Rusiya Dövlət Duması

Azərbaycanlı jurnalistin qətli parlamenti ayağa qaldırdı

2194
(Yenilənib 12:46 05.08.2018)
Rusiya Duması "qaynar nöqtələr"də işləyən jurnalistlərin sosial zəmanəti haqqında qanunun qəbulunu tezləşdirmək qərarına gəlib

BAKI, 1 avgust — Sputnik. Rusiya Federasiyası Dövlət Dumasının İnformasiya siyasəti, informasiya texnologiyaları və rabitə komitəsinin sədri Leonid Levin bəyan edib ki, "qaynar nöqtələr"də işləyən jurnalistlərin sosial zəmanəti haqqında qanun payız sessiyasında qəbul olunacaq.

RF Xarici İşlər Nazirliyi (XİN) məlumatına görə, iyulun 30-da Mərkəzi Afrika Respublikasında (MAR) üzərilərində jurnalist vəsiqələri olan üç nəfər — Orxan Camal, Kirill Radçenko və Aleksandr Rastorquyev qətlə yetirilib. İnsidentlə bağlı RF CM-in "adam öldürmə" maddəsi ilə cinayət işi açılıb. Rusiyanın MAR-dakı səfirliyi hazırda jurnalistlərin nəşinin yaxın günlər içində ölkəyə gətirilməsi məsələlərinin həlli ilə məşğuldur.

Sputnik Azərbaycan-ın xəbərinə görə, İnsan hüquqları üzrə Prezident Şurasının rəhbəri Mixail Fedotov Rusyadan olan çəkiliş qrupu üzvlərinin ölümündən sonra KİV-in "qaynar nöqtələr"də işləməsi ilə bağlı qanunun qəbulunu tezləşdirməyə çağırıb: "Baş vermiş bu kədərli hadisə növbəti dəfə bizə risklərin və təhlükələrin media işinin ayrılmaz bir hissəsi olduğunu xatırladıb".

"Bunu nəzərə alaraq "qaynar nöqtələr"də işləyən jurnalistlərin sosial zəmanəti haqqında qanun layihəsi Dumanın payız sessiyasında qəbul olunacaq" — deyə Levin rəhbərlik etdiyi komitənin mətbuat xidməti vasitəsilə bildirib.

Qeyd edək ki, Mərkəzi Afrika Respublikasında (MAR) sənədli film çəkən rusiyalı jurnalistlərə axşam saat 6 radələrində 10 nəfər hücum edib. MAR-da vəziyyətin sabitləşməsi üzrə BMT missiyasından bildirilib ki, öldürülən rusiyalı jurnalistlərin cəsədləri Sibutadan 33 kilometr şimalda tapılıb. Rusiya İstintaq Komitəsi faktla bağlı cinayət işi başladıb və cinayətin araşdırılmasında MAR-dan olan həmkarlarına kömək etməyə hazır olduğunu bildirib.

Əslən azərbaycanlı olan Rusiya jurnalisti Orxan Camal, operator Kirill Radçenko və rejissor Aleksandr Rastorquyev MAR-da qeyri-formal silahlı qrup olan "Vaqner" barədə film çəkirmişlər. Məlumatlara əsasən, rusiyalıları blokpostda saxlayıblar və daha sonra onların ölüm xəbəri gəlib.

52 yaşlı Orxan Camal tanınmış azərbaycanlı politoloq, ictimai xadim Heydər Camalın oğludur. Heydər Camal özü 2016-cı ildə vəfat edib.

2194
Teqlər:
sosial zəmanət, qaynar nöqtələr, Orxan Camal, MAR, Mərkəzi Afrika Respublikası, qanun layihəsi, Dövlət Duması, Rusiya Federasiyası, jurnalist, Orxan Camalın qətli, Heydər Camal, Aleksandr Rastorquyev, Kirill Radçenko, Orxan Camal
Əlaqədar
Jurnalist olmaq istəyənlərin nəzərinə!
Azərbaycanlı jurnalistin Afrikada öldürülməsinin dəhşətli təfərrüatı
Mexikoda 80 yaşlı əməkdar jurnalist öldürülüb
Sputnik Azərbaycan jurnalistikamızın banisini yad edib
Ekspertlər qanunları pozan jurnalistlər haqqında danışıblar
Dövlət Miqrasiya Xidməti jurnalistlərə hesabat verib
Sinə medalı, arxiv şəkli

Rusiya Rixard Zorgenin Yaponiyadakı məzarının hüquqi sahibi oldu

16
(Yenilənib 08:33 30.10.2020)
Yaponiyada bu qəbirlə bağlı bütün hüquqların Rusiya səfirliyinə ötürülməsi ilə bağlı vəsiyyətnamə hazırlanıb.

BAKI, 30 oktyabr — Sputnik. Rusiya səfirliyi Sovet kəşfiyyat zabiti Rixard Zorgenin Yaponiyadakı məzarı ilə bağlı bütün hüquqları əldə edib. Sputnik Azərbaycan-ın RİA Novosti-yə istinadən yaydığı xəbərə görə, bu barədə Tokiodakı Rusiya hərbi attaşesi Sergey Şaşkov məlumat verib.

Tokio şəhəri yaxınlığındakı Tama qəbiristanlığında Zorgenin anadan olmasının 125 illiyinə həsr olunmuş mərasimdə çıxış edən S.Şaşkov bildirib ki, məzara qulluq edən kəşfiyyat zabitinin xanımı Hanako İsii 2018-ci ildə vəfat edəndən sonra məzarla bağlı bütün hüquqlar onun qardaşı qızına keçib. Daha sonra Hanako İsiinin varisləri bu qəbirlə bağlı bütün hüquqların Rusiyanın Yaponiyadakı səfirliyinə ötürülməsi barədə vəsiyyətnamə hazırlayıblar.

Qeyd edək ki, mərasimdə Azərbaycan, Qazaxıstan, Belarus, Qırğızıstan, Tacikistan, Türkmənistan və Özbəkistanın Yaponiyadakı səfirləri də iştirak ediblər.

Xatırladaq ki, Bakıda doğulan əfsanəvi kəşfiyyatçı Rixard Zorge Yaponiyada fəaliyyət göstərmiş sovet zabitidir. O, nasist Almaniyasının SSRİ-yə hücumunun dəqiq tarixini əldə etməyə nail olmuşdu. 1941-ci ilin sentyabrında isə Yaponiyanın Almaniya tərəfində müharibəyə girməyəcəyi haqqında məlumatı SSRİ-yə ötürmüşdü. Bu məlumat sayəsində 1941-ci ilin payızında Sibir diviziyaları Moskvanın müdafiəsinə yönləndirilmişdi.

R.Zorge ölümündən sonra, 1964-cü ildə Sovet İttifaqı Qəhrəmanı adına layiq görülüb.

16
Böyük Britaniya bayrağı, arxiv şəkli

London Rusiyaya qarşı kibermüharibə apardığını təsdiqləyir

30
(Yenilənib 22:50 29.10.2020)
Böyük Britaniya Rusiya əleyhinə informasiya savaşı və kibermüharibə apardığını açıq şəkildə etiraf edib. Aydın məsələdir ki, bu fakt heç kim üçün sensasiya xarakteri daşımayıb.

BAKI, 29 oktyabr — Sputnik, Vladimir Kornilov. Sedvilin bu yaxınlara kimi Baş nazirin milli təhlükəsizlik məsələləri üzrə müşaviri olduğunu, eyni zamanda Vaythollun bürokratik aparatına rəhbərlik etdiyini nəzərə alsaq, ehtimal ki, həyata keçirilən əməliyyatlardan xəbərdardır. Və elə onun bu barədə müsahibə verdiyi "The Times" qəzeti Sedvilin rəsmi diplomatik fəaliyyətlə yanaşı, MI-6-da zabit kimi xidmət göstərdiyini də yazmışdı.

Bəs bu ilin sonuna qədər Lordlar Palatasında yer tutmağa hazırlaşan keçmiş məmur nəyi etiraf edib? O, İngiltərənin kiberməkanda Rusiyaya hücum edəcəyini bildirib. "Bizim bundan istifadə etdiyimizi sizin görməməyiniz heç də o demək deyil ki, biz bunu etmirik", – deyə Sedvil fikrini bir qədər dolaşıq cümlə ilə ifadə etsə də, açıq şəkildə bildirib.

Прямая линия с президентом РФ Владимиром Путиным
© Sputnik / Aleksey Nikolsky

Lord onu da deyib ki, İngiltərə Rusiya liderlərinə və onların maraqlarına qarşı bir sıra gizli hücumlar həyata keçirib. Onun sözlərinə görə, London rus oliqarxlarının əmlak və hesablarına qarşı da hücum gerçəkləşdirib. Amma Rusiya, yəqin ki, bu sonuncu hərəkətinə görə Londona təşəkkür etməlidir. Çünki Vladimir Putin dəfələrlə rus biznesmenlərini xəbərdar edib ki, öz kapitallarını hansı ölkədə qazanırlarsa, elə orada da saxlasınlar.

Rusiyaya qarşı kiberhücumlar və təxribat kampaniyalarına gəlincə, lord Sedvil bununla bağlı özünü hiyləgərliyə vuraraq bəyan edib ki, guya London bu hücumlara Sergey və Yuliya Skripalların Solsberidə zəhərlənmə hadisəsindən sonra başlayıb. Əlbəttə ki, ruslar onun bu sözlərinə inanacaq qədər sadəlövh insanlar deyillər. Xatırladaq ki, Skripallar 2018-ci ilin mart ayının 4-dən özlərini yaxşı hiss etmədiklərini bildirmişdilər, halbuki ingilis xüsusi xidmət orqanlarının Rusiyadakı çirkli əməlləri bu hadisədən xeyli əvvəl qeydə alınıb.

Psixoloji və informasiya müharibələri üzrə ixtisaslaşmış ingilis firması – Strateji Kommunikasiya Laboratoriyasının (SCL Group) fəaliyyətini yada salmaq kifayətdir. Bu şirkət İngiltərənin, ABŞ-ın, ümumilikdə NATO-nun hərbi və kəşfiyyat strukturlarının dezinformasiya kampaniyalarının icraçısı kimi çıxış etdiyini heç vaxt gizlətməyib. Özü də bu fəaliyyətini 1990-cı illərin əvvəllərindən bəri davam etdirir.

Логотипы социальных сетей
© Sputnik / Владимир Трефилов

SCL-nin çirkli iş üsulları 2018-ci ilin mart ayında bu qurumun törəmə şirkəti olan "Cambridge Analytica" ilə bağlı qalmaqalda ortaya çıxdı. Və bu da ona görə baş verdi ki, Qərb elitası Donald Trampın seçki kampaniyasında iştirak etdiyinə görə bu şirkətə qarşı ayağa qalxmışdı. Belə olmasaydı, indiyə kimi ona dəyib-toxunan olmayacaqdı.

2015-ci ildə NATO sözügedən şirkəti "Rusiya istiqamətində fəaliyyət" üçün görəvləndirdi. SCL hətta 2004-cü ildə Kiyevdə "narıncı inqilab"ın həyata keçirilməsində əli olduğunu da gizlətmir. Həmin vaxt Viktor Yuşşenkonun müəmmalı şəkildə "zəhərlənməsi" "narıncılar"ın qələbəsini təmin etdi. Artıq Kiyevin də etiraf etdiyi kimi, əslində o zaman hansısa zəhərlənmə hadisəsi baş verməyib. Odur ki, istər-istəməz adamın ağlına Skripallar və digər zəhərlənmə olaylarında da bu şirkətin "mütəxəssis"lərinin işə qarışıb-qarışmadığı barədə suallar gəlir.

Bir daha qeyd edək ki, bütün bunlar Solsberidə baş verən insidentdən xeyli əvvəl qeydə alınıb. Və 2017-ci ilin aprel ayından təhlükəsizlik məsələləri üzrə müşavir vəzifəsində işləyən Sedvil bu hadisələrdən xəbər tutmaya bilməzdi. Yəqin, lord hələ də sadəlövhlüklə centlmenlərin söylədiyi hər sözə insanların etimadla yanaşacağına inanır.

Əlbəttə ki, hər kəs hazırda kibersilahlar və kibertəqiblərdən bütün ölkələrdə istifadə olunduğunu yaxşı bilir. Özü də yalnız rəqiblər əleyhinə deyil, həm də müttəfiqlərə qarşı. Yalnız Amerika kəşfiyyatı tərəfindən həyata keçirilmiş alman kansleri Angela Merkelin telefonunun uzun müddət dinlənilməsi əməliyyatını yada salmaq kifayətdir. Odur ki, Londonun Skripallarla bağlı insidentdən əvvəl də Rusiyanı fəal şəkildə təqib etmədiklərini düşünmək gülüncdür.

İngilis lordları isə bizi inandırmağa çalışırlar ki, onların Kremlin daxili şəbəkəsini ifşa etmək cəhdləri ("The Times" Sedvilin müsahibəsini şərh edərək məhz bu məsələyə toxunur), sadəcə "Porton Doun" yaxınlığında, İngiltərə Müdafiə Nazirliyinin çox gizli kimyəvi laboratoriyasında baş vermiş zəhərlənmə hadisəsinə cavabdır.

Lord titulunu yenicə qazanmış Sedvil isə qürrələnir ki, London Skripallar məsələsinə cavab olaraq "İngiltərədəki bütün Rusiya kəşfiyyat şəbəkəsini" çökdürüb. Yaxşı, bəs onda ingilis mətbuatında "Putinin casusları kraliçanı izləməyə çalışır" barədə yeni "sensasiyalar" haradan qaynaqlanır?

Əgər "The Sunday Express" qəzetinin yazdığına inansaq, "Baş Qərargah İdarəsinin hakerləri" II Yelizavetanın çox gizli "Porton Doun" laboratoriyasına səfəri barədə məlumat əldə etməyə çalışıb. Çox təəssüf ki, qəzet Putinin "casuslarının" (özü də artıq Britaniyadakı şəbəkəsi məhv edilmiş casuslarının) niyə bu cür səy göstərdiyini və 94 yaşlı kraliçanın ziyarət cədvəlini ələ keçirməklə nə öyrənmək istədiklərini izah etmir. Yoxsa, kraliçanın laboratoriyaya gedərkən hansı paltarı geyindiyini üzə çıxarmaq istəyiblər? Bəlkə, kraliça bu laboratoriyaya ona görə yollanıb ki, orada çalışanlara cavanlıq iksirini tapmağı əmr eləsin? Ancaq Rusiyaya qarşı əsassız ittihamlardan söhbət gedəndə ingilis mətbuatı özünü əziyyətə salıb bu cür suallar vermir.

Əlbəttə ki, hər kəs Qərb xüsusi xidmət orqanlarının dezinformasiya, kiberhücumlar, casusluq və birbaşa təxribatlardan istifadə edərək Rusiyaya qarşı çoxdan gizli və çirkin müharibə apardığını və bu savaşda ingilislərin mühüm rol oynadığını yaxşı bilir.

Ancaq bu günə qədər həmin kampaniyanın birbaşa iştirakçıları bu faktı daim inkar edərək Rusiyanın onlara qarşı ittihamlarının "Putin Rusiyasının mübtəla olduğu" paranoyadan qaynaqlandığını" iddia edirlər.

Yəqin ki, bu qədər səmimi açıqlamalarına görə, lord Sedvilə xüsusi təşəkkür düşür. Çünki onun sayəsində indi Rusiya əleyhinə növbəti təxribatından bəhs olunduğu vaxt Moskvanın əlində istinad edə biləcəyi bir mənbə var. Və bundan sonra Rusiya ilə bağlı növbəti saxta xəbərin və ya müəmmalı "zəhərlənmə" hadisəsinin arxasında kimin dayandığını təxmin etmək çətin olmayacaq.

30
(0:50 / 4.16Mb / просмотров видео: 2)

Erməni terrorunun qurbanına çevrilmiş 53 yaşlı Goranboy sakininin evi necə görünür video

0
Dünən Goranboyun Tapqaraqoyunlu kəndində fərdi yaşayış evinə düşən mərmi 53 yaşlı qadının həyatına son qoyub. Onun evinin bu faciədən sonra necə göründüyünü videomuzda izləyin.

Yaşadığı evinin həyətində öz gündəlik işləri ilə məşğul olan kənd sakini 53 yaşlı Flora Ziyadova qəlpə yarasından elə hadisə yerindəcə dünyasını dəyişib. Hadisə zamanı qadın evində tək olub. Onun evi də tamamilə yararsız hala düşüb.

Hazırda prokurorluq əməkdaşları mövcud şəraitdə mümkün olan bütün istintaq tədbirlərini həyata keçirir. Ermənistan SQ atəşkəs rejiminin tələblərini kobud şəkildə pozmaqda və dinc mülki əhaliyə qarşı cinayət əməllərini törətməkdə davam edir.

Dağlıq Qarabağdakı növbəti, sayca üçüncü atəşkəs rejimi barədə razılaşma oktyabrın 26-da yerli vaxtla səhər saat 08: 00-da qüvvəyə minib. Lakin Ermənistan silahlı qüvvələri razılaşma əldə olunandan dərhal sonra Tərtər və Ağdamın cəbhəyanı kəndlərini, oktyabrın 27-də isə Bərdə rayonunu atəşə məruz qoyub.

Ermənistan silahlı qüvvələri, sentyabrın 27-də, səhər saat 06:00 radələrində geniş miqyaslı təxribatlar həyata keçirərək Azərbaycan ordusunun bütün cəbhə xətti boyunca mövqelərini və cəbhə bölgəsində yerləşən yaşayış məntəqələrini iri çaplı silahlardan, minaatanlardan və müxtəlif çaplı artilleriya qurğularından intensiv şəkildə atəşə tutublar.

Ermənistan silahlı qüvvələrinin döyüş fəaliyyətininin qarşısını almaq və mülki əhalinin təhlükəsizliyini təmin etmək üçün Azərbaycan ordusunun komandanlığı bütün cəbhə boyu qoşunların əks-hücum əməliyyatına başlamağa qərar verib.

0
Mövzu:
Azərbaycan və Ermənistan arasında müharibə