Rusiyanın hipersəs raket kompleksinin sınağı, arxiv şəkli

Rusiyaya çatmaq: Amerikalılar hipersəs raket sahəsində yerlərində sayırlar

78
(Yenilənib 20:14 26.08.2019)
Rusiya dünyada yeganə ölkədir ki, hipersəs silaha malik olduğunu rəsmi olaraq bəyan edib. ABŞ isə hələ ki, bu sahədə geri qalır

BAKI, 26 avqust — Sputnik. Amerikalılar ballistik döyüş başlıqlı hipersəs raketlər yaratmağa çalışdıqlarını gizlətmirlər. Onlar hətta bir neçə belə silahı sınaqdan keçiriblər. Lakin sınaqların nəticələri göstərir ki, ABŞ hələ ki, bu sahədə Rusiyadan geri qalır. Sputnik Azərbaycan xəbər verir ki, RİA Novosti mövzuya dair şərhində Pentaqonun hipersəs silah sahəsində uğursuzluqlarından və planlarından yazıb.

Amerikanın uğursuzluqları

Rusiya yeni raketini sınaqdan keçirib
© RF-nın Müdafiə Nazirliyinin mətbuat xidməti

Rusiya dünyada yeganə ölkədir ki, hipersəs silaha malik olduğunu rəsmi olaraq bəyan edib. Bu ilin fevralında Rusiya Prezidenti Vladimir Putin "Avanqard" adlı hipersəs uçan döyüş bloku olan raket kompleksinin kütləvi istehsalının başladığını və "Sirkon" adlı hipersəs qanadlı raketin uğurla sınaqdan keçirildiyini bəyan edib. Bundan başqa, "Kinjal" (Xəncər) raket kompleksləri də Rusiya ordusunda sınaqlardan keçirilir.

Amerikalılar isə hələ ki, bu sahədə geridədirlər. Onların "X-51A Waverider" hipersəs qanadlı raketinin ilk uçuşu 2010-cu il mayın 26-da baş tutub. Bu raketin sınaqları qismən uğurlu hesab olunur. Belə ki, sınaq zamanı "Waverider" raketinin qeyri-sabitliyi və onunla əlaqənin kəsilməsi səbəbindən raket uçuşun üçüncü dəqiqəsində özünü məhv edib. Bu müddət ərzində "Waverider" 5 Max (Mach) sürətini yığa bilib.

Bu raketin 2011 və 2012-ci illərdə keçirilmiş ikinci və üçüncü sınaqları da uğursuzluqla başa çatıb.

Saziş bitdi, yasaq raketlər üçün meydan yarandı>>

2013-cü ilin mayında keçirilmiş sınaqlar zaman isə "Waverider" raketi "B-52" təyyarəsindən buraxılıb. Raket 18 200 metr hündürlüyə qalxıb, 5,1 Max sürətini yığa bilib və altı dəqiqə ərzində 426 kilometr məsafə qət edib.

Amerikalılar "Waverider" raketini 2017-ci ildə silahlanmaya qəbul etmək niyyətində idilər, lakin bir sıra səbəblərdən bu tarix ertələnib. Son məlumatlara görə, raketin silahlanmaya qəbul edilməsi 2020-ci ildən tez baş verməyəcək.

Pentaqon həmçinin "Advanced Hypersonic Weapon" (AHW) proqramı çərçivəsində hipersəs döyüş blokunu da sınaqdan keçirib. "AHW" döyüş bloku sınaq buraxılışından 30-35 dəqiqə sonra 6 min kilometrədək məsafədə olan hədəfləri vurmaq üçün nəzərdə tutulub. Bu silah iki dəfə sınaqdan keçirilib – onlardan biri uğurlu olub.

Amerikalıların daha bir hipersəs silahı, "Falcon HTV-2" döyüş blokunun sınaq uçuşu 2003-cü ildə baş tutub. Bu silahın hər iki sınağı uğursuz olub və layihə bağlanıb.

Yuri Dolqoruki sualtı qayığı, arxiv şəkli
Министерство обороны РФ

Yeni raketlər

ABŞ-ın növbəti hipersəs silahı "HAWC" (Hypersonic Air-Breathing Weapon Concept) adlanır. Bundan başqa, Amerikanın "Lockheed Martin" şirkəti Rusiyanın "Kinjal" raketinin analoqları olacaq "HCSW" (Hypersonic Conventional Strike Weapon) və "ARRW" (Air-Launched Rapid Response Weapon) sistemlərinin üzərində işləyir. Şirkət artıq 2018-ci ilin aprelində və avqustunda "HCSW" və "ARRW" raketlərinə dair Pentaqonla müvafiq olaraq 928 milyon və 480 milyon dollarlıq müqavilələr bağlayıb.

İndi amerikalıların "Hypersonic Weapons System" adlı yeni layihə üzərində işlədiyi də bildirilir. Məlumatlara görə, bu raket 8 Maxa qədər sürət yığa biləcək. Raketin sınaqlarının hələ 2021-ci ildə keçirilməsi nəzərdə tutulub.

78
Teqlər:
silah, ABŞ, Rusiya, sınaq, raket
Əlaqədar
İsrail kosmosda raketləri vurmağa qadir kompleksini sınaqdan keçirdi
"O, nədən danışdığını bilmir" – amerikalı ekspertdən Trampın raket iddiasına cavab
Putin: “ABŞ raketlərə dair mühüm sazişi pozub”
Hipersəs sürətinə malik silahlarda kim qabaqdadır: Rusiya, yoxsa ABŞ
Laboratoriya işçiləri, arxiv şəkli

Rus alimlərindən koronavirus peyvəndi istehsal edən "AstraZeneca"ya qəribə təklif

21
(Yenilənib 22:21 27.11.2020)
Bu həftənin əvvəlində "Sputnik-V" koronavirus peyvəndinin üçüncü mərhələ klinik sınaqlarının nəticələri açıqlanıb

BAKI, 27 noyabr — Sputnik. Dünyada koronavirus xəstələrinin sayı artdıqca bu azara yoluxmanın qarşısını almağa kömək edən peyvənd istehsalı sahəsində rəqabət də qızışır. Bu günlərdə Böyük Britaniyanın "AstraZeneca" ("Oxford") peyvəndinin təhlükəsizliyi ilə bağlı problem olduğu üzə çıxdı. Şirkətin rəhbərliyi peyvəndin dozası ilə bağlı yanlışlığa yol verildiyini etiraf edərək bu səhvin aradan qaldırılması üçün kliniki tədqiqatları davam etdirəcəklərini bildirdi.

Koronavirusа qarşı peyvənd, arxiv şəkli
© Handout / Russian Direct Investment Fund / AFP

Sputnik Azərbaycan-ın Türkiyənin NTV kanalına istinadən yaydığı məlumata görə, koronavirus üzərində 95 faiz təsirli olan "Sputnik-V" peyvəndinin sahibi Rusiya "AstraZeneca"ya vaksinləri qarışdırmağı təklif edib. "Sputnik-V" peyvəndinin yaradıcıları sosial media vasitəsilə "AstraZeneca" alimlərinə müraciət edərək "Yeni kliniki tədqiqatlar zamanı peyvəndinizin təsirini artırmaq istəyirsinizsə, onu rus vaksini ilə qarışdırın. Hər iki ölkədə adenoviral vektor peyvəndi hazırlanır, bu vaksinlərin qarışdırılması daha güclü nəticə əldə etməyə imkan verər", - deyə bildiriblər.

Qeyd edək ki, bu həftənin əvvəlində "Sputnik-V" koronavirus peyvəndinin üçüncü mərhələ klinik sınaqlarının nəticələri açıqlanıb. Həmin nəticələrə görə, nəzərdə tutulduğu kimi, peyvəndin ayrı-ayrılıqda iki dozasının tətbiq olunduğu 18 min 794 pasiyentdə 28-ci gün 91,4, 42-ci gün isə 95 faiz təsirli olduğu üzə çıxıb.

"AstraZeneca" ("Oxford") şirkəti isə istehsal etdiyi peyvəndin sadəcə 70 faiz təsirli olduğunu etiraf edib. Əslində isə klinik tədqiqatlarına yarısı İngiltərədən, yarısı isə Braziliyadan olmaqla 20 mindən çox könüllünün qatıldığı "Oxford" peyvəndinin ən yüksək dozada belə cəmi 62 faiz təsirli olduğu üzə çıxıb. Bundan başqa, "AstraZeneca" İngiltərədəki 3 minə yaxın könüllüyə səhvən yarım doza peyvəndin tətbiq olunduğunu etiraf edib.

Daha bir koronavirus peyvəndi olan BioNTech şirkətinin "Pfizer" peyvəndini isə mənfi 70 dərəcə temperaturda saxlamaq tələb olunduğundan bu vaksin bir o qədər də əlverişli hesab edilmir.

 

21
Teqlər:
alimlər, təklif, AstraZeneca, Sputnik-V peyvəndi, peyvənd, Koronavirus, epidemiya, COVID-19
Mövzu:
Dünyanı cənginə almış bəla
Rusiya İstintaq Komitəsinin avtomobili, arxiv şəkli

Rusiyada köşklərdə Hitlerin şəkli olan poçt markaları satılıb

8
(Yenilənib 19:38 27.11.2020)
KİV-in yazdığına görə, Hitlerin şəkli olan markalar "Orelsoyuzpeçat" köşklərində 290 rubla satılıb. Markaların üzərində Hitlerin yeni çap olunmuş fotosu deyil, o dövrə aid orijinal portret olub.

BAKI, 27 noyabr — Sputnik. Rusiyanın Oryol şəhərində köşklərdə üzərində Adolf Hitlerin fotosu olan poçt markaları satılır.

Sputnik Azərbaycan RİA Novosti-yə istinadla xəbər verir ki, artıq Rusiya istintaq orqanları Oryol şəhərində köşklərdə Adolf Hitlerin şəkli olan poçt markalarının satılması faktı ilə bağlı araşdırma aparmağa başlayıb.

"Mətbuatda yer alan məlumatlara görə, Oryol şəhərindəki qəzet köşklərində nasist Almaniyası liderinin şəkli olan poçt markalarının satışına dair istintaq öncəsi yoxlama başladılıb. Hal-hazırda bu məhsulların satışı dayandırılıb", - deyə bildirilir.

Qeyd edilib ki, istintaq öncəsi yoxlamanın nəticələrinə əsasən prosessual qərar veriləcək.

KİV-in yazdığına görə, Hitlerin şəkli olan markalar "Orelsoyuzpeçat" köşklərində 290 rubla satılıb.

Markaların üzərində Hitlerin yeni çap olunmuş fotosu deyil, o dövrə aid orijinal portret olub.

 

8
Teqlər:
Rusiya, satış, poçt markası, Adolf Hitler
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar