Rusiya Xarici İşlər Nazirliyinin rəsmi təmsilçisi Mariya Zaxarova, arxiv şəkli

Vaşinqtona zəng vurmaq təhlükəlidir - Zaxarova

61
(Yenilənib 21:25 29.09.2019)
"Bu qalmaqaldan sonra hər kəs başa düşür ki, Vaşinqtona zəng vurmaq, danışıqlar aparmaq, görüşmək təhlükəlidir"

BAKI, 29 sentyabr — Sputnik. ABŞ və Ukrayna prezidentləri Donald Trampla Vladimir Zelenski arasındakı telefon danışığının stenoqramının dərc edilməsi Vaşinqtonla danışıqlar aparmağın təhlükəli olduğunu göstərir və ABŞ-ın digər ölkələrlə ünsiyyətinə öz təsirini göstərəcək.

Sputnik Azərbaycan RİA-Novosti-yə istinadən bildirir ki, bunu Rusiya Xarici İşlər Nazirliyinin rəsmi təmsilçisi Mariya Zaxarova "Birinci kanal"ın efirində deyib.

"Bir çox qiymətləndirmələrlə razıyam, bu, şübhəsiz, vəziyyəti dəyişir, hətta vəziyyəti yox, dövlətlər, ölkələr, liderlər, siyasətçilər arasında münasibət formalarını dəyişir... Bu qalmaqaldan sonra hər kəs başa düşür ki, Vaşinqtona zəng vurmaq, danışıqlar aparmaq, görüşmək təhlükəlidir", - Zaxarova bildirib.

Onun sözlərinə görə, bu, əsl, suveren Ukraynanın formalaşmağa başlamasında vacib məqam, dərs ola bilər.

Tramp, Baydenlər ailəsi və Ukrayna hökuməti ətrafında vəziyyət ABŞ və Ukrayna prezidentlərinin 2019-cu ilin iyulunda apardıqları telefon danışıqları ilə bağlı KİV-də yayılan məqalələrdən sonra ictimaiyyətin diqqət mərkəzinə düşüb.

 KİV iddia edib ki, söhbət zamanı Amerika lideri Ukrayna hökumətini kiçik Bayden haqda istintaq aparmağa məcbur  edib. ABŞ Konqresində demokratlar prezidenti qanunları pozmaqda şübhəli bilərək danışığın mətnini yaymağı tələb ediblər və iddiaları gerçəkləşərsə, impiçment irəli sürəcəkləri ilə hədələyiblər.

Tramp isə bunu danır və hesab edir ki, bu əhvalat hökumət başçısı olmaq üçün namizədliyini isrəli sürmüş və oğlu da guya Ukraynada korrupsiya cinayətinə qoşulmuş Baydeni qorumaq üçün quraşdırılıb.

Çərşənbə günü Prezidentin icazəsiylə açıqlanan stenoqram Trampın Co Baydenin oğlunun başçılıq etdiyi Burisma Group-un fəaliyyətini  araşdıran Ukraynanın keçmiş baş prokuroru Viktor Şokinin işdən çıxarılması səbəbini aydınlaşdırmağı Zelenskidən xahiş etdiyini təsdiqləyib.

Demokratlar Donald Trampı siyasi rəqibi Co Baydenin nüfuzunu aşağı salmaq məqsədilə xarici ölkədən seçkilərə qarışması üçün kömək istəməkdə günahlandıraraq ona qarşı impiçment proseduru başladıblar. Tramp isə ittihamları rədd edir.

61
Teqlər:
Rusiya Xarici İşlər Nazirliyinin sözçüsü Mariya Zaxarova, telefon danışığı, Vladimir Zelenski, Donald Tramp, Ukrayna, ABŞ, Rusiya
Əlaqədar
Trampın başı dərddə - İmpiçment proseduruna başlanılıb
Tramp Zelenski ilə telefon danışığını dərc etməyə razılıq verdi
Trampı devirmək üçün yeni cəhd: bütün "günah"ları yada saldılar
Donald Trampın impiçmenti istisna olunmur
Böyük Vətən Müharibəsində əsgərlərin döyüş bölgəsinə göndərilməsindən əvvəl təlimi, arxiv şəkli

Ölkə səksən il bundan əvvəl qalib gələcəyini bilərək döyüşə girdi

67
(Yenilənib 17:33 22.06.2021)
Qələbə üçün bütün bu qurbanlar əbəs yerə verilməyib. Biz bu gün məhz həmin misli görünməmiş fədakarlıqlar sayəsində yaşayırıq.

BAKI, 22 iyun — Sputnik, Yelena Qarayeva. "Dortmund" məxfi kəlməsi səsləndi və alman təcavüzkarının ağır zərbəsi gecə yuxusunda olan dinc kəndlərə, şəhərlərə, tarlalara, çöllərə, meşələrə, doğmalarımızın, babalarımızın, nənələrimizin, atalarımızın yatdığı evlərə endirildi.

Zərbə onlara dəydi... Yəni bizə, bizim hamımıza...

Səksən il bundan əvvəl "birləşmiş Avropa" qitəsi bütün gücü ilə üstümüzə hücuma keçdi. SSRİ-yə həm Fransanın maşınqayırma sənayesi, həm də Norveçdəki poladəritmə zavodları tərəfindən dəstəklənən vermaxt ordusu hücum etdi, Belçikanın SS batalyonları da bu işə cəlb edildi, Rumıniya aviasiyası da havaya qaldırıldı. Nasist zabitləri Xorvatiya hərbi hissələrinə də əmrlər yağdırırdılar.

Mətbuat da səfərbər edildi. Hitlerin təbliğat maşını ən az onun tankları və təyyarələri qədər diqqətlə yığılmışdı. Yozef Gebbels radio müraciətində vurğulayırdı: "22 iyun 1941-ci ildə Avropa bolşevik-sovet Rusiyasına cavab vermək qərarına gəldi".

Berlin vermaxtın və nasizmin qalib gələcəyinə şübhə etmirdi, ancaq "sovetlərin cavabı" özünü çox gözlətmədi.

Bu cavab Konstantin Simonovun – hamımızın yaxşı xatırladığı çalsaç cəbhə yazıçısı deyil, gənc, o zamanlar 25 yaşında olan "Qırmızı ulduz"un hərbi müxbirinin – göndərdiyi müraciətdə səsləndirildi.

Simonov Qərb cəbhəsinə Böyük Vətən müharibəsinin başlamasından beş gün sonra gəlmişdi və sonralar xatirələrində sərhədçi-zabitlərlə söhbətindən sitatlar gətirirdi. O deyirdi: "Hamının zastavalarda həlak olduğu barədə məlumat aldım. Axıra kimi döyüşmüşdülər. Orada olanların hamısı həlak olmuşdu. Mənim öz ailəm də orada, Qrayev yaxınlığındadır. Arvadım, iki uşağım, anam, bacım... Bu dünyada nəyim, kimim varsa, hamısı oradadır".

Acından ölən uşaqlarını xizəklərlə basdırmağa aparırdılar

Elə həmin gün, iyunun 29-da "Barbarossa" planını işləyib hazırlayanlardan biri, general Qalder öz gündəliyində yazır: "Cəbhədən gələn xəbərlər təsdiqləyir ki, ruslar hər yerdə son nəfərə qədər döyüşürlər". Hərçənd, Qalder öz rəhbərliyinə qələbə məlumatları göndərirdi.

Simonov daha sonra qeyd edirdi: "Bəzilərinin müharibədən sonra nə yazdıqlardan asılı olmayaraq, onda heç kim Şərq cəbhəsində onların tamamilə darmadağın etdikləri sovet ordusunun nə vaxtsa Almaniya ərazisinə girəcəyini ağlına belə gətirmirdi".

Reyxin ən yüksək generallarının qiymətləndirmələri 1940-cı ilin mayında Avropa hakimiyyətinin və xalqlarının davranışlarına əsaslanırdı: cəmi beş həftə ərzində Hollandiya Krallığı (kapitulyasiya sənədi mayın 14-də imzalandı), Belçika Krallığı (kapitulyasiya sənədi mayın 28-də imzalandı) və nəhayət, Fransa (kapitulyasiya sənədi iyunun 17-də imzalandı) nasistlərin ayaqları altına düşdü.

İngilis Ekspedisiya Qüvvələri Dunkerkdən qaçdı, vermaxtın əsgərləri isə bir-bir Avropa paytaxtlarına daxil oldular. Avropalılar onlara müqavimət göstərmədilər. Mənzərəli məkanlarda xoş gəzinti, ləzzətli yeməklər, keyfiyyətli şərab və məğlub olmuşlar tərəfindən yaxşı qəbul – vermaxt üçün Qərbi Avropada müharibə bundan ibarət idi.

İndi pasifizm tərəfdarları və heç vaxt müharibə olmasın deyənlər bildirirlər ki, "bu qanlı təcrübə" ölkələr arasındakı "keçmiş düşmənçiliyi" aradan qaldıraraq Avropanın birləşməsinə və dinc qitəyə çevrilməsinə səbəb oldu.

Əslində bu, həqiqətən də qanlı təcrübə idi və qanı tökülən də SSRİ xalqları idi. Məhz SSRİ vətəndaşları həm öz ölkələri, həm də Avropa dövlətlərinin hər qarışı üçün canları bahasına mübarizə aparmalı oldular.

Sovet hərbçiləri Ştrausun Vyanadakı məzarına əklil qoyduqları bir vaxtda vermaxt ordusunda xidmət edənlər Puşkinin qəbrinə mina basdırırdılar.

Biz ikinci cəbhənin açılmasını düz üç il gözlədik və müttəfiqlərin Ardenlərdəki hücumu dəf ediləndə Çörçill Stalinə kömək üçün, demək olar ki, yalvarmağa başladı. Baş Komandanlığın Vista-Oder əməliyyatının vaxtı səkkiz gün irəli çəkilir. Polşada Qızıl Ordunun hücumunun başlamasını sürətləndirmək barədə qərar isə bir neçə saatın içində verilir.

Nasistlər Leninqradı mühasirədə saxlayır və qəhrəman şəhərin sakinləri acından ölən uşaqlarını xizəklərlə basdırmağa aparırlar, halbuki qələbədən sonra Berlinin komendantı, general Berzarin bütün alman uşaqlarının peyvənd olunması və südlə təmin edilməsi barədə əmrlər verirdi.

80 il əvvəl başlayan və 1418 gün sürən müharibədə keçilən yol yalnız xalqımıza azadlıq gətirmədi, Maydanek və Auşvits krematoriyalarının sobalarını söndürmədi, Krakovu məhv olmaqdan qurtarmadı, Drezden qalereyasını, xəzinəsini xilas etmədi, həm də insanlıq və humanizmin dəyərini bir daha təsdiqlədi. Və həmin dəyərləri Avropa dərhal mənimsəyərək "özünün ümumi dəyərləri" elan etdi.

"Bir daha əsla"

Avropa özü azadlığa çıxandan sonra ehtirasla urbi et orbi – "Bir daha əsla" vəd edərək yavaş-yavaş başqa müharibələrə qoşuldu. Şimali və Qərbi Afrikada müstəqillik tərəfdarları ilə döyüşdü, Hind-Çində hərbi əməliyyatlar apardı. Sonra növbə Yuqoslaviyaya ("Miloseviç diktaturası və serblərin zülmünə" qarşı mübarizə kimi qələmə verilən – bütün bunları yaxşı xatırlayırıq) çatdı.

On ildən sonra növbə Ukraynaya da gəldi. Ukraynada – Avropa İttifaqı də daxil olmaqla, tamamilə açıq şəkildə əvvəl bir, sonra ikinci dəfə müharibə qızışdırıldı. Həm birinci, həm də ikinci halda, həm 2004-cü ildə, həm də 2013-2014-cü illərdə "başqalarına" qarşı nifrət mühiti yaradıldı.

Yuqoslaviya münaqişəsində olduğu kimi, nasistlərə rəğbət bəsləyənlər dərhal başlarını qaldırdılar, Hitlerin davamçıları və müharibə cinayətkarları isə dərhal "azadlıq və müstəqillik uğrunda mübarizə aparanlar və "Rusiyanın təsirindən xilas edənlərə" çevrildilər.

Müharibə mövzusuna qayıtsaq, Pavlovun Stalinqraddakı evinin – yalnız bir evin və təkcə bir müqavimət tağımı tərəfindən 58 gün müdafiə olunduğunu unutmamalıyıq. Bu, vermaxt qoşunlarının indi birləşmiş və "pasifist" olan qitə Avropası boyunca yürüşündən daha uzun çəkmişdi.

Gəlin, hər şeydən əvvəl bir məsələni yaddan çıxartmayaq: əcdadlarımızın, yaxınlarımızın, həmvətənlərmizin qəhrəmanlığını "milyonlarla təcavüzə məruz qalmış alman qadını", "qənimət eşelonları" və "oğurlanmış sənət kolleksiyaları" haqqında hekayələrlə gözdən salmaq cəhdi "yalnız bir hüceyrənin quruluşunu dəyişdirilməklə bütün orqanizmin xərçənginə gətirib çıxarmaq, ümumi genetik kodumuzu məhv etməyin bir yoludur.

Gəlin, nəhayət, dərk edək ki, "Rusiyanın militarizmi" ilə bağlı bütün bu səs-küy ağlasığmaz və misli görünməmiş bir şeyə nail olmuş – nasizmin belini qıraraq bütün Avropa qitəsinin qarşısında baş əydiyi bu hərbi gücün dörddə üçünü məhv etmiş ölkəyə həsəd aparmaqdan başqa bir şey deyil.

Döyüş meydanında ölənləri, yaralananları, köləliyə məhkum edilənləri, əsir düşərgələrinə göndərilənləri, işgəncələrə məruz qalanları, güllələnənləri, asılanları yada salaraq bir daha təkrarlayaq ki, Qələbə üçün bütün bu qurbanlar əbəs yerə verilməyib. Biz bu gün məhz həmin misli görünməmiş fədakarlıqlar sayəsində yaşayırıq.

Yaddaşımız və kədərimiz isə onlarla ucaltdığımız ortaq və əbədi abidəmizdir.

 

Eləcə də oxuyun:

  • Ceyhun Bayramov və Sergey Lavrov Böyük Vətən müharibəsi ilə bağlı şeir dedi

  • Keçmişə baxmayaraq açıq olmaq - Putin

  • İkinci Dünya müharibəsi ilə bağlı mif və əfsanələr

67
Vladimir Putin, arxiv şəkli

Keçmişə baxmayaraq açıq olmaq - Putin

2307
(Yenilənib 14:04 22.06.2021)
Rusiya liderinin Böyük Vətən müharibəsinin başlanmaısnın 80 illiyinə həsr edilmiş məqaləsi Almaniyanın Die Zeit qəzetində çap olunub.

BAKI, 22 iyun - Sputnik. Almaniyanın gündəlik Die Zeit qəzetində Rusiya Federasiyasının prezidenti Vladimir Putinin "Keçmişə baxmayaraq açıq olmaq" adlı məqaləsi dərc olunub. Məqalə Böyük Vətən müharibəsinin başlamasının 80-ci ildönümünə həsr edilib.

Sputnik Azərbaycan məqalənin tam mətnini təqdim edir:

"1941-ci il iyunun 22-də, düz 80 il əvvəl, faşistlər praktiki olaraq bütün Avropanı fəth etdikdən sonra SSRİ-yə hücum etdilər. Sovet xalqı üçün Böyük Vətən müharibəsi, ölkəmizin tarixində ən qanlı müharibə başladı. On milyonlarla insan həlak oldu, iqtisadi potensiala və mədəni irsə nəhəng zərbə dəydi.

Biz Qızıl Ordunun qəhrəmanlarının və arxa cəbhəni zəhmətkeşlərinin əzmkarlığı və cəsurluğu ilə fəxr edirik. Onlar nəinki Vətənin müstəqilliyini və ləyaqətini müdafiə etdilər, həm də Avropa və dünyanın kölə olmaqdan qurtardılar. İndi kimin keçmişin səhifələrini yenidən yazmaq istəməsindən asılı olmayaraq – həqiqət ondadır ki, sovet əsgəri Almaniya torpağına almanlardan qisas almaq üçün deyil, nəcib, böyük xilaskar missiyası ilə gəlmişdi. Bizim üçün faşistlərlə mübarizə aparmış qəhrəmanların xatirəsi müqəddəsdir. Biz təşəkkür hissi ilə ümumi Qələbəni yaxınlaşdırmış antihitler koalisiyası üzrə müttəqfiqlərimizi, Müqavimətin iştirakçılarını, alman antifaşistlərini yada salırıq.

Dünya müharibəsinin dəhşətlərini yaşamış Avropa xalqları yenə də qarşılıqlı etimadı və hörməti bərpa edə bildilər, inteqrasiyaya istiqamətləndilər ki, ötən əsrin ilk yarısının Avropa faciələri təkrarlanmasın. Və xüsusi ilə qeyd etmək istəyirəm ki, belə Avropanın qurulması üçün bizim xalqımızın və müasir birləşmiş Almaniyanın həm şərqində, həm də qərbində yaşayan almanların tarixi barışması nəhəng rol oynadı.

Onu da xatırladım ki, məhz alman sahibkarları müharibədən sonrakı illərdə bizim ölkəmizlə kooperasiyanın pionerləri oldular. 1970-ci ildə konstruktiv qarşılıqlı asılılığın əsasını qoymuş, bir çox sonrakı möhtəşəm layihələrin, o cümlədən "Şimal axını" qaz boru kəmərinin tikintisinin əsasını təşkil etmiş SSRİ və AFR arasında Avropaya təbii qaz tədarükünə dair "əsrin razılaşması" bağlandı.

Biz ümid edirdik ki, soyuq müharibənin başa çatması Avropa üçün ümumi qələbə olacaq. Elə gəlirdi ki, bir az da keçəcək və Şarl de Qollun vahid qitə barədə arzusu hətta coğrafi "Atlantikadan Uraladək" yox, mədəni, sivilizasiyalı Lissabondan Vladivostokadək reallıq olacaq.

Rusiya məhz bu məntiqlə - ortaq dəyərlər və maraqlarla birləşdirilmiş Böyük Avropa qurma məntiqi ilə - avropalılarla münasibətlərini inkişaf etdirməyə çalışdı. Həm bizim tərəfimizdən, həm Avropa İttifaqı tərəfindən bu yolda çox işlər görüldü.

Ancaq fərqli bir yanaşma üstün oldu. Onun əsasında özü belə Soyuq Müharibənin qalığı olan Şimali Atlantika İttifaqının genişlənməsi dayanırdı. Axı o, məhz o dövrün qarşıdurması üçün də yaradılmışdı.

Məhz blokun Şərqə doğru, yeri gəlmişkən, sovet rəhbərliyinin faktiki olaraq birləşmiş Almaniyanın NATO-da üzvlüyünə razı salınmaısndan başlamış hərəkəti, Avropada sürətli qarşılıqlı etimadsızlığın artmasında əsas rol oynadı. O vaxt sözdə verilmiş vədlər, "bu sizə qarşı deyil", "blokun sərhədləri sizə yaxınlaşmayacaq" barədə tez bir zamanda unuduldu. Presedent isə yaradıldı.

Və 1999-cu ildən NATO-nun daha beş genişlənmə dalğası oldu. Təşkilata keçmiş Sovet İttifaqının respublikaları da daxil olmaqla 14 yeni ölkə üzv oldu. Bu isə faktiki olaraq ayırıcı xətlərisiz qitəyə ümidləri dəfn etdi. Bu barədə yeri gəlmişkən, 80-ci illərin ortalarında ASDP-nin liderlərindən biri olan Eqon Bar xəbərdarlıq etmişdi. O, Almaniya birləşəndən sonra Avropanın bütün təhlükəsizlik sistemini yenidən qurmağl təklif etmişdi, həm SSRİ-nin, həm də ABŞ-ın iştirakı ilə. Amma o vaxt nə SSRİ-də, nə ABŞ-da, nə də Avropada heç kim ona qulaq asmaq istəmədi.

Bundan əlavə, bir çox ölkələr süni seçim qarşısında qoyuldular – ya kollektiv Qərblə, ya da Rusiya ilə olmaq. Faktiki olaraq bu ultimatum idi. Belə aqressiv siyasətin hansı nəticələrə gətirdiyini biz Ukraynanın 2014-cü il faciəsinin misalında görürük. Avropa fəal şəkildə Ukraynadakı antikonstitision hərbi çevrilişi dəstəklədi. Hər şey də bundan başladı. Bunu etmək nəyə lazım idi? Onda fəaliyyətdə olan prezident Yanukoviç artıq müxalifətin bütün tələbləri ilə razılaşmışdı. Niyə ABŞ çevrilişi təşkil etdi, Avropa ölkələri isə onu iradəsiz olaraq dəstəklədilər və Ukraynanın özündə parçalanmaya, Krımın onun tərkibindən çıxmasına səbəb oldular?

İndi bütün Avropa təhlükəsizlik sistemi deqradasiyaya uğrayıb. Gərginlik artır, yeni sürətlə silahlanma riskləri real olur. Biz kooperasiyanın bizə verdiyi böyük imkanları əldən veririk. O indi daha vacibdir. İndi biz ümumi çağırışlarla, pandemiya və onun ağır sosial-iqtisadi nəticələri ilə qarşılaşmışıq.

Niyə belə olur? Və ən əsası, biz birlikdə hansı nəticələri çıxarmalıyıq? Tarixin hansı dərslərini yada salmalıyıq? Fikrimcə, ən əvvəl Böyük Avropanın bütün müharibədən sonrakı tarixinin nəyi təsdiqlədiyini: bizim ümumi qitəmizin çiçəklənməsi və təhlükəsizliyi yalnız Rusiya da daxil olmaqla bütün ölkələrin birgə səyləri ilə mümkündür. Çünki Rusiya ən iri Avropa dövlətlərindən biridir. Və biz özümüzün Avropa ilə ayrılmaz mədəni və tarixi əlaqəmizi hiss edirik.

Biz dürüst, yaradıcı qarşılıqlı fəaliyyətə hazırıq. Bizim Atlantikadan Sakit okeana qədər vahid əməkdaşlıq və təhlüsizlik məkanının yaradılması ilə bağlı ideyamız bunu təsdiq edir. Bu məkan özündə müxtəlif inteqrasiya formatlarını, o cümlədən Aropa ittifaqını və Avrasiya İqtisadi İttifaqını da billəşdirə bilərdi.

Bir daha təkrar edirəm: Rusiya Avropa ilə tam əhatəli tərəfdaşlığın bərpasına tərəfdardır. Bizim qarşılıqlı maraq kəsb edən çoxlu birgə mövzülarımız var. Bura təhlükəsizlik və strateji sabitlik, cəhiyyə və təhsil, rəqəmsallaşdırma, energetika, mədəniyyət, elm və texnologiya, iqlim və ekoloji problemlərin həlli daxildir.

Dünya dinamik şəkildə inkişaf edir, yeni çağırışlarla və təhdidlərə qarşılaşır və biz sadəcə olaraq keçmiş anlaşılmazlıqların, incikliklərin, münaqişə və səhvlərin yükünü özümüzlə daşıya bilmərik. O yükü ki, bizə diqqəti aktual problemlərin həllinə yönəltməkdə mane olacaq. Əminik ki, biz hamımız bu səhvləri etiraf etməli və onları düzəltməliyik. Bizim ümumi və heç bir mübahisə doğurmayan məqsədimiz – ayırıcı xətlər olmadan qitədə təhlükəsizliyin, Avropa və bütün dünyanın çiçəklənməsi naminə bərabər hüquqlu əməkdaşlıq və ümumi inkişaf üçün vahid məkanın təmin edilməsidir" - məqalədə deyilir.

2020-ci ilin iyununda ABŞ-ın The National Interest nəşri Vladimir Putinin İkinci dünya müharibəsi barədə məqaləsini dərc edib.

2307
Şuşa şəhərindən görüntü

Milyonluq idarə: vergiləri ödəyəndən sonra qalan pulu istifadə etməkdə sərbəstdir

0
(Yenilənib 18:20 22.06.2021)
İdarənin əmlakı nizamnamə fondundan, təsisçinin verdiyi əmlakdan, həmçinin dövlət büdcəsindən ayrılan vəsaitdən, fəaliyyətindən əldə olunmuş gəlirdən, ianələrdən, qrantlardan, cəlb edilən investisiyalardan və qanunla qadağan edilməyən digər vəsaitdən formalaşır.

 

BAKI, 22 iyun — Sputnik. Şuşa Şəhəri Dövlət Qoruğu İdarəsinin nizamnamə fondunun məbləği açıqlanıb. Sputnik Azərbaycan xəbər verir ki, bu barədə İdarənin nizamnaməsində qeyd olunub. Beləliklə, nizamnamə fondunun məbləği 1 000 000 manat təşkil edir.

İdarənin əmlakı nizamnamə fondundan, təsisçinin verdiyi əmlakdan, həmçinin dövlət büdcəsindən ayrılan vəsaitdən, fəaliyyətindən əldə olunmuş gəlirdən, ianələrdən, qrantlardan, cəlb edilən investisiyalardan və qanunla qadağan edilməyən digər vəsaitdən formalaşır.

İdarə öz əmlakından yalnız bu Nizamnamə ilə müəyyən olunmuş məqsədlərə uyğun istifadə edir, balansında olan dövlət əmlakına münasibətdə səlahiyyətlərini "Dövlət əmlakının qorunub saxlanılması və səmərəli istifadə edilməsinin təkmilləşdirilməsi haqqında" Azərbaycan Respublikası Prezidentinin 2007-ci il 6 iyun tarixli 586 nömrəli Fərmanı ilə müəyyən edilmiş qaydada həyata keçirir.

İdarə qanunla nəzərdə tutulmuş vergiləri və digər məcburi ödənişləri müəyyən edilmiş qaydada ödədikdən sonra İdarənin, onun nümayəndəliklərinin və təsərrüfat cəmiyyətlərinin, habelə tabeliyindəki digər qurumların fəaliyyətindən əldə edilmiş vəsait üzərində müstəqil sərəncam vermək hüququna malikdir.

İdarənin mənfəəti bu Nizamnamədə nəzərdə tutulmayan məqsədlər üçün yalnız Azərbaycan Prezidentinin qərarı ilə dövlət büdcəsinə köçürülür.

İdarə "Dövlət rüsumu haqqında" qanununda nəzərdə tutulmuş xidmətləri göstərdiyinə (hüquqi hərəkətləri həyata keçirdiyinə) görə həmin Qanunla müəyyən edilmiş qaydada və məbləğdə dövlət rüsumu, habelə qanunla müəyyən edildiyi hallarda digər ödənişlər tutur. İdarənin tutduğu dövlət rüsumunun "Dövlət rüsumu haqqında" qanunu ilə müəyyən edilən hissəsi İdarənin fəaliyyətinin maliyyələşdirilməsi məqsədilə onun hesabına köçürülür. "Reklam haqqında" qanunun 26.2-3-cü maddəsinə müvafiq olaraq İdarənin açıq məkanda reklam yayımına görə tutduğu haqqın məbləği dövlət tərəfindən tənzimlənən qiymətlərə (tariflərə) aiddir.

Eləcə də oxuyun:

  • Şuşa şəhərində yaradılacaq dövlət qoruğu belə olacaq

  • Azərbaycan UNESCO-nun missiyasının Ağdam, Füzuli və Şuşaya səfər etməsini təklif edib

  • Azərbaycanda fəaliyyət göstərən icmalar Şuşa Bəyannaməsinə münasibət bildirdi

0
Teqlər:
fond, Nizamnamə, qoruq, Şuşa