TASS agentliyinin baş direktorunun birinci müavini Mixail Qusman

Mixail Qusman: "Bakıdakı evimizdə 11 millətin nümayəndəsi yaşayırdı"

2910
(Yenilənib 10:45 04.06.2019)
Rusiyanın məşhur teleaparıcısı hesab edir ki, Bakı dünyanın ən dinamik inkişaf edən beş şəhərindən biridir

BAKI, 3 iyun — Sputnik. TASS agentliyinin baş direktorunun birinci müavini Mixail Qusman Bakı ilə bağlı xatirələrini bölüşüb.

Sputnik Azərbaycan-ın məlumatına görə, o, bu barədə "Paxlava production" layihəsinə verdiyi müsahibədə danışıb.

Qeyd edək ki, bu layihə Mixail Lomonosov adına Moskva Dövlət Universitetinin məzunları və tələbələri olan Ruslan Əhmədov, Nüşabə Kərimli və Ruslan Süleymanov tərəfindən həyata keçirilir. Onlar Rusiyada yaşayan məşhur azərbaycanlılarla müsahibə hazırlayaraq öz səhifələrində yayırlar. Bu dəfə onların qonağı Mixail Qusman olub.

"Mən dünyanı kifayət qədər çox gəzirəm. Müxtəlif şəhərlərdə çox şey görürəm: həm postsovet məkanında, həm də uzaq xaricdə. Bakıda baş verən dəyişiklikləri, müsbət istiqamətdə inkişafı, çox az şəhərlə müqayisə etmək olar. İnkişafın dinamikliyi baxımından, demək olar ki, Bakı daha müasir və parlaq vəziyyətə gətirilmiş şəhərlərin ilk beşliyinə daxildir" - deyə Qusman bildirib.

O, həmçinin Bakıda keçən uşaqlıq illərini xatırlayıb. Deyib ki, Bakıda kiçik üç mərtəbəli bir evdə böyüyüb. O evdə 11 millətin nümayəndəsi yaşayırmış. Qusman xatırlayır ki, bayramlarda hər kəs öz evində müxtəlif şirniyyatlar hazırlayırdı və qonşular bir-birilərinə pay verirdilər.

"Mən bizə gətirilən Azərbaycan şirniyyatları ilə böyümüşəm. Ona görə də, onlar mənim üçün həmişə bayram rəmzləridir. Azərbaycan mətbəxini çox gözəl bilirəm. Və qətiyyən şişirtmədən hesab edirəm ki, Azərbaycan mətbəxi yer üzünün ən yaxşı mətbəxidir. İnanın, mən bütün mətbəxləri görmüşəm. O mətbəx böyük sayılır ki, bütün mətbəx zəncirini tamamlasın. Məsələn, onun öz içkiləri, müxtəlif növ qəlyanaltıları, şorbaları, isti yeməkləri və şirniyyatları olsun. Azərbaycan mətbəxində bunların hamısı mükəmməl şəkildə mövcuddur" - deyə Qusman etiraf edib.

Mixail Qusman 1950-ci ildə Bakıda tibbi xidmət podpolkovnikinin, Böyük Vətən Müharibəsi illərində Xəzər Hərbi Donanmasının baş terapevti olmuş Solomon Qusmanın ailəsində anadan olub. Anası Lola Barsuk əvvəllər aktrisa, sonralar isə tərcüməçi, Azərbaycan Xarici Dillər İnstitutunun (indiki Azərbaycan Dillər Universiteti-red.) professoru olub. Mixail Qusman özü də anasının professoru olduğu ali məktəbi, eləcə də Ali Partiya məktəbini bitirib. Bir müddət Azərbaycan SSR Gənclər Təşkilatları Komitəsində sədr müavini işləyib. Sonra Moskvaya köçən Qusman orada bir sıra nüfuzlu KİV-lərdə rəhbər vəzifələrdə çalışıb, jurnalist, tərcüməçi, radio və televiziya aparıcısı kimi məşhurlaşıb. 1995-ci ildən TASS agentliyində işləyir. 1999-cu ildə agentliyin baş direktorunun birinci müavini təyin edilib.

Qusman Azərbaycanın "Dostluq" və "Şöhrət" ordenləri ilə təltif edilib.

2910
Teqlər:
Moskva Dövlət Universiteti, Moskva, Böyük Vətən Müharibəsi, Bakı
Əlaqədar
Nuşirəvan Məhərrəmli "Bakılı oğlanlar"ı təkzib etdi
Bakılı oğlanın çəkildiyi çarx sosial şəbəkələrdə rekord vurub
Bakılı stilist dünyanın ən uğurlu kişisi seçilib
Taksi sürücüləri ilə söhbətlər, uşaqlıq yerlərinə gəzinti - “Köhnə” bakılı Bakı haqqında
Düz 49 ildir Bakıdan gedən məşhur bakılı: “Bu şəhəri heç vaxt tərk etməyin”
Троицкая башня Московского Кремля

Kreml: Rusiyalı hərbçilər Qarabağdakı vəziyyəti diqqətlə izləyirlər

67
(Yenilənib 15:08 30.09.2020)
Peskov: "Bizim hərbçilər hərbi əməliyyatların getdiyi təmas xəttində (Dağlıq Qarabağda) vəziyyətin inkişafını diqqətlə izləyir. Bütün məlumatlar diqqətlə analiz edilir".

BAKI, 30 sentyabr — Sputnik. Rusiyalı hərbçilər Dağlıq Qarabağda təmas xəttində vəziyyəti diqqətlə izləyirlər. Sputnik Azərbaycan RİA Novosti-yə istinadən xəbər verir ki, bunu Rusiya Prezidenti Vladimir Putinin mətbuat katibi Dmitri Peskov bildirib.

"Bizim hərbçilər hərbi əməliyyatların getdiyi təmas xəttində (Dağlıq Qarabağda) vəziyyətin inkişafını diqqətlə izləyirlər. Bütün məlumatlar diqqətlə analiz edilir. Həmçinin dünyanın müxtəlif ölkələrində yüksək və ali səviyyədə səsləndirilən, müxtəlif beynəlxalq liderlərin dilə gətirdikləri bəyanatları da səliqə ilə qeyd edirik", - deyə Peskov qeyd edib.

Bu arada Kreml bəyan yayaraq Azərbaycanla Ermənistanı atəşkəsə çağırıb.

67
Teqlər:
Kreml, Dağlıq Qarabağ, Dmitri Peskov, Vladimir Putinin köməkçisi Dmitri Peskov
Кинолента, фото из архива

Avetisyanın filmi Moskva Beynəlxalq Kino Festivalının proqramından çıxarılıb

110
(Yenilənib 13:38 30.09.2020)
Festivalın rəhbərliyi tərəfindən nazirliyə daxil olan rəsmi müraciətdə filmin müsabiqədənkənar proqramdan çıxarıldığı, eləcə də festivalın rəsmi saytından silindiyi bildirilib

BAKI, 30 sentyabr — Sputnik. Erməni rejissor Civan Avetisyanın "Cənnətin qapısı" ("Gate to heaven") filmi 42-ci Moskva Beynəlxalq Kino Festivalının "Dünyadan filmlər" adlı müsabiqədənkənar proqramından çıxarılıb.

Sputnik Azərbaycan xəbər verir ki, bunun üçün Azərbaycan Mədəniyyət Nazirliyi tərəfindən müvafiq addım atılıb.

Festivalın rəhbərliyi tərəfindən nazirliyə daxil olan rəsmi müraciətdə filmin müsabiqədənkənar proqramdan çıxarıldığı, eləcə də festivalın rəsmi saytından silindiyi bildirilib.

Eyni zamanda, Azərbaycan rejissoru İsmayıl Səfərlinin "Balıqçı qızı" bədii filmi bu il 42-ci Moskva Beynəlxalq Kino Festivalının əsas proqramına salınıb və festivalda Azərbaycanı təmsil edəcək.

Qeyd edək ki, oktyabrın 1-dən 8-dək keçiriləcək 42-ci Moskva Beynəlxalq Kino Festivalının "Dünyadan filmlər" adlı müsabiqədənkənar proqramına erməni rejissor Civan Avetisyanın "Cənnətin qapısı" ("Gate to heaven") adlı bədii filmi də daxil edilmişdi.

ABŞ, Fransa, İtaliya, Çexiya, Bolqarıstan, Almaniya və Litvadan da kinematoqrafçıların cəlb olunduğu bildirilən filmdə erməni rejissor, öz ənənəvi xislətlərinə sadiq qalaraq, Ermənistan-Azərbaycan Dağlıq Qarabağ münaqişəsi ilə bağlı tarixi saxtakarlıq və yalan üzərində qurulan bir kinosüjeti tamaşaçılara təqdim edir. Hadisələri Azərbaycanın işğal altındakı Dağlıq Qarabağ ərazisində cərəyan edən filmin yaradıcıları bununla bir daha kinematoqrafdan məqsədli şəkildə təbliğat müharibəsində alət kimi yararlandıqlarını göstərirlər. Erməni tərəfi əvvəllər də bu qəbildən filmlər çəkərək, xaricdəki lobbisinin dəstəyi ilə müxtəlif ölkələrdə nümayiş etdirib.

110
Teqlər:
Mədəniyyət Nazirliyi, Moskva, kinofestival, film, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Azərbaycanda "Diriliş Ərtoğrul"un yayımına başlanılır
Azərbaycanlı rejissorun filmi məşhur festivalın ilk turunu uğurla keçib
Azərbaycanlı rejissorun filmi "Qızıl Mükafat" alıb
Fransanın azadlığı uğrunda döyüşlərdə iştirak etmiş həmyerlimiz haqqında film çəkilib
Filmimiz MDB ölkələrinin kinoprokatına çıxacaq
Azərbaycan bayrağı, arxiv şəkli

Ölkədə bayrağa həddindən artıq tələbat yaranıb: Qiymət baha, anbarlarsa boşdur

0
(Yenilənib 22:08 30.09.2020)
Məlahət Kəlbiyeva: "Ölkədə hərbi rejimlə əlaqədar bayraqlara təlabat artıb. Həddən artıq sifarişlər gəlir, inanın, çatdıra bilmirik".

İradə Cəlilova, Sputnik Azərbaycan

BAKI, 30 sentyabr — Sputnik. Sentyabrın 27-dən Ermənistan-Azərbaycan təmas xəttində başlayan hərbi əməliyyatlar hamıda mübarizə ruhunu oyadıb. Kimi ön cəbhədə, kimi isə arxa cəbhədə Azərbaycanın torpaqlarının bütövlüyü uğrunda mübarizə aparır.

Bu gün şəhərin küçələrində, evlərin eyvanlarında, avtomobillərdə müqəddəs Azərbaycan və Türkiyə bayraqları dalğalanır.

Sosial şəbəkələrdə isə mağazalarda bayraqların qiymətlərinin bahalaşması ilə bağlı müzakirələr yer alır. Şəbəkə istifadəçiləri bayraqların qiymətinin 2-3 dəfə bahalaşdığını iddia edirlər.

Sputnik Azərbaycan bir neçə mağaza ilə əlaqə saxlayaraq məsələni dəqiqləşdirməyə çalışıb. Təbii olaraq, mağazalardan agentliyə bildiriblər ki, bayraqların qiymətində heç bir dəyişiklik olmayıb.

Bununla belə, bəzi mağazalarda bayraq satışı dayandırılıb. Mağazalar bunun səbəbini anbarlara yeni malların gətirilməməsi ilə izah ediblər. Satıcıların sözlərinə görə, hər gün vətəndaşlar bayraq üçün müraciət edirlər. Amma bayraqların qiymətində heç bir artım olmayıb.

Satıcılar hazırda anbarlarda bayrağın olmadığını da qeyd ediblər. 

Qiymətlərə gəlincə, masaüstü bayraqlar 3 manat, otaq üçün böyük ölçülü bayraqlar isə 25-90 manat arasında satılır.

Hərbi ekspert Ramil Məmmədlinin sözlərinə görə, indiki müharibə şəraitində bayraqların qiymətlərinin bahalaşması yolverilməzdir. Əksinə, bayraq istehsalı ilə məşğul olan müəssisələr, şəxslər vətənpərvərlik ruhunu yüksək tutmaq üçün bayraqların qiymətini ucuzlaşdırmalıdır ki, hər kəs alıb, evindən, eyvanından, avtomobilindən asa bilsin. 

"Azəratribut" MMC-nin təsisçisi Məlahət Kəlbiyeva Sputnik Azərbaycan-a açıqlamasında bildirib ki, ölkədə hərbi rejimlə əlaqədar bayraqlara təlabat artıb:

"Həddən artıq sifarişlər gəlir. Nazirliklər, supermarket şəbəkələri, idarələr sifariş edir. İnanın, sifariş o qədər çoxdur ki, çatdıra bilmirik".

M.Kəlbiyeva qeyd edib ki, əksinə, vəziyyətlə əlaqədar olaraq bayraqların qiyməti ucuzlaşıb.

Onun sözlərinə görə, vətənin ağır günündə hamı bacardığı qədər yardım etməlidir: "Biz özümüz də ehtiyac olduğu təqdirdə bayraqları pulsuz veririk. Əvvəl 100 manata satdığımız bayraqları indi 50-60 manata satırıq. Belə günlərdə qazanc düşünmək olmaz. Bu, günahdır".

O qeyd edib ki, özü də sosial şəbəkələrdə müxtəlif mağaza və ticarət mərkəzlərində bayraqların baha satıldığı ilə bağlı məlumatlarla qarşılaşıb: "Bu, digər ölkələrdən gətirilmiş məhsullar ola bilər. Ancaq biz bacardığımız qədər bu günlərdə ucuz bayraqlarla xalqımıza dəstək verməyə çalışırıq".

0