Rusiyadan Ukraynaya cavab zərbəsi
(Yenilənib 11:15 31.10.2018)
Rəsmi Moskva 360 Ukrayna şirkətinə sanksiya tətbiq edəcəkBAKI, 31 oktyabr — Sputnik. Rusiya hökuməti Ukraynanın 360 şirkətinə və 50 fiziki şəxsinə qarşı sanksiyalar hazırlayır. Sputnik Azərbaycan Rusiya KİV-nə istinadən xəbər verir ki, sənəd yaxın günlərdə imzalanması üçün ölkənin baş naziri Dmitri Medvedyevə göndəriləcək.
Məlumata görə, siyahıda "Ukrayna vətəndaşlarının marağını cəlb edəcək xeyli sayda adam olacaq".
Qeyd edək ki, Rusiya prezidenti Vladimir Putin Ukraynanın rusiyalılara qarşı qeyri-dost hərəkətləri ilə bağlı bu ölkəyə qarşı xüsusi iqtisadi tədbirlərin tətbiq olunması ilə bağlı sərəncam imzalayıb. Bildirilir ki, bu, Ukraynanın Rusiya Federasiyası vətəndaşları və fiziki şəxslərinə qarşı qeyri-dost və beynəlxalq normalara zidd addımlarına cavabdır.
O da diqqətə çatdırılır ki, əgər Ukrayna Rusiya vətəndaşları və şirkətlərinə qarşı sanksiyaları dayandırsa, onda Rusiya xüsusi iqtisadi tədbirləri ləğv edəcək.
Kirkorov və Şufutinskinin Litvaya girişi qadağan olunub
(Yenilənib 20:08 16.01.2021)
Hazırda Kirkorov və Şufutinski ilə bağlı Litva XİN-də işçi qrupu yaradılıb. Nazirin sözlərinə görə, işçi qrupunun yaradılmasında məqsəd "qara siyahıya salınan bu və ya digər şəxs haqqında əsaslı dəlillərin toplanmasıdır".BAKI, 16 yanvar — Sputnik. Litva hökuməti Rusiyanın tanınmış müğənniləri Filipp Kirkorov və Mixail Şufutinskinin ölkəyə girişinə qadağa qoyublar. Sputnik Azərbaycan xarici mediaya istinadən bildirir ki, bu barədə Litvanın Xariçi işlər naziri Qabrielyus Landsbergis bəyanatla çıxış edib.
Litvalı nazir hər iki müğənnini "Rusiya siyasətinin yüngül təbliğat" bələdçisi adlandırıb.
Hazırda Kirkorov və Şufutinski ilə bağlı Litva XİN-də işçi qrupu yaradılıb. Nazirin sözlərinə görə, işçi qrupunun yaradılmasında məqsəd "qara siyahıya salınan bu və ya digər şəxs haqqında əsaslı dəlillərin toplanmasıdır".
Qeyd edək ki, hər iki müğənninin Litvada baş tutacaq konsert proqramları koronavirus pandemiyasına görə təxirə salınıb. Kirkorov və Şufutinski isə ləğv edilən konsertlərinə görə əvvəlcədən 30 min avro kompensasiya alıblar.
Baxmayaraq ki, başqa konsert təşkilatçıları da sığorta xarakterli məbləğləri əldə edərək eyni şəkildə xərcləyiblər, Litva mətbuatında Kirkorov və Şufutinskiyə ödənilən məbləğ mənfi rezonans doğurub.
Koronavirusdan ölən rejissor vaxtilə xərçəngə qalib gəlibmiş
(Yenilənib 17:02 16.01.2021)
Bir neçə il əvvəl xərçəng xəstəliyi ilə mübarizə aparan Boris Qraçevskinin orqanizmi xərçəngə qalib gəlsə də, koronavirusla mübarizəyə davam gətirə bilmədiBAKI, 16 yanvar — Sputnik. Yanvarın 14-də vəfat edən Rusiyanın tanınmış sənət xadimi, "Yeralaş" Uşaq Yumoristik Kinojurnalının bədii rəhbəri Boris Qraçevski ilə yanvarın 17-də vida mərasimi keçiriləcək.
Sputnik Azərbaycan xarici mediaya istinadən xəbər verir ki, dekabrın 28-dən xəstəxanada olan 71 yaşlı rejissor koronavirusa yoluxmuşdu. Dekabrın 31-də vəziyyəti ağırlaşan Boris Qraçevskini reanimasiya şöbəsinə yerləşdirmişdilər. Yanvarın 3-də səhhətində stabilləşmə nəzərə çarpan B.Qraçevski sosial media hesabından məlumat yayaraq, vəziyyətinin düzəldiyini və yaxın zamanlarda evə yazılacağını bildirmişdi. Amma virus öz işini görmüşdü. Belə ki, yenidən vəziyyəti ağırlaşan Boris Qraçevski bir müddət əvvək komaya düşmüşdü. Yanvarın 14-də isə tanınmış rejissor vəfat etdi.
71 yaşlı mərhum Boris Qraçevski ilə vida mərasimi yanvarın 17-də Rusiyanın "Kino Evi"ndə olacaq. Vida mərasimindən sonra mərhum rejissor Troyekurov qəbristanlığında dəfn ediləcək.
Qeyd edək ki, Boris Qraçevski 1949-cu il martın 18-də Moskva vilayətinin Ramenski rayonunda anadan olub. 1974-cü ildə Aleksandr Xmeliklə birlikdə "Yeralaş" uşaq kinojurnalını yaradıb və ömrünün sonunadək jurnalının bədii rəhbəri və baş redaktoru olub.
Xatırladaq ki, bir neçə il əvvəl xərçəng xəstəliyi ilə mübarizə aparan Boris Qraçevskinin orqanizmi xərçəngə qalib gəlsə də, koronavirusla mübarizəyə davam gətirə bilmədi.
Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaqBAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur.
Посмотреть эту публикацию в Instagram
Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir.
Посмотреть эту публикацию в Instagram
"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.
©
Photo : Courtesy of Samed Iskenderli
Səməd İskəndərli
Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın.
Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq.
Teqlər: