Бой Хабиба Нурмагомедова против Конора Макгрегора за титул чемпиона UFC в легком весе

Həbib Nurməhəmmədov gözlənilən görüşə gedir, yeni video-görüntü yayıldı

811
(Yenilənib 14:58 10.10.2018)
Görüş "Rusiya – idman nəhəngidir" forumu çərçivəsində baş tutacaq

BAKI, 10 oktyabr — Sputnik. Qarışıq döyüşlər üzrə Rusiya idmançısı Həbib Nurməhəmmədov bu gün Rusiya prezidenti Vladimir Putinlə görüşəcək. Sputnik Azərbaycan "Life"-a istinadən xəbər verir ki, görüş "Rusiya – idman nəhəngidir" forumu çərçivəsində baş tutacaq.

Ulyanovska uçuşdan öncə müxbirin "Putinlə görüş planlaşdırılırmı?" sualına cavab olaraq Nurməhəmmədov bildirib: "Bunun üçün uçuruq".

"Rusiya – idman nəhəngidir" VII beynəlxalq forumu 10-12 oktyabr tarixlərində Ulyanovskda keçiriləcək.

Xatırladaq ki, şənbə günü — oktyabrın 6-da Las-Veqas şəhərində irland boksçu Konor Makqreqorla dağıstanlı samboçu Həbib Nurməhəmmədov arasında qaydasız döyüş olub. Rusiyalı döyüşçü qarışıq döyüş növündə qələbə qazanıb və yüngül çəkidə "Ultimate Fighting Championship — UFC" (Mütləq Döyüş Çempionatı) titulunu qoruyub.

Qarşılaşma təkcə rinqlə məhdudlaşmayıb. Bütün raundlarda mütləq qələbə qazanan Nurməhəmmədov döyüşdən dərhal sonra rinqin divarlarını aşaraq zalda ona söyüş söyən Makqreqor komandasının üstünə şığıyıb və onlarla dalaşmağa başlayıb. Sonra o, rinqə qayıtsa da, bu dəfə də onun komandasının üzvləri Makqreqor və komandasının üzvlərinin üzərinə atılıb.

Məsələyə polis qarışmalı olub. Nurməhəmmədovun komandasındakı 3 nəfər saxlanılıb, sonra isə buraxılıblar.

UFC-nin rəhbəri Dayn Uayt qeyd edib ki, baş verənlərdən güclü şəkildə sarsılıb. Hərəkətinə görə, hətta rusiyalı döyüşçünün titulunun əlindən alınacağı da istisna deyil. UFC, eyni zamanda Nurməhəmmədovun qonorarının ödənilməsini dondurmaq qərarına gəlib. Ona çempionluq kəməri bir neçə saat sonra verilib.

Həbib Nurməhəmmədovun sözlərinə görə isə onu dalaşmağa vadar edən Makqreqorun onun dinini, ölkəsini və ailəsini təhqir etməsi olub. Daha sonra çempion Nevada ştatının Atletika Komissiyasından davaya görə üzr istəyib.

811
Teqlər:
Həbib Nurməhəmmədov, Vladimir Putin, Rusiya, döyüş, idman, görüş
Əlaqədar
Həbibin cəzası bəlli oldu: Pul almayacaq və döyüşlərə buraxılmayacaq
İdman şərhçisi: “Artıq Həbib Nurməhəmmədov dönəminin başladığını demək olar”
Həbibin döyüş vaxtı Makqreqora dediyi sözlər bilindi
Dünyanın gündəmini tutan döyüş: Həbib bunu etməliydi, yoxsa yox?