Флаг НАТО перед штаб-квартирой Альянса в Брюсселе, фото из архива

"Soyuq müharibə"dən bu yana Rusiyaya qarşı ən böyük "əzələ nümayişi"

357
(Yenilənib 22:46 08.03.2018)
NATO Rusiya sərhədində 45 min hərbçinin iştirakı ilə böyük təlim keçirəcək

BAKI, 8 mart — Sputnik. ABŞ Dəniz Piyadaları komandanı general Robert B. Neller NATO ölkələrinin Rusiya sərhədlərində 45 min hərbçinin iştirakı ilə böyük təlim keçirəcəyini bildirib. Sputnik Azərbaycan "Milliyet"ə istinadla xəbər verir ki, ABŞ Konqresinin Nümayəndələr Palatasındakı sessiyada çıxışı zamanı Neller oktyabr ayında NATO-nun böyük təlimi olacağını bildirib.

"Bu təlim "soyuq müharibə"dən bu yana ən böyük hərbi təlim olacaq. Onlarla döyüş gəmisi və təyyarənin iştirakı ilə keçiriləcək təlim Norveç sahillərində baş tutacaq", — ordu generalı bildirib.

Təlimin keçiriləcəyi regionla bağlı dəqiq məlumat verməyən Neller, yalnız Rusiya sərhədləri yaxınlığında olacağını işarə edərək deyib: "Əminəm ki, Rusiya tərəfindən təşəbbüslər olacaq. Amma güman edirəm ki, bu, ABŞ-ın yeritdiyi strategiyanın ciddiliyini, NATO müttəfiqlərimizin onları qorumaq üçün bizi orada görmək istədiklərini göstərir".

Qeyd edək ki, daha əvvəl Neller Norveçdə yerləşdirilmiş hərbçiləri, regionda böyük müharibənin başlayacağı barədə xəbərdarlıq etmişdi.

357
Teqlər:
Robert B. Neller, hərbi təlim, general, hərbçi, NATO, sərhəd, Rusiya, ABŞ
Əlaqədar
Vəlizadə: “Azərbaycan Rusiya və NATO üçün neytral partnyordur”
NATO-nun Rusiya-Türkiyə yaxınlaşmasına reaksiyası gecikmədi
NATO-Gürcüstan birgə hərbi təliminə Rusiyadan sərt reaksiya
"Hədə-qorxuya baxmayın, NATO Rusiya ilə hərbi qarşıdurmaya getməz"
Rusiyada koronavirusa yoluxanan xəstələrin müalicə aldığı hospital, arxiv şəkli

Rusiyada bir gündə 500-dən çox adam koronavirusdan öldü

7
(Yenilənib 15:15 25.11.2020)
Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

BAKI, 25 noyabr — Sputnik. Son bir sutka ərzində Rusiyada 23 675 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 507 nəfər ölüb.

Ümumilikdə, Rusiyada bu xəstəliyə yoluxanların sayı 2162503-ə çatıb. Rusiyada pandemiya yayılandan 37538 nəfər COVID-19-dan vəfat edib. Ölkədə bu virusdan sağalanların sayı 1660419-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7
Teqlər:
ÜST, korona virusu, Koronavirus, epidemiya, COVID-19, Rusiya
Rusiya Prezidenti Vladimir Putin və Türkiyə Prezidenti Rəcəb Tayyib Ərdoğan

Ərdoğan Qarabağa görə Putinə zəng vurdu

65
(Yenilənib 09:58 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

65
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ
Xəritə, arxiv şəkli

Tsakurinin Hünərli, Quşçubabanın isə Baharlı adlandırılması təsdiqlənib

0
(Yenilənib 19:06 25.11.2020)
Prezident "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

BAKI, 25 noyabr — Sputnik. Prezident İlham Əliyev "Azərbaycan Respublikasının Xocalı rayonunun Quşçubaba kəndinin Baharlı kəndi adlandırılması haqqında" qanunu təsdiq edib.

Sputnik Azərbaycan-ın məlumatına görə, qanuna əsasən, Azərbaycan Respublikasının Xocalı rayonunun Qarabulaq kənd inzibati ərazi dairəsi tərkibindəki Quşçubaba kəndi Baharlı kəndi adlandırılıb.

Prezident İlham Əliyev həmçinin "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

Qanuna əsasən, Azərbaycan Respublikasının Xocavənd rayonunun Çiraquz kənd inzibati ərazi dairəsi tərkibindəki Tsakuri kəndi Hünərli kəndi adlandırılıb.

0
Teqlər:
təsdiq, qanun, Xocavənd, Xocalı