İstilik sistemi

Əhaliyə şok: istilik əvəzinə qızdırıcılara elektrik cərəyanı buraxdılar

107
(Yenilənib 17:41 29.09.2019)
"Elektriklər dedilər ki, əlimizlə qızdırıcılara toxunmayaq. Yanğınsöndürənlər isə hər an yanğın başlaya biləcəyini dedilər"

BAKI, 29 sentyabr — Sputnik. Rusiyanın Voronej şəhərində çoxmərtəbəli yaşayış binasının 115 sakini təxliyə olunub. Səbəb isə naməlum şəxsin istilik qızdırıcılarına elektrik cərəyanı buraxması olub.

Sputnik Azərbaycan RİA-Novosti-yə istinadən bildirir ki, sakinlər bir neçə mənzildə qızdırıcıların metal hissələrinin qızdığının şahidi olduqlarını bildiriblər. Eyni zamanda binada elektrik təchizatı ilə bağlı problemlər yaranıb. Hadisə yerinə gələn qəza xidmətinin işçiləri təyin ediblər ki, mərkəzi isitmə sistemindən elektrik cərəyanı keçir.

"Elektriklər dedilər ki, əlimizlə qızdırıcılara toxunmayaq. Yanğınsöndürənlər isə hər an yanğın başlaya biləcəyini dedilər", - sakinlərdən biri bildirib.

Təhlükəsizlik səbəbilə qəza xidməti binanın bir blokunun işığını və qazını kəsib.

Kommunal xidmətin işçiləri hadisənin mümkün səbəblərini açıqlayıblar.

"Ehtimal belədir ki, bir və ya bir neçə mənzilin sakinləri elektrik sayğaclarının göstəricilərini aşağı salmaq üçün naqilin bir ucunu sıfır faza qismində qızdırıcı qurğuya birləşdiriblər", - "Usta" şirkətinin direktoru Dmitri Fursov deyib.

Hazırda sakinlər mənzillərinə qayıdıblar.

107
Teqlər:
təxliyə, sakinlər, elektrik cərəyanı, mərkəzi istilik, istilik, Rusiya
Əlaqədar
Böyük yoxlama başlayır - Bağçalar təftiş ediləcək
Bunu məcburən etsəniz də, qazanan sizsiniz...
Azəristilik abonentlərə xəbərdarlıq edir
İşlənmiş uşaq bezi "biznesi"nin sirri – Sual var, cavab yox
“Heç kim məsuliyyətdən kənarda qalmayacaq, hamının barəsində ölçü götürüləcək”
Moskvada Kremlə mənzərə, arxiv şəkli

Kreml Paşinyanın "İskəndər"lərlə bağlı açıqlamalarından məmnundur

47
(Yenilənib 14:58 01.03.2021)
Rusiya Prezidentinin mətbuat katibi Dmitri Peskov: "Çox önəmlidir ki, bu məsələdə həqiqət bərpa olundu".

BAKI, 1 mart — Sputnik. "Kreml Ermənistanın baş naziri Nikol Paşinyanın Rusiya Prezidenti Vladimir Putinlə söhbətdən sonra "İskəndər" məsələsində ona yanlış məlumatın çatdırılması qənaətinə gəlməsinə dair Yerevandan səsləndirilən bəyanatlardan məmnundur ". Sputnik Azərbaycan "RİA Novosti"-yə istinadən xəbər verir ki, bunu Rusiya Prezidentinin mətbuat katibi Dmitri Peskov bildirib.

"Çox önəmlidir ki, bu məsələdə həqiqət bərpa olundu", - Peskov qeyd edib.

Xatırladaq ki, daha əvvəl Ermənistanın Baş nazirinin mətbuat katibi Mane Gevorqyan bildirib ki, Ermənistan Baş naziri Nikol Paşinyan Rusiya Prezidenti Vladimir Putinlə danışdıqdan sonra bu qənaətə gəlib ki, ona "İskəndər"lərlə bağlı yanlış məlumat verilib.

"Ermənistan Baş naziri və Rusiya Federasiyası Prezidenti bu yaxınlarda baş tutan telefon danışığı zamanı digər məsələlərlə yanaşı Ermənistan Baş nazirinin "İskəndər" sisteminin tətbiqi ilə bağlı bəyanatını da müzakirə ediblər", - deyə Gevorqyan bildirib.

Agentlik qeyd edir ki, mövcud faktlar və məlumatların müqayisəsi nəticəsində Ermənistan Baş naziri bu qənaətə gəlib ki, cari duruma dair ona yanlış məlumat verilib.

"Bundan əlavə, Baş nazirin bəyanatının hərbi və hərbi-sənaye əməkdaşlığı sahəsində Ermənistan-Rusiya müttəfiqlik əlaqələrinin məzmunu və keyfiyyəti ilə heç bir əlaqəsi yoxdur. Şübhə yoxdur ki, Rusiya silahları dünyanın ən yaxşı silahlarından biridir. Ermənistan Respublikası Rusiya Federasiyası ilə hərbi sənaye və yüksək texnologiyalar sahələrində sıx əməkdaşlığı davam etdirir və onu daha da dərinləşdirmək üçün addımlar atmaq niyyətindədir", - deyə Paşinyanın mətbuat katibi qeyd edib.

Xatırladaq ki, Ermənistan baş naziri Nikol Paşinyan "1in.am" nəşrinə müsahibəsində Qarabağ müharibəsi zamanı "İskəndər" operativ-taktiki kompleksinin partlamayan raketlərindən danışıb.

Bununla da Paşinyan Ermənistanın sabiq prezidenti Serj Sarqsyanın Ermənistan hərbçilərinin müharibənin lap əvvəlində "İskəndər"ləri tətbiq etmək barədə fikirlərinə münasibət bildirib.

"Qoy özünə sual versin ki, niyə "İskəndər"in raketi partlamayıb? Və ya məsələn, niyə 10%-i partlayıb?" - deyən Paşinyan detalları verməyib.

Jurnalistin "belə də olurmu?" dəqiqləşdirici sualını isə Paşinyan belə cavablandırıb: "Bilmirəm. Ola bilər, silah 80-cı illərindir".

Ermənistan Müdafiə Nazirliyi Nikol Paşinyanın "İskəndər" komleksləri barədə fikirlərinə münasibət bildirməkdən imtina edib.

47
 Rusiyada epdimioloji vəziyyət

Rusiyada koronavirusdan bir gündə 333 nəfər öldü

9
(Yenilənib 14:59 01.03.2021)
Rusiyada bu xəstəliyə yoluxanların sayı 4 257 640-a çatıb. Rusiyada pandemiya yayılandan 86 455-ə nəfər COVID-19-dan vəfat edib. Ölkədə bu virusdan sağalanların sayı 3 823 074- ə çatıb.

BAKI, 1 mart — Sputnik. Son bir sutka ərzində Rusiyada 11 571 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 333 nəfər ölüb.

Ümumilikdə, Rusiyada bu xəstəliyə yoluxanların sayı 4 257 640-a çatıb. Rusiyada pandemiya yayılandan 86 455-ə nəfər COVID-19-dan vəfat edib. Ölkədə bu virusdan sağalanların sayı 3 823 074- ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 114 milyonu keçib, 2,53 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

9
Teqlər:
Rusiya, Koronavirus, epidemiya, COVID-19
Novruz bayramı, arxiv şəkli

Bu gün Od çərşənbəsidir

0
(Yenilənib 07:45 02.03.2021)
Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı yandırırlar.

BAKI, 2 mart - Sputnik. Bu gün Azərbaycanda ikinci çərşənbə - Od çərşənbəsi qeyd olunur.

İlin axır çərşənbələrindən ikincisi xalq arasında "Xəbərçi", "Üskü", "Addı" çərşənbə kimi tanınır.

Bu çərşənbə qədim insanların oda olan inamından irəli gəlir. Adət-ənənəyə görə, bu gün tonqal qalayıb, alovun üzərindən tullanmaqla daxildə olan bütün çirkabı yandırırlar.

Qeyd edək ki, növbəti Yel çərşənbəsi martın 9-da, ilaxır - Torpaq çərşənbəsi isə martın 16-da qeyd olunacaq.

0