Sputnik İnformasiya Agentliyi

Fransadan Rusiyaya qarşı "qırmızı xətti" keçən çağırış

105
(Yenilənib 15:10 05.09.2018)
"Əvvəlcə onları adı ilə çağırmaq lazımdır"

BAKI, 5 sentyabr — Sputnik. Fransa hökuməti "Russiya Today" (RT) telekanalı və Sputnik Beynəlxalq İnformasiya Agentliyinin əməkdaşlarına akkreditə verilməməsini təklif edən hesabat yayımlayıb. Sputnik Azərbaycan Rusiya mətbuatına istinadla xəbər verir ki, "Məlumatların idarə edilməsi: demokratiyamıza meydan oxumaq" adlı 200 səhifədən çox olan sənəd Xarici İşlər Nazirliyi, Strateji Araşdırmalar İnstitutu (IRSEM), Analiz, Proqnozlaşdırma və Strategiya Mərkəzi (CAPS) və Müdafiə Nazirliyi tərəfindən hazırlanıb.

Sənədin hazırlanması üçün işçi qrupu 2017-ci ilin sentyabr ayında yaradılıb. Hesabatın müəllifləri bir sıra xarici dövlətləri, habelə üç beynəlxalq təşkilat — Avropa İttifaqı (Aİ), NATO və ATƏT-də səfərlərdə olub. Onlar hakimiyyət nümayəndələri və vətəndaş cəmiyyəti nümayəndələri ilə yüzlərlə görüş keçiriblər.

Hesabatda 50 tövsiyyə yer alıb. 19-cu paraqrafda qeyd olunur ki, "əvvəlcə onları adı ilə çağırmaq lazımdır". Sonra isə "nəzərdə tutulan jurnalistlər akkreditasiya edilməsin və mətbuat konfranslarına çağırılmasın" — deyə hesabatın müəllifləri qeyd ediblər.

"Adı ilə çağırılsın" sitatı Emmanuel Makronun Vladimir Putinlə Versalda keçirdiyi mətbuat konfransında səsləndirdiyi ifadəni ehtiva edir. O zaman Fransa lideri real sübut göstərmədən Sputnik və RT-ni onun prezidentliyə namizədliyi zaman "dəfələrlə seçki kampaniyası haqqında yalan məlumatlar yaymaqda" ittiham edib.

Hesabatın mətnində Rusiyanın adı 60 dəfə, Kreml 48 dəfə, Sputnik 14, RT kanalının adı isə 10 dəfə çəkilib. Həmçinin, iddia edilir ki, RT və Sputnik "informasiyalarla manipulyasiya edir, faktlar uydurur, sənədləri, tərcümələri və müsahibələri saxtalaşdırır".

"Biz bu baxımdan onların fəaliyyətini qınayırıq" — deyə qeyd edən hesabat müəlliflər onu da əlavə ediblər ki, "Rusiya KİV-i Rusiyanın maraqlarını müdafiə edir və etməyə də haqqı var".

105
Teqlər:
"Russiya Today", RT, müəllif, Sputnik Beynəlxalq İnformasiya Agentliyi, hesabat, Fransa, Rusiya
Əlaqədar
Köhnə bakılı Sputnik Azərbaycan üçün cız-bız hazırlayıb
Sputnik Azərbaycan-ın əməkdaşı Emin Ağalarovun filmində çəkilib - VİDEO
Sputnik Azərbaycan jurnalistikamızın banisini yad edib
Mətbuat Şurasının sədri Sputnik Azərbaycan-a təşəkkür etdi
Daşgil vulkanı Sputnik Azərbaycan-ın obyektivində
Sputnik-in baş redaktoru saxlanıldı
Azərbaycan Respublikasının Prezidenti İlham Əliyev

İlham Əliyev: "Azərbaycan öz xalqını, öz insanlarını, öz torpağını müdafiə edir" VİDEO

122
ATƏT-in Minsk qrupunun prinsiplərinin mahiyyəti ondan ibarətdir ki, keçmiş Dağlıq Qarabağ Muxtar Vilayətinin ətrafındakı ərazilər Azərbaycana qaytarılmalıdır, dövlət başçısı vurğulayıb

BAKI, 29 sentyabr - Sputnik. “Böhranın hazırkı kəskinləşməsi zamanı Azərbaycanda dinc sakinlər, o cümlədən uşaqlar həlak olublar, hərbçilər arasında itkilər var. Ona görə də ölkə öz xalqını, öz insanlarını və öz torpaqlarını müdafiə etmək üçün təcavüzkara adekvat cavab verməli idi”.

Sputnik Azərbaycan bildirir ki, bu sözləri Azərbaycan Respublikasının Prezidenti İlham Əliyev bu gün “Rossiya-1” telekanalında Azərbaycan-Ermənistan qoşunlarının təmas xəttində baş verən son hadisələrə həsr olunmuş verilişdə çıxış edərkən deyib.

Veriliş zamanı Azərbaycan Prezidenti İlham Əliyev və Ermənistanın baş naziri Nikol Paşinyan aparıcıların suallarını cavablandırıblar.

Dövlətimizin başçısı qeyd edib ki, cəbhədə vəziyyət gərgindir. Buna baxmayaraq iki ölkə arasında danışıqlar Ermənistanın qəbuledilməz tələblərinə görə hazırda mümkün deyil.

ATƏT-in Minsk qrupunun prinsiplərinin mahiyyəti ondan ibarətdir ki, keçmiş Dağlıq Qarabağ Muxtar Vilayətinin ətrafındakı ərazilər Azərbaycana qaytarılmalıdır, dövlət başçısı vurğulayıb.

Qeyd edək ki, sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

© Official website of President of Azerbaijan Republic

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, Talış kəndi ətrafındakı əlverişli yüksəkliklər nəzarətə götürülüb.

122
Teqlər:
Prezident İlham Əliyev, ölənlər və yaralılar, cəbhə, erməni təxribatı, Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Artilleriya bölmələrimiz Ermənistan ordusuna sarsıdıcı zərbələr endirir - VİDEO
Füzuli istiqamətində Ermənistan SQ-nin əks-hücum cəhdi dəf edilib
MN: "Ermənistan tərəfi köhnə videoları yeni görüntülər kimi təqdim edir”
Ermənistan silahlı qüvvələrinin atəşi nəticəsində Cocuq Mərcanlıda 14 yaşlı uşaq yaralandı

Növbəti erməni təxribatını əngəlləmək üçün Kamran Əliyev rusiyalı həmkarına müraciət etdi

77
(Yenilənib 21:50 29.09.2020)
Ara Abramyan Rusiyada yaşayan 20 minə yaxın erməni soydaşlarını könüllü qismində Dağlıq Qarabağ ərazisinə Rusiyadakı erməni diasporasının koməkliyi ilə göndəriləcəyinə dair bəyanat yayıb

BAKI, 29 sentyabr - Sputnik. Bir sıra Rusiya kütləvi informasiya vasitələrində və sosial media səhifələrində Rusiya erməniləri İttifaqının rəhbəri Ara Abramyanın Rusiyada yaşayan 20 minə yaxın erməni soydaşlarını könüllü qismində Dağlıq Qarabağ ərazisinə Rusiyadakı erməni diasporasının koməkliyi ilə göndəriləcəyinə dair bəyanatı yayılıb.

Sputnik Azərbaycan xəbər verir ki, bu barədə Baş Prokurorluğun açıqlamasında qeyd olunub.

Bildirilir ki, bundan başqa, Yaxın Şərq və Mərkəzi Asiya ölkələrinin öyrənilməsi üzrə Mərkəzin sədri Semyen Baqdasarovun “Vzqlyad” qazetində Azərbaycanın mülki dinc əhalisinin yaşadığı Gəncə şəhəri və Daşkəsən rayonu ərazilərinin, o cümlədən beynəlxalq strateji əhəmiyyət kəsb edən Bakı-Ceyhan qaz kəmərinin atəşə tutulması barədə çıxışı da yer alıb.

Qeyd edilənlərlə bağlı Azərbaycan Respublikasının Baş Prokuroru Kamran Əliyev Rusiya Federasiyasının Baş Prokuroru İqor Krasnova və İstintaq Komitəsinin sədri Aleksandr Bastrıkinə rəsmi müraciət edərək bildirib ki, sentyabrın 27-dən başlayaraq təcavüzkar Ermənistanın hərbi-siyasi rəhbərliyi öz təxribatçı əməllərini davam etdirərək, beynəlxalq humanitar hüququn əsas norma və prinsiplərini kobud şəkildə pozmaqla, o cümlədən Cenevrə Konvensiyası və BMT-nin Təhlükəsizlik Şurasının qərarları ilə üzərinə düşən öhdəlikləri yerinə yetirməyərək dinc Azərbaycan əhalisinin sıx yaşadığı əraziləri ağır artilleriyadan atəşə tutmuş, nəticədə mülki əhali arasında ölən və yaralananlar var.

Müraciətdə, həmçinin göstərilib ki, hədəf kimi əhalinin kompakt olduğu məntəqələr - rayon və kənd mərkəzləri, mülki infrastruktur obyektlər - xəstəxanalar, tibb məntəqələri, məktəb binaları, uşaq bağçaları seçilir.

Hazırki vəziyyəti və yuxarıda qeyd edilənləri nəzərə alaraq, Baş Prokuror Azərbaycan Respublikasının ərazi bütövlüyünə qarşı yönəlmiş təcavüzkar siyasəti yürüdən, o cümlədən bəyanatlarında Rusiya Federasiyasının Cinayət Məcəlləsinin 208.1 (federal qanunla nəzərdə tutulmayan silahlı birləşmənin yaradılması, habelə belə bir qurumun rəhbərliyi və ya onun maliyyələşdirilməsi), 205.2.2 (KİV istifadə edilməklə terror fəaliyyətlərinə, terrorizmin ictimai əsaslandırılmasına və ya terrorizmin təbliğinə açıq çağırışlar), 280.2 (KİV istifadə edilməklə ekstremist fəaliyyətə açıq çağırışlar), 282.2 “b” bəndi (nifrət və ya düşmənçiliyin qızışdırılması, habelə insan ləyaqətinin alçaldılması), 359.3 (muzdluluq) və digər maddələrində nəzərdə tutulmuş cinayətlərin törədilməsinə açıq çağırışlara yol verən şəxslər və təşkilatlar barəsində qanuni tədbirlərin görülməsini xahiş etməklə, məsələni şəxsi nəzarətlərinə götürülməsinə ümidvar olduğunu bildirib.

77
Teqlər:
Kamran Əliyev, erməni təxribatı, Erməni diasporu, Rusiya, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Hüsənli kəndində Ermənistan ordusunun mərmisi yaşayış evini dağıdıb – VİDEO
MN: "Ermənistan tərəfi köhnə videoları yeni görüntülər kimi təqdim edir”
Ermənistan silahlı qüvvələrinin atəşi nəticəsində Cocuq Mərcanlıda 14 yaşlı uşaq yaralandı
Rus İcması beynəlxalq ictimaiyyəti Ermənistana təzyiq etməyə çağırdı
BMT iclası

BMT Təhlükəsizlik Şurası Dağlıq Qarabağa görə toplandı

0
(Yenilənib 02:52 30.09.2020)
Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər

BAKI, 30 sentyabr — Sputnik. BMT Təhlükəsizlik Şurasının Dağlıq Qarabağdakı vəziyyətlə bağlı fövqəladə iclası keçirilib.

Sputnik Azərbaycan APA-ya istinadən bildirir ki, bağlı qapılar arxasında keçən iclasda Şuranın 15  daimi və qeyri-daimi üzvü iştirak edib.

Təhlükəsizlik Şurasının üzvləri Dağlıq Qarabağ münaqişəsi zonasında təmas xətti boyunca irimiqyaslı hərbi əməliyyatlarla bağlı xəbərlərdən narahatlıqlarını ifadə ediblər. Üzvlər güc tətbiq edilməsini kəskin şəkildə qınayaraq, mülki şəxslər də daxil olmaqla, insan tələfatından təəssüfləndiklərni bəyan ediblər.

Təhlükəsizlik Şurası üzvləri, BMT Baş Katibinin tərəflərin döyüşü dərhal dayandırmaq, gərginliyi azaltmaq və gecikmədən substantiv danışıqlara qayıtmaq çağırışını dəstəklədiklərini bəyan ediblər. 

Təhlükəsizlik Şurasının üzvləri ATƏT-in Minsk Qrupu həmsədrlərinin mərkəzi rolunu tam dəstəklədiklərini bildiriblər və tərəfləri ilkin şərtlər olmadan dialoqun təcili bərpası üçün Minsk Qrupu həmsədrləri ilə işləməyə çağırıblar.

0
Teqlər:
açıqlama, fövqəladə iclas, BMT Təhlükəsizlik Şurası, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Ermənistan ordusunun son günlərdə öldürdüyü azərbaycanlıların sayı açıqlandı
İlham Əliyev: "Azərbaycan öz xalqını, öz insanlarını, öz torpağını müdafiə edir" – VİDEO
MN: "Ermənistan tərəfi köhnə videoları yeni görüntülər kimi təqdim edir”
Füzuli istiqamətində Ermənistan SQ-nin əks-hücum cəhdi dəf edilib