BAKI, 19 mart — Sputnik. Rusiyanın hazırkı dövlət başçısı, martın 18-də keçirilən prezident seçkilərində iştirak edən Vladimir Putin ona səs verən hər kəsə təşəkkür edib.
"Nəticəyə görə çox sağ olun" deyə o bildirib.
O həmçinin tərəfdarlarını gələcək barədə fikirləşməyə çağırıb.
Qeyd edək ki, Putin bu çıxışı seçkinin qalibi əhval-ruhiyyəsində edib. Belə ki, protokolların 35%-nin sayılmasından sonra seçicilərin 73,73%-nin səsini toplamış Vladimir Putin birinci yerdədir.
Rusiyada keçirilən budəfəki prezident seçkilərində səkkiz namizəd iştirak edir — Vladimir Putin, Pavel Qrudinin, Vladimir Jirinovski, Kseniya Sobçak, Qriqori Yavlinski, Maksim Suraykin, Boris Titov və Sergey Baburin.
