Moskva şəhəri

Erməni gənc Rusiyanı şoka saldı: 100-dən çox ölü...

5561
(Yenilənib 13:30 18.10.2017)
Taksi sürücüsü Moskvada 100-dən çox adamı zəhərləyərək öldürüb

BAKI, 18 oktyabr — Sputnik. Moskvada taksi sürücüsü işləyən Ermənistan vətəndaşı, 29 yaşlı Vaan Karapetyan müştərisini zəhərləməkdə təqsirli bilinərək, azadlıqdan məhrum edilib. Sonradan işin araşdırılması zamanı, onun digər şəxslərin öldürülməsində əli olduğu ilə bağlı şübhələr meydana çıxıb.

Sputnik Azərbaycan Rusiya mediasına istinadla xəbər verir ki, taksi sürücüsünün kirayədə yaşadığı mənzildə aparılan axtarış nəticəsində, 20 ədəd cib telefonu, 190 ədəd güclü psixotrop klozapin həbi və 98 ədəd qol saatı aşkarlanıb.

Karapetyan Rusiya Cinayət Məcəlləsinin ehtiyatsızlıqdan zərərçəkənin ölümünə şərait yaratmaq, sağlamlığa xəsarət yetirmək və sağlamlığa ağır zərər yetirməklə qarət maddələri ilə ittiham olunub. O, bu il iyunun 30-da radioaparıcı Artur Bitovun ölüm faktı üzrə cinayət məsuliyyətinə cəlb edilib. 2017-ci il oktyabrın 16-da Karapetyan Moskva ətrafında tutulub və onun barəsində həbs qətimkan tədbiri seçilib.

Həmin ərəfədə Bitovu küçədə uzanmış vəziyyətdə tapıblar. Ekspertiza onun orqanizmində zəhər aşkarlayıb.

Rusiya İstintaq Komitəsinin Moskva üzrə Baş İstintaq İdarəsi rəhbərinin köməkçisi Yuliya İvanova bir müddət əvvəl bildirib ki, bu il aprelin 9-da Moskvada Dvintesa küçəsində, üzərində xəsarətlər olan 51 yaşlı kişi meyiti aşkarlanıb. Ekspertiza onun etil spirti və psixotrop preparatdan zəhərləndiyini müəyyən edib.

İstintaqın məlumatına görə, V. Karapetyan 2015-ci ildən taksi fəaliyyəti ilə məşğul olub. O, 2015-ci ildən "Mercedes" markalı avtomobili ilə taksi xidməti göstərirmiş. Onun müştərilərinə psixotrop maddələr verərək zəhərlədiyi və onları qarət etdiyi məlum olub.

Rusiya KİV-ləri bu taksi sürücüsünün Moskvada 100-dən artıq şəxsi öldürdüyünü ehtimal edir.

5561
Teqlər:
taksi sürücüsü, Vaan Karapetyan, zəhər, istintaq, Ermənistan, Moskva, Rusiya
Əlaqədar
Allahşükür Paşazadə: "Erməni tərəfi bizim təkliflərimizlə razılaşırdı"
Erməni tərəfi yenə sükutu pozub
İki erməni əsgəri güllələndi
Erməni deputat: "Anam Bakıdandır və buraya gəlmək mənim üçün şansdır"
Avropada erməni təxribatının qarşısı alınıb
Erməni xalqına çağırış: "Sarkisyan rejimindən qurtulmasanız... "

Azərbaycanlı müğənnini Rusiyanın ən çox qazanan blogeri ilə "sevgili" etdilər

25
Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Amma oğlanın adını heç kim bilmir.

BAKI, 3 mart - Sputnik. Rusiya KİV-i Azərbaycan əsilli populyar müğənni Jony-nin (Cahid Hüseynli) məşhur videobloger Dina Sayeva ilə sevgili olduğunu yazır. Sayeva ən çox pul qazanan Tik-Tok vlogerlərindəndir. 

Bu qızın sevgilisi, demək olar ki, hər gün ona iri çiçək dəstələri göndərir, o isə bunları sosial şəbəkələrdə paylaşır. Bu günlərdə göndərilən buket, az qala, kol boyda imiş.

Sayeva sevgilisinin adını gizləyir. Ancaq Rusiya KİV-ləri yazır ki, onun sevgilisi Jony-dir. Yeri gəlmişkən, Cahid də bu şayiələri təsdiqləməyə tələsmir.

Dina Sayeva Tacikistandandır. TikTok-un rusdilli seqmentinin ən populyar hesabının sahibidir. 2020-ci ildə Rusiya Forbes-u onu ən çox qazanan tiktokerlərin siyahısında ikinci sırada göstərmişdi.

2020-ci ilin sonunda Sayeva musiqi karyerasına başladı. Debüt mahnısı isə "Səni axtarıram" ("Я ищу тебя") oldu.

Jony dörd yaşı olanda valideynləri ilə Azərbaycandan Moskvaya köçüb. Uşaq vaxtından populyar olmaq istəyib və nəhayət, arzusunu gerçəkləşdirib. Öz dediyinə görə, populyarlaşmasında sosial şəbəkələr böyük rol oynayıb. Bakıda ilk dəfə "Jara-2019" musiqi festivalında çıxış edib. 

Müğənni azərbaycanlı ifaçı Elman Zeynalovun təsis etdiyi Raava Music musiqi leyblının artistləri sırasındadır. 2019-cu ildə ВКонтакте-nin versiyasına görə, ilin "Ən qabaqcıl" müğənnisi adını alıb. Onun "Xiyaban" ("Аллея") sinqlı isə 5 qat platin statusu alıb. 

 

25

Dağıstanda vəhşi quşlar naməlum səbəbdən qırılır

7
(Yenilənib 19:06 03.03.2021)
Yerli balıqçılar deyirlər ki, torları daha dərinə salmağa məcbur olublar, çünki balıqdan çox quş leşi ovlayırlar

BAKI, 3 mart - Sputnik. Dağıstanın Aqraxan və Mahaçqala yaxınlığındakı "Qarışqa yuvası" körfəzlərində vəhşi quşların kütləvi surətdə qırılması qeydə alınıb.

Bu barədə RİA Novosti-yə Xəzər Təbiəti Mühafizə Mərkəzinin rəhbəri Zaur Qazipov bildirib. 

Quşların leşini ilk olaraq həvəskar balıqçı Ömər Əliyev aşkarlayıb. O, sosial şəbəkədə video və foto paylaşaraq ekoloqlarla hökumət nümayəndələrinin diqqətiniu cəlb edib.

"Aqraxan körfəzində ördək və qu quşlarının kütləvi surətdə ölməsi barədə bizə məlumat daxil oldu. Sahil patrulunu, Mərkəzin alim və əməkdaşlarını, eləcədə DDU-nun Ekologiya və Davamlı İnkişaf İnstitutunun mütəxəssislərini əraziyə göndərdik. "Qarışqa yuvası"nda bir neçə cür ov quşu, ördəklərlə qu quşları ölüb. Onlardan laboratoriya analizləri üçün bioloji material götürülüb. Bir neçə versiyanı gözdən keçiririk: ya brakonyerlər vurublar, ya da zəhərlənmə, xəstəlik olub", - Qazipov deyib.

Ömər Əliyev isə hesab edir ki, səbəb suyun bulanıq olmasıdır.

"Aqraxan körfəzi həmişə şəffaf suyu ilə məşhur olub. Bir aydır ki, suyun bulanıqlığı keçmir. Pis qoxu, yaxud da suyun üzündə çirk ləkəsi yoxdur. Quş leşi həddən çoxdur. Yarımcanlar da çırpınaraq can verir. Yerli balıqçılar deyirlər ki, torları daha dərinə salmağa məcbur olublar, çünki balıqdan çox quş leşi ovlayırlar. Ovçular deyirlər ki, quşlar yağlıdır, yəni ölüm səbəbi aclıq deyil", - Əliyev deyir.

7
Teqlər:
ov, qırılma, ölüm, quş, Dağıstan
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0