Орхан Джемаль

Tanınmış azərbaycanlı jurnalistin dəfn ediləcəyi yer tarix məlum oldu

13453
Əslən azərbaycanlı olan Rusiya jurnalisti Orxan Camal, operator Kirill Radçenko və rejissor Aleksandr Rastorquyev MAR-da qeyri-formal silahlı qrup olan "Vaqner" barədə film çəkirmişlər

BAKI, 5 avqust — Sputnik. Mərkəzi Afrika Respublikasında (MAR) qətlə yetirilmiş rusiyalı jurnalistlərin, o cümlədən əslən azərbaycanlı olan Orxan Camalın cəsədləri Parisdən Moskvaya gətirilib.

Sputnik Azərbaycan-ın məlumatına əsasən, cəsədləri Şeremetyevo hava limanında istintaq orqanalrının nümayəndələri və jurnalistlərin qohumları, həmçinin onları MAR-a göndərmiş Təhqiqatların İdarəedilməsi Mərkəzinin təmsilçiləri qarşılayıblar.

Orxan Camalın dostu Maksim Şevçenko bildirib ki, azərbaycanlı jurnalist, ilkin məlumata görə, avqustun 8-də dəfn olunacaq və jurnalistlə vida mərasimi Moskvanın Cümə məscidində olacaq. 

Rusiya Dövlət Duması
© Sputnik / Владимир Федоренко

Məlumatı RİA Novosti-yə Camalın qohumları da təsdiq ediblər. Onlar Orxan Camalın Moskvanın Xovanski qəbiristanlığında müsəlman sektorunda dəfn olunacağını bildiriblər.

Əslən azərbaycanlı olan Rusiya jurnalisti Orxan Camal, operator Kirill Radçenko və rejissor Aleksandr Rastorquyev MAR-da qeyri-formal silahlı qrup olan "Vaqner" barədə film çəkirmişlər. Məlumatlara əsasən, iyulun 31-də onları blokpostda saxlayıblar və daha sonra ölüm xəbərləri gəlib.

52 yaşlı Orxan Camal tanınmış azərbaycanlı politoloq, ictimai xadim Heydər Camalın oğlu idi. Heydər Camal özü 2016-cı ildə vəfat edib.

13453
Teqlər:
Xovanski qəbiristanlığı, Şeremetyevo hava limanı, Moskvanın Cümə məscidi, Orxan Camalın dəfni, Orxan Camalın qətli, Təhqiqatların İdarəedilməsi Mərkəzi, Kirill Radçenko, Aleksandr Rastorquyev, Orxan Camal, Maksim Şevçenko, Paris, Moskva, MAR, Mərkəzi Afrika Respublikası
Əlaqədar
Tanınmış azərbaycanlı jurnalistin qətlinə dair rəsmi bəyanat yayıldı
Dünyaca tanınmış azərbaycanlının oğlu Afrikada öldürüldü
Azərbaycanlı jurnalistin qətli parlamenti ayağa qaldırdı
Azərbaycanlı jurnalistin Afrikada öldürülməsinin dəhşətli təfərrüatı
XİN öldürülən azərbaycanlı jurnalistlə bağlı məlumat yaydı