Putin və Ərdoğan

Ərdoğandan Putinə "qatı açılmamış" təklif

2212
(Yenilənib 14:21 14.06.2018)
Türkiyənin Rusiyadan istəyi yenə NATO-nu qıcıqlandıracaq

BAKI, 14 iyun — Sputnik. Türkiyə prezidenti Rəcəb Tayyib Ərdoğan Rusiya prezidenti Vladimir Putinə birlikdə "S-500" zenit-raket kompleksinin (ZRK) istehsalını təklif edib. Sputnik Azərbaycan xarici mediaya istinadla xəbər verir ki, Ərdoğan Rusiyanın "S-400" ZRK-nın Türkiyəyə çatdırılması barədə müqavilənin şərtlərinin yerinə yetirilməsi ilə bağlı danışarkən bunu deyib.

"Rusiya bizə "S-400"-ləri çox sərfəli kredit şərtləri ilə verib. İkinci və üçüncü mərhələdə biz onu birgə istehsal etməyə başlayacağıq" — deyə Türkiyə lideri bildirib.

Ərdoğan Türkiyənin "S-400"-ləri almasına dair müqavilə ilə bağlı ABŞ və NATO-nun tənqidlərinə də cavab verib: "Onlar niyə Yunanıstanın əldə etdiyi "S-300"-lərlə bağlı susurlar? Türkiyəyə qarşı münasibətdə bu siyasəti anlamaq mümkün deyil. Bizim müdafiə sənayemizin öz tələbatları var və biz onları yerinə yetirmək istiqamətində səy göstəririk".

Ötən ilin dekabrında Türkiyə ilə Rusiya "S-400"-lərlə bağlı kredit müqaviləsi bağlayıb. Ankara Türkiyənin hərbi qulluqçularının xidmət edəcəyi iki hava hücumundan müdafiə sistemini satın alacaq.Tərəflər həmçinin "S-400"-lərin Türkiyədə istehsalının inkişafında texnoloji əməkdaşlıq mövzusunda da razılığa gəlib.

ABŞ və NATO nümayəndələri buna görə dəfələrlə Ankaranı tənqid ediblər. ABŞ dövlət katibinin köməkçisi Uess Mitçell bəyan edib ki, "S-400"-lərin alınması Türkiyəyə Amerika istehsalı olan "F-35" qırıcılarının verilməsinə neqativ təsir göstərəcək.

Ankara isə cavabında bildirib ki, belə olan təqdirdə qırıcıları başqa ölkələrdən alacaq. ""F-35" təyyarələri planlaşdırıldığı kimi Türkiyəyə təslim edilməlidir. Problem olacağı təqdirdə Türkiyə alternativsiz qalmayacaq. Onları Rusiya, ya da NATO üzvü olan hər hansı digər ölkədən ala bilərik" — deyə Türkiyənin xarici işlər naziri Mevlüt Çavuşoğlu "A Haber" telekanalına müsahibəsində bildirib.

Ərdoğan da öz növbəsində Birləşmiş Ştatları "F-35"-lərin onlara verilməsi barədə müqavilənin şərtlərini yerinə yetirməyə çağırıb: "Biz deyirik ki, ABŞ bizim strateji müttəfiqimizdir. Amma strateji müttəfiq bizə başqa qapıları döyməyi təklif etməməlidir".

2212
Teqlər:
"F-35" qırıcıları, ZRK, "S-500" zenit-raket kompleksi, "S-400" zenit-raket kompleksi, NATO, Vladimir Putin, Rusiya, Rəcəb Tayyib Ərdoğan, Türkiyə, ABŞ, prezident
Əlaqədar
Lavrov: "Türkiyəyə S-400 verilməsi Rusiya üçün risk deyil"
ABŞ "S-400"-lərə görə Türkiyəni sanksiya ilə hədələdi
Rusiya: S-400-ü ABŞ-a da sata bilərik
Türkiyə Rusiyadan S-400 zenit-raket kompleksləri alıb
Ərdoğan: "S-400"lə iş bitmir"
Rusiya XİN rəhbəri Sergey Lavrov, arxiv şəkli

Lavrov: "Moskva Ankara ilə Türkiyə-Ukrayna hərbi əməkdaşlığını müzakirə edəcək"

190
(Yenilənib 18:28 21.06.2021)
Biz türkiyəli həmkarlarımızla müntəzəm dialoqdayıq, yaxın vaxtlarda növbəti görüş gözlənilir.Biz türkiyəli həmkarlarımızla müntəzəm dialoqdayıq, yaxın vaxtlarda növbəti görüş gözlənilir.

BAKI, 21 iyun — Sputnik. Rusiya yaxın vaxtlarda Türkiyə ilə görüşlər zamanı həmçinin Ankara və Kiyev arasında hərbi əməkdaşlıq məsələlərini də müzakirə edəcək. Sputnik Azərbaycan xəbər verir ki, bunu bu gün keçirilən mətbuat konfransında Rusiyanın xarici işlər naziri Sergey Lavrov bildirib.

"Siz Ukrayna Xarici İşlər Nazirliyinin Ukrayna və Türkiyə hərbi-dəniz qüvvələri arasında əməkdaşlıq planları ilə bağlı bəyanatını qeyd etdiniz. Ukraynanı NATO-ya cəlb etmək cəhdləri ilə bağlı mövqeyimizi çox açıq şəkildə, birmənalı şəkildə bildirdik.

Şübhə etmirəm ki, ciddi, məsuliyyətli dövlətlər söhbətin nədən getdiyini yaxşı bilirlər. Biz türkiyəli həmkarlarımızla müntəzəm dialoqdayıq, yaxın vaxtlarda növbəti görüş gözlənilir. Mən düşünürəm ki, biz təbii ki, bu məsələyə dair də danışacağıq", - deyə Lavrov qeyd edib.

190
Moskvada Kremlə mənzərə, arxiv şəkli

General Kərəm Vəliyevin rəhbərlik etdiyi nümayəndə heyəti Moskvaya gedir

1550
Rusiya Federasiyası Müdafiə Nazirliyi tərəfindən təşkil edilən beynəlxalq konfransda qlobal və regional təhlükəsizlik məsələləri müzakirə olunacaq.

BAKI, 21 iyun — Sputnik. Azərbaycan Respublikası müdafiə nazirinin müavini general-leytenant Kərim Vəliyevin rəhbərlik etdiyi nümayəndə heyəti iyunun 22-dən 24-dək keçiriləcək IX Beynəlxalq Təhlükəsizlik Konfransında iştirak etmək üçün Moskva şəhərinə yola düşüb.

Sputnik Azərbaycan xəbər verir ki, Rusiya Federasiyası Müdafiə Nazirliyi tərəfindən təşkil edilən beynəlxalq konfransda qlobal və regional təhlükəsizlik məsələləri müzakirə olunacaq.

Beynəlxalq Təhlükəsizlik Konfransı

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik bir forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

 

1550
Teqlər:
general-leytenant Kərim Vəliyev, Beynəlxalq Təhlükəsizlik konfransı, Azərbaycan, Rusiya, Moskva
ABŞ bayrağı

Birləşmiş Ştatlar Avropa İttifaqı Belarusa sanksiya tətbiq etdi

0
Brüsselin sanksiya siyahısında isə 78 fiziki şəxs və 8 təşkilatın adı var. Sanksiyalar Avropa İttifaqının rəsmi jurnalında dərc olunduqdan sonra qüvvəyə minib.

BAKI, 21 iyun — Sputnik. Avropa İttifaqı və Birləşmiş Ştatlar Belarus vətəndaşları və təşkilatlarına qarşı yeni sanksiyalar qəbul edib. Bu barədə Sputnik Azərbaycan "RİA Novosti"-yə istinadən xəbər verir.

ABŞ Maliyyə Nazirliyinin məlumatına görə, sanksiyalar 16 fiziki şəxsə, həmçinin Belarus Milli Təhlükəsizlik Komitəsinə, Belarus DİN-inin Mütəşəkkil Cinayətkarlıq və Korrupsiya ilə mübarizə üzrə Baş İdarəsinə, Belarus DİN-in Daxili Qoşunlarına, Minskin Akrestsin küçəsindəki cinayətkarların təcrid olunması Mərkəzinə də şamil olunacaq.

ABŞ-ın sanksiya tətbiq etdiyi şəxslər siyahısında Belarus Prezidenti Aleksandr Lukaşenkonun mətbuat katibi Natalya Eysmont, Belarus Parlamentinin yuxarı palatasının spikeri Natalya Koçanova, Belarus Milli Təhlükəsizlik Komitəsinin "Alfa" xüsusi dəstəsinin komandiri Sergey Zubkov, Minskin milis rəisi Mixail Qrib, Belarusun ədliyyə nazirinin müavini Sergey Kalinovski və Belarusun Baş Prokuroru Andrey Şvedinin də adları var.

Brüsselin sanksiya siyahısında isə 78 fiziki şəxs və 8 təşkilatın adı qeyd olunub. Sanksiyalar Avropa İttifaqının rəsmi jurnalında dərc olunduqdan sonra qüvvəyə minib.

Siyahıda olan şəxslərin Aİ-də bütün aktivləri dondurulacaq və onların Aİ-yə səyahəti qadağan olunacaq.

Ümumilikdə Aİ-nin Belarusla bağlı tətbiq etdiyi üç sanksiya paketi çərçivəsində Aleksandr Lukaşenko da daxil olmaqla 166 Belarus vətəndaşı və 15 təşkilata qarşı sanksiya qəbul olunub.

0