Su-57 qırıcı təyyarəsi, arxiv şəkli

"Su-57" qırıcısının ifasında mürəkkəb pilotaj fiquru - VİDEO

105
(Yenilənib 18:30 28.08.2019)
Təyyarə sözün əsl mənasında havada hərlənib

BAKI, 28 avqust — Sputnik. Rusiyanın ən yeni "Su-57" qırıcısı təlim uçuşları zamanı "yastı ştopor" adlı yüksək pilotaj fiqurunu yerinə yetirib.

Sputnik Azərbaycan xəbər verir ki, təlim uçuşlarının videogörüntülərini "RT" agentliyi yayıb.

Kadrlardan döyüş təyyarəsinin qalxmasını, səmada elementləri yerinə yetirməsini və uçuş zolağında oturmasını görmək olar. Uçuş elementləri zamanı təyyarə sözün əsl mənasında havada hərlənib.

"Su-57" (əvvəlki adı ilə "PAK FA") Rusiya istehsalı olan beşinci nəsil döyüş təyyarəsidir. Bu təyyarənin ilk uçuşu 2010-cu ildə baş tutub. Onun layihəçiləri bildirirlər ki, təyyarənin yüksək manevrlər etmək və səsdən sürətli uçmaq qabiliyyəti, eləcə də müasir bort avadanlığı və radardan gizlənmək qabiliyyəti ona rəqibləri qarşısında üstünlük verir.

Qeyd edək ki, "Su-57" təyyarəsi "MAKS-2019" aviakosmik sərgisində müxtəlif pilotaj fiqurlarını nümayiş etdirir.

105
Teqlər:
şou, uçuş, Su-57 qırıcı təyyarəsi
Əlaqədar
Beşinci nəsil qırıcılar: "Su-57" "F-35"ə qarşı
Putin Ərdoğana "F-35"lərin alternativini göstərdi
Ərdoğan və Putinin görüşü: Birgə təyyarə istehsalı, kosmos və Suriya
Moskva, yoxsa Vaşinqton - Türkiyə kimi seçəcək?
 Peyvənd, arxiv şəkli

Peyvənddən imtina edənləri cərimələyəcəklər

24
(Yenilənib 19:24 31.05.2020)
Denis Novak: İnzibati məsuliyyət yalnız sanitar-epidemioloji nəzarət haqqında qanuna uyğun olaraq vaksinləşdirmənin məcburi olduğu hallarda yaranır.

BAKI, 31 may — Sputnik. Rusiyanın Ədliyyə Nazirliyi yeni İnzibati Xətalar Məcəlləsi layihəsində qanunvericilikdə nəzərdə tutulmuş tibbi müayinələrdən və peyvəndlərdən imtina etmək üçün yeddi min rubla (170 manat) qədər cərimənin tətbiqini nəzərdə tutub.

Sputnik Azərbaycan Rusiya mediasına istinadla xəbər verir ki, bu barədə Ədliyyə nazirinin müavini Denis Novak bildirib.

"Sanksiyalar bu və ya digər səbəbdən milli peyvəndlərin qrafikinə görə peyvənd olunmayan vətəndaşların əksəriyyətinə şamil edilməyəcək", - Ədliyyə nazirinin müavini deyib.

Məmurun sözlərinə görə, inzibati məsuliyyət yalnız sanitar-epidemioloji nəzarət haqqında qanuna uyğun olaraq vaksinləşdirmənin məcburi olduğu hallarda yaranır.

İnzibati Xətalar Məcəlləsinin hazırda fəaliyyətdə olan redaksiyası vaksinləşdirmədən imtinaya görə cəza nəzərdə tutmur.

24
Əlaqədar
Azərbaycanda "COVID 19" pasportunun tətbiqi ilə bağlı müzakirələr aparılır
ÜST Trampı yalançı çıxardı - COVID-19 peyvəndi ilin sonuna hazır olmayacaq
"Hərbi yolla". Alim koronavirusa qarşı peyvəndləmə ssenarisindən danışdı
Çin koronavirus peyvəndinə görə kliniki sınaqları tamamlayan ilk ölkə oldu
Qonşumuz peyvəndlə bağlı uğur əldə edib! Qarşıda "istehsal nə vaxt başlayır" sualıdr
Rusiya rublu, arxiv şəkli

Bu rəqəmlər heyrət doğurur: koronavirusa görə uşağa bu qədər pul verərlər?

105
(Yenilənib 18:43 31.05.2020)
İyunun 1-də həmçinin üç yaşından yeddi yaşınadək uşaqları olan aztəminatlı ailələrə ödənişlər başlanacaq.  Onlar ilin əvvəlindən keçən hər ay üçün yaşayış minimumunun yarısı miqdarında müavinət ala biləcəklər.

BAKI, 31 may — Sputnik. İyun ayının 1-dən etibarən Rusiyada uşaqlar üçün "koronavirus ödənişləri” adlandırılan vəsaitlərin ödənilməsinə başlanacaq.

Sputnik Azərbaycan Rusiya mediasına istinadla xəbər verir ki, söhbət 10 min rubl (242 manat) dəyərində birdəfəlik ödənişdən gedir. Bu vəsaiti 16 yaşadək uşağı olan bütün ailələr 2020-ci ilin iyul ayına qədər əldə edə biləcəklər.

"10 min rubl məbləğində birdəfəlik ödəniş Rusiya Federasiyasının ərazisində yaşayan, Rusiya vətəndaşlığı olan və burada doğulan (övladlığa götürülən) 3-16 yaşlı hər bir uşağa 1 iyun 2020-ci il tarixindən başlayaraq ödəniləcək”, - Nazirlər Kabinetinin saytında yayımlanan sənəddə bildirilir. 

Bu tədbirin həyata keçirilməsi mayın 11-də prezidentin müraciəti zamanı elan edilib. Rəsmiləşdirmə işləri sadələşdirilmiş qaydada aparılır. Bunun üçün ÇFM (Çoxfunksiyalı mərkəz) və ya Pensiya Fonduna birbaşa, yaxud dövlət xidmətlərinin saytı vasitəsilə uzaqdan müraciət etmək kifayətdir. Ərizə verərkən uşağın doğum haqqında şəhadətnaməsi, VÖEN və valideynlərdən birinin pasport məlumatları tələb olunur.

Ərizələrin qəbulu artıq başlayıb və vətəndaşlar 2020-ci ilin oktyabr ayına qədər müraciət edə bilərlər.

Ümumilikdə, Əmək və əhalinin sosial müdafiəsi Nazirliyinin hesablamalarına görə, yeni dəstək tədbirlərinə təxminən 22 milyon uşaq qoşula bilər.

İyunun 1-də eyni zamanda, üç yaşından yeddi yaşınadək uşaqları olan aztəminatlı ailələrə ödənişlər başlanacaq.  Onlar ilin əvvəlindən keçən hər ay üçün yaşayış minimumunun yarısı miqdarında müavinət ala biləcəklər. Bundan sonra isə hər ay ödənişlər davam etdiriləcək.

105
Mövzu:
Dünyanı cənginə almış bəla
Əlaqədar
Putin kreditləri dondurdu
Rusiyada uşaqlı ailələrə üç ay boyunca əlavə pul veriləcək
Qonşuda banklar vətəndaşlar üçün şərtləri pisləşdirməyə başladı
Böyük hərrac: Rusiya ABŞ-ın dövlət borcundan üz döndərdi

Daşları danışdıran adam: Bizim yerli materiallardan dünyanın heç yerində yoxdur

2
(Yenilənib 18:17 31.05.2020)
“Dəfələrlə olub ki, günlərlə üzərində işlədiyim material mənimlə ünsiyyətə girə bilməyib, atmışam kənara”

İlham Mustafayev, Sputnik Azərbaycan

BAKI, 31 may — Sputnik. Qazaxlı rəssam Məhəmməd Zeynalov dekorativ tətbiqi sənətin ən qədim növü olan bədii oyma ilə məşğul olur. O, çay daşlarının üzərində milli üslubda naxışlar yonaraq özünəməxsus əl işləri yaradir. Rəssam bu işlərinin heç birini kommersiya məqsədilə etmir.

© Sputnik / Ilham Mustafa
Məhəmməd Zeynalov

Sputnik Azərbaycan-la həmsöhbət olan M.Zeynalov hələ kiçik yaşlarından incəsənətə həvəsi olduğunu, orta məktəbdə oxuyarkən bir çox sərgilərdə əl işləri ilə çıxış etdiyini söyləyib. Məktəbi bitirdikdən sonra Rusiyada rəssamlıq təhsili alıb və bir müddət orada çalışıb. Ötən əsrin 90-cı illərində doğulduğu Qazax rayonuna qayıdan sənətkar burada müxtəlif üslublu əsərlərə müəlliflik edib. Son illərini isə uşaqlıqdan onu özünə cəlb edən bədii oyma sənətinə həsr edib.

© Sputnik / Ilham Mustafa
Məhəmməd Zeynalovun əl işləri

Bu sənətin sirləri haqda danışan rəssam daim axtarışda olduğunu deyir. O ən çox çay daşından istifadə etdiyini söyləyir: “Ən çox çay daşları üzərində işləyirəm. Bu daşlar sərt olur. Onların üzərindən yüz illərlə sular axsa da, öz formalarını saxlayıblar, şümallaşıblar. Bir daşı üzdən göy, yaxud qara rəngdə görüb keçirik. Amma onu cilaladıqca, yonduqca altından müxtəlif rənglər çıxır. Məni bu sənətdə ovsunlayan o rənglərdir”.

O, olduğu hər bölgədən daşlar topladığını, lakin işləmək üçün ən uyğun daşları Qazaxda aşkarladığını vurğulayıb: “Bizim yerli materiallardan dünyanın heç yerində yoxdur. Burada tapdığım daşlar, rəssamlıq dili ilə desəm, bir növ akvarel kimidir. Sanki üst-üstə yağlı boya ilə işlənib və yonduqca onun altından digər rənglər adamı öz dünyasına aparır”.

© Sputnik / Ilham Mustafa
Məhəmməd Zeynalovun əl işləri

Yaradıcı insanın daim təbiətlə ünsiyyətdə olmalı olduğunu deyən oymaçı çox vaxt daşlar üzərində işə başlasa da bir məqamdan sonra bəzilərini yarımçıq qoyduğundan da danışıb. Bunu həmin daşların onunla lazımi ünsiyyətə girə bilməməsi ilə əlaqələndirib.

“Bu iş elədir ki, cilaladığın daşla ünsiyyətə girməlisən. Daş rəssamla danışmalıdır. Dəfələrlə olub ki, günlərlə üzərində işlədiyim daşı atmışam kənara. Səbəb daşın mənimlə lazımi ünsiyyətə girə bilməməsidir. Ona görə işi yarımçıq saxlayıb başqa daşa keçmişəm”, - deyə bildirib.

  • Məhəmməd Zeynalovun əl işləri
    © Sputnik / Ilham Mustafa
  • Məhəmməd Zeynalovun əl işləri
    © Sputnik / Ilham Mustafa
  • Məhəmməd Zeynalovun əl işləri
    © Sputnik / Ilham Mustafa
  • Məhəmməd Zeynalovun əl işləri
    © Sputnik / Ilham Mustafa
1 / 4
© Sputnik / Ilham Mustafa
Məhəmməd Zeynalovun əl işləri

M.Zeynalov heç bir işini kommersiya məqsədilə etmədiyini, əl işlərini isə əsasən muzeylərə hədiyyə etdiyini bildirib. Onun əl işlərindən biri Bakıda Heydər Əliyev Mərkəzində, əksər işləri isə Qazax Dövlət Rəsm Qalereyasında nümayiş olunur.

2
Mövzu:
Sözlə deyə bilmədiklərimizin izharı - sənət
Əlaqədar
Onun əl işlərinin bütün dünyadan müştərisi var, amma sənətini öyrənmək istəyən yoxdur
Nadir sənət növü ilə məşğul olan rəssam: “Armudu stəkanlar dövrün tələbidir”
Böyük öndəri ağ-qara dünyadan rəngliyə çıxaran gənc
Mozdokdan Bərdəyə: rəssam öz əsərləri üçün həqiqi rekvizitlər toplayır
Kamilla Zərbəliyeva: "Qabağımda soyunmaq istəyənlər çoxdur"