Rusiya sualtı qayığından raket buraxılışı

Rusiya "Poseydon"ları NATO-nun mövcudluğuna təhdiddir

154
(Yenilənib 20:55 12.02.2019)
Rusiya Müdafiə Nazirliyi dörd atom sualtı qayığında yerləşdirilməklə cəmi 32 "Poseydon" sifariş verib

BAKI, 13 fevral — Sputnik. Rusiyanın "Poseydon" strateji sualtı aparatının əsl məqsədi NATO-nu hərbi alyans kimi dağıtmaqdır. Bu barədə Sputnik Azərbaycan "Business Insider"-ə istinadən xəbər verir.

Qeyd olunur ki, bu aparatlar "bütöv qitəni" məhv edə bilər. Ekspertlərin fikrincə, bu qurğular Birləşmiş Ştatlar tərəfini Rusiya tərəfinin "təcavüzünə" cavab verməkdən çəkindirəcək. Ekspertlər vurğulayır ki, Rusiya məhv olacağı təqdirdə belə onları istifadə edə bilər. Ona görə də ABŞ tərəfi öz sularını "Poseydon"ların radiasiyasından qorumaq üçün Estoniyanı müdafiə etməkdən çəkinəcək. Ekspertlər hesab edir ki, NATO üzvünə belə bir dəstəyin verilməməsi alyansın yox olmasına səbəb olacaq.

Qeyd edək ki, bu aparatlar nüvə yanacağı ilə işləyən mühərriklə təchiz olunub, güclü nüvə başlığı daşıya bilir və okeanın 1 kilometrdən də çox dərinliyində saatda 200 kilometr sürətlə, manevrlər etməklə hədəfə doğru irəliləyir. Hazırda dünyada heç bir sualtı torpedo bu cür yüksək sürətə malik deyil. Rusiya Müdafiə Nazirliyi dörd atom sualtı qayığında yerləşdirilməklə cəmi 32 "Poseydon" sifariş verib.

154
Rusiya polisi, arxiv şəkli

İş adamlarının qətllərini sifariş verən qubernator saxlanıldı

5
(Yenilənib 13:09 09.07.2020)
Sergey Furqal 2004-2005-ci illərdə Xabarovsk ərazisi və Amur bölgəsində bir sıra sahibkarların qətlini təşkil etməkdə şübhəli bilinərək tutulub.

BAKI, 9 iyul — Sputnik. Rusiyanın Xabarovsk diyarının qubernatoru Sergey Furqala qarşı cinayət işi açılıb. Sputnik Azərbaycan "RİA Novosti"yə istinadən xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko bildirib.

O qeyd edib ki, Sergey Furqal 2004-2005-ci illərdə Xabarovsk ərazisi və Amur bölgəsində bir sıra sahibkarların qətlini təşkil etməkdə şübhəli bilinərək tutulub.

Petrenko qeyd edib ki, iş üzrə cinayətkar qrupun daha dörd fəal üzvü saxlanılıb. Artıq saxlanılan şəxslərə qarşı ittiham irəli sürülüb. Yaxın saatlarda Furqala da ittiham elan olunacaq.

5
ABŞ-da qəzet satışı, arxiv şəkli

Xəbərlərə qarşı təbliğat: Qərb mediası niyə öz mövqeyini itirir

7
Qərb mediası əsas funksiyasını – xəbər informasiyasının geniş və rəngarəng şəkildə toplanılması və auditoriyaya çatdırılması vəzifəsini getdikcə daha pis yerinə yetirir.

BAKI, 8 iyul — Sputnik, İrina Alksnis. "Rossiya Seqodnya" beynəlxalq informasiya agentliyi Rusiyanın Qərb və digər ölkələrin mediasında necə təsvir olunmasına həsr olunmuş "Osminoq 2.0. Rusiyada Koronavirus" adlı araşdırmasını təqdim edib. Bu dəfə tədqiqatçıların diqqət mərkəzində pandemiya olub və tədqiqat yalnız "Böyük Yeddilər" ölkələrinin əsas mediasını deyil, həm də xəstəliyin ilk baş verdiyi Çini əhatə edib.

Ümumilikdə, "Osminoq 2.0" heç bir sürprizlər təqdim etməyib: COVID-19 Qərb mediası tərəfindən anti-Rusiya təbliğatının davam etdirilməsi üçün daha bir informasiya vasitəsi kimi istifadə edilib.

Burada amerikalılar danılmaz lider olub – bu mövzu ilə bağlı Amerika mediasının beş ən əhəmiyyətli (auditoriyasına görə) nəşrində dərc olunan məlumatların 58 faizi mənfi tonallığa malik olub. Ardınca gələn alman mediasında bu göstərici 44 faiz, kanadalılarda 41 faiz, britaniyalılarda isə 38 faiz təşkil edib.

Eyni zamanda, qalan üç "yeddilik" dövlətinin mediasında Rusiyaya qarşı mənfi rəyin payı nəzərəçarpacaq dərəcədə aşağı olub: Yaponiyada 33 faiz, İtaliyada 28 faiz, Fransada isə hətta 21 faiz.

Doğrudur, onlarda müsbət tonallıqda da məlumat elə də çox olmayıb – bir faizdən beş faizə qədər. İstisna yəqin ki, İtaliya olub – Rusiya və koronavirusun adları məlumatların 9 faizində müsbət kontekstdə çəkilib. Güman etmək olar ki, Rusiyanın məhz epidemiya ilə mübarizədə italyanlara göstərdiyi yardım (tibbi resursların və həkimlərin göndərilməsi) İtaliya mediasında Rusiya ilə bağlı müsbət nəşrlərin payının daha yüksək olmasını təmin edib.

Lakin bu rəqəmlərdə başqa bir aspekt daha maraqlıdır: onlar hazırkı məqamda ən aktual geosiyasi trendləri açıq-aydın göstərir. Bir tərəfdən, anqlo-saksonlar (həm Köhnə Dünyadakılar, həm də okeanın o tayındakılar) anti-Rusiya hərəkatının önündə gedirlər və onun hərəkətverici qüvvəsi olaraq qalırlar. Amma digər yandan, onlar daha neytral yanaşma göstərən, rusofobiyaya canfəşanlıq göstərməyən ən yaxın müttəfiqlərinin dəstəyini açıq şəkildə itirirlər ki, bu da tamamilə məntiqlidir: zəmanə dəyişib.

Eyni zamanda, rəqəmlər Almaniyanın nə qədər mürəkkəb vəziyyətdə olduğunu göstərir. Almaniyanın aparıcı media qurumlarının fəal anti-Rusiya mövqeyi açıq-aydın dövlətin siyasi xəttinə ziddir. Berlin nəinki Moskva ilə birgə layihələri təbliğ və müdafiə edir, həm də ABŞ-dan asılılıqdan xilas olur. Amma görünür ki, əsas media qurumları milli maraqlara deyil, Vaşinqtonun maraqlarına uyğun hərəkət edirlər.

Anti-Rusiya COVID təbliğatında istifadə olunan konkret mövzulara gəlincə, onlar orijinallığı ilə seçilmir. İstənilən halda iki çoxdan və yaxşı tanış olan leytmotivdən istifadə olunur: Rusiya həmişəki kimi həlak olur, lakin, həm də bütün dünya üçün böyük təhlükə yaradır. Məsələn, bu, özünü ölkədə ümumi vəziyyətin, yerli səhiyyə sisteminin, Rusiya hakimiyyətinin COVID-19-a qarşı mübarizədə fəaliyyətinin tənqidində göstərib. Planetə təhlükə məsələsinə gəldikdə isə burada da yeni heç nə düşünülməyib: Moskva pandemiya haqqında dezinformasiya kampaniyalarının keçirilməsində, hətta məkrli şəkildə əlləri yumağın faydasızlığı haqqında təsəvvürlər yaratmaqda günahlandırılıb.

Təbii ki, Çin mediasında mənzərə fərqlidir və məsələ hətta koronavirusa qarşı mübarizə kontekstində Rusiya haqqında dərc edilən yazıların 20 faizinin müsbət olmasında və mənfi yazıların olmamasında deyil. Əsas xüsusiyyət bu mövzuda məqalələrin sayıdır. Nəzərdən keçirilmiş dövr ərzində – martdan iyuna qədər – Çinin ilk beş mediaresursunda Rusiyadakı epidemiya ilə bağlı 1200-dən çox məqalə dərc edilib. Müqayisə üçün qeyd edək ki, həmin vaxt ərzində belə mətnlərin minimal sayı Kanadada (238 ədəd) olub, qalan altı ölkənin göstəriciləri isə 371 (İtaliya) və 470 (Yaponiya) arasında dəyişir. Yeri gəlmişkən, amerikalılar 428 məqalə ilə ümumi siyahıda beşinci yerdədirlər.

Belə çıxır ki, üç ay ərzində Çin mediası "Rusiyada koronavirus" mövzusunda planetin ən güclü Amerika mediasından demək olar ki, üç dəfə çox material dərc edib. Üstəlik, xatırlatmaq lazımdır ki, çinlilərdə məqalələrin 80 faizi neytral informasiya xarakteri daşıyıb.

Belə görünür ki, hər şey sadə və bayağıdır: məsələ aparıcı Çin media qurumlarının işinin daha gərgin və effektivliyinin daha yüksək olması ilə bağlıdır. Faktiki olaraq, bu, Qərbin informasiya liderliyini itirmə qorxusunu təsdiqləyir.

Qərb özünün kütləvi informasiya vasitələrini bildiyimiz müasir formasında yaradaraq, digərləri üçün qeyd-şərtsiz lider və təqlid nümunəsi olub. Söz və informasiya azadlığı ideoloji və geosiyasi rəqiblərə qarşı mübarizədə onun əsas kartlarından birinə çevrilib və bunlardan uğurla istifadə edilib.

Amma indi biz çoxdandır sarsılmaz görünən bu sistemin artan böhranını müşahidə edirik.

Getdikcə Qərb mediasının, istər Çin, istərsə də Rusiya olsun, "qeyri-azad dünya" mediası ilə rəqabəti bir o qədər çətinləşir. Qərb mediası əsas funksiyasını – xəbər informasiyasının geniş və rəngarəng şəkildə toplanılması və auditoriyaya çatdırılması vəzifəsini getdikcə daha pis yerinə yetirir (böyüyən rəqiblərinə müqayisədə). Bu həm materialın məzmununa, həm də təqdimatına aiddir.

Bəli, Qərb mediası hələ də "ən azad, ən dürüst və ən peşəkar mətbuat" markasını saxlamaqda davam edir. Amma burada vəziyyət bir nağıldakı kralın paltarı söhbətini xatırladır – bir gün o da işə yaramayacaq.

7
Reanimasiyada COVİD-19 xəstəsi, arxiv şəkli

COVID-19-a yoluxan həkimi nəzarətə götürdülər

0
Həkim Cavid Paşayev yoluxma sayının artdığı son dönəmdə daha gərgin işləyib və nəticədə özü də virusdan qoruna bilməyib

BAKI, 9 iyul — Sputnik. Xəbər verdiyimiz kimi, ATU-nun Tədris Cərrahiyyə klinikasının tibb personalı arasında da COVID-19-a yoluxanlar olub. İndiyədək TCK-nın heyətindən 33 nəfər virusa yoluxub. COVİD-19-a yoluxanalr arasında artıq klinikanın reanimasiya şöbəsinin müdiri Cavid Paşayev də var.

ATU-dan Sputnik Azərbaycan-a verilən məlumata görə, Cavid Paşayev aprelin 1-dən etibarən ATU Tədris Cərrahiyyə Klinikasının reanimasiya şöbəsində ən ağır koronaviruslu xəstələrin qulluğunda dayanıb, bu müddət ərzində yüzlərlə xəstənin həyatını xilas edib. C.Paşayev həm də daim maarifləndirmə işini aparıb, sosial şəbəkələrdəki hesabından insanlara qorunmağın vacib olduğunu yazıb. İşdən sonra digər xəstəxanalara köməyə gedən həkim C.Paşayev yoluxma sayının artdığı son dönəmdə daha gərgin işləyib və nəticədə özü də virusdan qoruna bilməyib. Və indi Cavid Paşayev koronavirusla gərgin mübarizə aparır. Təəssüf ki, son günlər onun səhhəti ağırlaşıb.

ATU-nun Tədris Cərrahiyyə Klinikasından bildiriblər ki, C.Paşayevin KT müayinələrinin nəticəsində mənfi dinamika qeyd olunduğundan o, klinikanın reanimasiya şöbəsinə yerləşdirilib. Daha sonra Universitet rektorunun iştirakı ilə klinika rəhbərliyi arasında konsilium keçirilib. Aparılan konsiliumda vəziyyətə uyğun olaraq, ATU rektoru Gəray Gəraybəyli ilə Gömrük Tibb Xidməti İdarəsinin rəhbərliyi arasında aparılan danışıqlar əsasında, Cavid Paşayev müalicənin daha effektli və daha sürətli aparılması üçün daha müasir avadanlıq, EKMO cihazının mövcudluğu nəzərə alınaraq Gömrük Xəstəxanasına yerləşdirilib. C.Paşayevin vəziyyəti hazırda stabil ağır olaraq qalır. Onun durumu, müalicə prosesi bilavasitə universitet rektoru və klinika rəhbərliyinin nəzarəti altlındadır.

0
Teqlər:
Azərbaycan, Bakı, həkim, Koronavirus, COVID-19
Mövzu:
Azərbaycanda koronavirus: son xəbərlər
Əlaqədar
Daha bir həkimimiz COVİD-19-a yoluxdu
Azərbaycanda əlli doqquz nəfər süni tənəffüs aparatı ilə yaşayır
Azərbaycanın bir rayonuna giriş-çıxış məhdudlaşdırıldı - koronavirusa görə
Yaponiya mədəniyyəti koronavirusun qarşısını necə aldı - Yaponlar kimi niyə ola bilmirik?
Azərbaycana koronavirusa görə xarici mütəxəssislər gətirildi