Aleksey Reteyum

Otuz ildən sonra Bakıya gələn rus deputat şoka düşüb getmək istəmir

674
(Yenilənib 22:19 08.08.2018)
Moskva Dövlət Universitetinin "Aptekarskiy oqorod" botanika bağının direktoru, moskvalı deputat Azərbaycanla bağlı təəssüratlarını bölüşüb

Kəmalə Əliyeva, Sputnik Azərbaycan

BAKI, 8 avqust — Sputnik. Bu günlərdə Heydər Əliyev Fondunun vitse-prezidenti, Rusiyadakı Azərbaycanlı Gənclər Təşkilatının (AMOR) sədri Leyla Əliyevanın dəvəti ilə Rusiya Federasiyasının bir qrup dövlət qulluqçularından, qeyri-hökumət gənclər təşkilatlarının üzvlərindən və ali məktəb tələbələrindən ibarət nümayəndə heyəti Azərbaycanda olub. Onların səfərinin məqsədi Azərbaycanın tarixi və mədəniyyəti ilə tanış olmaq olub.

Sputnik Azərbaycan-ın müxbiri M.V.Lomonosov adına Moskva Dövlət Universitetinin "Aptekarskiy oqorod" Botanika bağının direktoru və Moskvanın Meşansk rayonunun deputatı Aleksey Reteyumla söhbət edib.

— Siz ilk dəfədir Bakıdasız?

— Yox, ilk dəfə deyil. Mən 30 il əvvəl burada olmuşam. İndi isə gördüklərimdən yaxşı mənada heyrətlənmişəm. Çünki şəhər çox dəyişib. Mən göydələnləri çox sevirəm və sizdəki bu binalar çox möhtəşəmdir. Mən indi Yeseninin məşhur sözlərini təkrarlayaraq deyə bilərəm ki, Bakıdan ayrılmaq əsl dostdan ayrılmaq kimi çox çətin olacaq. 

— Bəs nə dəyişməz qalıb?

— Ola bilsin, adamlar. Onlar həmişəki kimi şən, sevincli və qonaqpərvərdirlər.

— İlk dəfə Azərbaycana gələndə ən çox nə xoşunuza gəlmişdi?

— Onda mənim ən çox Dənizkənarı Bulvar xoşuma gəlmişdi. Onda biz Hökumət Evinin yaxınlığında ev kirayələmişdik. Oranın pəncərəsindən bütün şəhəri görmək olurdu. Xatırlayıram ki, biz onda İşərişəhəri ziyarət etmişdik, Qız qalasına çıxmışdıq. Mənim sizin ölkənizlə bağlı çoxlu xatirələrim var. Onda biz Bakıdan sonra Sumqayıta və bir neçə digər regiona getmişdik. O zamanlar mən hələ yeniyetmə idim, amma hər şeyi xatırlayıram. Çünki Azərbaycan məndə güclü təəssürat oyatmışdı.

O zaman Azərbaycan Sovet İttifaqının bir hissəsi idi, indi isə müstəqil ölkə. İndi bu ölkə daha canlı, maraqlı və gözəl olub. Şadam ki, indi bu gözəl ölkəni yenidən görmək və xatirələri yada salmaq üçün fürsət yaranıb. Mən İçərişəhəri yenidən gəzdim. Heydər Əliyev Mərkəzi çox xoşuma gəldi. Təəssüf ki, burada olduğumuz dörd gün çox sürətlə keçdi.

— Azərbaycan yeməkləri necədir, xoşunuza gəlir?

— Mənim ət və göyərti qutabı çox xoşuma gəlir. Bizi müxtəlif şirniyyatlara, qarpız və qoz mürəbbələrinə qonaq etdilər. Xatırlayıram ki, cavanlıq illərimdə Bakıya gələndə məni qızılgül mürəbbəsinə qonaq etmişdilər, hansı ki, o mürəbbəni yalnız Azərbaycanda hazırlayırdılar. Mən onun dadına yenidən baxmağı çox istərdim. 

— Sizin Bakıya gəlməkdə əsas məqsədiniz nə idi?

— Məqsədimiz Azərbaycanla Rusiyanı bir-birinə daha da yaxınlaşdırmaq, ortaq nöqtələr tapmaq və birgə layihələr üzərində işləməkdir. Azərbaycanda o qədər isti və səmimi mühit var ki, adam sadəcə ayrılıb getmək istəmir. Bu hiss həyatım boyu mənim yaddaşımda qalacaq. Heydər Əliyev Fondunun vitse-prezidenti, Rusiyadakı Azərbaycanlı Gənclər Təşkilatının sədri Leyla Əliyevaya bizim Bakı səfərimizi təşkil etdiyinə görə, minnətdaram. Ümid edirik ki, AMOR həmişə mövcud olacaq. Biz onun sayəsində yaxından əməkdaşlıq edirik və bu, hər iki xalqın xeyrinədir.

— Azərbaycanlılarla birlikdə hansısa layihələri həyata keçirmisiz?

— Bəli, biz çox sayda müxtəlif layihələri həyata keçirmişik. Planlar çoxdur. Hesab edirəm ki, Rusiyanın ən yaxşı ali məktəblərinin tələbələrinin Azərbaycana səfəri azərbaycanlılarla birgə layihələr haqqında düşünmək üçün fürsət olacaq.

674
Əlaqədar
Rusiya Yunanıstana nota verdi, onun addımını "düşmən hərəkət" adlandırdı
Rusiya XİN rəsmisi: "Heç bir ölkə bunu bacarmazdı, Azərbaycan bacardı"
Rusiya XİN: Azərbaycana qarşı qarayaxma kampaniyası ilə bağlı nəsə etmək lazımdır
Azərbaycan ilə Rusiya mühüm məsələdə razılığa gəlib
ABŞ hərbçiləri yeni filmdə "Rusiya prezidenti"ni xilas edəcək – VİDEO
Amerikalı kosmonavt, arxiv şəkli

"Təkcə amerikalılar deyil, biz səriştəmizi itirmişik"

1
(Yenilənib 22:23 10.08.2020)
"Roskosmos"un baş direktoru: "İnsanlar sual verirlər ki, niyə amerikalılar 1960-1970-ci illərdə altı dəfə Ayda olublar, indi isə "super yüksək texnoloji səviyyə"ləri ilə bunu təkrar edə bilmirlər?!"

BAKI, 10 avqust — Sputnik. "Roskosmos" şirkətinin baş direktoru Dmitri Roqozin bildirib ki, bir çox insanlar ABŞ-ın bu sahədə texniki səriştəsini itirdiyi üçün amerikalıların Aya enməsinə inanmırlar.

Belə ki, Ümumrusiya İctimai Rəyi Öyrənmə Mərkəzinin iyul ayında keçirdiyi sorğuya görə, hər bir ikinci rusiyalı (49 faiz) Aya enişi saxtakarlıq hesab edir və iki il əvvəl bu cür insanların sayı daha çox idi - 57 faiz.

"Bu inamsızlıq haradan qaynaqlanır? Hesab edirəm ki, bu, Amerika Birləşmiş Ştatlarının indiyə qədər niyə SLS super ağır sinfindən olan raket yaratmadığını və sınaqdan keçirmədiyini təsəvvür etməyin çox çətin olması səbəbindən yaranır. Onlar indiyə qədər Orion gəmisini yarada bilmirlər", - deyə Roqozin "Mir-24" telekanalının efirində bildirib.

Roqozinin sözlərinə görə, insanlar sual verirlər ki, niyə amerikalılar 1960-1970-ci illərdə altı dəfə Ayda olublar, indi isə "super yüksək texnoloji səviyyə"ləri ilə bunu təkrar edə bilmirlər?!

"Bu suala cavabım var: demək istəyirəm ki, bizdə də çoxlu səriştələr itirilib, təkcə amerikalılarda deyil", - deyə "Roskosmos"un rəhbəri bildirib.

1
Əlaqədar
Maskı üstələmək: Rusiya yeni raket hazırlayır
Casus oyunları? Rusiyanın strateji obyektindən NATO-nun "köməkçisi" çıxdı
Rusiya Aya elə bir qurğu göndərəcək ki...
İran kosmosa adam göndərmək üçün çarə tapdı
Rusiyadan Türkiyəyə sensasion təklif – Gəlin kosmosa raket buraxaq
Məmurlar, arxiv şəkli

Bratislava ilə Moskva arasında diplomatik qalmaqal

5
(Yenilənib 22:23 10.08.2020)
Öz növbəsində Rusiya XİN bu qərara “güzgü” qaydasında cavab veriləcəyini bildirib: “Ənənəvi olaraq, adekvat cavab veriləcək”.

BAKI, 10 avqust — Sputnik. Rusiyanın üç diplomatını casusluqda ittiham edərək Slovakiyadan çıxarırlar.

Sputnik Azərbaycan RİA Novosti-yə istinadən bildirir ki, bu barədə Bloomberg yazıb.

Agentliyin adı çəkilməyən müsahibi bildirib ki, onlar ölkəni həftənin sonunadək tərk etməlidirlər.

“Qərar Baş nazir İqor Matoviçin yeni administrasiyası tərəfindən qəbul edilib”, - məqalədə bildirilir.

Slovakiya Xarici İşlər Nazirliyi Reuters-ə rusiyalı diplomatların gerçəkdən də ölkədən çıxarılacağını təsdiqləyib.

Öz növbəsində Rusiya XİN bu qərara “güzgü” qaydasında cavab veriləcəyini bildirib: “Ənənəvi olaraq, güzgü cavabı veriləcək”.

Diplomatik münasibətlər barədə Vyana konvensiyasına görə, qəbul edən dövlətə istənilən vaxt və heç bir səbəb gətirmədən diplomatik nümayəndəlikdən istənilən şəxsi persona non-qrata elan edə bilər. Akkreditə edən ölkə bu nümayəndəni geri çağırmalıdır, əks halda həmin şəxsin olduğu ölkə onu diplomat hesab etməkdən boyun qaçıra bilər.

 

5
Hamilə qadın əməliyyat otağında

Bakıda 58 yaşlı qadının ilk övladı doğuldu

0
(Yenilənib 23:15 10.08.2020)
Düzdür, qadının sağlamlığında bəzi problemlər olsa da, o, öhdəsindən gəlib və birinci ekstrakorporal mayalanmadan sonra hamilə qalıb

BAKI, 10 avqust — Sputnik. Bakıda orta məktəb müəllimi olan 58 yaşlı qadın ilk övladını dünyaya gətirib. Sputnik Azərbaycan-ın məlumatına görə, bu, Bakıda ikinci belə haldır: başqa bir qadın 64 yaşında ana olmuşdu.

Həkim etikası çərçivəsində qadının adı açıqlanmır. Həkim-ginekoloq Elnurə Mustafayevanın sözlərinə görə, onun nəzarəti altında olan pasiyent ekstrakorporal mayalanma prosedurundan sonra hamilə qalıb.

Qadın 45 yaşında ailə qurub. Bu illər ərzində o, təbii yollarla hamilə qalmağa cəhd göstərib.

“Bu fakt – qeyri-adidir. Hər qadının başına belə hal gələ bilməz. Bu yaşda bir çox pasiyentlərimizə müalicə yazmaqdan çəkinirik, ancaq bu qadın, bir növ, fenomen oldu. Yəni onun səhhəti uşaq doğmağa imkan verdi. Bundan başqa, onun heyrətamiz iradəsi var”, - deyə həkim bildirib.

Düzdür, qadının sağlamlığında bəzi problemlər olsa da, o, öhdəsindən gəlib və birinci ekstrakorporal mayalanmadan sonra hamilə qalıb.

Məlumdur ki, süni mayalanma 100 faiz hamilə qalmağa zəmanət vermir.

“Ancaq bizim pasiyentimizin səhhəti uğurlu nəticə üçün, demək olar ki, ideal idi”, - Mustafayeva deyib. 

Əlbəttə, 58 yaşında hamiləlik asan olmasa da, o, uğurla sonlanıb. Doğulan uşağa Fateh adı qoyulub.

Oğulla ananı artıq evə yazıblar.

0
Əlaqədar
Otuz ildən sonra! Artıq körpələr başqa yolla doğulacaq
Səhv düşəndə yerimiz: hamilə qala bilməyən qadın kişi çıxdı
Adın, abrın, pulun və inamın məhv edildiyi məkanlar: onların tənbehini payızda verəcəklər
Azərbaycanlı kişilərə də günəş doğur: xanımınıza görə dincələ bilərsiniz
Həkimlər özləri bilmirlər: süd vermək qərarını analara həvalə etdilər