Здание МИД РФ

Cavab tədbirləri özünü çox gözlətmədi: Diplomatik savaş yeni mərhələdə

168
Rusiya ABŞ-ın Peterburqdakı Baş Konsulluğunu bağlayır

BAKI, 30 mart — Sputnik. Rusiya ABŞ-ın “Skripal işi” ilə əlaqədar atdığı addımlara cavab olaraq, bu ölkənin Sankt-Peterburqdakı Baş konsulluğunu bağlayır. Sputnik Azərbaycan-ın RİA Novosti-yə istinadən verdiyi xəbərə görə, bu barədə XİN rəhbəri Sergey Lavrov bildirib.

Nazir deyib ki, ABŞ-ın Rusiyadakı səfiri Con Hanstman Rusiya Xarici İşlər Nazirliyinə dəvət edilib və XİN başçısının müavini Sergey Ryabkov səfirə bu barədə məlumat verib. Lavrov bu addımın ABŞ-ın rusiyalı diplomatları öz ərazisindən çıxarmasına cavab olduğunu bildirib. 

Bundan əlavə, Rusiya 60 ABŞ diplomatını da ölkədən çıxarır, onlara aprelin 5-dək ölkə ərazisini tərk etmələrinə vaxt qoyulub. Bu barədə isə Rusiya XİN-in məlumatında deyilir.  

Ölkədən çıxarılan diplomatlardan 58-nin ABŞ-ın Moskvadakı səfirliyinin əməkdaşı, 2 nəfərin isə Yekaterinburqdakı Baş konsulluğunun işçisi olduğunu bildirilir.

Xatırladaq ki, ABŞ "Skripal işi"nə görə onlarla rusiyalı diplomatı ərazisindən çıxarıb.

168
Əlaqədar
Rusiyaya qarşı diplomatik müharibə elan edən Britaniya yeni hədəfini göstərdi
ABŞ və AB Rusiya ilə diplomatik müharibəyə başladı
Tramp "müharibə" siqnalı verdi: Rusiyalı diplomatlar qovula bilər
Daha iki ölkə Rusiya ilə diplomatik "müharibəyə" başladı