Dobdurma

Rusiyada təhlükəli dondurmalar: Onlardan Azərbaycana da gətirilir

467
(Yenilənib 23:53 29.05.2018)
Rusiyada ən populyar 34 plombir markasını yoxlanıb: bağırsaq çöpləri, köhnə süd, kərə yağı əvəzinə bitki yağı, həddini aşan turşuluq…

BAKI, 29 may — Sputnik. Ekspertlər Rusiyada ən populyar 34 plombir markasını yoxlayıb və onlardan 3-nün keyfiyyətsiz olduğunu müəyyən edib.

Sputnik Azərbaycan Rusiya mediasına istinadla xəbər verir ki, bu barədə "Roskaçestva"nın sənədlərində məlumat verilib.

Yalnız üç növ plombir QOST-un keyfiyyət standartından kənara çıxıb. Bunlar Moskva vilayətində isthsal olunan "Russkiy xolod"un məhsulları, Tomsk istehsalı olan "Eskimos" və "Voloqodskiy Plombir"dir.

Keyfiyyət standartının pozulması halı 12 marka plombirdə aşkarlanıb. "Beloye zoloto" (Leninqrad vilayəti) və "Bodraya korova" (Belqorod vilayəti) markaları altında olan məhsullarda bitki yağları aşkarlanıb.

Dondurma, arxiv şəkli
© Sputnik / Макс Ветров

"Bu dondurmalar plombir sayıla bilməz, çünki onların tərkibi saxtalaşdırılıb" — deyə "Roskaçestva"dan bildirilib. Eyni zamanda plombir "Vaş plombir" və "Morojenoye ot Deda Moroza" dondurması adlandırıla bilməz. Çünki onların hər ikisinin tərkibində 11.5 faiz yağ var.

"Kak bılo" və "Sibxolod" (hər ikisi Omsk vilayətində istehsal olunur) dondurmalarının tərkibində nişasta göstərilməyib. "Artek" (Voloqod vilayəti) və "Volqoqradskiy plombir" (Volqoqrad vilayəti) dondurmalarının tərkibində isə bağırsaq çöpləri aşkarlanıb. "Volqoqradskiy plombir" dondurmasının tərkibində levomisetin antibiotiki, "Lipetskoye" plombirində isə tetrasiklin qrupu antibiotikləri tapılıb.

"Selo zelyonoye" (Perm vilayəti) plombirinin faktiki kütləsi 267 qramdır. Lakin onun üstündə 280 qram olduğu qeyd edilib. "Zolotoy standart" (Omsk vilayəti) və "Kak ranşe" (Sankt-Peterburq) plombirlərində turşuluğun norma həddini aşdığı müəyyən edilib. Daha doğrusu, onların istehsalında köhnə süddən istifadə edilib.

Dondurmalarla bağlı araşdırma Rusiyanın Moskva, Sankt-Peterburq şəhərlərini, Moskva ətrafını, Tatarıstanı, Leninqrad, Belqorod, Volqoqrad, Voloqod, Lipetsk, Nijeqorod, Novosibirsk, Omsk, Sverdlovsk, Tomsk vilayətlərini, Krasnodar, Perm, Primorsk və Stavropol diyarlarını əhatə edib.

"Roskontrol"un versiyasına görə, Rusiyanın ən ləzztəli dondurması "Zolotoy standart" sayıla bilər.

"Roskaçestva" heç bir qüsurun aşkarlanmadığı ən dadlı beş plombirin adlarını da açıqlayıb: "Russkiy xolod", "Çistaya liniya", "Filevski", "Nastoyaşiy plombir" və "Korovka iz Korenovki".

Qeyd edək ki, sözügedən dondurmaların əksəriyyətinə Azərbaycanda da rast gəlmək mümkündür. Yerli marketlərdə satılan Rusiya istehsalı olan dondurmaların keyfiyyət göstəricilərinin necə olduğu məlum deyil. Hər halda rəsmi Rusiya Keyfiyyət Sisteminin (Roskaçestva) açıqladığı bu hallara Azərbaycanın dondurma idxalçıları da nəzarət etməlidir.

467
Teqlər:
QOST, eskimos, plombir, dondurma, keyfiyyət, Rusiya
Əlaqədar
Əriməyən dondurma istəyirdinizsə, buyurun
Prezident məmurlara dondurma aldı
Ən qəribə dondurma növləri
Dondurma sevənlər üçün təhlükəli xəbər
Açıq havada əriməyən dondurma icad edilib
Buğda, arxiv şəkli

Rusiya buğdanın ixrac rüsumunu artırdı: Azərbaycan çörək imtahanından necə çıxacaq?

337
(Yenilənib 15:48 04.03.2021)
"Hesablamalar göstərir ki, işğaldan azad edilmiş ərazilərdə buğda istehsalının artması nəticəsində Azərbaycanda ərzaqlıq buğda ilə özünütəminat səviyyəsinin 70-75 faizə çatması mümkündür".

Xalid Məmmədov, Sputnik Azərbaycan

BAKI, 5 mart — Sputnik. Martın 1-dən etibarən Rusiya buğdanın ixrac rüsumunu iki dəfə artıraraq bir tonu üçün 50 avroya çatdırıb. Sputnik Azərbaycan RİA Novosti-yə istinadla xəbər verir ki, bununla bağlı fərman 2021-ci il yanvarın 26-da imzalanıb. Yeni rüsumlar bu ilin iyunun 1-dək qüvvədə olacaq. İyunun 2-dən etibarən isə dəyişkən ixrac rüsumu tətbiq ediləcək. 

Bəs, maraqlıdır Rusiyanın bu addımının Azərbaycana təsiri necə olacaq? Azərbaycanın işğaldan azad edilmiş ərazilərində taxıl əkilirmi?

İqtisadi İslahatların Təhlili və Kommunikasiya Mərkəzinin icraçı direktorunun müavini, aqrar sahə üzrə ekspert Ramil Hüseyn Sputnik Azərbaycan-a deyib ki, ölkəmizdə tarixən formalaşmış ərzaq istehlakı modelində çörək və çörək məhsullarının istehlakı mühüm yer tutur: "Bu baxımdan Azərbaycanın ərzaq təhlükəsizliyi konsepsiyasında da ərzaqlıq buğda ilə özünü təminat səviyyəsinin yüksəldilməsi məsələsi önə çıxır. Son illər ölkəmizdə ərzaqlıq buğda istehsalının artırılması istiqamətində kompleks işlər görülür və dövlət tərəfindən bu sahənin inkişafı subsidiyalaşdırılır".

O bildirib ki, Azərbaycanda ərzaqlıq buğda ilə özünütəminat səviyyəsi 60 faiz ətrafındadır və ölkəmiz bu sahədə idxaldan asılıdır:

"İşğaldan azad edilən ərazilərimizin təsərrüfat dövriyyəsinə cəlb edilməsi idxaldan asılılığın aradan qaldırılması istiqamətində mühüm rol oynayacaq. Ermənistan tərəfi işğal etdikləri ərazinin təxminən 90-100 min hektarlıq sahəsində taxıl becərdiklərini bəyan edirdi və hazırda həmin ərazilərin 70 faizindən çoxu Azərbaycan Ordusunun nəzarətinə keçib. Azərbaycan Ordusu əraziləri işğaldan azad etdikdən dərhal sonra həmin sahələr təsərrüfat dövriyyəsinə cəlb edilməyə başlayıb. İlk olaraq Cəbrayıl rayonu ərazisində 7 min hektar sahədə taxıl bitkisi əkilib. Yaz əkinlərinin davam edəcəyi, 20-25 min hektar sahədə taxıl əkiləcəyi proqnozlaşdırılır. Növbəti illərdə bu sahələrin daha da artırılması istiqamətində iş aparılacaq".

Ekspertin sözlərinə görə, orta müddətli dövrdə işğaldan azad edilmiş ərazilərimizin təsərrüfat dövriyyəsinə cəlb edilməsi nəticəsində kənd təsərrüfatında ümumi məhsul istehsalının 10 faiz artacağı proqnozlaşdırılır:

"Həmin ərazilərin təsərrüfat dövriyyəsinə cəlb edilməsi xüsusən də heyvandarlığın inkişafına töhfə verəcək. Eyni zamanda buğda ilə özünütəminat səviyyəsinin yaxşılaşdırılması istiqamətində nailiyyətlər əldə oluna bilər. Hesablamalar göstərir ki, həmin ərazilərdə buğda istehsalının artması nəticəsində Azərbaycanda ərzaqlıq buğda ilə özünütəminat səviyyəsinin 70-75 faizə çatması mümkündür. Hazırda həyata keçirilən siyasət də bu istiqamətdə qarşıya qoyulan hədəflərə nail olunacağını göstərir. Eyni zamanda Azərbaycanda iri təsərrüfatların yaradılması da buğdada məhsuldarlığın artırılmasına hesablanıb. Və qarşıdakı illərdə bu istiqamətdə daha yaxşı nəticələrin əldə edilməsi mümkündür".

"Ötən ilin rəqəmlərinə baxdıqda isə bizə aydın olur ki, hazırda əsasən ərzaqlıq buğdanı Rusiyadan idxal edirik. Belə ki, 2020-ci ildə 297 milyon ABŞ dolları dəyərində 1,3 milyon ton həcmində ərzaqlıq buğda Rusiyadan idxal edilib. İdxal edilən buğdanın orta qiyməti 216 ABŞ dolları olub. Azərbaycan ərzaqlıq buğdanın 98 faizindən çoxunu Rusiyadan idxal edib. Həmçinin cüzi miqdarda Qazaxıstandan da idxal həyata keçirilib", - deyə o qeyd edib.

Ekspert bildirib ki, 2020-ci ildə və 2021-ci ilin yanvar ayında dünya bazarında ərzaqlıq buğdanın qiymətində artım müşahidə olunub: "Şübhəsiz ki, bu da öz təsirini idxala göstərir. Azərbaycan hökuməti qabaqlayıcı tədbir olaraq 2021-ci ilin fevral ayının 1-dən may ayının 1-dək un istehsalçılarına satdıqları hər ton una görə 35 manat subsidiya verməyi qərarlaşdırıb. Bu qərar eyni zamanda ölkə daxilində unun qiymətinin artmamasına xidmət edir. Digər tərəfdən Azərbaycanda Dövlət Taxıl Fondu yaradılıb. Dövlət Taxıl Fondu da zəruri hallarda bazara məhsul təklif edir və bu sahədə qiymət artımının qarşısını almaq istiqamətində fəaliyyət göstərir".

"Azərbaycanın ərzaq təhlükəsizliyi konsepsiyasının tərkib hissəsi olaraq əhalinin un və un məmulatları ilə təminatı, xüsusən də çörək istehsalçılarına davamlı olaraq un təminatı istiqamətində işlər aparılır. Bu istiqamətdə son illər ölkə bazarında da sabitliyin qorunub saxlanması görülən işlərin əyani nəticəsidir. 2020-ci ildə quraqlıq buğda istehsalına müəyyən təsir etsə də 2021-ci illə bağlı proqnozlar daha müsbətdir. Belə ki, ölkədə buğda istehsalı artacaq. Ümumiyyətlə, 2021-ci ildə qlobal bazarda da daha çox buğda təklif olunacağı gözlənilir. Dünyada da buğda istehsalının artması ilə bağlı proqnozlar var. Bu isə onu deməyə əsas verir ki, görülən tədbirlər Azərbaycanda un və un məmulatlarının qiymətində kəskin dəyişmələrin qarşısını almağa yönəlib və hər hansı bir kəskin dəyişmələr proqnozlaşdırılmır", - deyə mütəxəssis əlavə edib.

Kənd Təsərrüfatı Nazirliyinin Aqrar Tədqiqatlar Mərkəzinin Analitika Departamentinin müdiri Səadət Hacıyeva Sputnik Azərbaycan-a deyib ki, 2020-ci ildə Azərbaycanın cəmi buğda idxalı 1 milyon 365.1 min ton olub: "Bunun da 1 milyon 349.8 min tonu Rusiyanın payına düşüb. Ötən il Azərbaycanın cəmi buğda idxalında 13.9% azalma olub. Azərbaycanın Rusiyadan buğda idxalının həcmi isə 3 faiz çoxalıb".

337
Rusiya Prezidenti Vladimir Putin, arxiv şəkli

Vladimir Putin "daha bir sarayı" haqda

971
(Yenilənib 23:34 04.03.2021)
Daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib.

BAKI, 4 mart — Sputnik. Rusiya Prezidenti Vladimir Putin "Biz birlikdəyik" ümumrusiya qarşılıqlı yardım aksiyasının iştirakçıları ilə görüşü zamanı "daha bir saray" haqqında zarafat edib. Bu barədə Sputnik Azərbaycan "RİA Novosti"-yə istinadən xəbər verir.

Belə ki, görüş zamanı prezidentlə əlaqəyə Leninqrad vilayətindən qız çıxıb. O, bildirib ki, Sterlnidən (Rusiya Federasiyası Prezidentinin İşlər üzrə idarəsi, "Konqreslər sarayı"nın yerləşdiyi yer) iki kilometr aralıda yerləşir.

"Yaxşı, əla. Daha bir saray kimi görünür, ona görə gələcəyəm. Amma onu mənim adıma yazmayın", - deyə Putin zarafatla deyib.

Qeyd edək ki, daha əvvəl Navalnının komandası yaydığı filmdə iddia olunur ki, Rusiya Prezidenti Qara dəniz sahilində özünə 100 milyard rubl həcmində saray tikdirib. Putin isə öz növbəsində bəyan edib ki, materialda göstərilən heç bir şey nə ona, nə də onun qohumlarına məxsus deyil".

971
Neft buruğu, arxiv şəkli

Azərbaycan neftinin qiyməti son bir ildə maksimum göstəriciyə çatdı

0
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

BAKI, 5 mart — Sputnik. Azərbaycan neftinin qiyməti bahalaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 2,95 dollar artaraq 67,70 dollar təşkil edib. Bu, son 13 ayın maksimum göstəricisidr.

"Brent" markalı neftin qiyməti 0,90 dollar artaraq 67,64 dollar, "Light" markalı neftin qiyməti isə 0,82 dollar bahalaşaraq 64,65 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0
Teqlər:
qiymət artımı, Azərbaycan, neft
Mövzu:
Neft qiymətləri ətrafındakı ajiotaj