Yapon dənizi

İtən gəmidəki azərbaycanlılarla bağlı yeni xəbər var

297
(Yenilənib 13:54 25.01.2018)
"Onlar arasında əcnəbilərin olduğu haqda məlumat yoxdur və hər hansı ölkədən müraciət daxil olmayıb"

BAKI, 25 yanvar — Sputnik. Yapon dənizində itən "Vostok" balıqçı gəmisinin göyərtəsində olan hər iki azərbaycanlı Rusiya vətəndaşıdır. Sputnik Azərbaycan bu barədə Rusiya mətbuatına istinadən xəbər verir.

Yapon dənizi, arxiv şəkli
© Photo : Rusiya FHN-in Xabarovsk diyarı üzrə Baş idarəsinin mətbuat xidməti

"Dənizçilər — 1991-ci il təvəllüdlü Ruslan Əlizadə və 1972-ci il təvəllüdlü Mübariz Hüseynov Rusiya vətəndaşlarıdır. İtən gəmidə 20-yə yaxın Rusiya vətəndaşı olub. Onlar arasında əcnəbilərin olduğu haqda məlumat yoxdur və hər hansı ölkədən müraciət daxil olmayıb" — yerli mətbuat rəsmi qurumlara istinadən yazır.

Xatırladaq ki, Yapon dənizində göyərtəsində azərbaycanlıların da olduğu gəmi itib. Sputnik Azərbaycan Rusiya mətbuatına istinadla xəbər verir ki, "Vostok" balıqçı gəmisinin axtarışı zamanı iki xilasedici jilet tapılıb. Helikopter axtarışlara cəlb edilsə də, heç bir izə rast gəlinməyib.

Məlumata görə, balıqçı gəmisi Cənubi Koreyanın Homsk limanına doğru hərəkət edirmiş. Bu gün səhər gəminin ekipajı qəza siqnalı verib və bundan sonra gəmi ilə əlaqə itib.

Verilən məlumata görə, gəminin göyərtəsində 21 nəfər olub. Əvvəlki məlumata görə, onlar arasında Moldova, Rusiya və Azərbaycan vətəndaşları olub. Qəza radio-siqnalının ötürüldüyü əraziyə sahil mühafizə xidmətinin gəmisi, xilasedici-yedəkçi gəmi və BE-200 təyyarəsi göndərilib.

Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyevin Sputnik Azərbaycan-a verdiyi məlumata görə, itən gəminin göyərtəsində olan azərbaycanlılardan hələ heç bir xəbər yoxdur: "Onların axtarışına bu gün səhər saatlarından başlanılıb".

Rus mətbuatı yazır ki, gəmi neytral sularda olduğu üçün axtarışlar uzun çəkir. Hazırda dənizdə suyun hərarəti 0 dərəcədir.

297
Teqlər:
vətəndaş, Rusiya, azərbaycanlı, "Vostok" balıqçı gəmisi, Yapon dənizi
Əlaqədar
Göyərtəsində azərbaycanlıların olduğu gəmi dənizdə yoxa çıxıb
İranın Xəzərdəki nəhəng hərbi gəmisi iki hissəyə parçalanıb
Gəmi qəzasına görə 3 günlük matəm elan edildi
Partlayıcı maddə yüklü Türkiyə gəmisi saxlanıldı
Daha bir gəmimiz xarici sularda istismara buraxılıb
Məktub, arxiv şəkli

UNESCO-ya müraciət etmiş rusiyalı mədəniyyət xadimlərinə məktub göndərilib

17
(Yenilənib 20:24 02.12.2020)
UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb

BAKI, 2 dekabr — Sputnik. Məlum olduğu kimi, Rusiya Federasiyasının bir qrup mədəniyyət xadimi Qarabağda yerləşən xristian irsinin qorunmasına və bu irsin UNESCO-nun Dünya irsi siyahısına salınmasına köməklik göstərilməsi ilə bağlı UNESCO-ya müraciət edib.

Dağlıq Qarabağda və ətraf rayonlarda erməni işğalı zamanı çoxsaylı müsəlman irsi abidələrinin dağıdılmasına baxmayaraq, müraciətdə yalnız xristian irsi haqqında bəhs edilməsi, eləcə də Azərbaycan ərazisindəki bütün tarixi, mədəni, dini irsin heç bir ayrı-seçkilik qoyulmadan dövlət tərəfindən qorunması və hökumətin bu məsələyə çox ciddi yanaşması nəzərə alınmayaraq, müraciətin birbaşa UNESCO-ya ünvanlanması onun qərəzli və məqsədli şəkildə hazırlandığını və ölkəmizə qarşı qarayaxma kampaniyasının bir hissəsi olduğunu göstərir.

Sputnik Azərbaycan xəbər verir ki, məsələ ilə bağlı Azərbaycan Respublikası Mədəniyyət nazirinin birinci müavini, nazirin vəzifələrini müvəqqəti icra edən Anar Kərimov tərəfindən müraciəti imzalayan mədəniyyət xadimlərinə məktub göndərilib.

Məktubda öncə Ermənistan tərəfindən uzun müddət işğal altında saxlanılmış Azərbaycan ərazilərində mədəni irsimizin dağıdılması, əksər hallarda həm müsəlman, həm də xristian irsinin məhv edilməsi haqqında məlumatlar əks olunub. Eyni zamanda Azərbaycanın müxtəlif şəhərlərində yerləşən həm dini (müsəlman, xristian, yəhudi), həm də mədəni irsin dövlət tərəfindən qorunması ilə bağlı faktlar diqqətə çatdırılıb.

Bundan əlavə, rusiyalı mədəniyyət xadimlərinə qeyd etdikləri narahatçılıqla bağlı Azərbaycan Hökumətinə deyil, birbaşa UNESCO-ya müraciət ünvanlamalarına görə irad bildirilib və onlara erməni təbliğatının qurbanı olmamaq tövsiyə edilib.

Məktubun sonunda müraciəti imzalamış mədəniyyət xadimləri işğaldan azad olunmuş ərazilərdə 30 ilə yaxın davam etmiş dağıdıcılıq və talançılığın nəticələrini, həmçinin ölkəmizdə mədəni irsə necə qayğı göstərildiyini görmək üçün Azərbaycana dəvət olunublar.

Qeyd etmək lazımdır ki, UNESCO-ya göndərilən müraciət bir sıra tanınmış şəxslər və mədəniyyət xadimləri tərəfindən də birmənalı qarşılanmayıb və çoxsaylı tənqidə məruz qalıb.

17
Teqlər:
irs, mədəniyyət xadimləri, Rusiya, Dağlıq Qarabağ, UNESCO
COVID-19 virusundan ölən şəxsin meyiti morqa yerləşdirilir, arxiv şəkli

Rusiyada koronavirusdan ölənlərin sayı durmadan artır

6
(Yenilənib 18:03 02.12.2020)
Ümumilikdə, Rusiyada bu xəstəliyə yoluxanların sayı 2 347 401-ə çatıb. Rusiyada pandemiya yayılandan 41 053 nəfər COVID-19-dan vəfat edib.

BAKI, 2 dekabr — Sputnik. Son bir sutka ərzində Rusiyada 25 345 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 589 nəfər ölüb.

Ümumilikdə, Rusiyada bu xəstəliyə yoluxanların sayı 2 347 401-ə çatıb. Rusiyada pandemiya yayılandan 41 053 nəfər COVID-19-dan vəfat edib. Ölkədə bu virusdan sağalanların sayı 1 830 349-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 63,8 milyonu keçib, 1,48 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Teqlər:
test, Rusiya, korona virusu, Koronavirus, epidemiya, COVID-19
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

0
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

0
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT