Совместная пресс-конференция президентов США и России Дональда Трампа и Владимира путина. Финляндия, Хельсинки, 16 июля 2018 года

Putin - Tramp görüşü sürpriz səbəbdən pozuldu

10829
(Yenilənib 12:04 06.11.2018)
Emmanuel Makron Moskva və Vaşinqtondan Parisdə tam formatlı danışıqlar aparmamağı istəyib

BAKI, 6 noyabr — Sputnik. Rusiya və ABŞ prezidentləri Vladimir Putin və Donald Trampın Parisdə tam formatlı görüşü baş tutmayacaq. Bu barədə Sputnik Azərbaycan "Kommersant" nəşrinə istinadən xəbər verir.

Vladimir Putin
© Sputnik / Mikhail Klimentyev

Nəşrin mənbəsinin sözlərinə görə, Fransa prezidenti Emmanuel Makron danışıqların keçirilməsinə qarşı çıxıb. Fransa prezidenti bununla da Birinci Dünya Müharibəsinin başa çatmasının 100 illiyi ilə bağlı tədbirin Putin - Tramp görüşünün kölgəsində qalmasını istəməyib.

"Hələlik çoxları ABŞ prezidentinin milli təhlükəsizlik üzrə müşaviri Con Boltonun Rusiyaya səfəri zamanı anons etdiyi, Parisdə Putin və Tramp görüşünün formatının dəyişdirilməsinin nə ilə bağlı olması barədə düşünərkən və böyük siyasi cavablar fikirləşdiyi vaxtda, bunun əsl səbəbi çox sadə olub: Emmanuel Makron Moskva və Vaşinqtondan Parisdə tam formatlı danışıqlar aparmamağı istəyib" - deyə "Kommersant" yazır.

Qeyd edək ki, Rusiya və ABŞ prezidentləri noyabrın 11-də Parisə gedəcək.

10829
Teqlər:
Görüş, Fransa, ABŞ, Rusiya, Paris, Emmanuel Makron, Donald Tramp, Vladimir Putin
Əlaqədar
Putin Trampın ən güclü cəhətlərini sadaladı
"Putinlə rinqə çıxmağımı gözləyirdilər" – Tramp
Putin Trampı geridə qoydu, Merkel isə favoritdir
Putin Trampla görüşə gedə bilər
Fransa Senatının binası, arxiv şəkli

Fransa Senatının Qarabağla bağlı qətnaməsinə Rusiya Dövlət Dumasından reaksiya verildi

8
(Yenilənib 19:47 26.11.2020)
"Natsionalnaya oborona" jurnalının baş redaktoru, hərbi ekspert İqor Korotçenko xatırladıb ki, Fransa əvvəl də balansa riayət etmirdi və açıq şəkildə Ermənistanın maraqlarına lobbiçilik edirdi:

BAKI, 26 noyabr — Sputnik. Fransa Senatı, Fransa hökumətini Azərbaycan ərazisindəki saxta "Dağlıq Qarabağ Respublikası" (DQR) rejiminin "müstəqilliyini" tanımağa çağıraraq, Rusiyanın Dağlıq Qarabağ münaqişəsinin həllinə dair səylərini pozmağa çalışdı. Sputnik Azərbaycan "Vestnik Kafkaza"-ya istinadən xəbər verir ki, bunu Rusiya Dövlət Dumasının MDB İşləri, Avrasiya İnteqrasiyası və Həmvətənlərlə Əlaqələr Komitəsinin rəhbəri Leonid Kalaşnikov bildirib.

"Mən Rusiyanın müharibəni sona çatdırması və münaqişə tərəflərini normal nizamlanma yoluna gətirməsinə görə Fransa, həmçinin ABŞ-dan inciklikdən başqa bir şey gözləmirdim. İşlərin sülhə doğru getdiyini, tərəflərin razılığa gəldiyini görən Paris bu prosesi pozmaq, hər hansı bir gərginlik yaratmaq cəhdlərini bərpa etdi", - deyə Kalaşnikov qeyd edib.

O qeyd edib ki, hazırkı mərhələdə bu cür addımlar tamamilə qeyri-konstruktivdir: "Hazırda bu cür müdaxilələr, xüsusi ilə Minsk Qrupunun həmsədrinin müdaxiləsi sadəcə yolverilməzdir. Bu qətnamə Cənubi Qafqazda heç kimə xeyir verməyəcək".

"Natsionalnaya oborona" jurnalının baş redaktoru, hərbi ekspert İqor Korotçenko xatırladıb ki, Fransa əvvəl də balansa riayət etmirdi və açıq şəkildə Ermənistanın maraqlarına lobbiçilik edirdi:

"İndi isə bu, bir daha təsdiqləndi, artıq Senatda deputat çoxluğu ilə. Hüquqi cəhətdən bu qətnamənin heç bir çəkisi yoxdur, siyasi cəhətdən isə o, Fransanın Dağlıq Qarabağ münaqişəsinin nizamlanmasında öz təsirini bərpa etmək üçün son cəhdi idi. Lakin əməldə bu, Parisin vasitəçilik missiyasından imtinasıdır".

Ekspert vurğulayıb ki, bu qətnamə heç bir halda Rusiya və Türkiyənin Cənubi Qafqazda mövqelərinə təsir etməyəcək: "Ümumiyyətlə, bu, sadəcə Parisin maraqlarına zərbə vuracaq olan axmaq hərəkətdir. Fransanın tərəfdaş və ya rəqib olmasından asılı olmayaraq, Azərbaycanın müvafiq nəticələr çıxaracağı aydındır".

Qeyd edək ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Sənədin lehinə 305 senator səs verib. Bir nəfər isə əleyhinə olub. Sənəd tövsiyə xarakteri daşıyır.

Fransa Xarici İşlər Nazirliyi artıq Senatın qərarına münasibət bildirib: Parisin "Dağlıq Qarabağın müstəqilliyi"ni birtərəfli tanıması nə Ermənistana, nə Qarabağ xalqına, nə də Fransanın özünə fayda vermir.

Fransanın Xarici İşlər Nazirliyinin dövlət katibi Jan Batist Lemuanın sözlərinə görə, bu addım Fransa hökumətinin, rəsmi Parisin başqa partnyorlarının siyasətini əks etdirməyəcək.

Xarici İşlər Nazirliyinin dövlət katibi qeyd edib ki, beynəlxalq ictimaiyyət, o cümlədən Ermənistan qondarma Dağlıq Qarabağın müstəqilliyini tanımayıb.

Diplomatın sözlərinə əsasən, bu addım Fransa hökumətinin siyasətini əks etdirmir: "Dağlıq Qarabağ münaqişənin həlli tək tərəfli deyil, iki tərəf arasındakı dialoqdan asılıdır. Bu gün tərəflər həmsədrlərin dialoqu davam etdirmək üçün dəstəyinə ehtiyac duyurlar".

8
Teqlər:
Kalaşnikov, Leonid Kalaşnikov, Rusiya Dövlət Duması, Qarabağ, Fransa Senatının qətnaməsi, Fransa Senatının qərarı, Senat, Fransa
Svetlana Svetliçnaya, arxiv şəkli

Sovet kinosunun seks-simvolu sayılan aktrisa xəstəxanaya yerləşdirilib

36
RSFSR əməkdar artisti insult keçirib. Kəskin baş ağrıları ilə təcili xəstəxanaya aparılan 80 yaşlı aktrisanın vəziyyətinin orta-ağır olduğu deyilir.

BAKI, 26 noyabr — Sputnik. Məşhur Sovet və Rusiya teatr və kino aktrisası Svetlana Svetliçnaya xəstəxanaya yerləşdirilib.

Sputnik Azərbaycan xəbər verir ki, RSFSR əməkdar artisti insult keçirib. Kəskin baş ağrıları ilə təcili xəstəxanaya aparılan 80 yaşlı aktrisanın vəziyyətinin orta-ağır olduğu deyilir.

​Qeyd edək ki, Svetlana Svetliçnaya 1940-cı il mayın 15-də hərbçi ailəsində doğulub. Atasının hərbi xidmətinə görə tez-tez yaşadıqları məkanı dəyişən ailədə Svetlanadan başqa iki övlad da böyüyüb.

Svetlana Svetliçnaya 1963-cü ildə Teatr İnstitutunu bitirib. Kinoda ilk işi 1960-cı ildə Mixail Kalikin "Beşik" filmində olub. Daha sonra "Laylay" bədii filmində rol alan aktrisaya şöhrət gətirən film isə "Brilyant əl" filmi olub. Həmin bədii filmdə ifa etdiyi Anna Sergeyevna obrazı ilə məşhurlaşan aktrisanı Sovet kinosunun seks-simvolu adlandırıblar.

1973-cü ildə "Baharın 17 anı" filmində Qabi obrazını ifa edib. Aktrisanın sənət yolunda bu obrazın da xüsusi yeri var.

1974-cü ildə RSFSR Əməkdar artisti adına layiq görülən aktrisaya nədənsə Rusiyanın Xalq artisti Fəxri adı təqdim edilməyib.

Svetlana Svetliçnaya 2015-ci ilin aprelində Qatçinada keçirilən "Ədəbiyyat və kino" XXI Rusiya kinofestivalında "Kinematoqrafa sədaqətə görə" mükafatına layiq görülüb.

36
Teqlər:
xəstəxana, insult, seks-simvol, SSRİ, aktrisa
Ermənistan parlamenti

Ermənistan parlamentində dava düşdü, qadın kişi deputatlar bir-birinə qarışdı - VİDEO

0
(Yenilənib 20:04 26.11.2020)
"Çiçəklənən Ermənistan" Partiyasının deputatı Naira Zohrabyan: "Paşinyan Azərbaycanda cizgi filmlərinin qəhrəmanına çevrilib".

BAKI, 26 noyabr - Sputnik. Ermənistan parlamentinin bugünkü iclasında dava düşüb.

Sputnik Ermənistan-ın məlumatına görə, hadisə “Mənim addımım” fraksiyasının deputatı Amazasp Danielyanın çıxışı zamanı olub.

Danielyan “Çiçəklənən Ermənistan” Partiyasının deputatı Mikael Melkumyanın “nəvələrimizə müharibədə məğlub olduğumuzu necə başa salaq?” sualına kobud cavab verib.

Son nöqtə "Çiçəklənən Ermənistan"ın deputatı Naira Zohrabyana ünvanlanan irad olub. Zohrabyan Paşinyanın Azərbaycanda cizgi filmlərinin qəhrəmanı olduğunu söylədikdə, Danielyan ona irad tutub: "Siz də Azərbaycanda superulduzsunuz."

Bundan sonra zalda gərginlik yaranıb, deputatlar bir-birinin üstünə gedib. Zala mühafizəçilərin çağırılması ilə gərginlik aradan qalxıb.

 

0
Teqlər:
Azərbaycan, Ermənistanın baş naziri Nikol Paşinyan, baş nazir Nikol Paşinyan, Nikol Paşinyan, Ermənistan