Вид на Москву-реку, фото из архива - Sputnik Azərbaycan
RUSİYA
Rusiya Federasiyasına dair aktual məqalələr

Məşhur musiqi yarışmasında şok qalmaqal: Səslər kütləvi şəkildə saxtalaşdırılıb

© Facebook / Голос.ДетиУчастники шестого сезона проекта "Голос.Дети"
Участники шестого сезона проекта Голос.Дети - Sputnik Azərbaycan
Abunə olmaq
Səslərin fırıldaq yolu ilə artırılmasında 300 telefon nömrəsi iştirak edib və onların hər birindən 8 mindən çox səs göndərilib

BAKI, 16 may — Sputnik. "Group-IB" şirkəti "Qolos.Deti" (Səs.Uşaqlar) vokal şousunun iştirakçısı Mikella Abramovanın xeyrinə avtomatlaşdırılmış qaydada kütləvi şəkildə göndərilən SMS-ləri aşkarlayıb. Sputnik Azərbaycan "RİA Novosti"yə istinadla xəbər verir ki, bu barədə məlumatı şirkətin mətbuat xidməti müsabiqənin ilkin nəticələrinin yekunları əsasında yayıb. 

M.Maqomayev adına Azərbaycan Dövlət Akademik Filarmoniyası - Sputnik Azərbaycan
MƏDƏNİYYƏT
Qazaxıstanın Mezzo musiqi qrupu Bakıda konsert verdi

Məlum olub ki, səslərin fırıldaq yolu ilə artırılmasında 300 telefon nömrəsi iştirak edib və onların hər birindən 8 mindən çox səs göndərilib.

"Səslərin saxta yolla artırılması ilə məşğul olan şəxslərin texniki problemləri yaranıb və nəticədə mesajların avtomatlaşdırılmış qaydada göndərilməsi üçün yazılmış kodun bir hissəsi SMS-in mətninə bu şəkildə düşüb: "07 31: 2019-04-26 22:47:31". Burada 07 iştirakçının sıra nömrəsidir" - deyə şirkətin məlumatında bildirilir.

Yeddi nömrə altında çıxış edən iştirakçı isə Mikella Abramova olub. Ekspertlərin məlumatına görə, bütün telefon nömrələri bir operatora məxsus olub və bir tarifdən istifadə edilib. Hal-hazırda bu nömrə aktiv deyil.

Araşdırma zamanı analitiklər bütün regionlar üzrə səsvermənin nəticələrini nəzərdən keçiriblər. Məlum olub ki, regionlardan biri səsvermə başlayandan dərhal sonra qeyri-adi fəallıq nümayiş etdirib.

"Tədqiqat göstərdi ki, IVR-zənglər üçün botlardan istifadə edilib. Eyni zamanda, səsvermə unikal ardıcıl nömrələr vasitəsilə həyata keçirilib (məsələn, 8(ХХХ)ХХХ-ХХ-38, 8(ХХХ)ХХХ-ХХ-39, 8(ХХХ)ХХХ-ХХ-40, 8(ХХХ)ХХХ-ХХ-41 və s.). Belə nömrələrdən bir iştirakçı üçün 30 mindən çox səs göndərilib" - "Group-IB" bildirib.

Şirkət səsvermə sisteminin təhlükəsizliyinin tədqiqinin nəticələrinin açıqlanmadığını qeyd edib.

""Group-IB" istintaqla bağlı son hesabatın yayımlanmasından əvvəl anormal dərəcədə yüksək səsvermənin qeydə alındığı regionlar üzrə nəticələri qəsdən açıqlamır. Regionlardakı səsvermə ilə bağlı "Group-IB" və "Birinci kanal" tərəfindən yayımlanmayan istənilən informasiya həqiqəti əks etdirmir" - deyə ekspertlər bildiriblər. 

Məgər o, Çelentano deyil? Məşhur musiqiçinin oxşarı Bakıda hər kəsi özünə aşiq etdi  - Sputnik Azərbaycan
VİDEO
Məgər o, Çelentano deyil - Məşhur musiqiçinin oxşarı Bakıda hər kəsi özünə aşiq etdi

Araşdırmanın ilkin nəticələrinə əsasən, "Birinci kanal" finalın nəticələrini ləğv etmək qərarına gəlib.

Qeyd edək ki, "Qolos.Deti-6" şousunun qalibi Rusiyanın estrada ulduzu Alsunun qızı Mikella Abramova elan edilib. Telefonla səsvermənin nəticələrinə görə, o, səslərin 56,5%-ni toplayıb. Bu isə ictimaiyyət arasında geniş rezonans doğurub.

İnterpolun rəsmi tərəfdaşı "Group-IB" (yüksək texnologiyalardan istifadə etməklə kibercinayətkarlıq və dələduzluğun qarşısını almaq və araşdırmaq üzrə aparıcı beynəlxalq şirkətlərdən biri - red.) "Birinci kanal"ın xahişi ilə "Qolos.Deti" şousunda Abramovanın xeyrinə verilən səslərin nəticələrini araşdırıb.

Xəbər lenti
0