Rusiya Xarici İşlər Nazirliyinin rəsmi təmsilçisi Mariya Zaxarova, arxiv şəkli

Vaşinqtona zəng vurmaq təhlükəlidir - Zaxarova

58
(Yenilənib 21:25 29.09.2019)
"Bu qalmaqaldan sonra hər kəs başa düşür ki, Vaşinqtona zəng vurmaq, danışıqlar aparmaq, görüşmək təhlükəlidir"

BAKI, 29 sentyabr — Sputnik. ABŞ və Ukrayna prezidentləri Donald Trampla Vladimir Zelenski arasındakı telefon danışığının stenoqramının dərc edilməsi Vaşinqtonla danışıqlar aparmağın təhlükəli olduğunu göstərir və ABŞ-ın digər ölkələrlə ünsiyyətinə öz təsirini göstərəcək.

Sputnik Azərbaycan RİA-Novosti-yə istinadən bildirir ki, bunu Rusiya Xarici İşlər Nazirliyinin rəsmi təmsilçisi Mariya Zaxarova "Birinci kanal"ın efirində deyib.

"Bir çox qiymətləndirmələrlə razıyam, bu, şübhəsiz, vəziyyəti dəyişir, hətta vəziyyəti yox, dövlətlər, ölkələr, liderlər, siyasətçilər arasında münasibət formalarını dəyişir... Bu qalmaqaldan sonra hər kəs başa düşür ki, Vaşinqtona zəng vurmaq, danışıqlar aparmaq, görüşmək təhlükəlidir", - Zaxarova bildirib.

Onun sözlərinə görə, bu, əsl, suveren Ukraynanın formalaşmağa başlamasında vacib məqam, dərs ola bilər.

Tramp, Baydenlər ailəsi və Ukrayna hökuməti ətrafında vəziyyət ABŞ və Ukrayna prezidentlərinin 2019-cu ilin iyulunda apardıqları telefon danışıqları ilə bağlı KİV-də yayılan məqalələrdən sonra ictimaiyyətin diqqət mərkəzinə düşüb.

 KİV iddia edib ki, söhbət zamanı Amerika lideri Ukrayna hökumətini kiçik Bayden haqda istintaq aparmağa məcbur  edib. ABŞ Konqresində demokratlar prezidenti qanunları pozmaqda şübhəli bilərək danışığın mətnini yaymağı tələb ediblər və iddiaları gerçəkləşərsə, impiçment irəli sürəcəkləri ilə hədələyiblər.

Tramp isə bunu danır və hesab edir ki, bu əhvalat hökumət başçısı olmaq üçün namizədliyini isrəli sürmüş və oğlu da guya Ukraynada korrupsiya cinayətinə qoşulmuş Baydeni qorumaq üçün quraşdırılıb.

Çərşənbə günü Prezidentin icazəsiylə açıqlanan stenoqram Trampın Co Baydenin oğlunun başçılıq etdiyi Burisma Group-un fəaliyyətini  araşdıran Ukraynanın keçmiş baş prokuroru Viktor Şokinin işdən çıxarılması səbəbini aydınlaşdırmağı Zelenskidən xahiş etdiyini təsdiqləyib.

Demokratlar Donald Trampı siyasi rəqibi Co Baydenin nüfuzunu aşağı salmaq məqsədilə xarici ölkədən seçkilərə qarışması üçün kömək istəməkdə günahlandıraraq ona qarşı impiçment proseduru başladıblar. Tramp isə ittihamları rədd edir.

58
Teqlər:
Rusiya Xarici İşlər Nazirliyinin sözçüsü Mariya Zaxarova, telefon danışığı, Vladimir Zelenski, Donald Tramp, Ukrayna, ABŞ, Rusiya
Əlaqədar
Trampın başı dərddə - İmpiçment proseduruna başlanılıb
Tramp Zelenski ilə telefon danışığını dərc etməyə razılıq verdi
Trampı devirmək üçün yeni cəhd: bütün "günah"ları yada saldılar
Donald Trampın impiçmenti istisna olunmur
COVİD-19 qarşı eksperemental peyvənd, arxiv şəkli

Rusiyada koronavirus peyvəndlərini ilk kimlərin alacağı açıqlandı

579
(Yenilənib 08:15 08.08.2020)
Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

BAKI, 8 avqust — Sputnik. Rusiyada koronavirus əleyhinə peyvəndləri ilk olaraq həssas qruplar – tibb işçiləri və yaşlı şəxslər alacaq. Sputnik Azərbaycan xəbər verir ki, bunu Rusiyanın Səhiyyə nazirinin müavini Oleq Qridnev bildirib.

Qridnev əlavə edib ki, hazırda preparatın kütləvi şəkildə hazırlanması üzrə "maksimum iş" görülür. Onun sözlərinə görə, peyvəndlənmənin effekti populyasiya immuniteti formalaşdıqdan sonra, virusun ötürülməsi praktiki olaraq mümkün olmadığı vaxt nəzərə çarpacaq: "Lakin bu peyvəndlənənlərin sayından asılı olacaq".

Qeyd edək ki, Rusiyanın Qamaleya adına Milli Tədqiqat Mərkəzi COVID-19 peyvəndinin uşaqlar üzərində tədqiqinə gələn ilin yanvar-fevral aylarında başlamağı planlaşdırır.

"Biz bu sənəd paketini işləyib hazırlamağa başlamışıq, çünki institut heç vaxt uşaqlar üzərində sınaq aparmayıb. Pediatrlar bu xüsusiyyətləri bilirlər və biz onlarla birlikdə Səhiyyə Nazirliyinə təqdim edəcəyimiz sənədlər paketini yazırıq ki, uşaqlar üzərində bunu həyata keçirə bilək – amma yalnız böyüklər üzərində bütün tədqiqatları bitirdikdən sonra", - deyə mərkəzin direktoru Aleksandr Gintsburq bildirib.

Onun sözlərinə görə, sınaqlar qışda başlayacaq, çünki böyüklər üzərində koronavirus peyvəndi testlərinin üçüncü mərhələsi təxminən beş ay davam edəcək. Sınaqlarda təxminən iki min insan iştirak edəcək.

Koronavirusa qarşı Rusiya peyvəndinin sınaqları

Bundan əvvəl Rusiya Səhiyyə naziri Mixail Muraşko Qamaleya adına Milli Epidemiologiya və Mikrobiologiya Tədqiqat Mərkəzi tərəfindən hazırlanmış peyvəndin klinik sınaqlarının başa çatdığını elan edib.

O, hökumətin oktyabrda kütləvi peyvəndləmə aparmaq niyyətində olduğunu vurğulayıb. Peyvəndlər ilk növbədə "xüsusi qruplar"nın nümayəndələrinə – tibb işçilərinə və müəllimlərə veriləcək.

Mütəxəssislər preparatı Müdafiə Nazirliyi ilə birgə işləyib hazırlayıblar. İyulun sonunda hərbi hospitaldan sınaqlarda iştirak etmiş 20 könüllünün ikinci qrupu buraxılıb. Onların hər birində immun reaksiya yaranıb, heç bir yan təsir və ya ağırlaşma aşkar edilməyib.

"Vektor" mərkəzi də öz vaksininin klinik sınaqlarını həyata keçirməyə başlayıb. Bu vaksinin istehsalı noyabrda başlaya bilər.

579
 Rusiyanın hərbi polisi Suriyada, arxiv şəkli

"Onları qiymətləndirmədik": Qərb ilk dəfə rusların Suriyada hərbi uğurunu tanıyıb

14
Amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

BAKI, 7 avqust — Sputnik, Andrey Kots. Rusların yardımı olmasaydı Bəşər Əsəd müharibəni uduzardı – amerikalılar etiraf edirlər ki, məhz Moskvanın, həmçinin İranın və "Hizbullah"ın müdaxiləsi Suriya ordusuna ölkənin böyük bir hissəsini qanunsuz silahlı qruplardan geri almağa imkan verib. Konqresin tədqiqat xidməti "Suriyada Silahlı Münaqişəyə və ABŞ-ın Reaksiyasına Dair İcmal" adlı 49 səhifəlik məruzəsində belə bir qənaətə gəlib. Hərbi analitiklər başqa nəyə diqqət yetirir və hansı proqnozları veriblər? Cavabı RİA Novosti-nin materialında.

Qüvvələr nisbəti

Sənəd Suriyanın xəritəsini göstərir. Ölkənin mərkəzi, qərb və cənub hissələrinə Bəşər Əsəd hökuməti nəzarət edir – ABŞ-ın Ət-Tənf hərbi bazasının yerləşdiyi İordaniya ilə sərhəddəki kiçik anklav istisna olmaqla. Şimal-qərbdə İdlib əyaləti silahlı qrupların əlindədir. Fəratın şimal və şərqindəki ərazilər – yəni Suriyanın təxminən üçdə biri – kürdlərin nəzarətindədir.

Amma burada analitiklər səhv edirlər, çünki faktiki olaraq həmin ərazilərə məhz Vaşinqton nəzarət edir. Burada amerikalıların sayı azdır – məruzəyə görə, təxminən 600 nəfər. Lakin onlar karbohidrogenlərlə zəngin olan bu regionda əsas neft yataqları ətrafında mövqe tutublar. Bundan başqa, Suriyanın şərqində özəl hərbi şirkətlərin yüzlərlə döyüşçüsü fəaliyyət göstərirlər. Sənəddə bildirilir ki, Suriyanın rəsmi hökuməti ABŞ-ın bu regionda hərbi iştirakını qanunsuz hesab edir. Ancaq Vaşinqtonda deyirlər ki, neft yataqlarını terrorçulardan qorumaq lazımdır.

Məruzə müəllifləri bəzən Əsəd ordusu ilə toqquşmaların baş verdiyini gizlətmirlər. Belə ki, onlar bu ilin fevralında Qamışlı yaşayış məntəqəsindəki blokpostda Suriya hərbçilərinin ABŞ Silahlı Qüvvələrinin patrulunu atəşə tutduğunu iddia edirlər. Heç kəs xəsarət almayıb.

Bundan başqa, ölkənin şimal-şərqində Rusiya və Amerika hərbçilərinin birbaşa qarşıdurmasının artması da qeyd olunur. İnternetdə ABŞ ordusunun zirehli avtomobillərinin Rusiya hərbi polis avtomobillərinin hərəkətinə maneə törətməyə çalışdığını göstərən onlarla videoçarx yayılıb. İş, xoşbəxtlikdən, atışmaya çıxmayıb.

Rusiya getməyəcək

Ümumilikdə amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

Analitiklər yazır: "ABŞ Moskvanın Suriyadan Yaxın Şərqdə öz nüfuzunu artırmaq üçün plasdarm kimi istifadə etmək imkanlarını və istəyini lazımı səviyyədə qiymətləndirməyib. Rusiya, İran və ya onların "proksi"ləri ilə birbaşa hərbi toqquşmaları istisna etmək olmaz".

Məruzənin müəllifləri təəssüflə qeyd edirlər ki, Dəməşqə təzyiq göstərmək getdikcə daha da çətinləşir. Cəbhə xəttini, ilk növbədə, Rusiya aviasiyası və xüsusi təyinatlılarının yardımı ilə Suriya paytaxtından uzağa atmaq mümkün olub, ölkənin böyük bir hissəsi isə "rejim"in nəzarəti altındadır. Bəşər Əsədin siyasi əleyhdarlarının əlində praktiki olaraq kart qalmayıb. Eyni zamanda, kürdlər getdikcə Dəməşqlə yaxınlıq qururlar. Deməli, mərkəzi hökumət şərq və şimal üzərində nəzarəti özünə qaytara bilər.

İŞİD hələ də təhlükəlidir

2018-ci ilin dekabrında Donald Tramp İŞİD üzərində qələbəni elan edib. Lakin analitiklər hesab edirlər ki, qruplaşma hələ də darmadağın edilməyib. ABŞ-ın müttəfiqləri 2019-cu ilin martında İŞİD-in Suriyadakı son istinad məntəqələrini ələ keçiriblər. Lakin terrorçular həm Suriyada, həm də İraqda komandanlıq və idarəçilik strukturunu qoruyub saxlayıblar. Deməli, hələ də zərbə vura bilərlər.

Daha bir təhlükə hazırda İŞİD-in təxminən on min döyüşçüsünün saxlanıldığı hərbi əsirlər düşərgəsidir. Onlar əsasən ölkənin şimalında yerləşir və kürd bölmələri tərəfindən qorunur. Bundan başqa, ekstremistlərin ailə üzvləri üçün düşərgələr var. Onların ən böyüyü – Əl-Holda 66 minədək terrorçu arvadları və uşaqları saxlanılır. Analitiklərin fikrincə, yaraqlılar orada təbliğatı davam etdirirlər, məhbusların döyüş ruhunu dəstəkləyirlər. İŞİD isə tərəfdarlarını azad etmək üçün basqınlar planlaşdırır.

Kürd rəhbərliyi əsirlərin mühafizəsi üçün güc çatışmazlığı olduğunu dəfələrlə bəyan edib. Amerikalılar kömək etməyə tələsmirlər – Vaşinqton yaraqlıların doğma ölkələrinin onları cəza çəkmək üçün evlərinə repatriasiya etməsinə təkid edir. Amma heç kim "öz" terrorçularını qaytarmaq istəmir və bundan yayınmaq üçün müxtəlif bəhanələr ortaya qoyur.

Problemli əyalət

Ən isti nöqtə İdlib əyalətidir. Orada indi Suriya, Rusiya, İran və Türkiyə fəaldır. Orada ABŞ ordusu yoxdur, amma amerikalılar dəfələrlə "Əl-Qaidə" ilə bağlı dəstələrə zərbələr endiriblər. Qeyri-dövlət birləşmələri "Həyat Təhrir Əş-Şam", "Xurəs Əd-Din", "Suriya Milli Ordusu", "Hizbullah" və digər qruplaşmalarla təmsil olunurlar. İŞİD döyüşçüləri də oradadır.

"İdlibin şimal rayonları müxalifət qüvvələrinin nəzarətində olan yeganə regiondur. Yerli qruplar 2011-ci ildə Dəməşqə meydan oxuyanların qalığıdır. Martın 5-dən etibarən İdlibdə Türkiyə və Rusiya prezidentlərinin razılığı əsasında sülh elan edilib. Onların qoşunları M4 strateji marşrutunu birgə patrul edirlər", - analitiklər vurğulayırlar.

Məruzənin müəllifləri bildirirlər ki, silahlıların atəş açmasına baxmayaraq, atəşkəs rejimini saxlamaq hələ ki, mümkündür.

14
Bərdənin Güloğlular yeni qəsəbəsində zibillik

Sədri peşman edən iyirmi ilin rahatlığı: pulsuzluq artıq üfunət iyi verir - VİDEO - FOTO

34
(Yenilənib 18:38 08.08.2020)
Yeni seçilən sədr ümid edirmiş ki, bələdiyyənin pulunu yığıb, xərclədiyini geri qaytarar. Ondan sonra işlər yoluna düşər. Amma Güloğlular qəsəbəsinin sakinlərinin düşdükləri bəla heç də gül qoxumur

Musa Muradlı, Sputnik Azərbaycan

BAKI, 8 avqust — Sputnik. Bərdənin Güloğlular yeni qəsəbə massivində 150-yə yaxın ev var. Sakinlərin sosial problemləri az deyil: qaz çəkilməyib, içməli suyu kənardan gətirirlər. Həyət-bacalarını suvarmaq üçün 6-8 metrdən çıxarılan quyu suyundan istifadə edirlər. Burada qabaran problemin biri də məişət tullantılarının düzgün idarə olunmamasıdır. Qəsəbədə tullantılar üçün qablar qoyulmayıb. Sakinlər yaranmış dözülməz vəziyyət barədə Sputnik Azərbaycan-a şikayətləniblər. Onlar bildiriblər ki, evlərinə yaxın ərazidə yaranmış zibilliyin üfunətindən dayana bilmirlər. Hətta zibillkdə məskən salmış siçan, siçovullar yaşadıqları evlərə doluşur.

© Sputnik / Musa Muradli
Bərdənin Güloğlular yeni qəsəbəsində zibillik

Qəsəbə sakini Şamxal Əsədov bildirib ki, zibilliyin qoxusundan nəfəs ala bilmirlər:

“Buradakı evlər təzə tikilib. Müəyyən problemləri var ki, həll olunmalıdır. Belə problemimizdən biri də qəsəbə yolunun üzərində yaranan zibillikdir. Heyvan ölüsünə qədər gətirib buraya atırlar. Zibilliyə it leşi də tullayırlar. Antisanitariya baş alıb gedir. Xüsusilə koronavirusun tüğyan elədiyi bir vaxtda belə bir xəstəlik mənbəyinə laqeyd münasibəti anlamaq olmur".

Şamxal Əsədovun bildirdiyinə görə, bu cür başqa bir zibillik də varmış. Öz vəsaitləri hesabına oranı təmizlədiblər.

”Zibilliyin birini özümüz təmizlətdik. İndi çalışırıq ki, oraya zibil atan olmasın. Ancaq zibilliyin hamısını təmizləmək gücümüz daxilində deyil. Bunun üçün bələdiyyə sədrinə müraciət etmişik. Buna baxmayaraq, dözülməz vəziyyət dəyişməyib. Günbəgün zibilliyə atılan tullantıların həcmi artır”, - Şamxal Əsədov qeyd edib.

Nizaməddin İsbəndiyarov Güloğlular massivində kirayənişin kimi yaşasa da, o da buranın sakinləri kimi məcburən üfunət qoxuyan zibilliyin havası ilə nəfəs alır: ”Nəvəmiz, uşağımız var. Özümüzdən çox, onların gününə yanırıq. Yayın istisində evimizin qapı-bacasını açmaya bilmirik. Açanda da pis qoxu içəri dolur. Uşaqlar məktəbə gedəndə pəncərədən baxıb görürdüm ki, hamısı əlləriylə ağızlarını tutub keçirlər. Xüsusilə xəstəliyin yayılan vaxtında belə bir zibilliyin yığışdırılması təmin olunmalıdır”.

© Sputnik / Musa Muradli
Bərdənin Güloğlular yeni qəsəbəsində zibillik

Qəsəbə sakini olmayan Müsafir Cəmilli mütəmadi olaraq qəsəbəyə baş çəkir. Onun da övladlarından biri burada yaşayır. Bildirir ki, 150 evi olan qəsəbədə qaz çəkilişi aparılmayıb. Qış aylarında sakinlər yanacaq qismində odundan istifadə edirlər. İndi də növbəti qışın gəlişinə baxmayaraq qaz çəkilişi ləngiyir. Müsafir Cəmilli içməli suyun olmadığını da qeyd edib. Əhali suyu uzaq məsafələrdən gətirməyə məcbur olur.

“Kanalı təmizləyib, qırağa töküblər. Daşıyıb, ərazidən kənarlaşdırmayıblar. Abadlıq baxımından ürəkaçan mənzərə deyil. Qarşıdan yağı qış gəlir. Qaz çəkilməlidir. Qaz olmadığına görə buranın sakinləri odundan istifadə eləməli olurlar. Oduna da ki pul çatdırmaq mümkün deyil. Burada yaşayanların əksəriyyəti kasıb adamlardır. Pandemiya səbəbindən bir neçə aydır çoxu işləmir. Bunun üçün də qaz çəkilişi aparılmalıdır ki, qış gələndə qayğıları bir az yüngülləşsin“, - deyə Müsafir Cəmilli vurğulayıb.

© Sputnik / Musa Muradli
Bərdənin Güloğlular yeni qəsəbəsində zibillik

Güloğlular kənd bələdiyyəsinin sədri Mifaqət Əliyev bildirib ki, zibilin daşınması üçün əvvəllər maşın təşkil edib, fəhlə gətirib, qəsəbə sakinlərinin vəsaiti hesabına tullantıların ərazidən götürülməsinə nail olub. Ancaq vəsaitin toplanması sonradan mümkün olmayıb. 70 nəfərdən 30-u çəkilən xərclərə hesablanmış aylıq pulu ödəməkdən imtina edib. Buna görə də zibilin daşınmasını davam etdirmək mümkün olmayıb.

Onu da qeyd edək ki, Mifaqət Əliyev ötən bələdiyyə seçkilərində yerli özünüidarəetmə orqanına üzv seçilib. Bələdiyyə sədrinin dediyinə görə, bələdiyyənin maddi imkanları yox səviyyəsindədir. Özündən əvvəlki bələdiyyədən ona qalan miras ancaq borclardır. Bələdiyyə büdcəsində bir manat da olsun, pul vəsaiti olmayıb. Bələdiyyənin mülkiyyətində olan torpaqlara görə vergisi və icarə haqqı toplanmadığından büdcə boş qalıb. DSMF-yə külli miqdarda bələdiyyə borcu yaranıb.

© Sputnik / Musa Muradli
Bərdənin Güloğlular yeni qəsəbəsində zibillik
“Sentyabrın 15-dən noyabrın 15-nə qədər bələdiyyənin səlahiyyətinə aid olan vergilər yığılmalıdır. Ancaq heç kim vermir. Deyirlər ki, 20 ildir, vergi yığan olmayıb. İndi bu nədir belə? Görürəm ki, özümü çox çətin bir xətaya salmışam”, - deyə bələdiyyə sədri vurğulayıb.

Mifaqət Əliyev bələdiyyə sədri seçiləndən şəxsi vəsaiti hesabına müəyyən işlər gördüyünü də deyib. Ümid edirmiş ki, bələdiyyənin pulunu yığıb, xərclədiyini geri qaytarar. Ondan sonra işlər yoluna düşər. Yavaş-yavaş kəndin abadlığını, camaatın güzəranının yaxşılaşdırılmasını təmin edər. Ancaq bələdiyyənin problemlərini çözə bilmədiyindən gözləntilərini doğrulda bilməyib.

Bələdiyyə sədri qeyd edib ki, bələdiyyənin büdcəsinə pul gələndən sonra zibilliklərin təmizlənməsi təmin ediləcək. İndiki halda isə bələdiyyənin vəsati olmadığından ərazidəki tullantıların daşınması təmin edilmir.

34
Əlaqədar
Üzünə həsrət qaldığımız təbiət: Bizə cəllad lazım deyil, özümüz özümüzü məhv edəcəyik
Zibilinizi yığışdırın! Yoxsa özünüz də zibilə düşə bilərsiz
İlin hər fəslində təhlükəylə üz-üzəyik: qapıya asılanı yiyəsi vaxtında aparsa...
Yasamal gölünü kim qurudur? Müəmma davam edir
Bütün paytaxtı "dəli" edən iyin qarşısı belə alınır - FOTOLAR