Информационные технологии

Britaniya Rusiyanın kompüter şəbəkələrinə əks-hücuma hazırdır

54
(Yenilənib 22:58 15.04.2018)
Britaniya hökumətinin Rabitə Mərkəzi və Müdafiə Nazirliyi Rusiyanın Britaniyanın kompüter şəbəkəsinə mümkün kiberhücumuna qarşı cavab tədbirləri hazırlayıb.

BAKI, 15 aprel — Sputnik. Britaniya hökumətinin Rabitə Mərkəzi(GCHQ) və ölkənin Müdafiə Nazirliyi Rusiyanın Britaniyanın kompüter şəbəkəsinə mümkün kiberhücumuna qarşı "proporsional" cavab tədbirləri hazırlayıb.

Sputnik Azərbaycan-ın məlumatına görə, bunu The Sunday Times qəzetinə Britaniya xüsusi xidmətlərindəki mənbə bildirib.

Nəşrdə bildirilir ki, kiberekspertlər artıq Rusiyanın kompüter şəbəkələrinin məqsədlərinə qarşı müvafiq mövqeləri tutublar.

Bununla yanaşı, Birləşmiş Krallığın infrastrukturunun əsas obyektləri, məsələn, səhiyyə müəssisələri, hökuməti kiber təhlükələr barədə xəbərdar edib.

Məlumata görə, Skripal ailəsinin Solsberidə zəhərlənməsi ilə bağlı insidentdən sonra Britaniya kəşfiyyatı baş nazir Tereza Meyi Rusiya prezidenti Vladimir Putinin rejiminin cavab tədbirləri barədə xəbərdar edib.

Kəşfiyyat hesab edir ki, Putinin cavab zərbələri britaniyalı nazirlərə, parlament üzvlərinə və digər yüksək vəzifəli şəxslərə qarşı kompromatlar formasında ola bilər.

Qəzetin yazdığına görə, bu kompromatların Kremlin arxasında dayandığı hakerlər tərəfindən yayılması mümkündür. 

Məqalənin başlığında rusların Britaniya elitasını kirli kampaniyaya başlamaqla hədələdiyi bildirilir.

54
Teqlər:
Solsberi, Skripal, Rusiya, kreml, hakerlər, kiberhücum, Müdafiə Nazirliyi, Britaniya
Əlaqədar
Yeni kiber ordu: 500 hakerlə müqavilə imzalandı
Ekspert: “Azərbaycan kiber hücumlardan yetərincə qorunmayıb”
"Artsax kiber ordusu" Azərbaycan səfirliklərinə hücum edib
Rusiyalı hakerlər Pentaqona kiber hücum ediblər
Ermənistanda Rusiya hərbi bazası, arxiv şəkli

Ermənistan Rusiya ilə hərbi əməkdaşlığı davam etdirəcək

9
(Yenilənib 22:24 10.07.2020)
Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

 

BAKI, 10 iyul — Sputnik. Ermənistan yeni milli təhlükəsizlik strategiyası çərçivəsində Rusiya ilə hərbi əməkdaşlığını davam etdirəcək. Sputnik Azərbaycan xəbər verir ki, bu barədə Ermənistan hökumətinin saytında yerləşdirilən strategiyanın mətnində bildirilir.

Qeyd olunur ki, Ermənistan həm ikitərəfli, həm də çoxtərəfli formatlarda müdafiə və təhlükəsizlik sahələrində Rusiya ilə hərbi-siyasi, hərbi və hərbi-texniki əməkdaşlığı inkişaf etdirməyə davam edib.

Sənəddə, həmçinin vurğulanır ki, Yerevan üzv-ölkələrin maraqlarının effektiv şəkildə qorunması və strukturun institusional imkanlarının genişləndirilməsi naminə Kollektiv Təhlükəsizlik Müqaviləsi Təşkilatı (KTMT) çərçivəsində birgə təşəbbüslərdə aktiv şəkildə iştirak edir: "Ermənistan təşkilatın effektivliyinin artırılması və üzv ölkələrinin biri-birinə münasibətdə müttəfiqlik öhdəliklərinin yerinə yetirilməsi istiqamətində işlərini davam etdirəcək".

Sənəddə ABŞ-la əməkdaşlıq kontekstində hərbi-siyasi məsləhətləşmələrin və institutların islahatlarına yönələn qarşılıqlı əlaqələrin vacibliyi vurğulanır.

Sənəddə, həmçinin siyasi, ticari-iqtisadi, müdafiə və mədəni-humanitar sahələrdə Rusiya ilə strateji və müttəfiqlik əlaqələrinin inkişafı Yerevanın xarici siyasətində əsas prioritetlərindən biridir.

9
Rusiyada epdimioloji vəziyyət, arxiv şəkli

ÜST: Rusiyada koronavirus məhdudiyyətləri qayıda bilər

13
(Yenilənib 21:56 10.07.2020)
"Buna hazır olmaq lazımdır. Daha yaxşı olar ki, bu, tez olsun, virusun daha da yayılmasını gözləmək lazım deyil. Yanğın kiçik olanda söndürülməlidir", - Vuynoviç qeyd edib.

 

BAKI, 10 iyul — Sputnik. Ümumdünya Səhiyyə Təşkilatının Rusiyadakı nümayəndəsi Melita Vuynoviç ölkənin koronavirusa görə yenidən məhdudlaşdırıcı tədbirlər görmək məcburiyyətində qalacağını istisna etməyib.

Sputnik Azərbaycan xəbər verir ki, Vuynoviç bu barədə RİA Novosti-yə verdiyi müsahibəsində danışıb.

"Fiziki məsafə salxanılmasa, yoluxma halları artmağa başlasa sadəcə başqa bir yol qalmayacaq", - Vuynoviç bir sıra ölkələrdə olduğu kimi Rusiyada da bəzi qadağaların geri qaytarılacağı riskinin olub-olmadığı sualına cavabında bildirib.

Onun sözlərinə görə, qadağaların qaytarılması ehtimalı dünyada koronavirusa qarşı peyvənd və ya dərman olmadığı müddətcə mövcud olacaq.

"Buna hazır olmaq lazımdır. Daha yaxşı olar ki, bu, tez olsun, virusun daha da yayılmasını gözləmək lazım deyil. Yanğın kiçik olanda söndürülməlidir", - Vuynoviç qeyd edib.

Son məlumatlara görə, Rusiyada COVID-19 xəstələrinin sayı sutka ərzində 6509 artaraq 707301 təşkil edib.

13
Mövzu:
Dünyanı cənginə almış bəla
Əlaqədar
Rusiyada koronavirusdan ölənlərin sayı 11 mini keçdi
Avstraliya və Honkonqda koronavirus məhdudiyyətləri bərpa olunur
Koronavirusa yoluxub sağalmış şəxslərlə bağlı vacib məqam
Azərbaycanın xaricdəki bəzi diplomatları koronavirusa yoluxub
Həyatınızla eksperiment aparmayın - Koronavirusu müalicə "edən" dərman təhlükəli çıxdı
Belinda Norton, arxiv şəkli

Bədən tərbiyəsi müəllimi arıqlamağın sadə yolunu öyrədib

0
(Yenilənib 22:52 10.07.2020)
Avstraliyanın Kvinslend ştatının Qold-kost şəhərindən olan bədən tərbiyəsi müəllimi arıqlamağın indiyədək məlum olmayan və sadə üsulunu kəşf edib.

BAKI, 11 iyul — Sputnik. Avstraliyanın Kvinslend ştatının Qold-kost şəhərindən olan bədən tərbiyəsi müəllimi arıqlamağın indiyədək məlum olmayan və sadə üsulunu kəşf edib. Söhbət mətbəx rəflərini savadlı şəkildə ərzaqla təchiz etməkdən gedir.

Sputnik Azərbaycan "Daily Mail" nəşrinə istinadla xəbər verir ki, 43 yaşlı müəllim Belinda Norton mətbəxdə səliqə-sahman yaratdıqdan sonra onun qida vərdişləri dəyişib və sağlamlığı yaxşılaşıb. "Biz gündə bufetin rəflərinə 50 dəfə baxırıq. Bu hərəkət eynilə reklamın etdiyi kimi gözlərimizə və mədəmizə təsir göstərir", - deyə Norton bildirib.

O əlavə edib ki, mətbəxdəki səliqə-sahman idman və ya pəhriz rejimindən dəfələrlə daha effektiv, həmçinin sürətli arıqlamağa kömək edir. O, şkafın rəflərinə məhsulları aşağıdakı şəkildə yerləşdirməyi məsləhət görür: kulinariyada, məsələn, qoz-fındıq, çia toxumu və ədviyyat kimi tez-tez istifadə edilən və ən faydalı ərzağı ən görkəmli yerə yığmaq lazımdır. Aşağı rəflərə isə o, mühüm olmayan məhsulları — taxıl mənşəliləri, paxlalıları və makaronu yerləşdirir.

"Mənim əsas sirrim göz qabağında üzvi qidaları saxlamaqdır. Rəfləri bu cür məhsullarla doldurduğunuzda, düzgün seçim etmək ehtimalı daha çox olur", - avstraliyalı deyir.

Beləliklə, arıqlamaq üçün faydalı olan məhsullar həmişə Nortonun əlinin altında olur: sürətli hazırlanan yulaf lopaları, çətənə toxumu, günəbaxan və balqabaq (salatlar üçün əlavələr), düyü siropu, badam, kakao tozu və kokos yağı.

Uşaqlar üçün faydalı qəlyanaltılar valideynləri gözləmədən qəlyanaltı etmələri üçün aşağı rəflərdə saxlanılır. Norton qeyd edir ki, "mətbəx şkaflarındakı səliqə-sahman sizin sağlamlığınız və əmin-amanlığınız üçün çox vacibdir". "Bu, bizə ancaq lazım olan şeyləri almağa və pula qənaət etməyə yardım edir. Həmçinin bu, düzgün qərarların qəbul edilməsinə imkan yaradır və qidanın hazırlanmasında vaxta qənaət edir", - Norton bildirib.

Əvvəllər Avstraliyadan olan bir dietoloq arıqlamağın və çəkini lazımi səviyyədə saxlamağın altı sirrini açıqlamışdı. O, stressdən uzaq durmağı, daha çox salat və ya tərəvəz yeməyi, istehlak edilən yarımfabrikatların miqdarını azaltmağı məsləhət görürdü. O, həmçinin daha çox hərəkət etməyi, yeməkdən əvvəl və yemək zamanı su içməyi, şüurlu yeməyi tövsiyə edirdi.

0
Əlaqədar
Belə "əfsanə" heç bir kişinin, heç Lenqli xəfiyyələrinin də ağlına gəlməzdi
Əlinizdən gələni beş qaba çəkin - normal çəkiyə çatmaq üçün qızıl qaydalar
Məşhur azərbaycanlı arıqlamağın sirrini bölüşür
Məşhur teleaparıcı kraliça II Yelizavetaya baxıb arıqladı
Qəhvə necə arıqladır - alimlərdən yeni təcrübə