Vladimir Putin və Donald Tramp

Putin Trampı geridə qoydu, Merkel isə favoritdir

121
(Yenilənib 12:55 02.10.2018)
Dünyada insanlar Trampdan çox Putinə güvənirlər

BAKI, 2 oktyabr — Sputnik. Dünyada insanlar Rusiya Prezidenti Vladimir Putinə ABŞ Prezidenti Donald Trampdan daha çox güvənirlər. Sputnik Azərbaycan xəbər verir ki, bunu ABŞ-ın "Pew Research Center" araşdırmalar mərkəzinin keçirdiyi sorğunun nəticələri göstərir.

Donald Tramp və Vladimir Putin
© REUTERS / Steffen Kugler/Courtesy of Bundesregierung

Rəyi soruşulan respondentlər dünya liderlərindən ən çox Almaniya kansleri Angela Merkelə güvənirlər. Belə ki, respondentlərin 52%-i ona etimad edir. İkinci pillədə isə 34%-lə Çin Xalq Respublikasının rəhbəri Si Cinpin gəlir.

Rusiya lideri Vladimir Putinə rəyi soruşulanların 30%-i güvənir. Donald Trampda isə bu göstərici 27%-dir.

Bundan əlavə, respondentlərin böyük əksəriyyəti ABŞ-ın beynəlxalq arenadakı rolundan narahatdır. Onun sözlərinə görə, Birləşmiş Ştatlar tez-tez əhəmiyyətli beynəlxalq problemlərin həllində digər ölkələrin mövqeyini nəzərə almır. Bəziləri hesab edirlər ki, Vaşinqton əvvələ nisbətdə hazırda qlobal problemlərin həllinə az səy göstərməyə başlayıb.

Rəy sorğusu göstərir ki, insanların böyük əksəriyyəti Pekinin beynəlxalq aləmdə siyasətini daha çox dəstəkləyir.

Rəy sorğusu 20 may – 12 avqust tarixlərində keçirilib və 25 ölkədən 26,1 min insanın fikri öyrənilib.

121
Teqlər:
Si Cinpin, Angela Merkel, güvən, Donald Tramp, ABŞ, Vladimir Putin, prezident, Rusiya, dünya, insan
Əlaqədar
Tramp görüşdü, indi də Putin onunla görüşəcək
Putin Trampın ən güclü cəhətlərini sadaladı
Tramp Putinə etdiyi güzəştlər barədə danışdı
Helsinkidə gizli təklif: Putin Trampa düşünmək üçün vaxt verib
Tramp Putini ABŞ-a dəvət etdi
Rusiya Federasiya Şurasının spikeri Valentina Matvienko, arxiv şəkli

Matvienko Dağlıq Qarabağ münaqişəsinə müdaxilə etməməyə çağırıb

137
(Yenilənib 17:11 28.09.2020)
Rusiya Federasiya Şurasının spikeri Valentina Matvienko "bütün məsul dünya güclərini" Dağlıq Qarabağ münaqişəsinə müdaxilə etməkdən çəkinməyə çağırıb.

BAKI, 28 sentyabr — Sputnik. Rusiya Federasiya Şurasının spikeri Valentina Matvienko "bütün məsul dünya güclərini" Dağlıq Qarabağ münaqişəsinə müdaxilə etməkdən çəkinməyə çağırıb. Bu barədə Sputnik Azərbaycan RİA Novosti-yə istinadən xəbər verir.

"Bütün məsul dünya güclərini münaqişəyə hər hansı bir formada müdaxilədən çəkinməyə çağırırıq", - deyə Matvienko qeyd edib.

O vurğulayıb ki, hərbi əməliyyatlar dayandırılmalı və tərəflər ATƏT-in Minsk qrupu formatında danışıqlar prosesinə qayıtmalıdır.

Matviyenko Rusiyanın parlament yolu da daxil olmaqla, münaqişənin sülh yolu ilə həll edilməsi üçün mümkün olan hər cür yardımı edəcəyini vurğulayıb.

137
Teqlər:
Ermənistan, Qarabağ, Valentina Matviyenko
İlham Əliyev və Rusiya Prezidenti Vladimir Putin, arxiv şəkli

Peskov: Vladimir Putinlə İlham Əliyevin söhbəti lazım gəldikdə baş tutacaq

44
(Yenilənib 16:12 28.09.2020)
"Lazım gələrsə, əlbəttə ki, keçiriləcək. Amma bir daha təkrar etmək istəyirəm ki, hərbi əməliyyatların bərpasından sonrakı ilk saatlardan nazir Lavrov həm Bakıdakı, həm də Yerevandakı həmkarları ilə daima əlaqə saxlayıb", – Peskov bildirib.

BAKI, 28 sentyabr — Sputnik. Rusiya Prezidenti Vladimir Putin və Azərbaycan Prezidenti İlham Əliyev arasında söhbət lazım gəldikdə baş tutacaq.

Sputnik Azərbaycan RİA Novosti-yə istinadən xəbər verir ki, bunu Rusiya dövlət başçısının mətbuat katibi Dmitri Peskov bildirib.

Putin Ermənistanın Baş naziri Nikol Paşinyanla bazar günü telefon danışığı keçirib.

"Lazım gələrsə, əlbəttə ki, keçiriləcək. Amma bir daha təkrar etmək istəyirəm ki, hərbi əməliyyatların bərpasından sonrakı ilk saatlardan nazir Lavrov həm Bakıdakı, həm də Yerevandakı həmkarları ilə daima əlaqə saxlayıb", – Peskov jurnalistlərə açıqlamasında bildirib.

44
Tərtər rayonunda erməni silahlı qüvvələrinin açdıqları atəş nəticəsində dağılan ev

Atəşə tutulan mülki əhali ilə bağlı daha bir bəyanat yayıldı

0
Dünən Ermənistan silahlı qüvvələrinin dinc əhalini atəşə tutması nəticəsində Naftalan rayonunun Qaşaltı kəndinin sakini 1951-ci il təvəllüdlü Qurbanov Elbrus və onun dörd ailə üzvü

BAKI, 28 sentyabr — Sputnik. Azərbaycan Respublikasının Ailə, Qadın və Uşaq Problemləri üzrə Dövlət Komitəsinin Ermənistan silahlı qüvvələrinin həyata keçirdiyi hərbi təxribatlar zamanı qadın və uşaqların hüquqlarını pozması və qətlə yetirməsinə dair bəyanat yayıb.

Sputnik Azərbayan xəbər verir ki, bəyanatda dinc əhalinin də atəşə tutulmasından bəhs edilib:

Məlum olduğu kimi, 27 sentyabr 2020-ci il, saat 06:00-dan başlayaraq Ermənistanın Azərbaycana qarşı növbəti təxribatı baş verib.

Əvvəllər də mövcud atəşkəs rejimini dəfələrlə pozan Ermənistan silahlı birləşmələri bu dəfə bütün təmas xətti boyu hücuma keçərək Azərbaycan mövqelərini, yaşayış məntəqələrini intensiv şəkildə müxtəlif növ silah və artilleriya qurğuları ilə atəşə tutmaqda, mülki və hərbi obyektlərə ciddi ziyan vurmaqda davam edir.

Bu hərbi təcavüz nəticəsində yaralanan və qətlə yetirilən mülki əhali arasında xüsusilə qadın və uşaqların məqsədyönlü şəkildə hədəfə alınması erməni vandalizmini bir daha dünya ictimaiyyətinə nümayiş etdirməkdədir.

Ermənistan silahlı qüvvələrinin iki gün ərzində açdığı atəş nəticəsində dinc əhali arsında xeyli sayda ölən və yaralanan var.

Bu hadisələr Ermənistanın cari ilin 12 iyul tarixində dövlət sərhədinin Tovuz rayonu istiqamətində törətdiyi zorakı və təcavüzkar əməllərinin davamı kimi qiymətləndirilir.

Ermənistan tərəfinin beynəlxalq sənədlərdən irəli gələn öhdəlikləri yerinə yetirməyərək, "Müharibə zamanı mülki əhalinin müdafiəsi" haqqında Cenevrə Konvensiyasının, BMT-nin Uşaq Hüquqları Konvensiyasının, ümumilikdə insan hüquqları sahəsində digər mühüm sənədlərin müvafiq müddəalarına əməl etməməsi növbəti dəfə beynəlxalq humanitar hüququn norma və prinsiplərini kobudcasına pozduğunu və müharibə cinayətlərini davam etdirdiyini sübut edir.

Azərbaycan Silahlı Qüvvələri Ermənistanın təcavüz aktına cavab olaraq əks-hücum əməliyyatlarını həyata keçirərək, mülki əhaliyə, qadınlara və uşaqlara qarşı müharibə aparmadığını bəyan edir.

Azərbaycan Respublikasının Ailə, Qadın və Uşaq Problemləri üzrə Dövlət Komitəsi olaraq, dünya ictimaiyyətini, eləcə də aidiyyəti beynəlxalq təşkilatları, BMT-nin Təhlükəsizlik Şurasının 822, 853, 874 və 884 saylı qətnamələrini yerinə yetirməyən, BMT Baş Assambleyasının 2006 və 2008-ci illərdə qəbul olunmuş "Azərbaycanın işğal olunmuş ərazilərində vəziyyət" adlı qətnamələrinə, BMT-nin "Uşaq Hüquqları haqqında" Konvensiyasına, BMT Təhlükəsizlik Şurasının "Silahlı münaqişələr zamanı uşaqların qorunması tədbirləri haqqında" 2427 qətnaməsinə məhəl qoymayan Ermənistanın Azərbaycan ərazisində törətdiyi cinayətlərə seyrçi qalmamağa, eyni zamanda Ermənistan-Azərbaycan Dağlıq Qarabağ münaqişəsi nəticəsində mülki əhalinin, xüsusən də qadın və uşaqların pozulmuş hüquq və azadlıqlarının bərpası istiqamətində üzərlərinə düşən zəruri addımları atmağa və müvafiq tədbirlər görməyə çağırırıq.

0