Полицейский автомобиль в Москве, фото из архива

Rusiyada azərbaycanlı biznesmen oğurlanıb

185
(Yenilənib 20:21 29.10.2017)
Faktla bağlı araşdırma aparılır

BAKI, 29 oktyabr — Sputnik. Rusiyada Azərbaycan əsilli şəxs oğurlanıb.

APA-nın verdiyi məlumata görə, hadisə oktyabrın 25-də Peterburqun Viborq rayonunda Engels prospektində baş verib.

Dəbilqə geyinmiş 3 silahlı şəxs 48 yaşlı kişini evinin yaxınlığında oğurlayıb. Həmin an müşahidə kamerasına düşüb. Onlar öncə kişini yerə yatırır, sonra isə “Volkswagen Caravelle” markalı göy rəngli mikroavtobusa əyləşdirirlər. Daha sonra həmin şəxslər oğurladıqları kişinin 45 yaşlı həyat yoldaşına zəng açıb və ərinin azadlığa çıxması üçün 1,5 milyon avro tələb ediblər. Oğurlanan şəxs Astara rayonunun Ərçivan kəndində anadan olub, hazırda Peterburqun Prosveşeniya prospektində qeydiyyatdadır. O, əvvəllər ərzaq daşınması ilə məşğul olan kiçik firma sahibi olub, firma 2013-cü ildə bağlanıb.

Faktla bağlı araşdırma aparılır. 

185