Vladimir Putin və Serj Sarkisyanın görüşü. Moskva, Kreml, 10 mart 2016-cı il

Rusiya Ermənistandakı etirazlara müdaxilə edəcəkmi - Kremldən cavab

1390
(Yenilənib 16:04 23.04.2018)
Kreml: Yerevanda baş verənləri izləyirik, amma müdaxilə etməyə çalışmırıq

BAKI, 23 aprel — Sputnik. "Moskva Yerevanda baş verən hadisələri diqqətlə izləyir, lakin vəziyyətə mane olmağa çalışmır. Çünki bu, Ermənistanın daxili işidir". Sputnik Azərbaycan-ın məlumatına görə, bunu Rusiya prezidentinin mətbuat katibi Dmitri Peskov bu gün jurnalistlərə bildirib.

"Biz Ermənistanda baş verənləri çox diqqətlə izləyirik. Ermənistan bizim yaxın müttəfiqimizdir. O ölkələrdəndir ki, bizim munasibətlərimiz durmadan inkişaf edir" — deyə Peskov bildirib. Rusiya prezidentinin mətbuat katibi xatırladıb ki, Ermənistan həm də Avrasiya İqtisadi Birliyinin iştirakçısıdır.

"Moskva bu vəziyyətə müdaxilə etməyə hazırdırmı?" sualına cavabında Peskov soruşub: "Axı Moskva niyə müdaxilə etməlidir?".

"Rusiya Prezidentinin Administrasiyasına Gümrüdəki Rusiya hərbi bazasının hansısa xüsusi rejimə keçməsi və yaxud ümumilikdə, Ermənistanda rus hərbçilərinə hər hansı xitabın ünvanlanması barədə nəsə məlumdurmu?" sualına cavabında isə Peskov bildirib ki, bu suallar ona yox, Müdafiə Nazirliyinə ünvanlanmalıdır.

Xatırladaq ki, son günlər Ermənistanı kütləvi etiraz dalğaları bürüyüb. Ötən gün baş nazir Serj Sarqsyanla müxalifətin lideri Nikol Paşinyan arasında uğursuzluqla yekunlaşmış görüşün ardından, polisə nümayişi dağıtmaq əmri verilib.

"Yelk" fraksiyasının və "Mənim addımım" hərəkatının lideri Nikol Paşinyan, eləcə də onun fraksiyasının deputatları Ararat Mirzoyan və Sasun Mikaelyan həbs olunub. Bu gün ölkənin aparıcı universitetlərinin tələbələri və hərbçilər nümayişlərə qoşulub.

Bu gün baş nazirin birinci müavini Karen Karapetyan Paşinyanla görüşüb. Sonda Karapetyan Baş Prokurorluğa Paşinyanla bağlı seçilmiş həbs qətimkan tədbirinin ləğvi barədə müraciət edib. Nəticədə Paşinyan sərbəst buraxılıb.

1390
Teqlər:
proses, Yerevan, etiraz, Dmitri Peskov, Ermənistan, Moskva, Rusiya, hadisə, aksiya
Mövzu:
Ermənistanda etiraz aksiyaları (35)
Əlaqədar
Erməni müxalifəti yaxın hədəfinə çatdı
Ordu müxalifətin tərəfinə keçir, hərbçilər küçələrə axışdılar - Ermənistanda sensasiya
Yerevanda ajiotaj: Sarkisyan "Azərbaycan kartı"nı işə saldı
Ermənistanda etirazların ardı-arası kəsilmir, spiker müxalifət liderinə yalvarır
ABŞ bayrağı, arxiv şəkli

ABŞ-da Rusiyaya qarşı yeni sanksiyalar tələb edirlər

1
İstər Moskvada, istərsə də Donald Tramp administrasiyasında Rusiyanın "Talibanla sözləşməsi" iddialarını rədd edirlər.

BAKI, 2 iyul — Sputnik. ABŞ Konqresinin Nümayəndələr Palatasının spikeri Nensi Pelosi "Talibanla sözləşdiyinə görə" Rusiyaya qarşı sanksiyalar tətbiq etməyə çağırıb.

Sputnik Azərbaycan xəbər verir ki, Pelosi bunu MSNBC telekanalına müsahibəsində deyib. 

"Biz Rusiyaya qarşı sanksiyalar tətbiq etməliyik, özü də indi", – spiker bildirib.

İstər Moskvada, istərsə də Donald Tramp administrasiyasında Rusiyanın "Talibanla sözləşməsi" iddialarını rədd edirlər.

Əsassız iddialar

"The New York Times" dərc etdiyi məqaləsində iddia edib ki, Rusiya hərbi kəşfiyyatı Əfqanıstanda ABŞ əsgərlərinə hücumlara görə Talibanla əlaqəli olan yaraqlıları mükafatlandırır və ABŞ prezidentinə bu barədə məlumat verilib. Lakin bu iddiaya heç bir dəlil verilməyib.

Rusiyanın ABŞ-dakı səfirliyi isə ölkə rəhbərliyindən bu cür xəbərlərə görə diplomatlara edilən təhdidlərə adekvat cavab verməyi tələb edib. Xarici İşlər Nazirliyi mətbuatda yayılan xəbərləri saxta, Tramp isə sifariş adlandırıb. Ağ Ev, Pentaqon və ABŞ kəşfiyyatı bu hesabatların təsdiqlənmədiyini və Trampa "təhdidlər" barədə məlumat verilmədiyini deyib.

Rusiya prezidentinin mətbuat katibi Dmitri Peskov Rusiyanın Talibanla "sözləşməsi" barədə iddianı şərh edərkən bunun yalan olduğunu deyib.

1
Rusiya prezidenti Vladimir Putin

Putin seçicilərə təşəkkür etdi

5
(Yenilənib 17:52 02.07.2020)
Rusiya Prezidenti Vladimir Putin Konstitusiya düzəlişləri üzrə səsverməyə və onu dəstəkləməsinə görə rusiyalılara təşəkkür edib

BAKI, 2 iyul — Sputnik. Rusiya Prezidenti Vladimir Putin Konstitusiya düzəlişləri üzrə səsverməyə və onu dəstəkləməsinə görə rusiyalılara təşəkkür edib. Bu barədə Sputnik Azərbaycan "RİA Novosti"-yə istinadən xəbər verir.

"Əleyhinə səs verənləri anlayıram, həll edilməmiş xeyli sayda problemlərimiz var. Bu həqiqətdir", - deyə Putin qeyd edib.

O vurğulayıb ki, indi düzəlişlərin lehinə səs verən vətəndaşların etimadını doğrultmaq üçün hər şeyi etmək lazımdır.

Putin qeyd edib ki, SSRİ-nin dağılmasından sonra az vaxt keçib, siyasi sistemi də daxil olmaqla, müasir Rusiya formalaşma mərhələsindədir:"Biz çox şeydə hələ də həssasıq, xalq dilində desək "tələsik edilib". Ölkəni, onun bütün institutlarını gücləndirmək üçün daxili sabitliyə və zamana ehtiyacımız var".

Qeyd edək ki, iyulun 1-i keçirilən seçkilərdə Rusiyada seçicilərin 77,92% Rusiya Federasiyası Konstitusiyasına düzəlişlərin edilməsini dəstəkləyib.

Rusiya Federasiyası Konstitusiyasına dəyişikliklərin əlavə edilməsi üzrə ümumi Rusiya üzrə səsvermə 22 aprel tarixinə təyin edilmişdi, amma ölkədə epidemioloji vəziyyətə görə daha sonraya təxirə salınmışdı. Daha sonra Rusiya Prezidenti Vladimir Putin səsvermənin 1 iyulda keçiriləcəyini bəyan etmişdi. 25 iyundan 30-na qədər keçən və məsafədən təşkil edilən səsvermədə isə iki pilot regionun – Moskva və Nijeqorod vilayətlərinin sakinləri iştirak edə biliblər.

Konstitusiyaya dəyişikliklər nəticələrin rəsmi elan olunduğu gündən etibarən qüvvəyə minəcək.

5