BAKI, 3 oktyabr — Sputnik. Basketbol üzrə Rusiya milli komandasının 30 yaşlı idmançısı Yekaterina Lisina Ginnesin Rekordlar Kitabına düşüb. Sputnik Azərbaycan Sports Illustrated-ə istinadən xəbər verir ki, qadın basketbolçu dünyanın ən uzunayaqlı insanı kimi adını rekordlar kitabına yazdırıb.
İdmançı 205 sm boya malikdir. Onun ayaqları 133 sm, bədənin yerdə qalan hissəsi isə 72 sm-di. 2008 Pekin Olimpiyadasının bürünc mükafatçısı kişilərin ona münasibətini belə şərh edib: "Yalnız özünə güvənən kişilər mənə yaxınlaşa bilərlər".
