Kuzbassın vitse-qubernatoru Sergey Sivilev

Yanğın bölgəsində aksiya keçirilir, məmur sakinlər qarşısında diz çökdü - VİDEO

241
(Yenilənib 15:42 27.03.2018)
Kuzbassın vitse-qubernatoru "Qış albalısı" ticarət mərkəzində baş verən faciə ilə bağlı şəhər sakinləri qarşısında diz çökərək üzr istəyib

BAKI, 27 mart — Sputnik. Kuzbassın vitse-qubernatoru Sergey Sivilev "Qış albalısı" ticarət mərkəzində baş verən faciə ilə bağlı şəhər sakinləri qarşısında diz çökərək üzr istəyib. Sputnik Azərbaycan Rusiya mediasına istinadla xəbər verir ki, Kemerovo şəhərinin baş meydanında bu gün səhərdən etibarən dinc mitinq davam edir.

Цветы и мягкие игрушки возле здания торгового центра «Зимняя вишня» в Кемерово, где произошел пожар
© Sputnik / Александр Кряжев

Mitinqin başlanmasından 7 saat keçəndən sonra şəhər rəhbərliyi mitinqə toplaşanların dağılışmasını xahiş etsə də, mitinq iştirakçıları bundan imtina ediblər. Bundan sonra bələdiyyə rəhbərliyi tərəfindən mitinqçilərə verilən səsgücləndirici söndürülüb.

Sivilev mikrofonla danışmağa cəhd eləsə də, sonradan onun söndürüldüyünü görərək kütləyə birbaşa müraciət edib. "Mən sizdən üzr istəyirəm" — deyən Sivilev qəfildən düz çöküb. On saniyədən sonra o, ayağa qalxaraq deyib: "Rusiyada insanlar uzun müddət üzr istəyərkən diz çökürdü".

Vitse-qubernatorun bu addımını şəhər sakinləri alqışlayıblar. Sivilev, həmçinin məmurlar və ölənlərin qohumlarından ibarət komissiya yaratmağı təklif edib. Onun sözlərinə görə, komissiya araşdırmanın gedişində və ölənlərin xatirəsinin əbədiləşdirilməsində iştirak edəcək. Hazırda şəhər meydanına yüzlərlə sakin toplaşıb.

Kemerovodakı dördmərtəbəli ticarət mərkəzində yanğın bazar günü — martın 25-də baş verib. Yanğında 41-i uşaq olmaqla 64 nəfər faciəvi surətdə həlak olub. Hazırda 13 nəfər xəstəxanadadır. Onların çoxu dəm qazından zəhərlənib.

Prezident Vladimir Putin bu səhər Kemerovoya gedərək xatirə memorialına çiçək qoyub və faciənin baş verməsində günahı olanların cəzalandırılmasını tələb edib.

241
Teqlər:
Sergey Sivilev, vitse-qubernator, Kuzbass, "Qış albalısı" ticarət mərkəzi, sakin, şəhər, yanğın
Əlaqədar
Dəhşətli yanğının başlama anının videosu yayıldı
Dəhşətli yanğında 53 nəfər diri-diri yanıb - İtkin düşənlər də var
Dəhşətli yanğında ölənlərin sayı 40 nəfərə çatıb
Rusiyada dəhşətli yanğında 7 nəfər öldü - VİDEO
Sergey Lavrov və Ceyhun Bayramov, arxiv şəkli

Sergey Lavrov Moskvada Ceyhun Bayramovla görüşüb

11
Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

BAKI, 21 oktyabr — Sputnik. Rusiya Xarici İşlər naziri Sergey Lavrov Azərbaycandan olan həmkarı Ceyhun Bayramovla görüşüb. Sputnik Azərbaycan Rusiya Xarici İşlər Nazirliyinin mətbuat xidmətinə istinadən bildirdiyinə görə, məlumatda qeyd olunub ki, 20 və 21 oktyabr tarixlərində Rusiya Xarici İşlər naziri Sergey Lavrovun Azərbaycan Xarici İşlər naziri Ceyhun Bayramov və Ermənistan Xarici İşlər naziri Zöhrab Mnatsakanyan ilə ayrı-ayrılıqda görüşləri keçirilib.

"Danışıqlar zamanı Dağlıq Qarabağ münaqişə zonasında atəşkəsə dair daha əvvəl əldə edilmiş razılaşmaların həyata keçirilməsi və onun davamlı həlli üçün şərait yaradılması ilə bağlı təcili məsələlər müzakirə edilib", - deyə məlumatda qeyd olunub.

11
Su-34 təyyarəsi, arxiv şəkli

Rusiyada qırıcı qəzaya uğradı

16
"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər.

BAKI, 21 oktyabr — Sputnik. Rusiyaya məxsus "Su-34" qırıcısı Xabarovsk diyarında qəzaya uğrayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Müdafiə Nazirliyinin Şərq Hərbi Dairəsinin mətbuat xidməti məlumat yayıb.

"Su-24" təyyarəsi planlı təlim-məşq uçuşu həyata keçirərkən Xabarovsk diyarında qəzaya uğrayıb. Pilotlar katapult ediblər. Onların sağlamlığı üçün təhlükə yoxdur. Ekipaj üzvləri evakuasiya edilib", -deyə Şərq Hərbi Dairəsinin yaydığı məlumatda bildirilir.

Faktla bağlı araşdırmalar başlayıb.

16
Jurnalist, arxiv şəkli

"Hərbi forma geyinməyin!" - Əflatun Amaşov

0
Ermənistan tərəfdən də xarici media təşkilatları ilə sıx təmaslar var. Tutalım, bizimlə bağlı bir xəbər hansısa nüfuzlu media təşkilatının saytında gedirsə, onlar dərhal çalışırlar ki, onun əsassızlığını sübuta yetirib materialı sildirsinlər.

BAKI, 21 oktyabr — Sputnik. Azərbaycan Mətbuat Şurasının Sədri Əflatun Amaşov cəbhə bölgəsində fəaliyyət göstərən jurnalistlərə müraciət edib.

Sputnik Azərbaycan üraciət mətnini təqdim edir:

"Əziz və dəyərli cəbhə bölgəsində fəaliyyət göstərən jurnalistlər!

Çox çətin şəraitdə çalışırsınız. Həyat və sağlamlığınızla risk edirsiniz. Bu, Vətən qarşısındakı müstəsna və danılmaz xidmətinizdir. Sizə hörmət və ehtiramımızı bildiririk.

Əziz dostlar, həmkarlar, daxilinizdəki ruh yüksəkliyini və coşğunu da anlayırıq. Ancaq işinizi görərkən hərbi formada, hərbi forma rəng çalarları olan paltarlarda olmayın. Məsələ yalnız onda deyil ki, bununla özünüzü açıq hədəfə çevirirsiniz. Hərçənd bu da əsasdır. Daha bir əsas məsələ sosial şəbəkələrdəki, xüsusən "Facebook"dakı şəkillərinizdir. Ora hərbi formada, əldə silah şəkil qətiyyən qoymayın.

Yada salım ki, biz hərbi formada, əlində mikrafon, diktafon, çiynində avtomat olan erməniləri görürdük. Əsaslandırırdıq ki, onların başlarına bir iş gəlsə, ermənilər başlayacaqlar ki, Azərbaycan Ordusu jurnalistlərə atəş açıb.

Allah eləməsin ki, başınıza bir iş gəlsin. Canınızı sağ və sağlam olsun. Gün o gün olsun ki, hər biriniz tam qələbə xəbərlərinin müjdəçisi olasınız. Amma müharibədir, hər şey mümkündür. Müharibənin ağırlığını sizlərə izah etməyə heç ehtiyac yoxdur. Hər gün görür və yaşayırsınız...

Uzun sözün qısası, sizlərlə bağlı hansısa hadisəni beynəlxalq media ictimaiyyətinin diqqətinə çatdıranda, xarici həmkarlarımızın etdikləri ilk iş açıb "Facebook"da sizinlə maraqlanmaq olur. Bu halda qarşılarında hərbi formalı adam çıxanda məsələni diqqətə çatdıranlara, yəni bizə münasibətləri heç də yaxşı olmur. İlk təəssürat çox çox önəmlidir. Prinsipial olaraq gördüklərinə inanırlar. Belədə qaldırılan haqlı problem əhəmiyyətini itirir.

Üstəlik onu da nəzərə alın ki, Ermənistan tərəfdən də xarici media təşkilatları ilə sıx təmaslar var. Tutalım, bizimlə bağlı bir xəbər hansısa nüfuzlu media təşkilatının saytında gedirsə, onlar dərhal çalışırlar ki, onun əsassızlığını sübuta yetirib materialı sildirsinlər. Hər vasitəyə əl atırlar. Cəbhə bölgəsində olan jurnalistin hərbi formadakı şəklindən gözəl sübut isə yoxdur. Bunu mütləq qaydada nəzərə almağınızı xahiş edirəm.

Hər birinizə bol-bol uğurlar və cansağlığı arzulayıram!"

0
Mövzu:
Azərbaycan və Ermənistan arasında müharibə