Mariya Zaxarova

Rusiya qalmaqallı iddianı təkzib etdi: Bizdə "Artsax" nümayəndəliyi yoxdur

486
(Yenilənib 14:43 15.03.2018)
Mariya Zaxarova: "Moskvada "Artsax Respublikası"nın heç bir nümayəndəliyi mövcud deyil"

BAKI, 15 mart — Sputnik. "Moskvada "Artsax Respublikası"nın heç bir nümayəndəliyi mövcud deyil. Bu sual necə yaranıb və kütləvi informasiya vasitələrinə necə düşüb?"

Sputnik Azərbaycan-ın məlumatına görə, bunu Rusiya Xarici İşlər Nazirliyinin mətbuat xidmətinin rəhbəri Mariya Zaxarova bu gün keçirdiyi brifinqdə, Moskvada Azərbaycanın işğal olunmuş ərazilərində qurulan separatçı rejimin nümayəndəliyinin olduğu barədə suala cavabında bildirib.

Zaxarovanın sözlərinə görə, qondarma "DQR"in nümayəndəsi olduğu qeyd edilən Albert Andriyan hazırda Ermənistan Respublikasınını Rusiyadakı səfirliyinin müşaviridir: "Hər halda o, Rusiyanın Xarici İşlər Nazirliyində məhz bu adla akkreditasiyadan keçib".

"Rusiya mövcud razılaşmalar çərçivəsində Qarabağ münaqişəsinin həlli ilə bağlı bütün öhdəliklərə sadiqdir və bu çox mürəkkəb məsələnin tam şəkildə nizamlanmasına fəal surətdə cəhd göstərir" — deyə Rusiya XİN-in rəsmisi bildirib.

Özünü qondarma "DQR"-in prezidenti adlandıran Bako Saakyanın ABŞ-a səfəri barədə suala cavab verən Zaxarova "bu sualın bizimlə əlaqəsi yoxdur" deyib. Zaxarova deyib ki, əgər söhbət Rusiyadan getmirsə, kiminsə bir regiondan digər regiona səfər etməsi barədə sualın ona ünvanlanması da qəribədir: "Əgər söhbət ABŞ-dan gedirsə, bu sualı da ABŞ-a ünvanlamaq lazımdır".

Qeyd edək ki, Dağlıq Qarabağ separatçılarının "prezident"i Bako Saakyan martın 14-də bir sıra tədbirlərdə iştirak etmək üçün ABŞ-a gedib.

Moskvada keçirilən tədbirdə Rusiya-Artsax Dostluq Cəmiyyətinin yaradılması haqqında məlumat verildiyi Zaxarovaya xatırladıldıqda isə, o deyib: "Rusiya-Artsax Dostluq Cəmiyyətinin yaradılmasını şərh etməyə ehtiyac görmürəm. Bu barədə mənə heç nə məlum deyil. Mən sadəcə dəqiqləşdirə bilərəm".

"Səfərin detalları da mənə məlum deyil. Rusiyada müxtəlif ictimai təşkilatlar fəaliyyət göstərir. Bizim üçün əsas olan odur ki, həmin təşkilatlar Rusiya qanunvericiliyinə zidd fəaliyyət göstərməsin" — xanım sözçü vurğulayıb.

Xatırladaq ki, bu il fevralın 22-də Moskvada "Azad Artsax 30 il" adlı dəyirmi masa keçirilib. Burada Albert Adriyan "Artsax Respublikasının Moskvadakı daimi nümayəndəsi" adı altında iştirak edib. O, tədbirdə Rusiya-Artsax Dostluq Cəmiyyətinin yaradılması haqqında məlumat verib.

486
Teqlər:
Rusiya-Artsax Dostluq Cəmiyyəti, Albert Andriyan, qondarma "DQR", nümayəndəlik, "Artsax Respublikası", Bako Saakyan, Mariya Zaxarova, Xarici İşlər Nazirliyi, Ermənistan, Moskva, Rusiya, səfirlik
Əlaqədar
Politoloq: “Britaniya Rusiyanın Şərqi Avropada apardığı siyasətdən narahatdır”
Milli Məclisin komitə sədri: "Rusiya xalqının düzgün seçim edəcəyindən əminik"
"Rusiyanın münaqişənin həllində ciddi aktivliyi müşahidə olunur"
Kosmosda peyk, arxiv şəkli

Son altı ildə ilk dəfə - Rusiya kosmosa yeni peyk göndərir

6
(Yenilənib 21:52 06.07.2020)
"Peykin kosmodroma çatdırılması iyul ayına, onun orbitə buraxılması isə avqust ayında planlaşdırılır", - deyə mənbə agentliyə bildirib.

BAKI, 6 iyul — Sputnik. Rusiya son 6 ildə ilk dəfə Plesetsk kosmodromundan yeni nəsil naviqasiya peyki "Qlonass-K"nı orbitə buraxacaq. Sputnik Azərbaycan xəbər verir ki, raket kosmik sahədə olan mənbə qeyd edib ki, peykin avqust ayında orbitə buraxılacağı gözlənilir.

Peykin havaya buraxılması istehsalda gecikmələrlə bağlı mart ayından bəri təxirə salınırdı.

"Peykin kosmodroma çatdırılması iyul ayına, onun orbitə buraxılması isə avqust ayında planlaşdırılır", - deyə mənbə agentliyə bildirib.

Qeyd edək ki, ilk belə peyk Rusiya tərəfindən 2011-ci ilin fevralında kosmosa göndərilib, hazırda o, testdən keçirilir. İkinci "Qlonass- K" 2014-cü ilin dekabrında orbitə çıxarılıb və 2016-cı ilin fevralından o öz təyinatı ilə işləyir.

6
Moskvada koronavirusa yoluxanan xəstələrin müalicə aldığı hospital

Rusiyada bir gündə 135 nəfər koronavirusdan öldü

4
(Yenilənib 19:00 06.07.2020)
Ümumilikdə, Rusiyada bu xəstəliyə yoluxanların sayı 687682-yə çatıb. Rusiyada pandemiya yayılandan 10296 nəfər COVID-19-dan vəfat edib. Bir sutka ərzində virusdan sağalanların sayı isə 3579 nəfər olub. Bununla da bu ölkədə virusdan sağalanların sayı 454329-u keçib.

BAKI, 6 iyul — Sputnik. Bir sutka ərzində Rusiyada 6611 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 135 nəfər ölüb.

Ümumilikdə, Rusiyada bu xəstəliyə yoluxanların sayı 687682-yə çatıb. Rusiyada pandemiya yayılandan 10296 nəfər COVID-19-dan vəfat edib. Bir sutka ərzində virusdan sağalanların sayı isə 3579 nəfər olub. Bununla da bu ölkədə virusdan sağalanların sayı 454329-u keçib.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda dünyada virusa yoluxanların sayı 11,4 milyonu keçib, 531 mindən çox adam isə virus səbəbilə ölüb.

4
Arxeoloji qazıntılar, arxiv şəkli

Yeddi min ilin sirri - Polşada qədim xəndəklər aşkar edilib

0
(Yenilənib 23:51 06.07.2020)
Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

BAKI, 7 iyul — Sputnik. Arxeoloqlar qrupu Polşanın şimalında naməlum mənşəli xəndəklər sistemi aşkarlayıb. Sputnik Azərbaycan xarici mətbuata istinadla xəbər verir ki, tədqiqatlarla müəyyən edilib ki, hündürlükdən onlar tək şəkil kimi görünürmüş.

Xəndəklər ilk dəfə "Google Maps" və "Google Earth" xəritələrinin köməyi ilə gözə çarpıb. Alimlərin fikrincə, obyektlərin 7 minə yaxın yaşı var.

Polşada daha əvvəl buna bənzər tapıntı aşkarlanmayıb. Ancaq Slovakiyada, Çexiyada, Macarıstanda və digər ölkələrdə buna bənzər çıxıntılar - quruluşlar hələ də qalıb.

Xəndəklər bir mərkəz ətrafında oval şəklində qazılıb və bəzi yerlərdə torpaq "körpülər" qorunub saxlanılıb.

Xəndəklərin eni üç metr, dərinliyi iki metrdir. Ən böyüyünün diametri 85 metr təşkil edir. Yəqin ki, qədim tayfalar onları sümük alətlərinin köməyi ilə qazıblar, bu da çox səy və vaxt tələb edib. Arxeoloqların sözlərinə görə, gil torpaqlarda müasir avadanlıqlarla belə qaıntı aparmaq çətindir.

Elm adamları bu quruluşların ritual məna kəsb etdiyini düşünürlər. Ancaq burada hansı ayinlərin keçirildiyi hələ müəyyən edilməyib. İçəridə olan qədim kömür izləri burada hansısa tikilinin olduğunu və sonradan yandığını sübut edir.

0