Robot və insan, arxiv şəkli

İnsanlar robotlara qarşı: Milyonlarla adam yerini itirə bilər

1377
(Yenilənib 22:18 10.09.2019)
Ekspertlərin fikrincə, mehmanxana və restoran biznesində işin böyük bir hissəsini artıq robotlara tapşırmaq olar

BAKI, 10 sentyabr — Sputnik. Avtomatlaşdırmanın dünya üzrə geniş vüsət aldığı bir vaxtda, alimlər həyəcan təbili çalırlar. Belə ki, bu proses nəticəsində müxtəlif peşə və vəzifələrdə insanların robotlarla əvəz olunacağı gözlənilir.

Sputnik Azərbaycan xəbər verir ki, Rusiya Xalq Təsərrüfatı və Dövlət İdarəçilik Akademiyasının apardığı son tədqiqatlar da belə bir nəticəyə gəlməyə əsas verir.

Tədqiqatlara əsasən, avtomatlaşdırma və rəqəmsallaşdırma nəticəsində Rusiya Federasiyası üzrə işçilərin 45,5 faizinin bilik və bacarıqlarına 2030-cu ilədək ehtiyac qalmayacaq.

Qeyd edilir ki, belə işçilər ya əmək bazarından çıxmalı, ya da yenidən təlim keçməli olacaqlar.

Tədqiqatın müəllifləri belə bir qənaətə gəliblər ki, 20,1 milyon insan "avtomatlaşdırma və rəqəmsallaşdırma riskləri" ilə üz-üzə qalacaqlar.

Ekspertlərin fikrincə, mehmanxana və restoran biznesində işin böyük bir hissəsini artıq robotlara tapşırmaq olar – bu sahədə əməkdaşların 73 faizi avtomatlaşdırmanın risklərinə məruz qalacaqlar. Bu siyahıya həmçinin emaletmə sənayesi (60 faiz), kənd və meşə təsərrüfatı (58 faiz), pərakəndə satış (53 faiz) və mədənçilik sənayesi (51 faiz) daxildir.

"Burada insanın avtomatlaşdırmaya məruz qalmasından (yəni robotla əvəz olunma mümkünlüyündən) danışmaq düzgün olardı. Lakin sənin avtomatlaşdırmaya məruz qalmağın o demək deyil ki, səni sabah əvəz edəcəklər", - tədqiqatın müəllifi, Rusiya Xalq Təsərrüfatı və Dövlət İdarəçilik Akademiyasının Sahibkarlıq Problemləri Laboratoriyasının rəhbəri Stepan Zemtsov "İzvestiya" qəzeti ilə müsahibəsində deyib.

Zemtsovun sözlərinə görə, avtomatlaşdırma və rəqəmsallaşdırma prosesi müəyyən vaxt çəkəcək və buna görə də işçilərin yenidən təlim keçməyə və öz funksiyalarını dəyişməyə imkanları olacaq.

Vəziyyətdən çıxış yolu kimi robotlara görə vergi təyin edilməsi (yığılmış vəsaitin isə sosial yardıma yönəldilməsi) və ya dörd günlük iş həftəsinin tətbiqi misal göstərilir.

Rusiyanın İqtisadi İnkişaf Nazirliyi öz növbəsində bildirib ki, əlavə vergi yükünün tətbiq edilməsi proqressiv texnologiyaların və fəaliyyət növlərinin inkişafını ləngidə bilər. Lakin bu, Rusiyanın dünya bazarında rəqabətə dözümlüyünü azaldacaq.

1377
Rusiyanın Xarici İşlər naziri Sergey Lavrov, arxiv şəkli

Lavrovun Azərbaycan XİN rəhbəri ilə danışığı hazırlanır

37
Lavrov təmas xəttində davam edən genişmiqyaslı əməliyyatlardan, həmçinin ölən və yaralılar barədə daxil olan məlumatlar barədə narahatlığını bildirib. Bundan əlavə, atəşin dərhal dayandırılmasının vacibliyi qeyd olunub

Eldar Tanrıverdiyev, Sputnik Azərbaycan

BAKI, 27 sentyabr — Sputnik. Rusiya Xarici İşlər naziri Sergey Lavrovun azərbaycanlı həmkarı Ceyhun Bayramovla telefon danışığı hazırlanır. Sputnik Azərbaycan xəbər verir ki, bu barədə Rusiya Xarici İşlər Nazirliyinin yaydığı məlumatda bildirilir.

Məlumatda, həmçinin qeyd olunur ki, Rusiya Xarici işlər naziri Sergey Lavrovun erməni həmkarı Zöhrab Mnatsakanyanla artıq telefon danışığı baş tutub. Lavrov təmas xəttində davam edən genişmiqyaslı əməliyyatlardan, həmçinin ölən və yaralılar barədə daxil olan məlumatlar barədə narahatlığını bildirib. Bundan əlavə, atəşin dərhal dayandırılmasının vacibliyi qeyd olunub. Vurğulanıb ki, Rusiya ATƏT-in Minsk qrupunun digər həmsədr ölkələri ilə birgə vəziyyətin sabitləşməsinə istiqamətlənən vasitəçilik səylərini davam etdirəcək.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

 

37
Teqlər:
Sergey Lavrov, Rusiya XİN, münaqişə, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
İlham Əliyev: Azərbaycan torpaqlarının işğalı Ermənistanın planındadır və bunu gizlətmir
Müdafiə Nazirliyi məlumat yaydı: Vacib yüksəkliklər uğrunda döyüşlər aparırıq
Türkiyənin müdafiə naziri: "Azərbaycanlı qardaşlarımızın yanında olacağıq"
Səfərbərlik Xidməti məlumat yaydı
Çavuşoğlu və Lavrov Qarabağdakı son durumu müzakirə etdilər

Çavuşoğlu Lavrov Qarabağdakı son durumu müzakirə etdilər

43
Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür

BAKI, 27 sentyabr — Sputnik. Türkiyənin Xarici İşlər naziri Mövlud Çavuşoğlu rusiyalı həmkarı Sergey Lavrovla Qarabağdakı vəziyyəti müzakirə edib. Bu barədə Sputnik Azərbaycan "Milliyet" nəşrinə istinadən xəbər verir.

Qeyd olunur ki, danışıqlar zamanı Ermənistanın təcavüzü müzakirə olunub.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

 

43
Teqlər:
Sergey Lavrov, Mövlud Çavuşoğlu, Türkiyə, münaqişə, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Müdafiə Nazirliyi məlumat yaydı: Vacib yüksəkliklər uğrunda döyüşlər aparırıq
İlham Əliyev: Azərbaycan torpaqlarının işğalı Ermənistanın planındadır və bunu gizlətmir
TBMM sədri: "Ermənistan regionda sülh baxımından islaholunmaz terror dövlətidir"
Türkiyənin müdafiə naziri: "Azərbaycanlı qardaşlarımızın yanında olacağıq"
Səfərbərlik Xidməti məlumat yaydı
Tovuzun Dondar Quşçu kənd sakini erməni silahlı qüvvələrinin açdıqları atəş nəticəsində dağılan evin həyətində

Cəbhədə yaralananlarla bağlı son məlumat

27
(Yenilənib 14:42 27.09.2020)
Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı, Goranboy və Daşkəsən rayonunun bir neçə kəndləri intensiv atəşə tutulub. Ölən və yaralılar var

BAKI, 27 sentyabr — Sputnik. Azərbaycan Respublikası Baş Prokurorluğunun Mətbuat xidməti açıqlama yayıb.

Sputnik Azərbaycan-a daxil olan açıqlamada deyilir:

"Xəbər verildiyi kimi, sentyabrın 27-də səhər saat 06 radələrindən başlayaraq Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini iriçaplı silahlar, minaatanlar və müxtəlif çaplı artilleriya qurğularından intensiv atəşə tutmuşdur.

Təcavüzkar Ermənistanın hərbi-siyasi rəhbərliyi öz təxribatçı əməllərini davam etdirərəkə beynəlxalq hüququn fundamental norma və prinsiplərini kobud şəkildə pozaraq Azərbaycan Respublikasının qəsdən və hədəflənmiş şəkildə dinc əhalisinin sıx yaşadığı əraziləri artilleriya atəşinə tutmaqla mülki əhaliyə qarşı müxtəlif cinayətlər törətmişlər.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı, Goranboy və Daşkəsən rayonunun bir neçə kəndlərinin intensiv atəşə tutulması nəticəsində mülki əhali arasında həlak olanlar və yaralananlar var, o cümlədən çoxsaylı ev və mülki obyektlərə külli miqdarda ziyan dəymişdir.

Hazırkı vaxtadək ümumilikdə mülki əhalidən 9 nəfər müxtəlif dərəcəli bədən xəsarətləri alaraq xəstəxanalara yerləşdirilmişlər.

Həmçinin, bildiririk ki, düşmənin mülki obyektləri hədəfə alması nəticəsində bir sıra mülki evlərə külli miqdarda maddi ziyan dəymiş, o cümlədən xırda və iri buynuzlu heyvan və ot tayaları məhv edilmişdir.

Hazırda prokurorluq əməkdaşları tərəfindən döyüş şəraitində mümkün olan bütün istintaq əməliyyat tədbirləri həyata keçirilir, o cümlədən yaralananların aldıqları xəsarətlərin ağırlıq dərəcəsini, eləcə də mülki infrastruktur obyektlərinə dəymiş ziyanın məbləğini müəyyən etmək məqsədilə müvafiq ekspertizalar təyin edilmişdir.

İctimaiyyətə mütəmadi olaraq məlumatların verilməsi təmin olunacaqdır.

Kütləvi informasiya vasitələrindən, həmçinin sosial media istifadəçilərindən rəsmi olmayan və dəqiqləşdirilməmiş məlumatların ictimailəşdirilməməsi xahiş olunur".

27
Teqlər:
Baş Prokurorluq, ölənlər və yaralılar, cəbhə bölgəsi, erməni təxribatı, Ermənistan, Azərbaycan, Dağlıq Qarabağ
Mövzu:
Azərbaycan və Ermənistan arasında müharibə
Əlaqədar
Azərbaycan Odusunun uğurlu əməliyyatı nəticəsində bir sıra kəndlərimiz azad edilib
Ərdoğan Əliyevə zəng etdi: "Türkiyə Azərbaycanın yanındadır"
Rəsmi Bakı: Məsuliyyət tam olaraq Ermənistanın siyasi-hərbi rəhbərliyinin üzərinə düşür
Çavuşoğlu və Lavrov Qarabağdakı son durumu müzakirə etdilər
Müdafiə Nazirliyi məlumat yaydı: Vacib yüksəkliklər uğrunda döyüşlər aparırıq