İnquşetiya Respublikasının başçısı Yunus-Bek Yevkurov

Gözlənilməz istefa: Respublika başçısı xalqa müraciət etdi - VİDEO

35
(Yenilənib 09:04 25.06.2019)
İnquşetiya rəhbəri istefa vermək niyyətində olduğunu bildirib

BAKI, 25 iyun - Sputnik. Rusiyanın İnquşetiya Respublikasının başçısı Yunus-Bek Yevkurov istefa verdiyini bəyan edib. O bunu respublikanın milli televiziyası ilə yayımlanan müraciətində deyib.

Yevkurov 2008-ci ildən İnquşetiyaya rəhbərlik edir. Başçı öz addımını cəmiyyətdə birliyin olmaması, respublika və şəxsi maraqlar arasında seçim etmək məcburiyyətində qalması ilə izah edib. 

"Gəlin cəsarət göstərək və deyək ki, biz hamımız - təmsil etdiyim hakimiyyət, ictimai, dini təşkilatlar bu gün birliyin olmamasına görə məsuliyyət daşıyırıq. Hər birimiz seçim qarşısındayıq: şəxsi maraqlar, yoxsa respublikanın maraqları", - Yevkurov bildirib.

Başçı istefa barədə Rusiya Prezidenti Vladimir Putinə müraciət edəcəyini deyib. Yevkurovun səlahiyyətləri 2023-cü ildə bitirdi.

35
Teqlər:
Yunus-Bek Yevkurov
 Koronavirusа qarşı peyvənd, arxiv şəkli

ABŞ-ın baş infeksionisti Rusiyanın koronavirus peyvəndinə şübhə edib

6
(Yenilənib 13:10 12.08.2020)
Ötən gün Rusiya Prezidenti Vladimir Putin Rusiya Federasiyasında koronavirusdan ilk peyvəndin qeydiyyatını elan edib

BAKI, 12 avqust — Sputnik. Amerika Birləşmiş Ştatlarının baş infeksionisti Entonu Fauçi iddia edir ki, onlar gələn həftə öz vaksinlərinin bir neçə variantını təqdim edə bilərdilər, lakin onların effektivliyi və təhlükəsizliyinə əmin deyillər. Sputnik Azərbaycan xəbər verir ki, bunu ABŞ-ın baş infeksionisti "National Geographic" jurnalına açıqlamasında bildirib.

"Vaksinin olması və vaksinin təhlükəsiz və işlək olmasını sübut etmək – bunlar tamamilə fərqli şeylərdir. Bizim yarım düjün, hələ bir qədər də artıq vaksinimiz var. Ona görə də əgər biz risk edib, daha çox insana zərər versə idik, onlara işləməyən bir şeyi vermək istəsə idik, onda bunu gələn həftədən edə bilərdik", - deyə Fauçi "Doğrudanmı Rusiyada vaksin var?" sualını cavablandırarkən bildirib.

"Ona görə də mən ümid edirəm ki, rusiyalılar, doğrudan da vaksinin təhlükəsiz və işlək olmasına əmin olublar. Mən onların bunun etməsinə çox şübhə edirəm", - deyə ABŞ-ın Allergik və İnfeksion Xəstəliklər üzrə Milli İnstitutunun direktoru qeyd edib.

Xatırladaq ki, ötən gün Rusiya Prezidenti Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onu qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq. Rusiyanın Səhiyyə Nazirliyinin Gamaleya adına Mərkəzi və "Binnofarm"şirkəti.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

6
Teqlər:
vaksin, peyvənd, Koronavirus, COVID-19
Əlaqədar
Rusiyada koronavirus peyvəndlərini ilk kimlərin alacağı açıqlandı
Professor: “Virusla mübarizədə kollektiv immunitetin qazanılmasının tərəfdarıyıq”
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Ərdoğan: “Türkiyədə koronavirus peyvəndinin sınaqları uğurlu oldu“
Vəssalam! Koronavirusun dərmanına patent aldılar
Koronavirusа qarşı peyvənd, arxiv şəkli

Koronavirus peyvəndi üçün artıq 20 ölkədən müraciət var

29
(Yenilənib 19:55 11.08.2020)
İki qrup könüllülər üzərində 42 gün davam edən klinik tədqiqatlar nəticəsində müəyyən edilib ki, hər kəsin virusa qarşı immuniteti yaramıb.

BAKI, 11 avqust — Sputnik. Rusiyada COVID-19 əleyhinə peyvənd qeydiyyata alınıb. Sputnik Azərbaycan Rusiya mətbuatına istinadla xəbər verir ki, xarici KİV-lər artıq bu xəbəri Sovet İttifaqı tərəfindən Yerin ilk süni peykinin buraxılması ilə müqayisə ediblər. Artıq 20 ölkədən 1 milyard doza peyvənd almaq üçün müraciətlər daxil olub. Rusiyada isə əhalinin kütləvi şəkildə peyvəndlənməsi oktyabr ayında başlaya bilər.

Yeni peyvənd "Sputnik V"adlandırılıb, sınaqdan keçirilib və rekord müddətdə qeydiyyata alınıb. İnfeksiya əleyhinə dünyada ilk dərmanı hazırlamaq rus alimlərinə düz beş aya başa gəlib. Martın 11-də ÜST dünyada COVID-19-u pandemiya elan edib və bu gün "Rusiyada hazırlanmışdır" markalı peyvənd meydana qeydiyyata alınıb.

Peyvənd üzərində 17 elmi institutdan olan onlarla ən yaxşı hərbi virusoloq və biokimyaçılar çalışıb. dı. Koronavirus peyvəndi üçün platforma Ebola virusu dərmanı olub. İki qrup könüllülər üzərində 42 gün davam edən klinik tədqiqatlar nəticəsində müəyyən edilib ki, hər kəsin virusa qarşı immuniteti yaranıb.

Yeni dərmanın təsirini sınaqdan keçirənlər arasında kişi və qadın, hərbçi və mülki şəxslər var. Təcrübə xatirinə onlar bir aydan çox müddətə təcrid olunmuş vəziyyətdə qalıblar. Vladimir Putinin qızı da peyvəndin effektivliyini özündə sınadı.

"Mənim qızlarımdan biri özünə peyvənd etdirdi. Yəni, o da bu təcrübədə iştirak etdi. Birinci peyvənddən sonra onun hərarəti 38 C idi, sonrakı gün 37 C. İkinci peyvənddən sonra temperaturu bir qədər də artdı, sonra hər şey keçdi. Hazırda özünü yaxşı hiss edir və titrləri yüksəkdir" - deyə Putin bildirib.

Rusiyada peyvənd istehsalı qısa müddətdə başlayacaq. İlin sonunadək istehsalın ayda 10 milyon dozaya çatdırılması planlaşdırılır. Peyvənd ilk olaraq, həkimlər, müəllimlər və yaşlı insanlara vurulacaq.

Rusiya əhalisinin kütləvi pulsuz peyvəndi oktyabr ayında başlayacaq. İndi Rusiyaya dünyanın 20 ölkəsindən 1 milyard doza dərman preparatının alınması üçün müraciətlər daxil olub.

29
Yevgeni Primakov, arxiv şəkli

Heç bir yumşaq güc olmayacaq - bizi Rusiya ilə bağlayan agentlikdən gözləyək?

2
Ad dəyişikliyi, MDB-dən olan tələbələr üçün kvotaların artırılması və tanınmış artistlərlə İş agentliyin yeni strategiyasının yalnız kiçik bir hissəsidir.

Danara Kurmanova, Sputnik

BAKI, 12 avqust — Sputnik. Hələ bu il iyunun sonlarında məlum oldu ki, Dövlət Dumasının deputatı və telejurnalist Yevgeni Primakov "Rossotrudniçestvo" agentliyinin rəhbəri təyin edilib. Primakov vəzifəyə təyin olunduğu ilk gün KİV-ə bildirib ki, indi qurumu "böyük dəyişikliklər"gözləyir. Lakin bu barədə daha ətraflı yalnız avqustun 11-də öz online-mühazirəsi zamanı danışıb. Sputnik, agentliyin yeni proqramının ən vacib detalları barədə.

Yumşaq güc yoxdur

İlk növbədə, "Rossotrudniçestvo" nun yeni rəhbəri agentliyin tərəfdaşlarına "yumşaq güc" terminindən imtina etməyi təklif edib.

"Bu, bizim üçün anlaşılmaz və uydurma bir şeydir", - deyə Yevgeni Primakov mühazirənin ən başında bildirib. Və bunun izahatını belə verib: "Rossotrudniçestvo"nun məqsədi əvvəlcə güc tətbiq etməkdən yox, beynəlxalq rahatlığın və əmin-amanlığın təmin edilməsindən ibarət idi. Agentlik mədəni və təhsil proqramları vasitəsilə həm Rusiyanın özünün, həm də tərəfdaş dövlətlərin inkişafı üçün əlverişli şərait yaradır.

Daha sonra, Primakovun sözlərinə görə, "Rossotrudniçestvo" humanitar mövcudluq ideyasından uzaqlaşır. "Bu, köhnə konseptdir. Biz humanitar mövcudluqdan sülhü qorumağa kömək edən humanitar təsirə keçməliyik", - deyə rəhbər öz qərarını izah edib.

O, bu cür təsirin nümunəsi kimi, təşkilatın ilk dəfə həkimlərin zərərçəkənlərə yardım üçün göndərilməsində iştirak etdiyi Beyrutda baş vermiş faciəni göstərib. Bu aksiyanı Primakov simvolik adlandırıb və əlavə edib: məhz belə tədbirlər xaricdə Rusiyaya daha mehribanlıqla yanaşılmasına imkan yaradır. Onlar göstərir ki, agentliyin hərəkətlərində heç bir güc yoxdur - yalnız həmrəyliyə istiqamətləndirmə var.

Non-stop rejimində iş

Açıq mühazirəyə başlamazdan əvvəl Yevgeni Primakov bir aya yaxın "Rossotrudniçestvo"nun işini öyrənib və belə qənaətə gəlib ki, agentlikdə islahatlar rus klubları şəbəkəsindən başlamalıdır.

"Onlar tədbirdən-tədbirə deyil, daim işləməlidirlər. Bu, elə klub sistemi olmalıdır ki, iştirakçılar düşünəndə, bir-biri ilə danışanda belə kitab oxuya bilsinlər. Axı xaricdə bu mərkəzlər məhz Rusiya ilə ünsiyyətə ehtiyacı olan insanlar üçün mövcuddur", - Primakov bildirib.

Primakovun fikrincə, hər bir klub yalnız gənclərə deyil, həm də əhalinin daha böyük qruplarına yönəlməlidir, çünki xaricdə artıq pensiya yaşına çatmağa yaxınlaşan və SSRİ-dən çıxmış bir çox insan yaşayır. Və hər bir yaş kateqoriyası fərdi fəaliyyətlərə ehtiyac duyur.

"Bizim qonaqlar çay içərkən keçirilən "xala xətrin qalmasın" formatında tədbirlərə ehtiyacımız yoxdur", - deyən Yevgeni Primakov agentliyin işçilərini "Rus Musiqi Günü" və ya "Rus pelmen bayramı" üslubunda ideyalardan maksimum uzaqlaşmağa çağırıb.

Lakin rus klublarının iş rejiminin dəyişməsində bir problem var. Bir çox rus mərkəzləri Rusiya Federasiyasının səfirliklərinin binalarındadır və ora necə gəldi daxil ola bilməzsiniz. "Buna görə də indi işə yeni sistemin qurula biləcəyi mərkəzlərdən başlayacağıq", - Primakov deyib.

Məşhurlar olmadan edə bilməzsiniz

Yevgeni Primakov deyib ki, "Rossotrudniçestvo"ya həmçinin savadlı prodüser işi lazımdır. Agentliyin əsas auditoriyası gənclərdir, gənclər isə pop mədəniyyəti ilə maraqlanırlar: müasir musiqi, kitablar, filmlər və seriallar. Gələcək tələbələr bütövlükdə rus mədəniyyəti ilə bütün bunlar vasitəsilə maraqlanırlar.

Onun fikrincə, gəncləri klassika ilə tanış etmək vacibdir. Ancaq yalnız gəncliyə xas olan əyləncələri və maraqları nəzərə ala bilməzsiniz. "Çox az adam Şekspiri orijinal olaraq oxumaq üçün ingilis dilini öyrənməyə başlayır, baxmayaraq ki, belə insanlar da var. Müasir uşaqlar üçün dil ilk növbədə, sosial və iqtisadi imkanlardır", - deyə agentliyin rəhbəri bildirib.

Primakov bildirib ki, bununla əlaqədar olaraq," Rossotrudniçestvo" daha çox məşhur artistləri xarici tədbirlərə dəvət etməlidir. Bu, hər yerdə haqqında danışılan insanlar olmalıdır, yalnız kiçik şirkətdə haqqında danışılacaq kiçik yaradıcı kollektivlər deyil", - deyə agentliyin rəhbəri bildirib.

Hər şey yeniliyə uyğun olmalıdır

Yevgeni Primakov hesab edir ki, "Rossotrudniçestvo" təkcə gənclər və rus dilini bilməyən adamlar üçün deyil. Buna görə də agentlik rebrendinqə ehtiyac duyur. Ona görə də yalnız qurumun deyil, həm də Rusiyanın elm və mədəniyyət mərkəzlərinin (REMM) adını dəyişmək lazımdır.

"REMM, ümumiyyətlə "Rossotrudniçestvo" sözünün özü kimi dəhşətli bir abbreviaturadır. Əcnəbi onu söyləmək iqtidarında deyil", - deyə Primakov adları tənqid edib.

Bununla yanaşı, qurum "Müstəqil Dövlətlər Birliyi, xaricdə yaşayan həmvətənlər və Beynəlxalq Humanitar əməkdaşlıq üzrə Federal Agentlik" rəsmi adını saxlayacaq. Primakovun sözlərinə görə, abbreviaturanı yalnız xarici brend və qeyri-rusdilli auditoriya üçün dəyişmək lazımdır. Rusdilli insanları "Rossotrudniçestvo" sözü qorxutmur. Agentliyin yeni adının yaradılması isə çoxlu lazımsız xərclərə – ən azı lövhələrin və rəsmi blankların dəyişməsinə səbəb olacaq. Halbuki bu pul daha faydalı bir şeyə sərf edilə bilər.

Ümumiyyətlə, görünür, səmərəlilik və qənaət Primakov strategiyasında müəyyən amilə çevrilib. Yeni bir abbreviatura yaratmaq üçün brend menecerlərini işə götürməyi də planlaşdırmır. Bunun əvəzinə açıq müsabiqə təşkil etmək istəyir ki, agentliyin adı vaxtilə "Rossotrudniçestvo" vasitəsilə Rusiya universitetlərinə daxil olan tələbələr tərəfindən icad edilsin. Primakovun özünün də ideyasına verdiyi izahatda olduğu kimi, bu qərarın məntiqiliyi göz qabağındadır – heç kim layihə üçün brendin konsepsiyasını layihənin bilavasitə iştirakçısından daha yaxşı hiss edə bilməz.

Dayaq nöqtəsi MDB

Mühazirənin sonunda Yevgeni Primakov dinləyiciləri əmin etməyə çalışır ki, yeni layihələrlə məşğul olan "Rossotrudniçestvo" Rusiya təhsilinin inkişafını kənara atmır.

"Rusiya Federasiyası prezidentinin fərmanına əsasən, xarici tələbələr üçün pulsuz təhsil kvotası yaxın bir neçə ildə iki dəfə artırılacaq. İndi onların həcmi 15 mindir", - deyə o bildirib.

Bundan başqa, agentlik Rusiya və rus dili ilə bağlı istənilən təhsil layihələrini dəstəkləməyə çalışır, istər iri universitet olsun, istərsə də əyalət uşaq bağçası. "Xaricdə kimsə bir qrup yaratsa və rus nağıllarını öyrətsə belə, bu artıq əladır", - Primakov deyib.

Həmçinin "Rossotrudniçestvo" müasir gəncləri nəyin maraqlandırdığını daha yaxşı başa düşmək üçün analitiklərə daha çox diqqət yetirəcək. Bunun üçün agentlik öz saytını köklü şəkildə dəyişmək niyyətindədir. Yevgeni Primakov bu barədə deyib: "İnsanlar Rusiyanın humanitar fəaliyyətini izləməkdə maraqlı olmalıdırlar, bizim saytdan isə hazırkı vəziyyətində heç bir sağlam düşüncə əyləncə xatirinə girməyəcək. Bunu daha oxunaqlı etmək lazımdır".

Bütün bu fəaliyyətlər, şübhəsiz ki, vaxt tələb edir. Çünki agentlik sərt çərçivədə işləyir. Hər bir layihəni işə başlamazdan əvvəl ən azı bir il əvvəldən təsdiq etmək lazımdır. Buna baxmayaraq, "Rossotrudniçestvo"nun rəhbəri vəd edir ki, bu yeniliklər sayəsində təşkilat daha açıq olacaq. "Bu, bizə köhnə yaddaşa və mövcud nüfuzuna əsaslanaraq, agentliyimizə qarşı hər kəsdə yarana biləcək köhnə stereotiplərlə mübarizə aparmağa kömək edəcək", - deyə Primakov əlavə edib.

2
Əlaqədar
Rusiyada oxumaq istəyənlər pandemiyaya rəğmən sərhədi keçə bilərlər
Samirə Mustafayeva: “Azərbaycanlı olmaq – geniş ürəkli olmaq deməkdir”
Özümüzünküləri darda qoymuruq: Rusiya COVID-19-la mübarizədə qonşularına necə kömək edir
Sumqayıtlı şagird öz ulu nənəsindən danışaraq qalib olub
Rusiyadan dəstək gəldi: Moskva Azərbaycanın təşəbbüsünü alqışladı