Valentins Rojentsov

Sputnik-in baş redaktoru saxlanıldı

212
(Yenilənib 16:15 05.07.2018)
Mariya Zaxarova: "Latviya gündən-günə Rusiyanın kütləvi informasiya vasitələrinə qarşı mübarizəni gücləndirir"

BAKI, 5 iyul — Sputnik. Riqa polisi Sputnik Latviya-nın şef-redaktoru Valentins Rojentsovu "söhbət məqsədilə" 12 saatlıq müddətə saxlayıb. Sputnik Azərbaycan-ın məlumatına görə, hadisə ötən axşam Rojentsov Moskvadan evə qayıdarkən baş verib.

Bakı Şəhəri üzrə Təhsil İdarəsi mətbuat xidmətinin rəhbəri Bəşarət Məmmədov və Sputnik Azərbaycan-ın redaktoru Tural Məmmədov
© Sputnik / Irade JELIL

"Məni özlərinin dediyinə görə, söhbət eləmək üçün saxlayıblar. Protokol tərtib edilməyib. Təhlükəsizlik polisi mənim Sputnik Latviya-nın şef-redaktoru postundakı işim və agentliyin Latviyadakı resusrları ilə maraqlandı. Mən bütün gecəni təhlükəsizlik polisinin əməkdaşlarının kabinetində idim. Məni bu gün səhər, 12 saatdan sonra buraxdılar. Bu, Latviyada formal saxlanma sayılmır" — deyə Rojentsov bildirib.

Rojentsov Latviya vətəndaşıdır və Riqada işə gedərkən saxlanılıb.

Bir qədər əvvəl isə Latviyanın elektron KİV üzrə Milli Şurası dövlət KİV-lərinin Sputnik-in materiallarından istifadəsinin əleyhinə çıxıb. İddia edib ki, "Latviyanın vergi ödəyicilərinin pulunun Sputnik-in möhkəmlənməsinə və onun brendinin populyarlaşmasına xərclənməsi Latviya cəmiyyətinin maraqlarına xidmət etmir".

KİV üzrə Milli Şura onun nəzarətində olan KİV-lərin müxtəlif qanun pozuntularına görə lisenziyasını ləğv etmək hüququna malik nəzarət orqandır.

Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib ki, Latviya gündən-günə Rusiyanın kütləvi informasiya vasitələrinə qarşı mübarizəni gücləndirir: "Bundan isə ölkənin rusdilli auditoriyası əziyyət çəkir".

Baltikyanı respublikalarının hökumətləri çoxdan götürdükləri, məhz Rusiya kütləvi informasiya vasitələrinin hüquqlarını pozmaq kursunu davam etdirir. Baltikyanı ölkələrin hakimiyyətləri dəfələrlə ölkədəki Rusiya KİV-lərinin fəaliyyətini dayandırıb. 2014-cü ilin aprelində Litva XİN heç bir izahat vermədən RİA Novosti-nin xüsusi müxbiri İrina Pavlovanı akkreditasiya etməkdən imtina edib.

2015-ci ilin oktyabrında isə Estoniyanın "Koydula" buraxılış məntəqəsində Ümumrusiya Dövlət Televiziya və Radio Şirkətinin (ÜDTRŞ) müxbiri Nikolay Vasilyevin çəkiliş qrupu saxlanılıb. 2016-cı ildə Latviya ÜDTRŞ-nın müxbiri Pavel Zarubinin çəkiliş qrupunu ölkədən çıxarıb.

Rusiyanın xarici siyasət idarəsi Baltikyanı respublikalarının hökumətlərinin Rusiya KİV-lərinə qarşı addımlarını koordinasiya etdiyini bəyan edib. XİN bildirib ki, Baltikyanı respublikalar bu addımları ilə demokratiya və söz azadlığını boğur.

212
Teqlər:
Baltikyanı respublikaları, KİV üzrə Milli Şura, Riqa, Sputnik Latviya, Rusiya, polis, hökumət
Əlaqədar
Azərbaycan Respublikasının hərbi orkestri Sputnik Azərbaycan üçün ifa etdi
Günəşli uşaqlar üçün Sputnik Azərbaycandan #GünəşliYay
Sputnik Azərbaycan-dan “günəş uşaqlar” üçün #GünəşliYay
Sputnik Azərbaycan təltif olundu
Sosial şəbəkədə nüfuz qazanan yol polisi Sputnik Azərbaycan-a danışdı
Tibb işçisi Moskvada COVID-19 xəstələrinin müalicə aldığı hospitalda

Rusiyada bir gündə 139 nəfər koronavirusdan öldü

2
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 5 avqust — Sputnik. Son bir sutka ərzində Rusiyada 5204 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 139 nəfər ölüb.

Ümumilikdə Rusiyada bu xəstəliyə yoluxanların sayı 866627-yə çatıb. Rusiyada pandemiya yayılandan 14490 nəfər COVID-19-dan vəfat edib. Bir sutka ərzində virusdan sağalanların sayı isə 7555 nəfər olub. Bununla da bu ölkədə virusdan sağalanların sayı 669026-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 18,5 milyonu keçib, 700 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

2
Mövzu:
Dünyanı cənginə almış bəla
Tibbi işçiləri xəstəni kompüter tomoqrafiyasına hazırlayırlar, arxiv şəkli

Koronavirusa görə hamı ona qaçır, amma təhlükəsini unutmuşuq?

837
Keçmiş baş sanitar həkim koronavirus aşkar olunsa belə, ehtiyac və həkim təyinatı olmadan tomoqrafiya etməməyi məsləhət görür.

BAKI, 4 avqust — Sputnik. Kompüter tomoqrafiyası (KT) zamanı şüa yükü çox yüksəkdir, onunla ehtiyatlı olmaq və hətta COVID-19 testinin müsbət olduğu zaman belə həkim təyinatı olmadan ondan çəkinmək lazımdır.

Sputnik Azərbaycan xəbər verir ki, bu barədə RİA Novosti-yə Rusiyanın keçmiş baş sanitar həkimi, tibb elmləri doktoru, Dövlət Dumasının deputatı Gennadi Onişenko bildirib.

O, diaqnostika üçün digər imkanlar axtarmağın zəruriliyini qeyd edib.

"KT-nin zəruriliyinə baxmaq lazımdır. Onu elə reklam ediblər ki, insanlar KT-yə o qədər inanır ki... Belə alındı – hər kəs qorxmuşdu. COVID hallarının 40 faizi ümumiyyətlə asimptomatik cərəyan edir. Heç bir əlamət olmur. KT-nin yükü var və o, çox yüksəkdir, onunla ehtiyatlı olmaq lazımdır. Ümid edirik ki, gələcəkdə biz müalicə formalarını təkmilləşdirəcəyik və bu cür müayinələrə daha diqqətlə yanaşacağıq. Gələcəkdə diaqnostika üçün KT ilə yanaşı, başqa imkanları da axtarmaq lazımdır", – Onişenko bildirib.

Keçmiş baş sanitar həkim koronavirus aşkar olunsa belə, ehtiyac və həkim təyinatı olmadan tomoqrafiya etməməyi məsləhət görür.

"Xəstələndiyiniz təqdirdə KT-ni etmək üçün ödənişli poliklinika axtarmayın, ancaq həkimə müraciət edin və həkim hər şeyi təyin edəcək", – Dövlət Dumasının deputatı yekunlaşdırıb.

837
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0