BAKI, 6 dekabr — Sputnik. Rusiya Federasiyası baş nazirinin müavini Vitali Mutko ömürlük olimpiya oyunlarında iştirakdan məhrum edilib.
Sputnik Azərbaycan bildirir ki, qərar BOK İcraiyyə komitəsinin Lozannadakı iclasında qəbul edilib. Rusiyanın keçmiş idman nazirinin müavini Yuri Naqornıxa qarşı da analoji qərar qəbul olunub.
Qeyd edək ki, Beynəlxalq Olimpiya Komitəsinin İcraiyyə Komitəsi Rusiya yığmasının 2018-ci ildə Cənubi Koreyanın Pxençan şəhərində keçiriləcək Qış Olimpiya Oyunlarında iştirakına da qadağa qoyub.
