bildirir ki, bu xəbəri RİA-Novosti bələdiyyə rəhbərinin səlahiyyətlərini icra edən İqor Vodovozova istinadən yayıb.

Vodovozovun sözlərinə görə, bu gün sabiq deputatın ölümü ilə bağlı sosial şəbəkələrdə yayılmağa başlayan məlumat təsdiqini tapıb. Belə ki, Krılov dostları ilə birlikdə ova gedib. Tomtor kəndi istiqamətində kvadrosikl sürərkən onun qarşısındakı yola bir ayı çıxıb. Bu zaman Krılov onu vurub və heyvana yaxınlaşmaq qərarına gəlib. Həmin anda yaxınlıqda olan başqa bir ayı ona hücum edib.

Vodovozov qeyd edib ki, deputatın meyidi nəqliyyatın köməyilə Tomtora çatdırılıb.

Bundan əvvəl isə Kamçatkada Oktyabr qəsəbəsinin sakini işə gedərkən ayı ilə rastlaşıb. O, ayıdan qorunmaq üçün yaxınlıqdakı balıq emalı zavodunun girişində gizlənib. Zavodun gözətçisi heyvanı qovandan sonra qadın yoluna davam edə bilib. Bu hadisədən sonra polis patrulu qəsəbəyə nəzarət etməyə başlayıb.

417
Teqlər:
Rusiya, deputat, hücum, ayı
Əlaqədar
Ayının dilini dişləyərək canını ölümdən qurtardı
Sevgilisini ayıdan qoruyan gənc həlak oldu
Vladislav Lisovets, arxiv şəkli

Rusiyalı stilistdən Azərbaycana dəstək

75
(Yenilənib 21:28 23.10.2020)
Vladislav Lisovets: "Otuz il ərzində heç nə dəyişməyib: elə eyni problemdir. Azərbaycan xalqı ermənilərin qanunsuz olaraq işğal etdikləri torpaqları geri qaytarmaq istəyir".

BAKI, 23 oktyabr — Sputnik. "Azərbaycanın torpaqlarını tam azad etməsini çox istərdim". Sputnik Azərbaycan News.ru-ya istinadən bildirib ki, bunu Bakıda doğulub böyüyən və hazırda Moskvada yaşayan stilist Vladislav Lisovets deyib. 

Dağlıq Qarabağ münaqişəsi zonasındakı döyüş əməliyyatlarını şərh edən V.Lisovets Azərbaycanın torpaqlarını qaytarmasını, tam azad etməsini çox istədiyini söyləyib:

"İndi çox istərdim ki, torpaq məsələsi həll olunsun və insanlar özlərinə aid olanları qaytarsınlar. Bunun minimum insan itkisi ilə baş verməsini arzulayıram. Təəssüf ki, siyasətçilər insanların yer üzündə yaşadığını unudurlar. Əvvəlcə sərhədləri düşünürlər, insanları yox. Heç kimi millətə bölmək istəmirəm. İnsanlar öldükdə bu, faciədir", - Lisovets bildirib.

"Otuz il ərzində heç nə dəyişməyib: elə eyni problemdir. Azərbaycan xalqı ermənilərin qanunsuz olaraq işğal etdikləri torpaqları geri qaytarmaq istəyir. İndi bu, münaqişənin kəskinləşməsinə çevrilib, amma mən bütün bunların bitməsini çox istərdim", - deyə stilist əlavə edib.

75
Türkiyə Prezidenti Rəcəb Tayyib Ərdoğan, arxiv şəkli

Ərdoğan Qarabağ barədə: "Moskva qədər Ankaranın da haqqı var"

209
(Yenilənib 15:55 23.10.2020)
Azərbaycan deyir ki, əgər Ermənistan Rusiyanı təklif edirsə, biz də Türkiyəni təklif edirik. Bu sülh danışıqlarında Türkiyə Rusiya ilə bərabər olmalı

BAKI, 23 oktyabr — Sputnik. Türkiyənin ən az Rusiya qədər Dağlıq Qarabağ münaqişəsinin sülh yolu ilə həllində iştirak etmək hüququ olduğuna inanıram. Sputnik Azərbaycan "Anadolu" agentliyinə istinadən xəbər verir ki, bunu Türkiyənin Prezidenti Rəcəb Tayyib Ərdoğan bildirib.

"Cənab Əliyevin ifadəsini kənara qoymaq mümkün deyil. Yəni burada əgər Rusiya nə qədər həll üçün, sülh üçün yer almağı düşünürsə, Türkiyənin də ən azı Rusiya qədər sülh prosesində yer almaq haqqının olduğuna inanıram. Azərbaycan deyir ki, əgər Ermənistan Rusiyanı təklif edirsə, biz də Türkiyəni təklif edirik. [Azərbaycan] Bu sülh danışıqlarında Türkiyə Rusiya ilə bərabər olmalıdır deyir. Əslində, bu məsələ ilə bağlı bu ana qədər Rusiyanın neqativ yanaşmasını eşitməmişəm", - deyə Türkiyə Prezidenti qeyd edib.

Ərdoğan vurğulayıb ki, Rusiyanın Türkiyə ilə bağlı neqativ açıqlamaları yoxdur: "Bu ana qədər biz istər Azərbaycan-Ermənistan mövzusunda, istər digər məsələlərdə - məsələn, Suriyada müştərək bir iş içərisindəyik. Liviya ilə bağlı da müştərək işlərimiz oldu".

209
Teqlər:
Azərbaycan, Türkiyə, Rusiya, danışıqlar, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"
Rusiya prezidenti: Minsk qrupu formatını bir az dəyişmək olar
Ərdoğan Ruhaniyə: Qarabağ məsələsində işğala məruz qalanla işğalçını ayırd etmək önəmlidir
“Müharibə döyüş meydanında aparılmalıdır – dinc əhaliylə yox”: Türkiyənin Baş Ombudsmanı
Peskov: "Rusiya müharibəni dayandırmaq üçün əlindən gələni edir"
Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva

Ekspert: “Gürcüstan azərbaycanlıları parlament seçkilərində aktiv iştirak edəcəklər”

0
(Yenilənib 10:50 24.10.2020)
Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva deyir ki, bu il parlamentə namizədliyini verən azərbaycanlıların sayı əvvəlki illərlə müqayisədə çoxdur
Aygül İsayeva: “İnsanlar səslərinin ölkədə baş verənlərə ciddi təsir edəcəyini anlayırlar”

Oktyabrın 31-də Gürcüstanda parlament seçkiləri keçiriləcək.

Beynəlxalq Qafqaz Universitetinin Assosativ Professoru, İqtisadiyyat üzrə fəlsəfə doktoru Aygül İsayeva Sputnik Azərbaycan-a deyir ki, bu gün siyasi fəal olmayan insanlar belə səslərinin ölkədə baş verənlərə ciddi təsir edəcəyini anlayırlar:

“Düşünürəm ki, Gürcüstan azərbaycanlıları parlament seçkilərində aktiv iştirak edəcəklər. Bəzi təşkilatların keçirdiyi sorğuya əsasən 70 faizə yaxın insanın səsvermədə iştirak etməsi gözlənilir. Ümumiyyətlə əvvəlki illərlə müqayisədə həm seçicilər, həm də namizədlər arasında aktivlik hiss olunur. Bu il parlamentə namizədliyini verən azərbaycanlıların sayı əvvəlki illərlə müqayisədə çoxdur, bu, çox yaxşı haldır. Ancaq təəssüf ki, eyni dairədən namizədliyini verən azərbaycanlılar, həm də bir-birinə rəqibdirlər”

Aygül İsayevanın geniş şərhinə audiofaylda qulaq asa bilərsiniz

0