Kəşfiyyat dinləmələri. Arxiv şəkli

Rusiya ətrafında yeni diplomatik münaqişə başlayıb - Casus şoku

80
(Yenilənib 14:51 09.11.2018)
Avstriyanın xarici işlər naziri casus qalmaqalı ilə bağlı Rusiyaya planlaşdırılan səfərini təxirə salıb

BAKI, 9 noyabr — Sputnik. Avstriyada Rusiyanın xeyrinə casusluqda şübhəli bilinən Avstriya Silahlı Qüvvələrinin sabiq polkovniki saxlanılıb. Sputnik Azərbaycan xəbər verir ki, bu barədə "Kronen Zeitung" nəşri Avstriya Müdafiə Nazirliyində olan mənbəyə istinadən xəbər verir.

Nəşrin məlumatına görə, polkovnik Avstriya Hərbi Hava Qüvvələri, artilleriya sistemləri, miqrasiya böhranı, o cümlədən bir sıra yüksək rütbəli hərbçilər haqqında məlumatlar toplamalı imiş. Və ayda 2 dəfə Rusiyadan olan Yuri adlı şəxslə görüşməli imiş.

Qeyd olunur ki, Zaltsburqdan olan hərbçi 1990-cı ildən bu günədək Rusiyanın xeyrinə casusluq edib və bunun müqabilində 300 min avro (600 min manat - red.) qazanıb

Avstriya kansleri Sebastyan Kurtz və müdafiə naziri Mario Kunasek yaxın vaxtlarda bəyənatla çıxış edəcək. Rəsmi Moskva isə məlumatı şərh etməkdən imtina edib.

Avstriyanın xarici işlər naziri casus qalmaqalı ilə bağlı Rusiyaya planlaşdırılan səfərini təxirə salıb və Rusiyanın bu ölkədəki səfiri Xarici İşlər Nazirliyinə çağırılıb.

80
Teqlər:
casus, Avstriya, Rusiya
Əlaqədar
ABŞ Rusiyaya qarşı yeni sanksiyalar tətbiq edəcək
Rusiyada böyük terror aktlarının qarşısı alınıb
Qəti qərar verildi – Rusiyaya qarşı sanksiyalar ləğv edilməyəcək
Azərbaycanlı keçmiş polis Rusiyada qətl törətdi
Rusiyada tibb işçiləri

Rusiyada koronavirusdan ölənlərin sayı 10 mini keçdi

1
(Yenilənib 13:28 04.07.2020)
Rusiyada pandemiya yayılandan 10027 nəfər COVID-19-dan vəfat edib. Bir sutka ərzində virusdan sağalanların sayı isə 8986 nəfər olub.

BAKI, 4 iyul — Sputnik. Bir sutka ərzində Rusiyada 6632 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 168 nəfər ölüb.

Ümumilikdə, Rusiyada bu xəstəliyə yoluxanların sayı 674515-ə çatıb. Rusiyada pandemiya yayılandan 10027 nəfər COVID-19-dan vəfat edib. Bir sutka ərzində virusdan sağalanların sayı isə 8986 nəfər olub. Bununla da bu ölkədə virusdan sağalanların sayı 447 mini keçib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 11 milyonu keçib, 521 mindən çox adam isə virus səbəbilə ölüb.

1
Rusiya Prezidenti Vladimir Putin, arxiv şəkli

Putin Konstitusiyaya düzəlişləri təsdiqlədi

10
(Yenilənib 18:59 03.07.2020)
Rusiya Prezidenti Vladimir Putin Konstitusiya düzəlişlər üzrə səsverməyə və onu dəstəkləməsinə görə rusiyalılara təşəkkür edib

BAKI, 3 iyul — Sputnik. Rusiya Prezidenti Vladimir Putin ümumrusiya səsverməsi zamanı rusiyalı seçicilərinin 3/4 -nün dəstəklədiyi düzəlişlərin Konstitusiyaya daxil edilməsi ilə bağlı sərəncam imzalayıb. Bu barədə Sputnik Azərbaycan "RİA Novosti"-yə istinadən xəbər verir.

Xatırladaq ki, Rusiya Mərkəzi Seçki Komissiyası (MSK) Konstitusiyaya düzəlişlər üzrə ümumrusiya səsverməsinin nəticələrini təsdiqləyib.

İyulun 1-i keçirilən seçkilər zamanı seçici fəallığı 67,97% olub. Seçicilərin 77,92% Rusiya Federasiyası Konstitusiyasına düzəlişlərin edilməsini dəstəkləyib.

Rusiya Federasiyası Konstitusiyasına dəyişikliklərin əlavə edilməsi üzrə ümumi Rusiya üzrə səsvermə 22 aprel tarixinə təyin edilmişdi, amma ölkədə epidemioloji vəziyyətə görə daha sonraya təxirə salınmışdı. Daha sonra Rusiya Prezidenti Vladimir Putin səsvermənin 1 iyulda keçiriləcəyini bəyan etmişdi. İyunun 25-dən 30-na qədər keçən və məsafədən təşkil edilən səsvermədə isə iki pilot regionun – Moskva və Nijeqorod vilayətlərinin sakinləri iştirak edə biliblər.

Konstitusiyaya dəyişikliklər nəticələrin rəsmi elan olunduğu gündən etibarən qüvvəyə minəcək.

Ötən gün isə Rusiya Prezidenti Vladimir Putin Konstitusiya düzəlişlər üzrə səsverməyə və onu dəstəkləməsinə görə rusiyalılara təşəkkür edib. "Əleyhinə səs verənləri anlayıram, həll edilməmiş xeyli sayda problemlərimiz var. Bu həqiqətdir", - deyə Putin qeyd edib.

O vurğulayıb ki, indi düzəlişlərin lehinə səs verən vətəndaşların etimadını doğrultmaq üçün hər şeyi etmək lazımdır.

Putin qeyd edib ki, SSRİ-nin dağılmasından sonra az vaxt keçib, siyasi sistem də daxil olmaqla, müasir Rusiya formalaşma mərhələsindədir: "Biz çox şeydə hələ də həssasıq, xalq dilində desək, "tələsik edilib". Ölkəni, onun bütün institutlarını gücləndirmək üçün daxili sabitliyə və zamana ehtiyacımız var".

10
Dərsliklər, arxiv şəkli

Erkən nikahlarla bağlı mövzular dərsliklərə məqsədlə salınıb

0
(Yenilənib 13:33 04.07.2020)
"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir" - Kamran Əsədov

Nigar İsgəndərova, Sputnik Azərbaycan

BAKI, 4 iyul — Sputnik. Növbəti tədris ilindən etibarən erkən nikahlar və qohum nikahlarla bağlı dərsliklərə maarifləndirici material daxil ediləcək. Maraqlıdır, bunun effekti nə dərəcədə olacaq?

Bu barədə Sputnik Azərbaycan-a danışan təhsil üzrə ekspert Kamran Əsədov bunun heç bir faydasının olmayacağını vurğulayıb: "Burada auditoriya düzgün seçilməyib. Çünki erkən nikahları həyata keçirən şagirdlər deyil. Şagirdlər tərəfindən bu dərslərin nə dərəcədə mənimsənilməsi bunun həyata keçməsi demək deyil, yəni, bu erkən nikahdan qorunmaq deyil. Tutaq ki, şagird erkən nikahla bağlı materialı mənimsəyib. Bəs, valideyn? Bu səbəbdən də deyirəm ki, maarifləndiriləcək kütlə düzgün seçilməyib. Valideynin qonşusunda imkanlı biri olandan, atası başlıq pulunu alandan sonra nə olacaq?! Şagird valideynin fikrini dəyişə biləcəkmi".

"Baxın, erkən nikahlar restoranlarda qeydə alınır. Bəs, restoran sahibinin guya bundan xəbəri yoxdur?. Necə olur ki, bu gün maskaya görə cərimələr yazılır, amma erkən nikaha görə, kimsə cinayət məsuliyyətinə cəlb olunmur. Hər il Azərbaycanda 500-dək erkən nikah qeydə alınır, bəs buna görə məsuliyyət hanı, qeydə alınırmı?", - deyə K.Əsədov əlavə edib.

K.Əsədov bildirib ki, erkən nikahlar daha çox imkansız, çox qız uşaqlarının olduğu ailələrdə baş verir.

"Bunun əvəzinə orta-ümumtəhsil məktəblərinin dərsliklərinə ümumi həyat bilgisi, ilkin təcili yardım, özünmüdafiə, fövqəladə vəziyyətdən necə çıxış yolu tapmaq lazımdır, bu haqda məlumatlar daxil edilməlidir. Yolda birinin ürəyi getsə, ilkin tibbi yardım göstərə biləcəksiniz? Yol hərəkəti qaydalarını hamı bilirmi? Məktəblər bunu öyrətməlidir. Məktəb insanı həyata hazırlamalıdır",- deyə ekspert əlavə edib.

0